2019年10月27日 星期日

樂而忘返 ~ 紙飛機 ~


信義妹一直都喜歡到親子餐廳,因為必定歡迎小朋友,又有得玩,又有得食一次過滿足幾個願望。難得六仔今日可以唔駛開OT 就梗係親子一番啦!

紙飛機位於郵輪碼頭,如果當日有船泊的話,記得要預鬆啲時間,因為。。。。。。。。會塞車塞到發咗瘟。。。。。

淨係戶外的夜景都吸引,影了不少相。外牆係玻璃,小朋友望入去就已經好興奮。

先講食先
BBQ菠蘿咕咾肉 $98
酸甜度剛剛好,醬汁包住脆脆的肉,小朋友最愛。

陳皮紅燒獅子頭套餐$168
獅子頭
內裡有少少馬碲,整體唔濃味,小朋友適合食用。

三色營養飯
一碗飯就包含不同的營養,仲配埋紅蘿蔔絲,蛋絲,青瓜絲,淨食飯都可以啊~

養生湯
蕃茄薯仔湯,唔係用一般煲湯骨煲,係一條原整骨排,唔駛驚有碎骨。

水果
切得很美啊~

兒童餐$128

時令水果
有橙,火龍果,藍莓。

雲蛋蝦仁
蝦仁有3隻,已挑腸,抵讚。蛋係全熟的唔駛驚小朋友食到生蛋。

馬島小企鵝
賣相精緻,小朋友唔捨得食呢~

鮮茄磨菇燴麵
茄汁緊緊掛住麵條,唔會有多餘既醬汁,磨菇無草青味,小朋友唔會抗拒。

乾貝海鮮豆腐𡙡
鮮味十足,小朋友搶住飲呢!

果汁
選了士多啤梨汁~ 無添加,飲得更放心啦~

玩樂設施多元化,有大量繪本,滑梯,cosplay (公主或者各種職業),木粒池,車隊,搖搖馬,廚房等等。

洗手間更為一讚,十分寬敞,親子洗手間,一拖二入去都仲有勁多空間淨。洗手盆,抹手紙都有大人及小朋友高度,完全貼心。

地址
九龍灣承豐道33號啟德郵輪碼頭B區北面平台




信義藍星札記
Facebook Page
Instagram


2019年10月24日 星期四

排毒之寶 ~ 自然良坊 FC4撃脂纖腩 ~


信義妹又再想當年。想當年青春少艾時,上司曾經同我講過女人年紀一大就會容易便祕。信義妹當時仲係懞豬豬一臉不明所以的樣,聽咗就算。到今時今日生咗細路就明點解啦。。。。。當媽後運動少咗。。。。年紀大了,新陳代謝慢咗。。。。所以毒都開始排得唔係咁順啦~

上次去自然良坊買 #藻油丸 既時候,就有留意到 #FC4撃脂纖腩 同樣 #新西蘭 出產。成份包括 #FOS腸道益生素 能加速排毒祛水,清走宿便,就自然肚腩扁扁啦~ #活化左旋肉鹼 能放大卡路里消耗,加速改善脂肪和體重比例。 #高效紅莓濃縮精華 能抗氧化令骨膠原增生,能減少橙皮紋。還會加快新陳代謝,令熱量加快消耗。 #不含西藥 唔駛驚有副作用,亦都唔會瀉到你驚。

1樽有60粒,每日lunch 前兩粒,夠食1個月架啦~

搶住買購物點:
萬寧有售

「自然良坊」專門店:
旺角彌敦道760號聯合廣場30號B地下(太子港鐵站B2出口)
Facebook :  FC4撃脂纖腩     https://www.facebook.com/FC4slim/
微博 : 自然良坊 Natural Sqaure  www.weibo.com/naturalsquare
網站 : http://www.fc4slim.com/index.htm
網店 : https://www.naturalsquare-eshop.com/






信義藍星札記
Facebook Page
Instagram

快速保濕淨白 ~IUVENIS~


信義妹近期成日都概歎遇上歲月神偷。長期唔夠瞓,又涼住冷氣,皮膚相對以前無咁鎖水,膚色又黃咗幾度,啲斑又多咗幾點。真係要勤力啲,做番個靚媽先得啦。。。。想搵一啲高效既又唔駛大廢周章的。
網遊下遇到 #IUVENIS 淨白保濕Double Up 面膜, #香港製造 , #安全無添加 , 係科學跟護膚mix and match 的 #科研護膚產品 。成份含有 #法國AQUAXYL多重木醣醇 能增加皮膚含水量 和 #納米透明質酸 能提升皮膚彈性,儲水及鎖水功效,達致 #保濕DoubleUp   。  #維他命B3 (#高效B3 )能減淡細紋 和激活膠原蛋白增生。 #燕窩萃取精華 能加強美白和抗氧化。 達到 #美白去斑去黃。#香港科技大學引證 能抑制黑色素,增加膠原蛋白。

使用前
水份  32% 水油份 47%

使用期間
每塊面膜有 #30毫升精華 拎出來格外小心,唔好滴到周圍都係~ 面膜係日本產棉料,貼面舒適。敷15至20分鐘就可以快速修護。
使用後
水份 48% 油份 31%
用後無崩緊,浸透快,撕下面膜再輕輕按摩就已經完全吸收。

熱賣點
Tutulife 生活網店
www.tutulife.hk 
1盒5塊 $198

#IUVENIS淨白保濕DoubleUp面膜
#科硏護膚產品 #保濕DoubleUp #高效B3 #美白去斑去黃 #香港製造 #安全無添加
#香港科技大學引證 #30亳升精華







信義藍星札記
Facebook Page
Instagram

2019年10月22日 星期二

豪食午餐 ~ 一君士多~



當媽後除咗要飲comfort drink 同comfort food , 都久不久要食豪啲。慰勞一下自己平日做唔停。趁住Me Time ,約埋朋友行街食飯,輕鬆一下先啦~~~~ 遊遊下,其實大家係掛住傾,就見到一間裝修特別的餐廳。就去試下囉~~~原來係鄧一君開的餐廳~~~

有麵食,泡飯,小食等等。我地就叫咗
霸王麵 $98
一個超豐富的麵,有鮑魚,冬菇,花膠,廣島蠔。麵底都有多款選擇,除咗一般油麵,幼麵,仲有瀬粉同薯粉。最後揀咗薯粉,薯粉彈牙,唔會稔曬。鮑魚冬菇,都入味,軟稔唔會過鹹。花膠有4至5件,唔會瀉身。廣島蠔爽鮮甜,蠔味重。湯底清,味不濃,鹹味適中。

車仔麵套餐 $55
素食豆腐比平時食到的滑,豆味亦都相對濃。豬腸就濃味,但清潔得好,無羶味。因為信義妹係嗜辣,所以速魚旦對信義妹來講就唔辣啦~~哈哈哈~
瀬粉唔會太淋。


龍眼冰 $15 青檸梳打 $3
車仔麵套餐可以加$3轉特飲。而豪華麵可以加$15變套餐跟特飲。兩杯都唔太甜,個人喜歡龍眼冰多一點。

麻辣牛柏葉 $28
牛柏葉爽脆,麻辣味足,麻中帶辣,味道唔會太鹹,滿意!

一君炸蛋 $28
炸鵪鶉蛋配上椒鹽,味道微微鹹,配上脆炸口感,會想食更多的衝動。

枱面有兩款不同的辣可供選擇。
辣椒油,微甜香口,帶少少蒜香。
麻辣,濃味,帶點嗆,如果多啲麻就更好啦~

地址
尖沙咀堪富利士道6號地舖










信義藍星札記
Facebook Page
Instagram

香滑迷人 ~ 二少廚房 ~



信義妹向來對甜品有第二個胃。所以成日見到甜品都會心思思想食。身形都日潮增長~ 算啦~ 減肥永遠都係明天的事~ 今日又再食盡佢啦~  約咗朋友交收,順便搵個地方坐下傾幾句吧~

行到鴻圖中心,唔講唔知,原來有個好似Food Court 既地方。

有各種不同美食,中西甜品都有,仲有靚靚壁畫相伴。座位都算寬敞,唔會好迫。

跟朋友一人一個椰盅~呵呵
杞子桂圓椰皇蛋白燉奶 $52
蛋白燉奶香滑,帶有陣陣椰香。而配料都相當多,會有額外一杯奉上架~

桃膠椰皇蛋白燉奶 $52

桃膠,養顏名物,但自己整又要花時間。出街食就有夠乾手淨腳啦~~~桃膠帶微甜,配上蛋白燉奶的香滑,甜度剛剛好,正合信義妹口味。
食完食埋椰肉份量就啱啱好啦~~

店內仲有餃子,手撕雞等,下次要試下先~~~

地址
觀塘巧明街94-96號鴻圖中心地下6B-6C號舖







信義藍星札記
Facebook Page
Instagram


豬蹄信義媽 ~ 炎痛消 ~


信義媽係某一年開始隻腳就變成豬蹄,唉。。。。知既就唔好問,唔知既。。。就繼續唔知罷啦。。。自此之後,對腳就唔多聽駛啦~ 相對之前會較容易扭到,久不久整到既舊患都會痛。

信義妹用過 #正品藥業 #炎痛消 #腰痛帶 有效之後,嗱嗱聲叫信義媽都用 #踝足帶 。

方法同腰痛帶一樣簡單,只需要係有黑點部份噴少少水或者用濕布輕輕沾濕,再綁係腳踝。不過由於腳踝位置離心藏遠一啲,所以信義媽就臨瞓前綁好。瞓醒就解開啦~~~ 由於帶溫熱既感覺,信義媽都覺得好瞓咗,連近期起秋風都腫脹的情況都減輕咗。 

踝足帶同樣不含重金屬,幅射等有害物質。同時不帶藥性,唔怕會有相沖等問題。

必買購物點
香港萬寧有售




信義藍星札記
Facebook Page
Instagram

2019年10月19日 星期六

與友共聚 ~ 天池日式放題 ~


信義妹愛放題,原因有二。一,信義妹大食。。。。。放題係固定價錢,食幾多都係咁多錢。二,種類多元化,朋友間鐘意食咩就食咩啦~~~唔駛再驚叫一碟無人食又或者唔啱食,順得哥情失嫂意。

今日就同四月一聚。就食天池啦~~~ 係油麻地地鐵站附近,行幾分鐘就到啦~~~一打門開𘋢門。。。哇~~好好好多人等呀~~ 好彩有訂枱服務~

食物都多元化,刺身,卷物,鍋物,壽司,天婦羅,燒物等等都有。 刺身新鮮,特別係魚類,魚油豐富,口感豐腴。升級版仲可以有海膽刺身蝦甜筒,帆立貝,油甘魚刺身等等。

仲有三個大雪櫃的飲品任飲,各種味道的雪糕任食。有一啲特式雪糕的味道,例如玄米茶和港式奶茶味等。可惜。。。。信義妹到最後太滿足啦~都食唔到啦~~~下次一定要食到~~~哈哈

地址
油麻地彌敦道558-560號譽發廣場1樓






信義藍星札記
Facebook Page
Instagram


愛地球 愛素食 ~ 愛家素食 ~


近年多咗人喜歡食素,可以清減身型,清清腸胃之餘。仲可以減少碳排放,對環境都有利。信義妹都會久不久素食,雖然未能做到全素,但都盡力多一點素吧~~~

係新蒲崗做完野,就係附近行逛一下。走到PORT 33 就上去睇下啦~ 見到loving hut,餐廳除咗有得食,仲可以有材料買。可以買番屋企做大廚啊~~~
做大廚前,都係醫下肚先~

紅石榴汁
高抗氧化的保養飲品~~ 信義妹正正需要呢~~~酸
酸甜甜實在開胃~~~呢杯凍飲沒有加冰,溫度適宜。

特式墨西哥卷38
平時食墨西哥卷會有雞肉,食素就梗係唔會有雞啦~~~ 卷物除咗沙律菜之外,仲會用豆腐扮漢堡扒,增加口感層次同平衡各方營養。沙律菜唔會有苦澀味,新鮮爽脆。醬汁唔會過份濃烈,配上青瓜,蕃茄,口味清新,感覺refresh~

炸吉塊拼炸薯條$25
對於小食,信義妹有選擇困難症。又想試呢款,又想試嗰款。店主見到咁就俾信義妹雙拼啦~~~ 炸吉塊,就好似肉食既麥樂雞咁,大豆類製品,有口感,勁似麥樂雞。薯條係粗薯條,食落外脆內軟,再配上自家調配椒鹽,香料跟鹹度恰到好處。如果喜歡酸甜就可以沾茄汁。最大特點係,不油膩,食完碟都不沾油。細問之下,原來餐廳係用氣炸鍋,所以就不油膩,食得健康又能滿足喜歡香口的朋友。

下次想試下中式點心,麻辣燒賣,黑松露燒賣看似都不錯喎~~~

地址
新蒲崗爵祿街33號 PORT 33,1樓103A舖