2019年1月29日 星期二

百年止咳專方 香港製造 ~太和洞~

話說有日信義妹係屋企搵到支珍藏 - 太和洞久咳丸,見個包裝咁傳統,以為係古董,點知信義媽一見到就開始想當年啦!


原來係好耐之前信義媽同一班姑姐們齊齊咳。係齊齊咳到肺穿洞。。。。。跟住嫲嫲就唔知係邊度搵到幾支太和洞久咳丸出來齊齊分來食。咁講得,就梗係佢地食完就好番曬乜事都無啦!

前幾年信義媽堅持要信義爸山長水遠去裕華國貨買,因為驚買到假野。跟住信義妹就認叻叻話,而家唔止裕華啦,係萬寧,屈臣氏,華潤堂,SASA,卓悅,Colormix 都有啦,保證唔係假!總有一支係你左右~你係咪想要番幾支呀?

而家既信義妹已經係去到咩都查下既地步,不論係著上身,用上手,何況食入口呢~
佢地係香港有自己廠房,確保質素穩定。加上獨特經驗中藥複方,有效對症下藥,藥到病除。擁有中成藥註冊和第三方品鑑,加強對產品鑑管,唔駛驚有重金屬,殘餘農藥等。。。。。

再加上佢地有成百幾年歷史,實力一定有返咁上下~~~~~~
咁我就放心喇,會放幾支係屋企看門口。
想知多D關於久咳丸,可以睇下:https://www.taiwotung.com/home/products/hkp-03409/
#太和洞久咳丸 #久咳專家 #止久咳一流 #太和洞藥廠 #百年品牌






2019年1月22日 星期二

親子舒展筋骨 ~Yoga Fate ~

信義妹一直都想試玩空中瑜伽,見到身邊朋友個個飛來飛去實在羨慕。最好俾我帶埋啲細路飛來飛去啦!發夢都係咁諗~~~

終於有一日遇上了,六仔知道 Yoga Fate 有親子瑜伽班就報啦! 信義妹二話不說就話全家都去啦!六仔暗地有啲驚。。。。因為筋骨好耐無郁啦!信義妹就一心大無畏精神衝過去!

準時到達,先熱身。

再開始地上的。地面的還不錯呢!女兒係前世情更無錯。經常加難道俾六仔呢!

休息一陣就開始空中瑜伽啦!Wow,小卷好勁啊!小立都鐘意玩! 信義妹同六仔扮完韆鞦架,就扮蜘蛛俠。。。。。真係陪玩都要多功能。。。。

但一家都玩得好開心啊!兩位老師都細心同有耐性,每個動作都仔細地教。對小朋友更有耐性,對不同程度的學員會加添難道,提升興趣。

小卷同小立呢頭上完堂轉頭就已經話要再玩啦!大嗰兩個雖然好似好攰,但就有種鬆咗一身既感覺。真係要排好時間再玩先得!

 想睇多啲相就請移玉手去睇
FACEBOOK PAGE: https;//www.facebook.com/shunyeemui/
INSTAGRAM: https://www.instagram.com/shunyeemui/



敏感肌必備~Heynature~



早前已經提到魚腥草既功效,呢度就唔多講啦!就直接分享一下魚腥草去角質潔膚棉。

使用前就要先洗臉, 水份44% 油份29%。

之後就用魚腥草去角質潔膚棉打圈係有需要既位置按摩。

使用後,水份48% 油份32%。而用後張去角質棉捽到好多啡啡地色既污糟出來。。。。呢個無謂影俾大家啦。。。。陣間大家罷睇我既分享。

摸落手感即時滑咗啊!正呀!

係咪想同我講信義妹係敏感肌唔適合做去角質呢?因為去角質產品好多時都係帶有刺激性成份,但Heynature 魚腥草去角質潔膚棉就唔同啦!佢地有親和人體配方,產品只係 pH 5.5, 能協助皮膚回復到最佳狀態。除咗有魚腥草成份,仲有白柳樹皮提取物 (天然 BHA) 和杏仁酸 (天然 AHA) 。令到敏感的大家都能溫和去角質,皮膚保持最佳狀態。

一盒魚腥草去角質潔膚棉 $129。
有興趣就去Shopping 隨意門睇下啦!
http://www.heynature.com/3g/shop/product_view.asp?id=273






魚腥草之戀 ~Heynature~

之前提到信義媽爆濕疹爆到無忽好肉,對紫草又敏感,就靠魚腥草外敷內服,穩住了,仲開始變番忽忽好肉。咁魚腥草有咩好呢?

魚腥草味辛、性寒涼。能清熱解毒、排痛消腫療瘡、利尿除濕、健胃消食。可以治熱毒、濕邪、疾熱為患的肺癰、瘡瘍腫毒、痔瘡便血、脾胃積熱等。自此,魚腥草乃信義家神物。

今次先試 Heynature 既魚腥草潔面皂先。

係未用魚腥草潔面皂前 水份32%   油份47% 。

使用後, 水份44% 油份29% 。

信義妹有用起泡袋,所以三兩下就起到豐盈泡泡啦!而洗感清爽不黏,有種洗走一股霉氣的爽!

魚腥草潔面皂除咗含有增強免疫力的魚腥草,仲有保濕兼提升皮膚光澤山茶油,抗氧化深層滋潤既椰子油,消毒殺菌改善油水平衡既薰衣草油,仲有不可忽視促進膠原蛋白形成既積雪草。經過1000小時冷制熟成,保留各成份最佳營養,確保皮膚可以吸收更好。

一件魚腥草潔面皂 $69。

有興趣就去 Shopping隨意門睇下啦!
http://www.heynature.com/3g/shop/product_view.asp?id=55
跟住就試魚腥草去角質潔膚棉,大家等我啊!



2019年1月18日 星期五

凍齡絶技 ~Regal Green 凍齡滋陰丸~


有無聽過女人過咗20歲就開始唔想提自己幾多歲? 無? 咁女人唔補好易老就一定聽過啦!年過35就更加唔想一提,因為啲紋,斑開始浮曬出來。但近年盛行美魔女,或者標簽藝人凍齡,自己有無諗過都可以齊齊凍齡?凍齡唔再係藝人專利,Regal Green 凍齡滋陰丸就可以幫大家啦!

要靚,就要由內靚到外,唔係一味靠補粉,要素顏也能很美。但點解話凍齡滋陰丸幫到手呢,因為係擁有3大臨床實證 (97.5%抗衰老,98.3% 改善腰膝酸軟, 72.2% 改善腎虛,耳暈)養血,養氣,養骨,養顏的產品。

成份有
養血龜板,能補心止暈,延緩衰老。
養骨鹿角,能生精補髓,增強免疫力。
養氣人蔘,能改善四肢冰冷,抗衰老。
養顏黑珍四寶 (黑木耳,黑芝麻,黑大豆,珍珠粉),能烏髮祛印除斑,臉色紅潤。
其他有欖葉萃取物,天麻,枸杞,野生黃精等。

凍齡四環 (養血,養氣,養骨,養顏) 係互相緊扣,相輔相成。以3個月為一個療程,高效凍齡保養方法係早上空腹2粒,晚上睡前2粒。而平日保養可以係每日1次,每次2粒。台灣生產,每盒60粒,每粒500毫克。

由於近期天氣反覆,條腰仲反覆。。。痛到叫曬救命。信義妹用咗高效方法食用,即係早晚各 2粒。食咗7日後,感覺腰無咁痛,個人又無咁易攰。朋友見面都覺得個人望落精神咗,無好似無瞓覺咁。

邊度有得賣?
屈臣氏
ZINOMALL 購物網
https://www.zinomall.com/product-detail.php?product_id=642








增添樂趣 ~滴露魔法泡泡潔手液~

有無試過小朋友玩完一輪 Messy play,嫌自己未夠 mess 總係唔願洗手?

滴露既魔法泡泡變色潔手液就幫到你啦~~有滋潤淨味清香 (綠色) 同埋保濕粉紅花香 (紅色)。當搓夠20秒之後,紅色 或者綠色既泡泡就會變作白色啦!過程有趣好玩,小朋友一定好鐘意!

Shopping 隨意門:
百佳網上購物: http://bit.ly/2AiKUPj
惠康網上購物:: http://bit.ly/2AkHVFM
#dettolhk #foaming #foamisfun #colorchanging #魔法變色泡泡 #滴露


2019年1月16日 星期三

抗敏絶技 ~Heynature~

敏感,香港人常有。因為遺傳,灰塵,體質改變各樣影響到,令到皮膚痕養,起濕疹或者紅疹濃瘡。

大家第一個反應係起濕疹就用紫草啦!但大家有無諗過會對紫草過敏? 信義媽就係好例子。佢係對紫草嚴重過敏,所以一用紫草就會爆得勁過之前。而信義媽濕疹嚴重,係會爆到成身無忽好肉。。。。。連帶信義妹都係敏感皮膚,紅痕常有。

唔用得紫草點算? 有救星! 天然抗生素 ~魚腥草~幫到你!但魚腥草既產品唔係度度有,Heynature 就有一系列既魚腥草產品啦!

信義妹就選了魚腥草去角質潔膚棉和魚腥草潔面皂。
想知效果如何,就密切留意啦!

養顏甜品 ~甜品小食工房~

又到甜品的時候,信義妹開心又想食甜品,唔開心又想食甜品。

變相何時何地都會有想食甜品的情況。以前係火車站附近只有西餅,豆腐花,而家多了甜品小食工房,選擇多了。

一口芒果糯米糍
有大版同細版揀的,當然價錢都會不一樣啦!視乎你食的習慣。喜歡大啖食就揀大架啦!咀仔細既就揀一口芒果糯米糍啦!皮薄芒果厚。

雪燕椰皇奶凍
初時仲諗住雪只係做個樣得少少,點知原來係鋪滿成個奶凍面之餘,仲有一定既厚度架!

奶凍又唔會好甜,椰香之餘仲帶有椰青水的清甜,fit 曬信義妹既口味。

雪耳蓮子紅棗燉桃膠
桃膠係係肥媽節目認識的,見有就試下啦!桃膠大大粒架!糖水不太甜,配合各種配料,爽口雪耳,軟稔既紅棗蓮子,養顏桃膠,多重口感混合,不錯呢!

地址: 大圍村南道45-47號地下








一流冬蔭功 ~啊萊啊萊~

泰國菜,好耐都無食啦! 

因為身邊食辣的人唔多,大家結婚生仔後就更難聚埋一齊。上排連屋企附近既泰菜食店都結業。。。。有種雪上加霜既感覺。哈哈!又係大圍搵食巿集搵食啦!

酸辣冬蔭功無骨豬手金邊粉
去到冬蔭功湯係不二之選,有大中小辣選擇。當然有唔辣揀的,唔食辣的朋友可以留意。冬蔭功酸辣各佔一半互不搶味,唔會只有酸或辣。而香料味十足,湯濃濃的覆蓋味蕾同嗅覺。金邊粉唔會太淋,掛湯一般啦!但拌湯食就味道一流。豬手的好處係無骨,啖啖肉,有滷過的,但味屬淡一啲,可能我已經俾冬蔭功迷惑了,滿口只有冬蔭功的味道!沒有厚肥的豬皮,只有少少一層,比較健康。肉質就比較有咬口,唔太淋。

泰式無骨鳳爪
都係無骨系列食既時候最方便。呢道辣道唔高,可食小辣既朋友都食到。酸酸辣辣勁開胃,鳳爪軟爽連埋爽脆配菜一齊食口感更好。

係等待食物期間,有不少食客都點海南雞飯,下次可以試下先,但先決條件係我既冬蔭功癮無癮起~~~


地址: 大圍村南道45-47號搵食市集地下7號舖




Pasta and Burger ~Pasta Monster~

想食西餐的話 Pasta Monster 都不失為一個好選擇。

有大玻璃俾你見到煮食流程,小朋友最鐘意見到大廚大顯身手的時候。

除咗 Pasta , Burger, 仲有窩夫可以係食完正餐食番個甜品填埋第二個胃。

軟殼蟹龍蝦汁意粉
軟殼蟹外脆內軟,蟹肉唔會乾身,唔會好似食柴咁。意粉夠彈性,掛汁力強,配上香濃龍蝦汁鮮味徘徊口中。意粉比較少鹹味既原因應該係配軟殼蟹一齊食,鹹度就會剛剛好啦!

牛油果芝士牛肉漢堡配薯條
薯條份量多,外脆內軟而不油膩。漢堡係疊到山咁高,女士食就要小心啦!漢堡包外脆內軟,有用牛油輕輕焗過。牛油果感覺上有半個呀!睇到勁開心!愛好牛油果既朋友要試啊!芝士滿滿的鋪係牛肉漢堡上面。漢堡屬厚身,咬下去多汁,唔會乾身。仲有新鮮既生菜蕃茄,加上牛油果正好中和芝士同牛肉的油膩。

南瓜濃湯
南瓜濃湯香甜順滑,配軟殼蟹有助清清油脂油膩既感覺。
新鮮果茶
新鮮果茶配煙漢堡包,果茶甜,茶味足,為餐後劃上滿意的一筆。

搵日要試下窩夫,今日食完漢堡太滿足啦!

地址: 大圍村南道45-47搵食市集1樓13號舖










香脆飯焦 ~東焰來~

大圍搵食巿集開了一段時間,今日終於可以來一試啦!之前驚新開多人,而家更多人。。。。。唯有早啲去食啦!係火車站附近,過條馬路就到啦!

1樓既東焰來12點就開始營業啦!

主要有1人火鍋同鐵板飯,兩邊選擇都多。信義妹就揀咗香草三文魚飯同黑椒牛肩胛飯。

香草煙三文魚飯
熱辣辣鐵板遠遠就聞到香味,有幾款醬汁選擇。信義妹只隨意加一點豉油都夠味了。飯有飯焦,正啊!最愛的飯焦!入口脆卜卜。煙三文魚配香草,魚油混上飯,味覺香凝,加一點豉油更顯美味。

黑椒牛肩胛飯
黑椒配牛往往係絶配。比香草煙三斗魚更香更惹味,喜歡味濃同埋牛魔王就要試呢個啦!
加上芝士,更香,鹹味有多重不同程度豐富味覺享受。牛肩胛油脂分怖平均,全熟入口都唔會韌。


下次要試下一人一鍋,有好幾款湯底感覺不錯啊!

地址: 大圍村南道45-47號搵食市集1樓14號舖