韓式親子餐廳 ～ 炑八韓烤 ～

#為食信義

近期成日熱到暈，想玩下但又唔想身水身汗。室內場都不失為一個好選擇。 信義妹就帶小卷小立到 炑八燒烤親子餐廳 Meokbang BBQ Kidzone 邊玩邊食啦～

我地食咗

風味牛肉拼盤 

牛前胸肉，牛五花，牛小排，牛舌

雪花油脂分怖平均，牛香味濃

跟配菜，醬料，沙律菜一齊食，更滋味解膩

仁川鰻魚(半份)

這個大家要換鐵板燒啊～ 唔好用網燒～ 亦都可以勞煩店員幫手燒這道菜。皮脆肉嫰，無骨鮮甜，若果怕腥可以連薑絲一齊燒啊～

蜂蜜牛油炸雞半份（無骨）

蜂蜜香甜，雞件外脆內軟滑多汁。粗薯條配茄汁，又係外脆內軟組合。

芝士帶子八爪魚

濃郁的芝士沾上厚肉的帶子，爽脆的八爪魚，原盒放上去燒夠曬方便。

兔仔蛋包飯

蜂蜜炸雞， 蛋包茄汁飯，仲有新鮮沙律菜和韓式飯卷。造型可愛滿分，小朋友見到都特別開心。茄汁飯，味道適中，唔會太多醬。

 夾心棉花糖配威化餅

 呢個絕對係小卷小立最愛，外脆內軟的棉花糖再夾餅乾，為一餐畫了完美句號的飯後甜品。

 

香橙乳酪沙冰

酸酸甜甜，冰涼感覺，確實解暑

小卷小立仲試著咗韓服，係傳統韓屋報置，紙窗木門瓦頂打卡留念真係唔錯呀～

兒童遊戲區有波波池，化妝枱，積木，廚房，迷你雪糕店，樂器等，地方寬敞，多幾個小朋友都唔會撞埋一堆。波波池勁多波波，大家可以沉浸係波海裡面。

炑八韓烤親子餐廳(觀塘)

地址： 觀塘鴻圖道90號2樓

#炑八韓烤親子餐廳 #韓烤親子餐廳 #香港親子餐廳 #親子餐廳 #韓系童心空間 #韓屋 #親子韓服 #親子假日好去處 #親子好去處  #小朋友放電之選 #邊食邊玩 #波波池 #滑梯 #KoreanBBQ #meokbangkidzone #babymeal #bb餐 #兒童餐 #炑八烘焙工作坊

#wowshunyeemui #信義妹 #信義藍星札記 

三重開心 ~炑八韓烤親子餐廳~

有得食，有得玩，有得試穿韓服打卡

一次過有齊體驗，醫肚，玩樂，邊度有？觀塘新開的炑八燒烤親子餐廳 Meokbang BBQ Kidzone 就可以啦！坐港鐵，係觀塘站落行一陣就到啦！連路盲信義妹都輕鬆到步，其他人就一定無難道~

餐廳本身就已經係一個靚靚場景俾你打卡!傳統韓屋報置，紙窗木門瓦頂，特別有氣氛~
兒童遊戲區有波波池，化妝枱，積木，廚房，火車等~

玩完仲有美食幫你補充體力!
想睇詳細分享就繼續留意啦！

地址:: 九龍觀塘鴻圖道90號二樓

營業時間:
星期一至五: 11:30-23:30
星期六日及公眾假期: 10:00-22:00
星期一至五，兒童遊樂專區下午5點後才開放

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

炸物天下～小息時間～

有幾耐無放過小息呢？中學之後啦！近期元朗巴士總站新開一間小食店，小息時間。
以台式炸物為主，鹽酥雞，炸鮑菇，炸西多等等。可以散賣或者跟餐，餐就係炸物+炸薯條+飲品

飲品有汽水或者梳打，跟汽水$29,跟梳打$33

薯條亦都有多款調味粉選擇，紫菜，香辣，蜜糖等等

信義妹就揀咗鹽酥雞同炸鮑菇。

鹽酥雞，第一眼見到。。。。咁黑既。。。。肉質雖滑，但唔多汁，味道屬於濃味偏鹹。薯條調味粉揀咗紫菜，略少，因為有鹽調味所以不太淡。

杏鮑菇，呢個最合心意，多汁之餘又唔太鹹。薯條揀香辣粉，辣粉帶微甜，但信義妹嗜辣，所以覺得唔夠辣，普通辣既朋友應該可以的。

飲品分別係芒果梳打和巨峰梳打，無咩特別，唔太甜，係特別多冰。。。。。。。

店員有禮，店舖整潔。
地址：元朗擊壤路9號金寶大廈地下6B號舖

迷你美食廣場~蠔滋味美食坊~

如果有啲女仔行名牌時裝店會HIGH 爆
信義妹就應該係行冷舖同食新開食店會HIGH 爆
近期好多朋友都講梗呢度
一間店內有好幾間不同既細店
好似一個迷你美食廣場一樣，中西日地道都有

今次就揀咗幾款試下
爆醬玉子燒 $30

爆醬既程度就無我想像中咁多
芝士味就比較淡
但因為我係芝士狂熱者................所以.......對於唔愛芝味既朋友就可能會夠
點為之狂熱呢...........就係信義妹食芝士火鍋會額外加芝士粉囉~~
粟米粒都頗多，係罐頭粟米
整道都有少少偏甜的
木魚整整鋪滿~~~慢慢飄動~~~~哈哈~~~

再到另一間買黑松露芝士薯條 $38
呢間仲有墨西哥薄餅的
可惜今日唔太肚餓就無叫啦~

薯條係粗薯條
店主好細心問要唔要鹽，要唔要黑椒，芝士醬夠唔夠
服務很好呢~~~~
熱食外脆內軟
配上芝士同黑松露醬
鹹酸香濃集於一身
有酸係黑松露醬帶有沙律醬
呢個值得再食呀!!!!

最後到街頭小食啦~~~~~
見到呢位姐姐.........信義妹俾錢嗰陣都忍唔住大叫
陰功囉............
姐姐對手俾滾油彈到體無完膚
而姐姐就無奈地笑笑
搵食艱難...................

臭豆腐$15
比平常食到的大一點
臭就唔太夠，但都還可以既
皮脆內軟，內唔滑啊~~~
加上必配既甜醬同辣醬
辣甜脆軟一次過滿足幾種滋味

其實仲想買埋水果茶既
因為見係新鮮百香果同菠蘿都係$23
但今日胃口欠佳...............下次先啦!!!!!!!!!!!

地址 : 元朗大陂頭徑14-24號褔星樓地下6號舖

檸檬愛玉~清玉~

清玉~名字很清新的感覺
而招牌既顏色綠色更係密密麻麻既美食廣場突顯出來

信義妹對珍珠有莫名的喜愛
所以久不久就會心癮起想飲番杯
呢啲...........咪就係同肥有不解緣既關係囉....................

同係西九龍廣場FOOD COURT
就已經有幾間珍珠飲品店
但清玉人龍較多，所以大家要預少少時間等候啊!

仙草奶綠
茶味香濃而不苦澀，奶味芳香
加上仙草既口感
每一啖都帶著茶與仙草既味道
甜選了半糖，味道剛剛好~~~

檸檬愛玉加珍珠
招牌檸檬愛玉
初初仲諗會唔會好酸好似 LEMONADE 咁
飲落有檸檬清香，只係少少酸
愛玉帶有微甜，可以配撘得剛剛好
珍珠本身帶有甜味
如果想係其他飲品都加上就記得因應自己既口味叫減甜啦~~~~~

本身都有諗住叫百香果益力多架
但諗住都係試咗招牌貨先~~~哈哈
一於下次再試下啦~~~

地址:
深水埗欽州街37號西九龍中心8樓美食廣場57-58號舖

榴槤愛好必食~糖宮~

食甜品係有心癮，
遇上稱心既店更加有一去再去既衝動 恰巧朋友都想有啲甜品調劑下，就去糖宮啦！
榴槤爺爺 呢個好多人叫架，遠遠就已經聞到榴槤香，榴槤控必試 先講下個雪糕，係榴槤雪糕，質感幼滑，味道帶著榴槤甜，算係中甜 椰皇內有大大舊榴槤肉， 彈牙小丸子，滑濃牛奶布甸， 仲有增口感的西米，撈埋榴槤汁幾重口感味享受。

中式糖水有腐竹蛋糖水， 店主有自己既祕方，份外濃滑。 蛋係蛋花，絲絲溶入糖水。 愛中式糖水既記得試下。

 下次要再試下個榴槤雪花冰先得~~~~
地址:大圍積信街61號地舖

東華的時候~千式~

呢篇多少都有點唔好意思................
因為...........信義妹想食既變得不美
對於完美主義者既我..............打擊了
所以相亦都無好好轉一下.............

本身想著黃梅果醬西餅而去千式買的
大家看看..............
唉....................都不似餅形
果醬全都散落..............
我都明白，買兩件好難俾個盒我
但姐姐.............你有必要將呢兩件餅起勢地塞入我袋包嗎?
令我想起東華籌款，塞得越多款項越高呢...............
最終悶悶下的心情食
內裡加插了一缺咖啡味的...........是正宗口味?還是千式獨有口味?
周邊奶油味道太重，有點太油的感覺

被塞入的包點.....................
叉燒包
皮都算薄，但餡略甜
餡算多，
蛋白蛋糕鬆軟，味道適中，不太甜

其實信義妹仲有買半打蛋撻
有信義媽愛吃的曲奇皮
呢間既好處係有曲皮同酥皮揀
曲奇皮香口
蛋不太甜
熱食最好食

大家可能奇怪信義妹點解唔叫住唔好塞..............
有叫...........不過人家聽唔到呢................
我又一拖二.............唔通同佢死過咩.................

地址:元朗青山公路222號

良莠不齊~囍慶~

又有新酒樓開啦~
有鑑於之前既不愉快經驗
所以今次揀間集團式既食啦~
反正都係新~~諗住集團式既應該都會正常啲啦~
結果...............真係信義妹諗多咗................

今次試晚巿邊爐
之前係科學園嗰間試過架啦~~~
都算唔錯~~~所以今次就再試下啦~
點知..................唉..................

同一個餐..............
擺盤....................真係完全唔吸睛.................
龍蝦...............
都叫鮮既..............
肉爽脆..........

海鮮拼盤...........分兩盤...........
一盤龍蝦一盤貝殼類
同樣既食物真係點擺盤都多少會影響
係咪應該要叫科學園那間既師傅教一教會好啲呢~
之前食既一上枱係哇哇聲架~~~擺得勁靚
家下見到只有啊~~~~咁囉~~~~

不過貝類無沙, 花甲清甜
係青口個殼唔夠乾淨
蠔就中規中距啦~
魚不是脆脘，只係普通魚片

呢個鮮牛滑係純綷唔合信義妹口味
因為信義妹一見就覺得佢係山竹牛肉的牛肉球料..................
不過食落口信義家其他人都覺得不錯
所以呢個只係信義妹覺得不太好啫

仲有魚卜，
不過限量供應，所以想試既就早啲去啦
信義妹想再叫多次既時候就已經無LU~

有一些配料可以自取既
出前一丁同烏冬
都係大家常食口味~
但係啲丸........信義妹無選擇食
一來信義妹對丸向來都挑剔
二來見到啲丸既樣子唔似合我胃口，避免浪費
所以無食~~~
但丸既選擇多樣化，丸精應該好開心~~~

有某些菜要係邊爐紙點，有啲可以自取
還有牛栢葉，豬粉腸，土魷，豬皮，鵝腸
鵝腸唔肥，夠彈牙，不錯啊!

飲品有酒類同汽水
酒有兩三款

汽水有百事，7UP，新奇士橙同新奇士CREAM SODA
UM..............信義妹飲唔慣新奇士CREAM SODA...............
我都係飲番玉泉既就好啦................

呢度有樣係科學園分店無的
就係軟雪糕
只有牛奶味

有雪糕筒或者杯俾你揀
亦可以自己加上TOPPINGS 不錯啊~

整體食物係可以的
但良莠不齊係指員工
行政合作亦見混亂
當一個帶梗我地埋位既時候
另一個又叫我地唔好行
如是者又行又唔行兩三次後，兩個職員鬧起上來
那一刻，我真係想問............要我地一家幾口企係度睇你地吵嗎?
我地被點來點去都未出聲，自己人就內哄啦?

到上菜啦
我地見同科學園既唔同就問啦
部長們衝到過來解釋
但無一個係聽問題既
科學園分店係連小童都會有一份細的海鮮
但呢間係無的
我地亦都只係想問一下，並唔係想討什麼
食飯，求開心咋，問下都唔得? 如果上少咗就等埋嗰份先一齊食，如果無既咪我地每人分均佢囉~~~
部長1號，小童要收錢架
(我地無話唔俾錢呀..........)
部長2號，海鮮拼盤陣間先有，食住冰鎮鮑魚先
(我地而家問係咪仲有一份細既小童未上，唔係食咩先呀............另外..........科學園係連冰鎮鮑魚都有小童一份)
部長3號，其他野來梗架啦，請等等
(咁係咪即係小童都有一份????)
梳ALL BACK四眼部長，總之係得咁多架啦，係架啦，係架啦~~
(呢個部長應得真係好，好到我有種想問佢，你而家想答咩?呢個部長對於我地問乜都係答係架啦係架啦!)
四個部長一齊衝過來，但無一個俾答案，亦都無一個聽問題

到樓面姐姐，你們工作一天應該都辛苦啦................
信義妹想要支湯勺啫..................你都呆咗望住我仲要我講三次，
搞到我都諗梗我想要嗰樣野係咪叫湯勺..............................
跟住請佢地加湯，就會回應你一句"加得湯多會鹹架，你加水啦!"
結果我地自己加湯囉~

最經典係我地點火鍋紙上不用加錢既食品
傳菜姐姐話佢分唔到碟牛要唔要加錢
但佢手頭上拎住張我地既火鍋紙，加錢既食品無剔，
只係不用加錢任食既牛有剔，
佢睇完一輪仲懷疑梗係咪要吸個加錢印
好，佢企到又搞到啲部長衝曬過來
梳ALL BACK四眼部長不加思索就想吸個加錢印，
唔係喝住都仲好似發梗夢咁
部長2號就正常啲，你都睇到張紙唔係剔加錢嗰欄，你做咩諗住要吸加錢印
(終於有個正常既答案!)
梳ALL BACK 四眼部長見到我地成枱都望住佢，就丟低一句，你地搞掂佢
真係有咁既服務態度

食飯求開心架啫
一班職員當啲客好似成日都想走你數咁既
係你地俾人走數走得多
定係你地錯得太多呀!!?!??!!?

同場加影
有好幾枱啲爐突然熄咗
職員搞完十分鐘都開唔番無人跟
齊齊燥底
又一輪部長潮衝去話叫佢地再等多十分鐘，俾多次機會個爐..................
有食客唔好意思都講句...............
而家你限時架................啱啱開始食就成日停，咁幾時先食得飽呀?

 信義妹既總結係.................
等呢度RUN 熟咗我先會再去..............................

地址:大圍顯徑村顯徑商場3樓301A號舖

百日宴~帝都酒店~

信義妹都係第一次去呢度飲宴
服務很好啊~
最少職員對客人都禮貌
照顧都週到

乳豬脆而不油
配上白色夾餅軟與脆的配搭
正啊!!

蜜糖豆爽甜
象拔蚌爽
配上黑松露醬香氣誘人

炸品唔會食到成口油
夠脆蝦彈牙
味道唔會太鹹蓋過蝦既鮮

魚蒸得剛好
滑滑的啊

玉環瑤柱甫
芡汁唔會太稠
鹹度剛好
瑤柱蠻大的啊~

蟹肉海王燴燕窩
蟹肉、燕窩多
湯不太稠，味道帶鮮味
算不上太鹹

呢道菜雖然鮑魚燴得好食
但芡汁對我來講稠了一點
味道相對亦都較濃

不得不讚服務態度
職員主動幫手把食pack 好
提議可以帶走
又見到大肚朋友主動問要唔要暖或者熱水