滾得招積~滾得棧~

早前信義妹同六仔發現到值得推介的邊爐地方
當然就會同信義爸、信義媽再去一次啦~
擇日定於信義爸跟信義媽的生日 (他們的生日只差一日)

雖然有少少山長水遠~去到深井，但天后店未試過，就去間試過先~
BOOK 了8點，放工碌到入去

今次encore 麻辣湯底~再加個胡椒豬肚湯底~~
點好湯底就進行混醬大行動

今次太餓啦~忘記幫個湯底留個倩影
點了皇帝菜

山長水遠來到當然不少得牛魔王跟牛心頂

牛心頂十分爽脆~適合愛有咬口的朋友

象拔蚌丸

四寶丸(已包括蝦丸了)
但原來都是皇牌的蝦丸跟象拔蚌丸最正~

豬腰跟豬粉腸都encore

仲有最後皇牌生炒糯米飯~

生炒糯米飯有驚喜呀~
怪不得上次見到差不多每枱都有點這個
大家都食得滿意呢~~
路程有點兒遠~但食得滿意都值呢~

蒸魚的誘惑

近來發現自己盡顯為食本色
差不多篇篇BLOG都是食食食同食
無辦法啦~近期都是食多過做其他野~

這段時間，我的飯堂繼華星之後，有其他選擇了
就是偉記了
看來生意越來越難做
有日公司收到偉記傳單~
$32就有蒸魚外賣套餐，仲有湯送!?!?!!?
抵呀!!!
有勇於嘗試的精神就叫一叫啦~

傳單上寫明需要制作一小時，所以都有心理準備等候
半小時多少許飯盒就到啦~
一打開~~有驚喜呀~

很大的蒸鯇魚腩，豉油另上~
配菜亦都有很多
飯有一大盒~對於女孩子來講，一盒可以分兩餐來食lu~

這個價錢有這樣的質素確實值得一讚~~

咋糊回想曲

講了好幾次睇中醫
不如今日就講講因為什麼突然下了生BB 的決定
其實之前有好多三姑六婆七叔八公都催
好多時都忍不住都要講句"催咩催，而家又唔係你俾錢"
婚後，由於有一段時間信義妹情緒越現越烈，所以一直都徘徊於想的邊緣
曾經有一次都有問六仔，想不想要小朋友
(其實有種問來都廢的感覺，我們向來都喜歡小朋友，自己的小朋友當然想要)
當問到時間的時候，六仔停了一停..............一年後.............
我自己倒覺得什麼時候都沒有太大問題，只是覺得湊是一個大問題
另外，當時撞正龍年...............我十萬個不願意在那一年成孕
其他十一個生肖都已經有未出世就已經爭床位，出世就爭學位的感覺。何況龍年.................
我總不信要成材就一定要在龍年出世

雖然六仔是想有小朋友，但婚後的我..........好似不太雀躍於這方面。可能婚前要面對的已經夠多了，好不容易情緒才穩定一點兒。總不想又有一堆問題再現.....................

直到某一日...........
信義妹份工忙就很多人都知，但忙到m 期不準都是第一次
初初都不以為意的，遲頭三日還寄望第四日會來
結果到延誤第四日的時候..........咳先生愛上了我...............都是有些沒公德的人惹的禍
那刻就快快睇醫生，一入到去醫生就問有沒有懷孕..............
鬼知咩..............表示M 小姐未來就叫我十日後再驗................

一下子就有那麼多藥................
雖然醫生話這些藥連孕婦都食得，但都註明是有需要先食...............
咳到連肺都就吐出來一定有需要啦~
結果.........食唔食都沒有大分別.............還嚴重了.....................


誰知........一星期過去了，自己都開始有點兒動搖...........
(因為有好幾個朋友在非常安全的情況下..........都成孕...............有個仲要兩胎...........)
自己都在想六合彩唔中，難道偏偏今次就中.................
自己就越諗越迷..............結果................就膽粗粗去驗下................

好明顯...........乜都驗唔到啦..................
跟住有個朋友仔話她到8week 先驗到..........
我由last m 開始計都是5 week..............
我倆又再驚過.............六仔這一刻先開始睇書，可見臨渴先掘井
大家不要忘記，信義妹那一咳是有嚴重的咳呀
瞓不到不得止...............仲要咳到嘔..................

跳跳虎仲要被六仔施以酷刑.....................

連牠都無眼望我..................

我們又試其他方法，由於未有疑似個案都不喜歡食西藥.................有疑似個案就更加不想......
試了第一回的燉橙

坊間的偏坊，據聞飲一飲格外醒神，食一食舒筋活絡
確實，試完第一個之後咳的情況確實好轉了很多
不過只限一晚

每次食完都有一種氣管舒緩的情況

既然有點兒好轉
隔幾晚又再試另一個燉橙

不能說沒有功效.......................只是相對要好起來還有好大段距離

又再隔幾天
燉橙三號登場

m 小姐仍然未探訪我，咳先生仍然跟我抖纏不清

到這一刻大家都會奇怪，既然驗孕棒沒有，就應該沒有啦~
可是我又有其他可能顯示懷孕的特徵

例如: 會不會特別累呀?
老實說................我咳到嘔了..........整夜難眠，最差的時候是六仔要抱著我半座式地睡，才睡到10分鐘..........我又怎會不覺得特別累呀........................

再例如: 胃口有沒有特別轉變?
這個確實有的呀~ 最常食的牛筋米線..............在這段期間............一食就嘔................嘔到連早餐都嘔埋......................真是出盡全力去嘔...........=.=''' 另外，嗜辣的我(平常假設10匙辣椒油)都不覺得什麼辣..........現在............4匙都嘔............又嘔..................=.='''''''

曾經有一段時間我變態到想試下究竟我是食牛筋嘔，還是食米線嘔，又還是牛筋米線先嘔.................當然最後六仔反對了..................

又例如: 會不會突然無胃口?
我連聲都唔想出.............何來有胃口食呢.....................不用嘔我就食

所以我們都被混淆了........................

三個燉橙的試驗階段已過
時間又過了一星期
仍然都沒有什麼結果..........................

那一刻最常講的說話是" 你一係就俾我驗到，一係M 小姐快快報到"

六仔開始找其他方法令我跟咳先生斷絶來往
龍脷葉加石黃皮煲湯

對於與咳先生難捨難離的我，此湯應該需要長期飲用才可以達到痊癒的效果
飲完此湯，不能即時跟咳先生立即分手，但可以暫緩他熱烈的情緒

如是這.........又過一星期
確實連我自己都不知道自己憑什麼可以捱 過這麼多星期......................
完全不知情況的信義媽，突然見狀就教六仔燉川貝俾信義妹

OH!!!! very good!!!!
食第一次咳先生已經開始冷靜下來，可以重新考慮跟信義妹分手
信義妹終於可以邁向穩定了

最後M 小姐遲了三星期都未曾探訪
唯有出最後的絶招..............入院...............

我們都等了五個小時呀~
老實話，那麼多年未試過遲那麼多，不擔心就假的
結果醫生表示沒有懷孕，我跟六仔都鬆一口氣了
身體亦沒有異變，可能是情緒及工作影響罷了

最離譜的是.............................一出醫院...............M 小姐就報到了.....................
你應該早一點啦

經歷這幾星期其實都發現自己都滿心期待自己體內懷有小生命，好幾次還想真的有就好了的心態。但亦都覺得什麼都還沒準備好的情況下，我們真的可以迎接小生命的來臨嗎? 我本人是傾向well plan 的人，有surprise彷彿不是我的喜好。那一刻又驚又擔心，最終都是咋糊，哈哈哈

之後信義妹就開始爬文，睇更多的書；六仔都彷彿積極了兩天地看書，找資料。期望下一次再有咋糊疑雲的時候，可以安然面對，最少..................不似今次那樣荒先啦~

我來了~~何院長~~

轉眼就已經是第三次診症
身體有明顯改善
但藥仍然明顯地苦........................
院長那裡仍然有長長長的人龍...................

院長雖然問診的速度快
但加的藥仲快(以光速加呢~~~嘻嘻)
藥又大包了~
有種越飲越大包的感覺

今次院長一把脈就出事了
事因信義妹又有新老細了，新老細話要請食LUNCH
我這個奀薯又點會SAY NO.................食什麼都是老細話啦
我只是出席就好了
老細想食日本菜，就去了吧
當中有二人餐，每人大約有三片刺身...............
信義妹都知個死字點寫啦
上網都有睇過有BLOG 友都話院長會鬧人
我就當然不想俾錢俾人鬧啦
所以那三塊刺身就等到室溫先食(其實都冒險..........陣間有菌就瀉餐死...........好彩那次都大步跨過)
其他的食物都是熟食的，沒有什麼炸品
LUNCH 後就拼命地飲水(那一刻只是覺得院長可能把脈的時候，會把到寒，所以盡量令到身體變暖)
當然結果不是我這樣想的啦
院長一把脈............就話:" 想調理好身子就咪食刺身啦!"
我頓時呆了............聽人講什至乎好多時中醫都會話"生冷野"........但如此一矢中的..........都是第一次
那一刻只可以...................應一聲"知道............"
六仔跟我都有一百個為什麼在頭呢.........................
(後來知道了.....................為什麼院長會知道我是食了刺身..........不是飲了汽水，不是吃了雪糕......遲下再跟大家分享)

花球襟花長征之旅

寫到幾大長老同呢兩位主角既花品了
雖然我們構思連實踐是用了大半天完成
但................時間是由下午三時至凌晨三時...................
簡直鐵人耐力賽呀~~~

由零開始的長老襟花

一針一針編出來的呀~~
成品稍後再POST

六仔跟我發奮前的樣子

其中一項材料
最愛是她呢~

 

六仔做到一半的時候.....................信義爸終於都出手啦~

很快就定了初形

六仔就忙其他襟花..........
其他就開始各就各位


經過一輪扎鐵工程~
完成了

再完成埋新郎襟花

六仔擅長煮飯，不擅長手工藝
到凌晨三時

個樣都已經殘到爆了........................
哈哈哈

午巿飯堂~華星冰室~

通脹嚴重，而家閒閒地灣仔食個午餐都要三十幾蚊，叫普通茶餐廳外賣都要三十蚊。曾經食過一間三十幾蚊的常餐................完全脫離正常的軌道...........只可以講句，生活迫人..................

反正都三十幾蚊，我何不走到一間比較衛生，服務比較好的一間呢~

所以華星就開始變為飯堂了

雖然繁忙時間要齊人先入坐，但侍應哥哥都好好，會俾個位你坐住等，又好禮貌
當然乾炒牛河、楊州炒飯都不會出現
這裡通常都是麥兜方式的常餐即是午餐，午餐即是快餐的套餐
叉燒意粉~~~份量足夠~~

最喜歡的厚身多士跟滑蛋

多士上枱的時候都是熱烘烘的~~~熱烘烘+軟綿綿=絶配

大家有無試過呀?

 

另一出色紫蘿蘭

早前都有寫過信義妹偏愛紫蘿蘭
可能受信義爸影響吧~

早兩日另一盤都開花了
今次是紫紅色~
遲下開多少少花，再post 更多相出來

想睇多啲花花相，可以到facebook 專頁呀~~~

芝味鳥

信義妹向來跟山旯旮地方有不解緣
由細住到大的都是山旯旮地方
婚後都不例外，雖說地區的感覺不山旯旮，但四周仍然搵食艱難

而附近的pizza 亦是常光顧食店之一
我們都不大愛pizza hut
因為食物越來越縮水啦
質量亦都不大穩定

初時附近的是pizza man
可惜應該都不敵租金，轉手給芝味鳥

可惜轉手後麻辣脆雞失傳了
現時的脆雞.............不太好食..............脆醬太多

PIZZA 有濃濃的芝士味
抵讚之選

而套餐價錢都算是抵食
二百多有飯有麵，有大PIZZA，仲有小食
通常我倆就可以當兩餐食啦~

大大大堆頭~下篇~

上次影完一大堆材料之後，今次終於POST 下制作程序
先整兩個demo 睇下版

整完個版大家都覺得ok 的時候，就大量生產了

弄到手都軟了
六仔呢方面沒有太大天份..................所以只可以坐在一邊打打氣
信義媽用一針一針縫出來的呀~~~

連自己都做到不理儀容了

個樣勁街坊..............
有成品睇了

這個系列總共兩set
兄弟姐妹收到勁鍾意呢~~~~

 

挑戰辣之極限

有睇我專頁的朋友，一早就知道我已經走去挑戰這間的激辣指數
可惜當日挑戰完之後都覺得原來是小兒科

話說有日睇到副刊介紹這間廣島沾麵

就一直想試
因為形容辣得噴火，而最高可以挑戰二百度辣的只有少數人
何謂二百度呢?
一度代表1cc 的辣汁
二百度則代表200cc的辣汁
看得我心癢癢，日叫夜叫六仔同我去食
可惜六仔一拖再拖，拖到而家先帶我去食

一入到店，店員十分有禮貌為我們遞上點菜紙

六仔點了冷的廣島麵為1.5個麵底
我就點了熱的廣島麵為1個麵底

六仔就當然是0度辣啦
我就以100度辣起
因為看到店裡的一句，途中可再加辛辣汁，就以最高的200度的一半起標吧!!

order 後就開始睇下店的裝修啦~

芝麻山呀~~~~~~~~~~~~~可以自己任加~~~~~~~

上菜速度快~
好快就有得食啦~
六仔的

配汁是不辣的

我的~~~

有半熟蛋

叉燒~這個比六仔的香

主角來了~~~~
100度的辣汁

食一啖~六仔問感覺怎樣?
我覺得沒有什麼大不了
所以就一口氣叫侍應幫我加到200度辣
跟住待應呆了.................還再三確定...............難道我看來就是如此食不到辣!?!?!?!?
最終都加到200度辣，仲跟六仔講:"乜一啖水都唔飲既........................"
(我心諗...........駛唔駛咁驚訝呀..............)
六仔就見慣不怪..............

200度辣汁登場~

食完..........說實話............如果他們有三百度挑戰板, 我想我一定會參加
但既然只有二百度挑戰板..............那再多都徒然，沒有再加了

食完侍應就俾一塊木板我diy 跟住上板了

這邊的是二、三十度的挑戰者

這邊就開始是見到七、八十度的挑戰者

頭兩行都是200度的挑戰者
我在第二行第一位呀~~~^^

畫好後，職員會幫你放上去的呀~~~
這是我的挑戰牌~~

遲下跟一家幾口再來~~
哈哈哈

廣島沾麵本舖爆彈屋
地址:銅鑼灣駱克道453號地下