We are buddy~Buddy's Kitchen~

餐廳裝修花心思，有一種俾情侣拍拖的感覺
可惜門口那張限時的紙就大殺風景
當晚去都唔多人，所以無為意我地有無超時
只可以慨歎而家舖租貴，商戶都想多翻枱

有DINNER SET
都算多有得揀

我地兩個人每人叫咗一個DINNER SET
湯同沙律二揀人
南瓜湯~ 香甜濃郁，但我喜歡加少少黑胡椒加添少少辛辣味

平時出面多見用碗或者湯碟盛湯
呢間就用簡約的杯來，有一點兒特色

沙律方面，認為汁太酸，醋略為多了一點，不太適合我口味
但烟鴨胸抵讚唔太鹹，夠鬆軟，仲可以食到淡淡的肉汁
唔似出面有啲一係鹹到暈，一係硬到好似食鴨乾咁

主菜方面
兩個都抵讚
一來到只係賣相都令人讚歎
很美~~~~睇見都想食~~~
牛扒~~5成熟控制得剛剛好
焗薯皮，平時出面好多都會係薯條或者薯角
呢間絶不HEA 做，連配角都好好打扮
最讚都係燒蒜
惹味，完全無諗過蒜都可以拌菜之一
平時多見的都係蘿蔔仔，西蘭花
有特色!!!

帶子墨魚汁飯，咸味適中
香味濃郁
但帶子就略為淡味

餐飲就應該算最無特別的地方
因為有很多都要加錢
唔加錢就有普通既檸茶檸水咖啡

兩杯都無大驚喜
只可評普普通通

總結，都值得再去的一個地方
地方不太寬敞
如果有大袋既朋友可以請待應幫你先存放好

地址:大圍積存街20號地下

韓風熱潮~韓食角~

OPPA帶起很多人對韓風既熱愛
除咗韓燒，一提起泡菜就一定會諗起韓國
九龍灣每到午飯時間一間小小的店就會有人龍既出現
廚師係韓國人，太太久不久都來幫手

第一次試就已經留下美好回憶
廚師每次都係笑臉迎人，
不論你只係在面前走過的路人甲乙丙，定係幫襯的食客
面對人多單多，仍然笑笑的~~~~

點了泡菜豬肉飯$38
下單後要到美味點俾錢
呢頭俾完錢，就已經可以拎飯啦~~
有速度!!!!!

　

先試下個飯先，香軟
食得出並非一般茶餐廳的米

到食泡菜豬肉啦~
豬肉用咗腩肉部份，愛瘦的姐妹記得呢個唔係瘦架!
腩肉唔油，厚薄適中
泡菜味道濃烈所以食唔到腩肉的香，但食到滑
泡菜同街買的不一樣，帶少少甜
不太辣，對本人來講辣度適中，另多少少酸
食落更開胃
相信呢泡菜係廚師的獨門秘技

另外仲有其他選擇

想食既朋友記得要早啲去
試過遲去的就揀唔到自己想想既野架啦

有驚喜的Bubble Tree

朋友聚會，但忙到上氣唔接下氣
兩個都唔記得諗食乜
咁唯有約個地點等，四圍逛下有咩食啦
逛逛下就見到呢間啦~~~
BUBBLE TREE
店面細細，但人龍長長
堂食坐位唔多，亦都唔叫好坐
但見到條人龍都覺得值得一試既

我地就一於一個坐低拎定位
一個就排隊買食物啦~~~~
俾錢都ORDER 食物既形式都似快餐店既
但係就唔需要自己捧餐
拎咗碼牌就會有專人捧到你枱上架啦

先來咗個前菜
有沙律同蒜蓉包

蒜蓉包~ 味道香，牛油夠多
好明顯我就係嗰啲日日話減肥，減極都仲係肥嗰批啦
配埋蒜蓉簡直想encore多客呀!

沙律~ 醬汁味道不太啱我口味~~
太酸
但係材料都算新鮮

餐飲中規中距無咩特別

主菜來啦~~
有烟三文魚蒜香意粉
賣相不差
意粉食落乾身有咬口
愛蒜香人士必叫的
烟三文魚份量亦都比預期的多

另一個主菜就係素
愛green monday 的大家就可以點呢個啦
芝士香濃
菇亦都唔算細
但車厘茄個感覺就少咗少少..................多番少少就好啲啦
醬汁方面唔夠杰身
同埋太淡
長通粉唔奮咁點汁既話就完全食唔到有味

總結，店面細細但係人流多，食物新鮮
可以再來

地址:觀塘成業街7號東廣場地下G43號舖

翠田坊~茶記的美味~

一向都少行去田心村覓食既
因為唔近屋企，見今日兩個都早收工
一於去下睇下有咩好野食啦~

行到見到差唔多就見到
翠田坊
都算多人幫襯
咁啱有枱就呢間啦~~~~

除咗餐牌之後
仲會有塊白板寫今晚有咩好餸既

一坐低就已經有例湯啦~~~~
湯都叫清甜，唔會淡而無味

經推介下點牛尾煲

牛尾炆得冧
骨同肉輕一咬就已經骨肉分離
薯仔同蘿蔔入曬牛的酥香味
汁就濃杰適中
搞到我地不停餸汁撈飯

下一味都係推介美極蝦

蝦炒得夠乾身
醬汁完全同蝦殼合二為一
令到連殼都想食埋
蝦夠爽夠彈牙~

總結兩味小菜都令人非常滿意