回到未能說的秘密:封喉行動

**2013年8月27日**

今天簡直進行了封喉行動.................
胃反到不得了
差點兒以為自己個胃會吐出來一樣
全日只飲了細紙杯橙汁
不要問為什麼飲橙汁
因為我連水都飲不到
試過加檸檬、加蘋果、加石榴................仲有加梅................
無一樣可以放入口
全都嘔出來
中藥更不在話下
聽到聲都已經吐了

有見及此，六仔幫我打電話到中醫求診
因為西醫只能留院...................
我當然不想留院啦..............
所以院長是我的希望

聽到之後醫師已經叫即時去再診
連同未煲的都一併帶去換藥
實在太好了
救星到~ 六仔一收工就飛回家帶我去睇醫生
去到各位醫師見到都已經拎定椅俾我坐啦..............

入到去見院長.................
把把脈，將藥方改後，還教一些食療

等藥的時候
好幾位醫師都出來安慰一下
亦都教了另外的食療，好讓有好幾款選擇
免得那麼辛苦

當晚即時跟食療做了
又飲了藥
確實舒緩了

回到未能說的秘密: 心跳回憶

**2013年8月20日**

由於六仔請假陪我的關係
我們可以很早就到院長那裡了
等派籌的那一刻已經有很多人
我排第13位不過不失吧

一摸脈象
院長: 今日醫院照到啦?
我心諗~院長你咁多人都記得!?!?!勁呀!!
我: 照到啦，兩星期後再回去照心跳
院長: 等兩星期!!! 我而家都把到啦!!!!仲等佢照咩!!!
(我呆了................)
隔離買魚頭答魚咀的師奶話，有無咁勁呀有無心跳都知.........................
(我心諗，乜你而家好望我肚裡面嗰個心跳咩，師奶)
另一醫師: 脈象唔同架
魚咀師奶: 咁真係好勁wor
(你知院長勁先來睇架啦，唔係你來做咩呀................)
我: 多謝院長
院長: 你多謝我把鬼咩~關我咩事~
另一醫師: 咁你又有蛋食啦~
院長: 你唔好請我食蛋啦~ 我怕發呀~(指指有敏感地方) 豬腳啦~我要兩件就夠啦~
(我心諗，出世後俾一呈你都得啦~)
另一醫師: 但我要蛋呀~
六仔: 放心，樣樣都有，人人都有
我: 一定會啦~
繼續問診~
院長: 有無口乾呀?
我:都成日飲水，ok 啦
六仔: 佢成日喉嚨痕就會咳
院長: 咁頭先問你有無口乾又話無
我: 我唔知口乾同喉嚨痕有關連ma...................
(院長都好似無我咁好氣..................)
院長: 飲多幾次唔大轉d 藥住啦~ 之後繼續來啦~
我: 會啦~
院長: 好啦~我等食豬腳架~
我: 好既好既~

今次都真係最多買魚頭答魚咀的對話了

回到未能說的秘密 : 轉藥單的時候

**2013年8月13日**

終於到我期待轉藥單的時候了
但我從沒有想過轉藥單之前我會是那樣模糊的情況下呢
還未確定自己病因是什麼
真的是懷上了嗎
還是其他原因

既然是這樣，我倆都打算從好方面著手
走一轉何院長那邊吧
但想走一轉都需要有一定的毅力
看打了19個電話才能掛號

今日一如以往的多人
奇怪的是...............平時總會有位坐的
但今日淨位的人多了
我全程差不多是企的
企差不多十分鐘開始累了
是心理作用還是真的累呢?
但我真的要揉一揉自己的腰才能呢
加上今日無功德心的人多了更多
感冒、咳患者全都沒有帶口罩
是考驗我的抵抗力嗎!?!?!?!?!?
好像平時都不會發生的，今天一次過發生似的

終於排到院長那裡了
院長: 排便而家ok 啦~
我: 係呀
院長: 個胃無咁多胃氣啦
我: 好番啦~
院長: 未來m 呀~
我: 係呀~早幾日入咗醫院.....................(下刪幾百字)
院長: 咁得嗰4週邊有咁快呀
(我心諗:我未講自己幾時last m wor..........確實我見院長的時候應該係4wk 4d)
院長: 遲多陣就得架啦~你做咩學人著呢d 鞋呀~都唔靚呀~
我: 今日落雨咪著拖鞋啦.................
院長: 你望下曾醫師，你以後就要著呢類鞋啦
我: 啊
院長: 你個手袋要換啦
(心諗............手袋都要!?!?!?!!?)
院長: 你只可以手拎架啦
六仔: 佢係咪唔可以孭背囊呀?
院長: 係呀~佢只可以拎住，孭野就等你來啦~唔係要你來把鬼呀!你再孭個大d 既背囊啦!之後好多野要你孭架啦
(六仔笑笑口)
院長之後繼續問診
最後，我地問了幾項食唔食得，就如桑寄生蛋茶、金錢草茶
院長: 你飲我d 藥都夠架啦~係呢d 時候咪搞咁多野啦~陣間收唔到科架啦~
隨後我地就去抄坊了
抄坊的梁醫師都好細心解釋有什麼食得或者唔可以食
梁醫師: 係咪俾院長鬧咗對鞋啦?
我: 係呀
梁醫師: 咁而家知要著咩鞋未呀? 要著密頭既、保護腳指;平底既、保護腳粿，而家d人行路唔睇人架，你著呢d 鞋陣間俾人踩一踩，扭一扭就手尾長啦
(啊~原來係咁~我仲以為著平底鞋的原因主要是陀bb重會易腳攰tim)
梁醫師: 跟住咪孭手袋啦~換個細d既袋仔拎住啦
六仔: 係咪挽住都唔得呀?(意思指放上前臂)
梁醫師: 係都唔好咁重啦~呢d 野係你做架啦~知唔知膊頭有兩個穴位同bb相連(各位，我聽唔清楚係跟bb相連還是跟子宮相連，但我跟六仔就理解為跟bb 有關)所以唔好俾人拍膊頭同孭野啦~
這一刻我倆好似突然醒起一d 野............靜咗.....................
梁醫師: 人地輕輕掂下你就話啫，陣間大大力嗰陣你真係喊都無謂架啦~
我: 明啦~
梁醫師: 食咩生果多呀?
我:橙....................(其實........睇院長後，對生果非常揀擇，名單上不能食的就已經沒有食了，名單上可以食的才食)
梁醫師: 咁你都仲可以食下火龍果，蘋果既(仲有幾項都忘記了..............)
我: 好呀~
梁醫師: 你做咩個樣咁苦呀?
我: 因為早幾日入咗院.....................(又下刪幾百字....................)
確實我不得不否認我仍在擔心，因為照不到ma~ 而醫院又講了二百萬個可能...............
梁醫師: 無事架~初期正常架~ 有我地係度~ 笑下啦~苦瓜咁樣嚇親bb 架啦~
我: ok 啦~
再傾多陣之後我地就出去等拎藥啦

剛剛我倆都醒起一d 野的時候，都是回億起入院前幾天的事
那幾天我真的孭了異常多的東西(一邊環保袋，一邊手袋)
平日都沒有那麼多的，可惜那幾天要處理的事比較多，唯有把東西帶來帶去吧
那幾天每天都覺得骨頭很攰很痛，總找六仔按摩一下
頭一兩次六仔只按腳後見信義妹已經抱頭大睡就沒有按膊了
到有一天，信義妹要六仔先按膊，最初第一下都好像沒有大不了
隨後的兩三下就不得了啦~信義妹確實感到肚在抽筋還叫停
一叫停又沒有了..............當初我倆都以為是人太累了，身體各處在抽筋也不足為奇
但如今聽到，有可能當初六仔真的按中那個穴位
勿論大家聽到後是否相信
可是，我倆就深信不已

安胎的藥比一般多了........................

圖中左邊的要前服
圖中右邊的要後服....................

其實點服我都唔多想服
可惜.......................
只有頂硬上啦......................
之後飲啖檸檬茶補數.......................

燥熱的情況

滂沱大雨都無減大家睇中醫的熱情
排到出門口的呢.....................

不過幸好早到了

排得比較前的位置

繼上一次學到濕熱的情況
今次就學到燥熱的情況了

話說信義妹跟六仔星期一至星期五九成都是無飯夫婦
好多朋友都話，可以午飯的時候去買，又或者去高級超巿買
但我又好想回應的是...............上班不是沒有工作忙，又未必日日準時收工
就算準時收工，最快都要七點三先到大圍火車站..............(我還要轉車才可到家........)
有時分分鐘回到家都已經八九點....................煮完食完都應該十點啦...............
都仲未計洗..................
那麼辛苦又何必呢..................

所以街外食物必然食得多，自然就會比較燥熱
但我估不到...........食了三條麥當當薯條..........院長竟然會把脈把到.............
院長一輪問診後，突然
院長: 你塊面咁既!?!?係咪食咗好多燥熱野呀?
六仔: 即係咩呀?
院長: 即係薯條嗰D 啦~ 你係咪食咗薯條呀?
(我當時跟本就唔敢出聲...................心諗下午搶咗同事三條薯條啫...............咁準..........)
六仔: 我無俾呢D 野佢食wor............(佢完全唔知佢老婆係下午做咗土匪搶人地三條薯條.........)
院長: 咁奇怪!!!!
六仔: 會唔會係我地頭先淋住雨過來，佢就冷親先係咁呀?
院長: 唔係咁快呀!!!!!!!

跟住改好藥單就出去等拎藥了
等約途中............信義妹已經向六仔自首................搶劫薯條一事..........

都是三條薯條惹的禍(我估..................)
藥的份量又變得多了.................
上一次還好好的變少了..................
上一次是幻像來嗎.....................嗚嗚嗚...............

稍為有曙光的大大大包藥

經歷之前好幾個月的努力
今個月終於有多少曙光，藥比平時少了一點了~
身體有好轉太好啦~都是戒口加藥最有效~~

今次跟院長仍然有經典對答
(當院長一輪問診後......................)
我: OK 無問題
院長: (一邊把脈一邊話) OK 既話就要勤力D 交多D 功課
我: (又呆了...............)
院長: 唔交功課，何來有BB 呀
我: (心諗) 我地有無交功課你都把到................. (事實又啱，我地係懶學生，成日都唔交功課.......同埋想調理好先開始交功課............)
院長: 既然而家身體都好咗啦~就加油啦~送份復活節禮物俾自己啦~
我: 好呀~

雖然減了藥.......但仍然苦........................

濕度的迷思

終於寫到解開院長是否神醫之謎了
上兩次提到當天下午食了幾塊魚生.............
何院長當晚就把到的疑惑
到這一天竟然解開了
(因為我靜雞雞偷聽到啊~~~~呵呵)

話說新年過後大家又是蜂擁而至院長診症
當天信義妹還專程拎了兩小假早退探何院長~
免得到時遇到高峰期想走都走不了

到達院長的時候，我竟然史無前例可以排單位數字
果然兩小時假是物有所值的
6號籌~ 感覺很快的呀~

終於何院長就位應診的時候到了
由於1號籌的太太行動不便，何院長都不介意到門外看診
又來驚奇的事了
一把脈.............
院長: 你係咪食過壽司呀?
(正直這一刻，心中的疑問好像會找到答案)

太太: 有呀~ 乜我唔食得既咩

院長: 當然唔食得啦~ 壽司飯帶黏性同埋生的魚都係屬於濕的呀

太太: 呢層我又真係唔知..........仲諗住washabi 係濕，淨係點鼓油就無問題

院長: 你就想啦~

(這一刻迷團終於解開了，原來每款食物或飲品的濕度不同或者有不同屬性。院長應該是可以仔細到把些微濕度偏差都可以靠把脈把到。例如: washabi 的濕度是20、汽水的濕度是 5、壽司飯的濕度是15，院長可以分到脈象濕度5, 15 跟20 的分別)

今次的感覺是又學到野了~~~~

但學到歸學到.................
我的藥仍然是一大包的樣子....................

這一刻六仔開始發現我開始進化了
其實之前有看過中醫的信義妹對苦茶都有一定的免疫能力
可惜一山還有一山高
院長的茶確實比其他的苦
六仔安慰話"吃得苦中苦，方為人上人"
但到今次終於不用出動嘉應子，山楂餅
一口氣就喝完了
但仍然都會做一個動作為結尾---- 強吻六仔
哈哈哈
恩愛夫妻應該分甘同味的呀~~~
呵呵

又到何院長時間

好似有一段時間沒有寫中醫情況
好明顯首要的是懶
其次的是忙啦~

來到第四次的探訪
說實話，感覺到身體有明顯的改善
不過大家都要趕診所休息之前看院長
所以今次都等得比較耐呢
無辦法啦~
誰叫院長受歡迎

等到了~院長一見就問便便好不好
M 小姐有沒有準時報到，情況又如何

今次信義妹醒啦~
有做戒口的動作
所以院長都沒有什麼驚人的對答
很快就出去等拿藥了~

難道是錯覺!?!?!!?
好像又大包了...........
只可以講句，真是越飲越抵飲了=.=''

我來了~~何院長~~

轉眼就已經是第三次診症
身體有明顯改善
但藥仍然明顯地苦........................
院長那裡仍然有長長長的人龍...................

院長雖然問診的速度快
但加的藥仲快(以光速加呢~~~嘻嘻)
藥又大包了~
有種越飲越大包的感覺

今次院長一把脈就出事了
事因信義妹又有新老細了，新老細話要請食LUNCH
我這個奀薯又點會SAY NO.................食什麼都是老細話啦
我只是出席就好了
老細想食日本菜，就去了吧
當中有二人餐，每人大約有三片刺身...............
信義妹都知個死字點寫啦
上網都有睇過有BLOG 友都話院長會鬧人
我就當然不想俾錢俾人鬧啦
所以那三塊刺身就等到室溫先食(其實都冒險..........陣間有菌就瀉餐死...........好彩那次都大步跨過)
其他的食物都是熟食的，沒有什麼炸品
LUNCH 後就拼命地飲水(那一刻只是覺得院長可能把脈的時候，會把到寒，所以盡量令到身體變暖)
當然結果不是我這樣想的啦
院長一把脈............就話:" 想調理好身子就咪食刺身啦!"
我頓時呆了............聽人講什至乎好多時中醫都會話"生冷野"........但如此一矢中的..........都是第一次
那一刻只可以...................應一聲"知道............"
六仔跟我都有一百個為什麼在頭呢.........................
(後來知道了.....................為什麼院長會知道我是食了刺身..........不是飲了汽水，不是吃了雪糕......遲下再跟大家分享)

再遇何樹勛

經歷上次的經驗，藥是比一般醫師的苦
但既然夾就繼續下去啦
事實證明做事是需要恆心的
我只是打電話掛號留位睇院長都打了一個小時多些
大家都排住隊呢~
再到時候，院長一睇我張藥坊就已經知道我上次是什麼病徵
跟住再重新問今次來的目的
我仍然答調理身體
院長:咁你調理之後想做咩呀?
(噢............跟之前提及的deflaut 設定............)
我:之後想有小朋友，驚身體差，而家先調理
院長: 你咁鐘意食辣野同咖哩，想有小朋友就無得食架啦
(我心諗............你把脈就知我鍾意食辣野同咖哩...............事實上，我真的十級好辣同咖哩，特別是四川水煮系列同巴基斯坦咖哩.............)
院長應該見到我呆了，繼續笑笑口: 生仔唔食得濃味野架，你忍到先好呀!
(繼續呆呆地想，為什麼把脈就知我嗜辣...............)
院長: 咁想想生仔定生女呀?
(心諗..........咁都有得揀!?!?!?! 最好就當然龍鳳啦，一次過ko ma~ )
院長應該都接到不少好似我那樣的呆呆病人..............繼續: 條坊就是生仔的，但我不保證架
我(今次有反應了): 好呀! (心諗有已經是福氣同緣份了)
院長: 咁你老公呢?
由於多人的關係一直在院長室門外偷聽的六仔就伸個頭出來
院長: 佢唔駛睇，你睇就可以啦
這個亦都是事實，六仔身體一向都比信義妹好多了，又多運動
估不到院長望下就知六仔需不需要睇
中醫的望聞問切確實勁呀~
之後就到其他醫師再詳細問診，抄坊，拎戒口紙
大家要留意拎戒口紙是要捐款的呀~
多少隨意，是捐給中國愛滋病的小朋友
問診的時候，醫師都很細心了解你的飲食習慣，再進行多多少少的心理輔導

又到等藥的時侯了，三至四人不停地執執執
但交藥單速度，遠比他們快，辛苦曬了

 

今次是三包藥.............是三大包藥
煲藥的仍然都是六仔
六仔拎出來的時候，仍然都像拿著巫婆湯一樣...................

我與何樹勛的第一次

上回提到，終於都揀定了中醫師
就決心約個好日子就診啦~
剛剛又遇上重感冒，時間剛剛好，可以試一試大家夾與否

一去到~哇~~~好多人呀~~~
登記的姨姨雖然都見她忙到想喊，但仍然好有禮貌教我填表入會
對~來這裡看要入會的呀~
入會之後，就免診金，只需要交掛號費跟藥費
填完一輪~終於可以拎籌啦~
但這裡不是快餐店會叫號碼入診室的呀
大家要乖乖地排隊
所以第一次來都驚驚青問人是幾多號籌

七點多到都已經三十多號籌....................
不過等候時間不是太長，院長應該接診速度極快
眨眨眼就到我啦~~

一入到去，院長 : " 睇咩呀?" (把脈中................)
我 : "調理身體............."
(由於之前介紹院長俾我的朋友都話院長會鬧的人，所以我都不敢隨便開口)
院長 : "但你感冒wor，醫好d 感冒先啦"
我 : "好呀........."

之後就叫我坐去另外一個醫師度，再跟進
另一外醫師見到我兩公婆去
就即刻俾張戒口紙六仔
叫佢記得有什麼不能吃
但一見到.....................我總括俾大家知，有什麼可以食罷................
我只可以食菜心、瘦肉、米粉同通心粉
其他一概不能吃
為食的我........一見到面都青埋.............
醫師就繼續寫藥坊
之後仲教六仔要幾多碗水、用咩火、煲到去幾多碗水、幾時落"後下"
都解釋得好詳細

寫好藥方，就外出等拎藥
原來等拎藥真是要等很很很久的呀~
食完飯番來都仲得呀~~~

一見到四大袋..........哇~~~~暈咗...............

六仔就開始煲藥啦
煲的時候都已經聞到好大陣苦味..............
煲完倒出來仲嚴重............
六仔好似拎住碗巫婆湯咁行出來，自己仲要距離好幾呎遠..........
真無考慮過我這個做病人的感受

飲第一啖...............好苦.............
飲第二啖...............苦 + 甜甜地甘甘地............
飲第三啖...............苦 + 又好似有少少其他味............
結果..............閉氣飲曬................

飲完十多分鐘後，氣管開始好轉了
好神奇~~
睡醒之後，痊癒有七成
厲害呀!!!!
所以往後的六日都乖乖地跟住戒口.....................
既然一劑都有效，乖乖地快些好吧!!

實驗證明，我跟何院長是夾得來的~

尋找有緣醫師的故事

婚後上班無耐身體就開始轉差了。
無計啦~ 差不多日日都出街食，味精多，營養又不夠，做無飯夫婦就有呢個壞處啦...............

結果我決定都是要去睇睇中醫，調理一下身子。話就話調理身子，但又點調先得架..................之前睇開的中醫位於偏遠山區，婚後就不太方便了。始終睇中醫是需要恆心的，太遠，太不方便就好快會放棄。

所以就四出問人有無中醫介紹..........誰知.........一問........個個下一句就話"你諗住生b 呀?" 唉..................可否問第二句呢?
可以問"最近身體無什麼嗎?"
又或者問"為什麼突然想睇中醫?"
這些說話我估對比起我聽到"你諗住生b呀?"會好好多啦
信義媽仲有句仲經典"你調理身體做咩?"
信義妹聽完之後差少少癲了! 現在身體差不能調理身體的嗎? 調理身體一定有目的的嗎?
真是唔問由自可，一問就把幾火

大家是否奇怪，信義妹為什麼聽到會那麼激動......................其中有少少關於婚後生活的，雖然未有詳細寫出，但有少少可以先看看(請到2012 終結時)另外，當一回應"對"或"是"的時候，大家都似乎有一系列的標準問題接踵而發。例如:"你們嘗試多久?" 、"有沒有試這個方法?"、"有沒有食葉酸?"、"你有什麼是不能做的(之後舉出好數十樣.............)"、"你有什麼不能吃的 (又數出過百樣.............)" 天呀! 我現在仍未身懷六甲呀!!!!!!! 我現在只是調理身體!!!!! 未開始嘗試就已經有四方八面而來的壓力，你教我怎能成孕!!!!! 我比你們任何一位都著緊! 因為他真真正正要跟我一 齊成長的人呀!!!!! 我任何一步錯了，都會影響到他的成長，我怎會不比你們緊張!?!?!?!

真是不好意思，話題扯得太遠了。回到四出打聽中醫推介，有朋友介紹一位大埔的醫師，她懷孕時都是看他的。初初確實有點兒猶疑，一來人住大圍，要走到大埔怕自己沒有這個恆心.......二來，他是沖藥粉的。信義妹曾經睇過有個中醫是藥粉調配，但對我效用不大..........可是他遲一點會搬出尖沙咀，又是另一個吸引的地方。因為信義妹收工不太定時，所以收得越夜越好吧! 結果.........到信義妹決心問其他資料時.......原來尖沙咀的地方未決定幾時開............那........不能無了期的等呀..................

找第二位名醫吧~ 另一位在大圍，可惜最遲的診都是七點.............即信義妹就算即時走都趕不到...............所以又要再找高人了

終於來到第三位了~~~同樣都在大圍，但應診時間可以去到八點幾，正呀!!!時間good fit!!
不過朋友仔都提過等拎藥是很久的~不過無所謂啦~睇得好的，久一點都值得的!

當找到第三位有緣醫師的時候，就已經是兩個多月後的事。找醫師都要兩個多月................路途多坎坷...........

當決定去睇醫師的時候，就來了一個考驗了。就是重感冒................心想............西醫還是中醫好呢?? 結果.........博一舖啦~ 一於去中醫師度把把脈，睇下我同醫師有沒有緣份，大家夾不夾吧!