信義藍星扎記: 5月 2019

2019年5月31日星期五

歎茶的幸福 ~ Pumuen ~

能歎茶係一種幸福。當信義妹當天能歎茶通常有兩種原因，
1. 正享受Me Time
2. 忙到嘔曬泡，再唔搵啲comfort drink comfort 一下就真係嘔血都似。

係6款特式口味就揀咗熱帶花果茶 Tropical Sunset 先試。

揀Pumuen 係因為無糖無添加（無農藥，無防腐劑）。健康永遠都係信義妹首選，身體健康先可以同小卷小立闖世界。飲咗有農藥的茶就等同飲化學劑同殺虫水一樣，增加患癌風險。

茶葉係原枝原葉，絕對唔「濕濕碎碎」。只要幾片就可以有一大杯啦！信義妹仲可以沖好多次。一打開茶袋就已經聞到香香的熱情果味，當中仲夾雜了少少芒果的味道。飲落仲有陣陣的茉莉花香，陣陣回甘，幾味夾雜，真正齒甲留香。

Pumuen使用泰國北部高山森林有機野生生長的阿薩姆茶葉。係海拔1,250米以上生長，所以生長比較緩慢，加上好的土壤和長期於雲霧中的濕冷氣候，更能生長出強壯濃厚味道的茶葉。阿薩姆茶中的酚類化合物具有抗氧化特性和功能，可以減少細胞內活性氧和氮的損害。

呢個將會成為信義妹comfort drink 之一。得閒飲杯等我可以遠離媽聲一陣~ 下次整手工珍珠既時候就來一杯，凍既珍珠果茶吧！

愉快購物銷售點:
Natnatlife.com
Hktvma

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

2019年5月29日星期三

為童年添色彩 ~ LazyLace Princess Party ~

童年，大家都有，差在點樣過。
為咗唔再後悔多兩次，所以今次一於要盡興。多謝 Mamibuy 邀請，可以為小卷同小立既童年添上多一把色彩。

公主啦喎，就梗係要化番個靚妝啦~ 自從小卷溜冰比賽化過妝之後就成日都想化啦~

但終歸信義妹既化妝品唔係俾小朋友用所以都唔會俾佢成日用。今日參加呢個公主派對就認識到推出連小朋友都可以用的化妝品。

小卷同小立聽得好入神，真係每一個化妝技巧都記入心呢。當被問到有無偷用媽媽化妝品，小卷怕醜話有呢~~~哈哈哈哈~~~問小立時，小卷就搶著護著。很好很好~~~

LazyLace 不論係防曬，指甲油，唇膏，面膜等等都充滿公主的夢幻包裝。唔好話兩個細。。。連信義妹都忍唔住同六仔講。。。呢次你破產了。。。。哈哈哈

佢兩個玩得最開心的一定係去Nail Bar 搽指甲油啦~~~平時信義妹係嚴禁的，因為平時買開的都係大人用，又要用洗甲水洗。。。。。LazyLace 的指甲油只需要普通潔手液加水（即一般的洗手程序）再捽多幾下就可以洗甩啦~~~

小卷一隻手搽紅色，一隻手搽紫色。

小立都有搽呢~~~藍色~~~呵呵~

搽完佢兩個都淑女咗~ 至於信義妹，就妹仔咗囉～

LazyLace

Website: www.thelazybeauty.com
Facebook Page: thelazybeauty
Instagram: thelazylace
WeChat: thelazylace
WhatsApp: +852 6888 6521

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

2019年5月28日星期二

上餐迅速 ~ The Food Factory ~

難得有時間可以出城行下做下自己野，就好好食番個叉電飯先再繼續衝啦~
既然今日都要係旺角油麻地走來走去，就行到邊，食到邊啦~
最終行到譽發廣場，成楝都係食店，左睇睇右睇睇，就揀咗 THe Food Factory。

午餐選擇多元化，扒類，飯，意粉，沙律，漢堡，薄餅都有。信義妹都考慮了好一陣先揀到，樣樣都吸引啊~

紐西蘭牛肉眼扒$63
有飯，意粉，薯菜選擇。信義妹就揀咗薯菜。薯角外皮不算好脆，但因為有少少辣的調味，所以信義妹都幾喜歡。而伴菜有白菜仔，信義妹一直都覺得白菜仔同中菜相配，估唔到會係西餐出現。白菜仔味道不太濃，清清地感覺不錯。

主角肉眼扒，帶八成熟，生熟度剛好。肉質軟稔，帶有肉汁。
由於信義妹嗜辣所以黑椒汁就覺得唔辣，但都好香既。

雜莓梳打
信義妹叫咗少冰。來到很美的啊~有薄荷葉襯托，新鮮士多啤梨同藍莓混入。初初都擔心會有啲似藥水味，飲落又OK喎，一啲都唔藥水。不過就無咩酸味，有番少少酸味就會更好飲啦~

下次要試下甜品先。

地址: 旺角彌敦道560號譽發廣場5樓

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

寶寶舅父

有媽有長老的孩子像個寶之外，有舅父的孩子都會係個寶。

信義弟錫小卷小立錫到連老師都話，信義弟當自己生既一樣。

小立比小卷更痴信義弟，開心唔開心，有事無事都關信義弟事。舅父叫一聲好過阿媽叫十聲。。。。有信義弟，阿爸阿媽都請等等！

之前張欣欣將宇宙人 craftholic 改名為奸夫，而家小立就改叫舅父父。。。。。話掛住舅父可以攬住喎~~~

無咩事我都係行埋一邊啦～

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

安全健康 ~ Pumuen ~

向來愛茶飲，特別係花茶果茶。但當媽後想靜靜歎茶既機會少之又少，有時間歎茶都已經係半夜。朋友就推介咗Pumuen俾信義妹。係有機茶品，無糖無添加（無農藥，防腐劑），飲得健康。

信義妹一次過買咗6款口味熱帶花果茶（Tropical Sunset ），桃茶（Peach），荔枝烏龍茶（Lychee Oolong ），荔枝綠茶（Lychee Green Tea），伯爵茶（Earl Grey）同埋伯爵綠茶（Earl Grey Green Tea）。

係咪想睇下詳細飲評呢～信義妹好快就出架啦！

愉快購物銷售點:
Natnatlife.com
Hktvmal

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

2019年5月23日星期四

媽少陣好嗎？

睇標題係咪諗住一定係放負既文呢？其實只係有感而發~

小朋友未識叫媽前，日日都教講媽，媽到佢識講為止。講到既時候，就日日被媽啦～溫馨又甜蜜。

當媽日子久了，發現除咗會俾仔女媽，仲會俾媽媽group，學校老師，同校車站的照顧者，同學仔都會叫信義妹做乜乜媽。。。。。。

某日，朋友叫信義妹係時候改番個媽名寫blog 。。。。眼見有很多都以媽之名，所以要與時並進，不能再叫妹啦～信義妹當時笑笑置之。但信義妹心裡想爆一句。。。。已經好多人媽我啦喎。。。家下寫個blog 分享下，記錄下唔駛都俾人媽呀～其實嫁咗已經冠夫姓，生咗稱呼就有媽跟尾，信義妹既生活除夫君同對女，都可以有自己的一面吧！

大家都來了解下信義妹吧～

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

健髮美髮生髮之選 ~ 維特健靈純野生維新烏絲素 ~

話說生小朋友前啲頭髮都唔係特別好，生完之後簡直係重災區。脫髮斷髮白髮出曬來，每次梳頭掃地除咗有排梳，連個地都有排掃（一地頭髮。。。。。）。想擺脫而家個苦況，就要雙管齊下，淨係外敷焗油補水護髮都唔夠。一於調理一下，不單治標，仲能治本。

中藥就不失為一個最好的治本方法。固本培元，先養好五臟六腑，就各樣亨通啦~頭髮係在於血液循環既好與壞，而肝腎既強弱就會影響南液循環既質素。當血氣好自然脫髮少啦~

純野生維新烏絲素主要成份有
靈芝，制首烏，女貞子，黑旱蓮，當歸，牛膝，茯芩，菟絲子，生地黃，龜板，杭菊，肉蓯蓉，鹿角膠等

當中既制首烏就係為人所熟悉既護髮之寶---經蒸煮的何首烏。何首烏可以促進黑色素，令頭髮更烏黑濃密。

每日食3粒，早午晚各1粒，以3個月為一個療程。
食咗頭髮甩少咗，頭皮健康咗，個地都可以掃快咗~

更多資料

http://bit.ly/2H6vAaS

@vitagreenhk #維特健靈 #Vitagreen #純野生維新烏絲素

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

裝修精緻 ~1仔冰室~

鄰近紅磡火車站，走過天橋行5分鐘左右就能到啦～對於有路盲症的信義妹都能輕易到步。美美的裝修，Tiffany blue 為主要色調有夠吸睛。座位寬敞舒適，卡位坐6個人都唔覺得迫。

菠蘿咕嚕肉飯 $56
比想像中多肉，肉不帶肥。一咬落去，外脆內軟，肉又唔會太乾。甜酸醬緊緊掛住，唔會太多浸到啲飯都淋曬，或者太少好似甜酸醬缺貨咁。
飯量適中

沙薑滑雞飯 $52
精選午餐都有多款選擇，我地就一於試下沙薑滑雞飯。雞肉不止滑，仲有一個韌性，唔會一咬就散曬，好似做過Gym 一樣。
沙薑係另上的，喜歡食淡味可以唔沾沙薑醬，喜歡濃的就沾醬啦～

經典蝦多士（4件）$45
呢個係大件夾抵食，有4件。香濃芝士配上彈牙的蝦同脆脆多士，幾重口感味覺一次過食曬。

奶茶紅豆冰
紅豆唔會好甜，奶滑茶香。

雜果冰
有超多雜果啊！可惜信義妹只係分咗兩啖。。。。。哈哈

下次要晚飯時段來試下小菜先！

地址: 紅磡必嘉街92-112號紅磡灣中心地下9C號舖

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

2019年5月22日星期三

愛美也美髮 ~ Lavacqua 頭髮火山水 ~

扮靚靚除咗顧住個樣同身材，一把秀髮都係重要架！但信義妹個頭就比較難搞啦。。。。。又厚又多又硬，梳既時候又易毛燥打結，紮又紮唔好。。。。由細俾人講到大，搞到好似罪過咁款。。。。(╥﹏╥)到生埋小卷同小立仲附送多樣 ------ 瘋狂脫髮。。。〒▽〒
結論而家既情況係硬之餘又厚又多，毛燥喪打結同埋瘋狂脫髮。╮(╯_╰)╭

係搵方法解決既時候，無意間發現美國Lavacqua 頭髮火山水，當時只有大支裝（475ml）所以就卻步啦~ 而家推出咗細支裝（200ml）就嗱嗱聲入手買支試下！