2021年12月9日 星期四

齊齊jam 齊齊鬆 ~ CL ART STUDIO ~

近期朋友們都齊齊鬆口氣,因為小朋友們終於考完試啦~~一場考試都唔知死幾多細胞,不論你係伴讀書僮定係小朋友自行溫習,周圍的氣氛都令大家認真起來。既然完了就唔好諗啦,大家就搵地方鬆鬆吧!

早兩日信義妹就同小卷小立齊齊去CL ART STUDIO 畫畫呀~~~ 一到埗就聽到柔和的音樂,舒適的環境,有大大大梳化啊,清雅格調的報置,信義妹一眼入迷啊~


信義妹諗住畫幅靚靚嘅畫放係屋企做裝飾,所以就搵左導師Jeffrey做指導。


Jeffrey細心有耐性,循序漸進地解說,先講解顏料之間的分別,色譜,對比色的運用,溝色的方法,再挑選自己想畫的風格。信義妹就畫下風景啦~~~ 教學當中不乏幽默閒談,完全冇上堂嘅壓力。小卷小立就同六仔一齊畫,小卷畫太陽花,小立就畫小鳥,大家輕輕鬆鬆就過咗幾個鐘啦~~~ 



職員同我講原來仲可以組隊包場嫁, 想喺度搞個特別啲嘅生日Party就啱曬啦。

當中仲有不同的繪畫課程,信義妹最有興趣既係原子筆畫啊~~~ 重點係大家可以淨係帶個人去上堂就得啦~ 不論圍裙定係顏料畫筆,都一應俱全。


大家快啲夾個時間一齊去畫番轉啦~
#Artjamming #artjamminghk #clartstudio #party #artparty #假日好去處 #畫班 #親子好去處 #親子活動 #selectbrity 

https://clartstudio.com


2021年11月9日 星期二

線上線下齊互動 ~ OSMO ~


係遊戲中學習,應該係對大部份小朋友最有效的方法。 遊戲不但令小朋友更投入,亦可以加深記憶。

 

信義妹近期就試咗OSMO GENIUS Starter Kit ,Super Studio 同埋 Pizza Co。


GENIUS Starter Kit 以七巧板和數字邏輯為主,當中亦包含一套OSMO底座。Super Studio 就係以迪士尼公主為主題,教小朋友畫公主裙,各個故事角色等等。 Pizza Co 就係開PIZZA店,要扮演老闆,侍應,收銀員,總之就要一腳踢。除咗呢三款,亦有其他遊戲,包括藝術,英文,數學,邏輯思維等等。適合3至12歲小朋友的遊戲都有。

 

小卷就最鐘意玩PIZZA CO ,當中要做PIZZA,每個客人既要求都唔同,到後期仲會有限時,期間小立都忍唔住幫埋手,一齊合作,充滿挑戰。客人埋單既時候,仲需要有找續既場景。

 

小立最鐘意就梗係Super Studio 跟住畫迪士尼角色或者公主啦~ 畫完仲會係iPad 呈現出來架~~ 想重新畫過都好容易,只要用少少濕既布輕輕抹幾下就可以重新畫過架啦~~~

 

育兒路上不孤單,OSMO的用家都稱為「Osmonaut」。大家可以係社交媒體上hashtag #Osmonaut 就可以同不同地方的用家聯系,分享體驗心得。

 

大家又準備一齊學習了嗎?究竟係小朋友學得快定家長反應快?不如比試一下吧!

而家買所有Osmo遊戲都有8折呀,快啲入手啦~
HKTV Mal官方旗艦店 :
https://bit.ly/2ZqKyFV
Follow Osmo獲得最新優惠!
Osmo Facebook Page:
https://www.facebook.com/playosmo.hk
Osmo Instagram:
https://www.instagram.com/playosmo.hk/

 

銷售點:玩具"反"斗城、Log-On、HKTV Mall官方旗艦店

 信義藍星札記

Facebook Page
Instagram


2021年10月30日 星期六

排毒瘦身 ~ PROVEN PROBIOTICS ~


歲月既增長,新陳代謝開始無之前咁好啦~ 想減下磅修下身都要比以往吃力啦~ 趁未去到一發不可收拾的時候,就要找找辦法。但媽媽最無既係時間,想做運動修下身,恆心。。。。就久不久就欠奉。節食。。。。就唔好搞信義妹啦。。。。咁為食。。。。要節食,我會覺得自己好慘慘既。。。。



朋友試過就介紹 #英國製造 的PROVEN Slimfit 。配方專為體重管理而設,不含西藥,無添加人造香料,防腐劑,麩質或奶類製品。連全素食者都可以安心食用。加入獨有的胚芽乳酸桿菌,可以抑制脂肪吸收,對忙碌無時間做運動或者唔想節食既,都可以有效減低體重,血脂,膽固醇等等。對於有下半身肥胖或者大肚腩的人特別有效。



除咗提升代謝率,更可以改善腸道益菌平衡,減低腸胃敏感,提升免疫力。排清毒素就自然好瞓啲,病既機會都少啲啦~


一樽有30粒,每日一粒就可以啦~~~ 信義妹就食咗大約三星期多,大脾有清減一下。雖然距離美腿仲有距離,但都係唔錯既開始。食用期間,無出現肚瀉既情況,每日都暢順。可能因為排毒暢順,所以精神都不錯啊~



更多詳細資料
https://www.proven.com.hk/slimfit-probiotics-50-billion

 萬寧有得買啦!

https://www.mannings.com.hk/proven-slimfit-probiotics-30pcs/p/387571



信義藍星札記

Facebook Page
Instagram


2021年10月26日 星期二

任飲任食 ~ 二鍋頭 ~


朋友相聚,信義妹就最鐘意約去任飲任食。價已定,又可以瘋狂地食,又可以狂飲,一起瘋狂一晚吧!


今次揀二鍋頭唔係淨係純任飲任食邊爐,仲有任食煲,一次過可以滿足幾個願望。
任食煲有 #二鍋頭惹味雞煲 , #火焰鴛鴦鴨煲 和 #黑椒豬手煲 。

我地先食咗雞煲,件數都多呀~~~ 味道香濃,雞件滑又入味~ 

再來黑椒豬手煲,呢個相對比雞煲更濃味,帶微微黑椒的香辣,配埋啤酒就更一絕啦!
食完煲就打邊爐啦~ 各類湯底都有齊,由清淡到濃味既都有。適合大眾口味的芫茜皮蛋,沙嗲,蕃茄薯仔,清湯豆腐都有。而喜歡濃味的可以揀川椒麻辣,泰皇冬蔭功,豬骨煲和滋補藥膳鍋。天氣漸涼,就揀個滋補藥膳鍋啦~~~ 藥材味濃,感覺潤潤的啊~


配料都多樣化,豬,牛,羊,雞,鴨,海鮮,內臟等等都有齊。特別係牛,我地不斷ECNCORE呀~
菜類,麵類,丸類,菇類就可以到自助配料吧選擇。選擇都比想像中多,豆卜,山根,響鈴,娃娃菜,生菜,腐竹等等。大家都係睇相啦~ 太多了不能盡錄~ 
飲品方面都會有汽水,啤酒各樣,信義妹最鐘意既就一定係有清涼爽啦~~~~ 清下熱氣又再食過~~~ 哈哈哈~~ 
最後就記得食埋飯後甜品啦~ 有雪糕雪條自助拎,有榴槤雪條啊~~~ 仲有紫米雪條,三心兩意下~ 兩樣都食啦~~~~
二鍋頭 (福苑)
旺角西洋菜南街138號福苑2樓

2021年10月22日 星期五

8元的歡樂 ~ 一豆花 ~



信義妹向來都會有第二個胃食甜品。而開心就食甜品,唔開心就更加要食甜品開心一下。

當日係黃埔玩完,諗住回程既時候就見到長長的人龍,一看之下係豆花店~ 就買幾碗回家試試吧!款式都算多~ 如果你平時對選擇有難道,信義妹相信都要考慮一陣子先可以決定到食咩~ 不過小孩才做選擇,信義妹當然全要啦! 每樣來一碗啦!


信義妹叫了 經典的冰糖豆腐花,桂花冰糖豆腐花, 花奶豆腐花,薑汁豆腐花,紅豆沙豆腐花,綠豆沙豆腐花,黑芝麻豆腐花和薏米白果豆腐花。每款豆花都係8 元。信義妹仲額外叫了兩碗淨糖水,分別係芝麻糊和陳皮白蓮子紅豆沙。每款都有熱或者凍既選擇,信義妹買回家食,所以一就律選凍的。一家四口都各有偏好,信義妹喜歡薏米白果豆腐花,薏米煙韌跟豆花香滑成對比。小卷喜愛紅豆沙,小立就喜歡花奶豆腐花的香滑。六仔就喜歡綠豆沙豆腐花。薑汁豆腐花薑味濃又不會太刺激,小卷小立都食到。店員亦有好好標示好,唔駛驚撈亂啦~


係店員準備外賣期間,信義妹仲見到有豆漿,分別有4款口味 原味,無糖,燕麥,薏米。第二日早餐就豆漿配包包啦~~~ 薏米同燕麥量多,唔會太甜,又有嚼勁,呢兩款係我地最喜款的。無糖就最能飲到豆漿的濃香啦~

天氣開始涼就六仔牌羊腩煲即將上線,就順便要樽辣腐乳啦!!!
一豆花
紅磡船澳街99號地舖



2021年9月16日 星期四

全新創意越南菜餐廳 ~ Pho星登陸越球 ~


#為食信義 

#全新創意越南菜餐廳 ~ Pho星登陸越球 ~

YEAH !!!信義妹有ME TIME!就梗係約朋友出來聚一下啦~~~ 大家都有一陣子無食越南菜,就去試下啦~~~ 反正都近朋友收工的地方~

PHO星球生牛河 $66
湯清甜不肥膩,生牛肉剛剛好,軟滑香濃。河粉屬幼身軟滑,唔會碎曬~

PHO星球生熟牛河 $71
生熟牛河同生牛河既分別就係多咗牛腩啦~~~ 呢個係朋友食,所以信義妹就無特別試味。但睇落都唔錯呀~
越式炒金邊粉 $69
粉唔油膩,味道屬於中等,唔會話好鹹,配埋扎肉味道就剛剛好啦~
鹽酥雞粒 $48
呢個想不斷添食呀~~外脆內軟,熱食就最開心啦~~ 又唔油膩。 沾醬食就帶點酸甜,唔沾醬就鹹食,兩隻味都好味就視乎大家想點食啦~~~
特式拼盤 $115
非常豐富有春卷,札肉,米紙蝦卷,雞絲椰菜沙律。想食小食但有選擇困難症既就啱曬啦~~~ 一次過可以試幾款口味。雞絲椰菜沙律帶點酸甜係開胃清膩小食啊~
串燒沙嗲豬肉,雞肉 $48
每款有兩串,適合大家一齊分享試試味。兩款肉都軟滑可口,沙嗲是分開上的,所以大家可以先試原味再加沙嗲。
越式豬頸肉 $79
香烤脆邊,油脂分佈平均,配上香香的蔥油和蔥。喜愛香口的你就記得要點來試下啦~
椰汁珍多冰 跟餐加$12
平時係出面飲的珍多冰內裡的啫喱好多時都係軟軟的~ 但呢個爽爽的啊~~ 又多啫喱~~~
下次試下咖哩系列好似都唔錯咁呀~~

@pho_star_hk
#Pho星登陸越球
地址:九龍灣展貿徑1號E-Max國際展貿中心2樓25號舖