2018年8月19日 星期日

炸物天下~小息時間~

有幾耐無放過小息呢?中學之後啦!近期元朗巴士總站新開一間小食店,小息時間。
以台式炸物為主,鹽酥雞,炸鮑菇,炸西多等等。可以散賣或者跟餐,餐就係炸物+炸薯條+飲品

飲品有汽水或者梳打,跟汽水$29,跟梳打$33

薯條亦都有多款調味粉選擇,紫菜,香辣,蜜糖等等

信義妹就揀咗鹽酥雞同炸鮑菇。

鹽酥雞,第一眼見到。。。。咁黑既。。。。肉質雖滑,但唔多汁,味道屬於濃味偏鹹。薯條調味粉揀咗紫菜,略少,因為有鹽調味所以不太淡。

杏鮑菇,呢個最合心意,多汁之餘又唔太鹹。薯條揀香辣粉,辣粉帶微甜,但信義妹嗜辣,所以覺得唔夠辣,普通辣既朋友應該可以的。

飲品分別係芒果梳打和巨峰梳打,無咩特別,唔太甜,係特別多冰。。。。。。。

店員有禮,店舖整潔。
地址:元朗擊壤路9號金寶大廈地下6B號舖