麻辣新刺激~FESTIVA米線陣~

天氣熱胃口麻麻好多時都會想搵番少少刺激
信義妹係辣妹就更加離不開辣
見到米線陣有辣食就成為不二之選

睇咗一陣係
麻辣蕃茄肥牛魚腐米線同
大汗豬扒擔擔米線之間淨扎
究竟邊個會辣啲呢?
究竟邊味會令信義妹吃得痛快呢?
爭扎下豬扒打羸肥牛
點了大汗豬扒擔擔米線

大汗豬扒擔擔米線 $43
來到先被麻醬香迷住了
再被辣油香氣吸引
有香氣濃烈既莞茜蓋面
莞茜控一定開心到不得了
湯比想像之中稠
但就因為稠所以能令到每一條米線都能掛上醬汁
令到米線味道不會淡而無味
湯底除麻醬還帶有陣陣鮮甜
米線軟硬度適中

豬扒酥軟
除了面的辣粉
仲有一大片辣油鋪底
辣油仲有脆粒
夾埋一齊食，
口感有多種層次變化
豬扒酥軟，脆粒香口
辣味亦有不同既層次
由辣油既香再去到辣粉既刺激辛辣
不過對信義妹來講就可以再辣多點啦

愛辣的人不妨一試
同場見到有客人食到大汗加細汗
原來大汗豬扒既名係咁來既~~

下次試埋麻辣蕃茄肥牛魚腐米線先~

地址: 銅鑼灣百德新街22-36號翡翠明珠廣場1樓5A及5C號舖

蟹的季節~FESTIVA上海姥姥~

今日要係銅鑼灣工作，所以兩餐都係銅鑼灣解決
但時間又不太多就衝去翡翠明珠貪全層食店同做野地方夠近

去到就俾蟹既餐牌吸引啦!!!!!
又開始大閘蟹的季節
之前陀小立無得食，
而家食少量都無咩問題啦~~~

特上蟹粉小籠包
每件小籠包大小均一
皮夠薄
一咬有大量湯湧出來
湯濃郁鮮味
加上醋更能帶出鮮味

蟹粉扒素鵝
遠遠已經被香氣吸引的一個菜式
埋到來筷子已經忍唔住啦
先試一下無沾蟹粉既
外脆內軟，入口脆卜卜
內裡軟綿綿
鹹度適中，唔會過鹹
再沾上蟹粉就多一份甘香
多一種味覺層次
蟹粉內亦有蟹肉，
鮮味加倍

店內位置較其他分店寛
坐得相對舒適
店員係忙碌仍有禮相待

地址: 銅鑼灣百德新街22-36號翡翠明珠廣場1樓7號舖

店員有禮~EURO GO GO~

有小朋友最驚係遇到唔喜歡小朋友的路人................
因為不論你既小朋友行路跌倒喊，開心笑，
佢地都會給你一個煩厭既樣子
信義妹試過係大排檔一家三口(小卷當時三個月..........)食飯
小卷肚餓喊了兩聲..........真的兩聲
(已經手抱加上埋身餵奶，可以喊多久呢...........)
就糟隔離枱一下凶視加反白.........
唉..........當時心情既灰又想反問.....呢位中女........你未有小朋友嗎?
算啦.........都係講番今次

點解會提到呢件事呢
因為今次雖然係外賣自取
但收銀店員對一拖二的我有禮
當時小卷小立正餓到發瘋
店員仍冷靜為我下單兼安撫一下我的小朋友
可以取餐時更哄小卷幫手拎沙律
唔係喜歡小朋友係做唔到的

所以食物就因為咁全面加分
當然本身質素都唔差

磨菇忌廉湯
香滑中帶有濃濃既磨菇味
味道適中
唔會有草青味

香蒜蜆肉意粉

唔知係咪落錯咗調味呢

呢個辣既...............

因為我個CONCEPT呢個應該係唔辣架.....

意粉唔會太淋

但我就覺得略嫌乾身

乾得意粉都在打結啦~~~~

蜆肉鮮甜，

蜆有十多隻，都算多

蕃茄芝士PIZZA
做特價中
全份都只係$68
芝士同蕃茄味都勁濃
酸酸中帶著濃濃既芝士香
餅底厚薄適中

菠菜龍脷闊條麵
味道偏淡
闊條麵對信義妹來講淋了一點
醬汁豐富，能令每一條闊條麵都沾上醬汁

下次會再試下加$9既芒果班戟
外賣大約要等20分鐘，大家要預留時間啊!

地址: 上水智昌路3號上水中心2樓2056-2058號舖

限時燈籠街~大橋街巿~

中秋就到啦~
大家都準備好月餅、燈籠同生果未呀?
信義妹..............未....................
不過襯近期去燈籠街唔駛過海~~~
就一於去湊下熱鬧先
元朗大橋街巿近來有特色報置
紙扎燈籠高高掛
變成一條燈籠街

當成為一個景點之後呢~~~~~
多人到....................
完全無辦法影到全街景............
人頭倒拍到很多

都係影幾張燈籠照大家睇下
三五成群細金魚
唔知點解見到就諗起波兒

當然都會有大金魚啦~~~
黃色、橙色、粉色
任你揀

仲有海馬
不過海馬突然加曬閃片去開P咁
信義妹自己都有啲睇唔係好慣

海洋生物仲有好好賣的海豚
小卷一眼就睇中呢個
揀咗條細既
(靚相遲下有)

唔喜歡海洋既可以揀太陽花、月亮、星星、荷花、飛機、楊桃、蓮藕

 動物類有兔仔、象仔、馬仔、鴨仔、雞

 總會有一個係你滿意~
雖然今次係短遊，但每個小朋友跟大朋友入到去無一不讚歎

麻辣燙熱潮~麻辣小王子~

近期係FACEBOOK 群組熱捧的店
麻辣小王子
終於找到機會去試啦~~~~~
店不算難找
但星期日不營業呢個大家都要注意啊!

款式多
菜類、豆類、肉類、麵食類都有好幾項選擇
設有最低消費$26
特別食品有豬肺、花膠、鵝腸、雞腸

信義妹點了薯粉
薯粉係粗厚身
食落好滑中間無間雜著沙
(以前試過........食到沙...........係第二間食店)
有加蔥花、蒜泥
配上辣湯增添唔同辣的刺激

選了中麻中辣
對信義妹來講就不太辣
下次可以挑戰大辣或者大辣加辣
亦有要求加醋，但食不到醋味

餸就點了粉腸、萵筍同鵝腸
配上辣
餸沾上辣汁
辛辣的滋味令人一再回味

對信義妹來講份量確實細咗一點..................
食完.............我覺得自己應該可以食多一碗...............
下次再食一定要加底..........又或者.........叫多碗
哈哈哈~

最後，大家一定要預留時間叫
因為信義妹那天外賣最少都要等30分鐘
雖然店很忙，店員仍然耐心有禮
外賣係分湯，所以唔擔心拎到番屋企啲麵會淋曬，影響到口感

地址: 元朗俊賢坊18號權益大廈地下4號舖

慢慢慢活~富臨皇宮~

家人提早做節食飯訂了富臨皇宮
未講食物之前..............
先講講服務
職員有禮，但上菜真係太慢......................
叫起菜最少45分鐘後先上第一道
當上了第一道後，就一下子全都一齊上
應該知我地快餓暈吧
所以一下子除咗飯跟甜品一次過來啦!!!!
我地唔介意一下子上既~~~~

講番食物
食物整體水準不錯

西蘭花蔥爆蝦球蚌片
蝦夠大隻爽口
蚌片厚切但爽脆
味道不會過鹹

龍躉兩味之碧綠炒球
魚肉滑不易散開
沾的粉不多，恰到好處
味道鮮甜美味

龍躉兩味之清蒸頭腩
最正係啲蔥!!!!!
加上少少豉油就帶出魚的鮮

紅燒乳鴿
呢個............信義妹係人奶媽..............
禁忌之物...............
無口福食啦........
拎六仔的影張相當食咗啦~~~
大家話味道不錯喎!!!!
見到大家食得津津有味

紅燒竹笙海皇燕窩
內裡有竹笙、蟹肉、雞脾菇絲、燕窩
味道清，湯不太杰

果皮蒸鮑魚
鮑魚鮮甜，
帶有陣陣果皮香

薑蔥焗肉蟹
蟹偏細
蟹肉亦都略為差了一點
薑蔥量夠，信義妹都食了不少

櫻花蝦海鮮炒飯
裡面就食唔到海鮮啦~
但係櫻花蝦就有大量
飯炒得夠乾身
味道適中，加上櫻花蝦的少少鹹鮮味
呢個大家都想ENCORE

桂花糕
晶瑩的糕點
不太甜
有陣陣桂花清香

下次信義妹再去就會提議第一個到既時候就先叫起菜
等得來就應該差不多齊人食得架啦~~~~~
哈哈哈

地址: 上水天平路48號天平邨天平商場2樓201號舖

搓搓切切~自制烏冬~

巿面上的烏冬含鈉比較高，
有啲仲有其他既添加劑
自制的話就完全了解當中成份
安心食用

特別而家信義妹當媽後每到買到小朋友食的都金睛火眼望下
雖然唔稱得上什麼專家或者心得
但食得健康為首要
多睇當練眼力啦~~~~

寫番個食譜做一個好好的記錄
有成人版跟幼兒版的~~~

材料：
高筋麵粉　400g
低筋麵粉　200g
鹽　　　　10g
(信義妹的幼兒版烏冬是走鹽的啊!!!!)
水　　　　250g

步驟:

1. 先將粉量好混合

2. 用暖水把鹽混合

3. 鹽水分幾次跟粉混合搓好，
搓到不沾手就可以啦!
太乾就加少少水，太濕就加少少粉

4. 將麵團壓扁，再由四周向內翻摺4~5次

5. 閒置1小時

6.在枱面輕撒好粉，把麵團碌成自己想要既厚度
(信義妹大約2~3mm)
然後上下覆摺

7. 跟住就可以慢慢切啦
切成自己想要既闊度

記住切好既烏冬都要撒粉啊!!!

信義妹呢個係兩大人一小朋友既份量
自己可以按比例調節份量
另外，別忘了...................信義妹係超大食................
所以呢..............大家自己睇住個份量啊~~~
不過預先整好又食唔切既可以放係冰格保存
信義妹通常保存一個星期左右啦~

大家快啲都試下啦~~~~~

深層補水<< Marine Elements 特效深層滋潤霜 >>

信義妹皮膚向來容易泛紅，

坐冷氣房就更容易乾，

搞到又紅又乾。

有時還遇上入秋時節就更加會脫皮或者濕疹起

今次就試Marine Elements Intensive Cream << Marine Elements 特效深層滋潤霜 >>

支cream 原產地係匈牙利

除了抗敏的金盞花，小白菊

仲有法國深海紅藻的海洋成份，修復肌膚屏障，回復健康肌理，高效補水

不含香料，性質低敏，無論普通肌，或者濕疹、乾燥、敏感肌均可使用

輕易就能按出乳霜

未推開時無濃烈既香味

乳霜能輕易推開，薄而不膩

推開後有微微清淡既菊香

試搽第一日

因天氣轉既關係有一點疹加脫皮還帶一點點痕

搽了兩三次後痕明顯少了

第二日

泛紅的地方和皮膚乾既地方稍為舒緩

第三日

紅雖然有，痕就唔多啦

有散退既跡象

第四日

紅都退很多了，得番少少

皮膚乾亦都改善不少

世上無醜女人，只有懶女人

呢句真啱~

信義妹要勤力啲護膚，做個靚媽先得~~

想買既話可以去

HKTVmall有售：goo.gl/W8uY3M

最好? 還是最合適? ~選校~

選校，爸爸媽媽一個煩惱既議題
煩並不是因為要搜集資料，
而是因為唔知點選擇。
如果父母目標一致就好，
陣間一個想神校，一個想過普通日子做個開心快活人，
就真係內亂都有排搞..........

呢個時候大家一定會講一句，
父母一定最明白自己仔女。
但父母亦都係最分唔清明同想既分別
係，父母明白自己仔女既優缺
但，好多時都分不開父母自己既想
父母想給最好的
但最好係咪一定最適合?!?!?!
上一代很多時都會交一句，
我地已經盡力給你最好，你自己無把握就不能說父母什麼，
信義妹認同。
但到信義妹這一代為母就覺得更應該
我地已經盡力給你最合適。

最好/最合適 是父母覺得最好/最合適，
還是小孩覺得最好/最合適?
父母當然想小朋友交一個成績好、有禮貌既朋友
小朋友可能會想交一個有共同興趣、感覺舒服既朋友
 雙方都想既就梗係好啦
但只有一方呢?
你會幫小朋友選擇嗎?
呢一刻十個著九個都答唔會，但到時...................
就會應一句，唔通你見住佢死都唔理咩
嗯.............交朋友都大鑼大鼓呢
因為怕影響自己既小朋友............

話題好似離有點遠，
回到選校先
點先揀到呢?????????

靠朋友? 媽媽GROUP? 網上FORUM?
信義妹幫小卷揀校的時候幾方面都試過

問朋友，
朋友托左托右問下呢間情況嗰間情況
大家都保守地回應資料未必夠UPDATE 做參考吧

媽媽GROUP，
呢啲係一個強大既群組，
信義妹做二寶媽已經有十多至二十個呢類群組................
內裡的媽媽有些會無私分享
有些就不為意把未經證實既消息分享
點解信義妹會知? 中過招咪知囉!
同期既媽媽既小朋友係你仔女既競爭對手
佢地同你非親非故，肯分享都算不錯啦

網上FORUM
有好多早年既分享，要最UPDATE就未必有啦

最實際以信義妹經驗來講
去OPEN DAY或者找一天到心儀既學校附近留意放學既情況
就最能體驗到學校既情況

能揀到最適合嗎????
暫時如果信義妹同六仔用呢個方法進行的
都能為小卷選到能力範圍最合適的
最少大家都開心

究竟呢個做法或者想法係怪獸定唔係怪獸又或者係半人獸家長
信義妹就覺得無所謂既
反正而家全港都無邊個係人地眼中唔係怪獸
最重要係小卷同小立無將我地兩個當係怪獸就得啦!

圍餐~皇庭花園~

參加本地遊
去到午飯時間，就當然圍餐一番啦
旅遊巴去唔到門口
要走一段路
負重既信義妹行斜路行到索曬氣

先來燒鴨
香料味濃，鹹味適中
有團友仲用汁撈飯呢~

灼蝦
蝦算中蝦，鮮甜

魚香茄子
帶微微辣
味濃，拎來撈飯就最啱啦

蒸豆腐
呢味清清地豆腐還沾上冬菇既香氣

叉燒炒蛋
蛋無過火
鹹度適中
唯獨叉燒對信義妹來講略甜

咕嚕肉
醬汁緊緊包住肉
無多餘既醬汁
肉無煮得太乾
時間剛剛好
醬汁亦無煮得過酸
酸甜度剛好

油菜
呢碟正宗油菜
好多油既菜
哈哈哈

圍餐既價錢你總不能要求滿漢既質素
但整體係值得再試的!

場地光鮮~名苑~

今次係信義妹影得最差既一次.....................
唉...........無辦法啦
當日本身都多野做，去到都趕頭趕命
成村人等梗你開飯................
搞到勁唔好意思

所以就影自己碗就算啦
點知............遇著小朋友肚餓左推右推
結果連食物都做了沙龍
所以都係post 一張就算啦~~~

頭盤
冰鎮鮑魚
鮑魚有手掌心大
唔知係因為信義妹係咪食得急
真係食唔出有咩味................
要點wasabi 豉油先有番啲wasabi 豉油味............
上碟就精美
實力就有待改善

有朋友話呢個有機會係拎咗去煲湯跟住再上枱.................
所以先乜味都無........
但我地嗰個係海星湯..............
咁係咪即係第二枱有鮑魚湯呀..........

海星湯
不過不失，藥材味重

蠔油冬菇鴨掌
冬菇大過信義妹手掌
鹹度適中

其他菜不過不失啦

壽包
超中伏..............
但因有人生日..........總不能當面批評.......
皮係薄
但仲韌到要用力咬先咬到呢
內裡都唔知係蓮蓉定麻蓉餡......
淨係得個甜字............又係乜味都食唔到........
呢個連六仔都忍唔住想爆...........哈哈哈

雖然呢度既餸菜唔太合胃口
但招呼我地嗰枱既侍應服務很好
對住壽星都講幾句啱聽既
禮貌到家
場地裝修望落光猛
枱不太迫

誠意裝修~B.DUCK CAFE~

有小朋友後就一直有留意主題餐廳
因為最少未食先興奮
見到可愛既公仔，
不單止小朋友開心，連大朋友都好似找回童真
所以有咗小卷之後就久不久都會到主題餐廳試試

呢間裝修真算係誠意之作
有好幾個擺設供大家拍照
牆上又有好幾個唔同既裝飾
淨係影相都已經樂透
在餐具上都花過心思，印有B.DUCK LOGO

信義妹試過去過一啲主題餐廳.............
只係印了好幾張主題BANNER...............
用BANNER間間位貼貼牆就罷了
餐具就更加脫曬色..............主角都面全非

講番野食先~
卡邦尼意粉
來到有隻B.DUCK企咗係度
賣相都可以呀
味道唔會過鹹
意粉唔會淋身
汁都夠滑
塊烟肉扒燒到脆口好好食啊!
比起用烟肉碎信義妹比較喜歡呢個
而家烟肉無平時的咁鹹

呢個特飲係加錢的
好明顯唔係信義妹買就唔記得佢咩名啦
但裡面有個有咬口既B.DUCK
好味啊!

火雞霸王特餐
火雞脾好似大隻羊脾咁上
影相都夠靚啦!
味道無想像中咁鹹，比較適合信義妹口味
但就太多筋啦.................
個橙汁就比較淡.............

忌廉火腿粟米飯
呢個餸果然係小朋友好下飯菜式
信義妹眼見好幾枱都有點這個
配料比想像中多
鴨仔造型就係呢碟既精髓

雖然店不太大
但人手都充足
店員忙死都仍然保持禮貌
對於小朋友亦有愛心
眼見隔離枱小朋友因為飲管的顏色失望
(小女孩見到飲品插住藍色管)
店員安慰後隨即選了數色選擇，
仲氹話俾多支你帶番屋企啦!
這個值得一讚
一家人出街食飯都係求開心有美好回億
店員令到大家都滿意啦~~~