你有壓力 我有壓力 ~齊齊寫 blog 吧~

近期俾人問到點解會寫 Blog，我諗最最最開初，應該係因為中學西史老師的一番說話。今日過去就成為當日的歷史，你地而家係讀梗一個人或者一個國家既過去。唔知道你地會係名流清史定遺臭萬年，又或者只係平平淡淡，但身邊總會有人想知你的過去，又或者你而家覺得走唔過的路，第日睇番原來只係少事一樁。

聽完呢番說話信義妹開始斷斷續續有記低自己既往事。到高中時期，大家都交換日記, 又或者happy net， 但堅持的好少。

跟住就到 Xanga 時代了，大家開始會交換網上日記。又會將自己個版面 Set 得靚靚。當時同學話寫日記無咁易病，因為係渲洩的一種，回想起確實都係，信義妹有持續寫的時間，不論身心質素都比較好。後來到 Xanga 退位，就轉戰Yahoo Blog  啦！

Yahoo Blog 應該係最開心的時候，因為好容易搵到志同道合，blog 友間又會大家支持大家，出來 blog 聚就更加大陣象啦！想當年信義妹最期待係搞 Blog 聚 同出席 blog 聚。當時，不論分享喜怒哀樂，大家的回應都係包容，安慰同支持。

Yahoo blog的結束令到好多人婉惜同懷念，大家各散東西，後來到其他平台各有各寫啦～～～
而近年信義妹對寫Blog 有新睇法。由於時代進步，掃墓都可以上網搞掂。所以話唔定日後真係會好似呢張網絡圖咁，係墳前掃一掃 QR code 就知道我的過往。咁而家自己寫，最少係最真實既感受，唔駛後來幫我整既人係度估估下究竟我係點。諗諗下呢個真係唔錯呀！

限時燈籠街~大橋街巿~

中秋就到啦~
大家都準備好月餅、燈籠同生果未呀?
信義妹..............未....................
不過襯近期去燈籠街唔駛過海~~~
就一於去湊下熱鬧先
元朗大橋街巿近來有特色報置
紙扎燈籠高高掛
變成一條燈籠街

當成為一個景點之後呢~~~~~
多人到....................
完全無辦法影到全街景............
人頭倒拍到很多

都係影幾張燈籠照大家睇下
三五成群細金魚
唔知點解見到就諗起波兒

當然都會有大金魚啦~~~
黃色、橙色、粉色
任你揀

仲有海馬
不過海馬突然加曬閃片去開P咁
信義妹自己都有啲睇唔係好慣

海洋生物仲有好好賣的海豚
小卷一眼就睇中呢個
揀咗條細既
(靚相遲下有)

唔喜歡海洋既可以揀太陽花、月亮、星星、荷花、飛機、楊桃、蓮藕

 動物類有兔仔、象仔、馬仔、鴨仔、雞

 總會有一個係你滿意~
雖然今次係短遊，但每個小朋友跟大朋友入到去無一不讚歎

深層補水<< Marine Elements 特效深層滋潤霜 >>

信義妹皮膚向來容易泛紅，

坐冷氣房就更容易乾，

搞到又紅又乾。

有時還遇上入秋時節就更加會脫皮或者濕疹起

今次就試Marine Elements Intensive Cream << Marine Elements 特效深層滋潤霜 >>

支cream 原產地係匈牙利

除了抗敏的金盞花，小白菊

仲有法國深海紅藻的海洋成份，修復肌膚屏障，回復健康肌理，高效補水

不含香料，性質低敏，無論普通肌，或者濕疹、乾燥、敏感肌均可使用

輕易就能按出乳霜

未推開時無濃烈既香味

乳霜能輕易推開，薄而不膩

推開後有微微清淡既菊香

試搽第一日

因天氣轉既關係有一點疹加脫皮還帶一點點痕

搽了兩三次後痕明顯少了

第二日

泛紅的地方和皮膚乾既地方稍為舒緩

第三日

紅雖然有，痕就唔多啦

有散退既跡象

第四日

紅都退很多了，得番少少

皮膚乾亦都改善不少

世上無醜女人，只有懶女人

呢句真啱~

信義妹要勤力啲護膚，做個靚媽先得~~

想買既話可以去

HKTVmall有售：goo.gl/W8uY3M

美肌日和系列~WASO~

話說有日信義妹拎到SHISEIDO WASO既SAMPLE
朋友話用過好用，叫信義妹唔好咁快做黃面婆試下
一聽到黃面婆..................
唉...............俾個朋友咁講..............真係唔掟起心肝扮下靚都唔得啦

WASO呢個系列係啟發自傳統日本和食概念，成份來自天然食材
就例如有蘿蔔、雪耳、枇杷

胡蘿蔔防曬調色乳液
容易推開唔會搞到塊面一撻撻
有調色效果、令膚色更一致

蜂蜜溫和潔面啫喱
用後皮膚無繃緊，感覺相當不錯啊
呢個香味較淡，信義妹比較喜歡

白雪耳啫喱健膚水
聽到白雪耳第一個反應係平凡人燕窩
平時信義妹都會用雪耳整下糖水炒菜補補骨膠原
今次就等皮膚直接吸收，補補水，差差電

胡蘿蔔超強補濕啫喱
經常係冷氣地方抽到人都乾
年紀都不及以前可以回復得咁快
最怕係出紋..............
加強補濕等啲乾紋唔好咁快現形

用後面部清爽，無黏黏的
信義妹要努力扮靚靚啊~~~~

給小卷的信~1~

小卷~

媽媽自從成為媽媽之後，就變得很感性
但有些說話又好似難於開口
怕你會覺得媽媽嘮叨

唯有好好寄情於寫網誌
(雖然媽媽經常都欠大量BLOG債.................)
到你學識睇這封信的時候
你有可能已經不再好似現在那樣每天定時定候黏著我

媽媽身邊有好多姨姨叔叔都話BB 不能常抱
否則會很黏
但媽媽總認為你能陪伴我的時間並不多要好好把握

在這一刻，只有這一刻你才是完完全全被爸爸媽媽擁有著
當你開始讀幼稚園的時候，
在你身邊的人會多了
你開始有你的朋友，有你敬愛的老師，有你常在一起的同學
你亦會開始展開你的興趣
忙於你的學業
爸爸媽媽再不是你的全部
我們只是你的一部份

日後你會開始你的事業
或者你會忙於打拼
什至乎你要經常要遠走高飛

但當你有時間停一停的時候，希望你可以想一想你曾經多麼依戀著爸爸媽媽
或者你已經記不起了
不打緊，爸爸媽媽會等著你的

爸爸媽媽不是寄望你將來仍每天依戀著我們的抱擁
只希望你閒來無事望一望我們
不要等到我們變成一張相的時候才看啊~

所以當你還是那麼依戀著我們的時候
我會盡可能陪伴你左右
直到成為你其中部份

媽媽
2015-01-01

2014再見啦~~~~ WELCOME 2015~~~~

2014到最後一日，今日心情都幾複雜
因為今年好似好充實，但又好似無咩做過

今年確實係忙碌的一年
(熟信義妹的朋友，就會應一句:你邊日唔忙架??)

咁就唯有總括一下啦
工作方面:
仍然係做梗嗰份..............
日日都叫救命
但發現叫叫下好似有一種叫慣咗既感覺
(明明我已奮力無間，踏著面前路，夢想中的彼岸為何還未到)

手作方面
今年應該係產量最多的一年
但亦都對外分享最少的一年
因為...............成日都未寫到.................
啲BLOG 債成幾尺厚..................

生活方面
有了小卷我的生活完完全全改變了
每天都背上兩大袋上班
初初都體力透支嚴重
但沒有想到，"媽媽是強勁的!"這句話都可以用在我身上
現在見步如飛，還可以去追巴士
*** *** ***
以往每天問最多的問題是"今日食咩好呢?"
而家問最多的是"小卷乖唔乖呀?"
*** *** ***
另外，影相拍片成為每日必備動作
影少一日都唔得
*** *** ***
餵人奶都已經成為生活既一部份
催乳保持奶量亦都成為思考既活動之一

2015年
2014要回顧都回顧唔到咁多
始終生完之後，好似連記憶都帶走埋

但最想的是
2015年可以有個好眠
從小卷出世後，想做的事太多，但時間永遠都太少
手作可以做多些
興趣班可以開多些
朋友可以交多些
日日可以跟小卷痴纏多一些
哈哈哈

最後，祝大家2015越來越好!!!
keep in touch!!!!

相愛九年

個個都話女人過二十之後時間會過得特別快
信義妹就覺得點止過二十................
生完B之後，完全無覺得時間在停留，好似FAST FORWARD兩秒就到啦

唯有買下野食奬下大家啦~
小卷出世後大家都辛苦啦~
這張奴隸契約真難做....................

有信義妹大愛的避風塘雞全翼

跟住就來到信義妹同六仔一見就兩眼發光既黑有金槍魚啦~

肉質軟滑，油脂分怖平均，啖啖新鮮，每食一啖都回味多次
跟住就有信義妹由大肚開始叫要食，食到而家先食到既車厘蜆啦~~~

夠鮮甜爽脆
師傅刀工厲害，回到家蜆們仍有跳動.........................
所以我唯有等佢真正魂歸天國才一口吃掉

所有都可以在沙田一田找到啊~~~~~^^

今年.............六仔同信義妹都好似忘記了這個重要節日
下年會好好記住，預埋小卷一齊慶祝啦~~~





 
 

魂

一直都想試的魂
適逢地鐵有嚴重事故，所有巴士都好似被調去支援一樣
在街上企了一個多小時都仍未有車
所以六仔就提議到魂晚餐了

一走到，門口略嫌有點細................
但人龍亦都略嫌有點長................
一問之下好彩二人馬上有位
走進去，以我現在的身形確實有點迫.................
所以六仔就更迫了
他要騰出較多的空間給我

四位師傅無停手的
因為客人亦都不停地點菜，翻枱極高

只有四款麵可供選擇
但我只可以食濃豚骨湯叉燒玉子麵
待臘腸卷出世後，我要試其他的!!!!!!

半生熟的玉子都交給六仔了>.<
六仔是辣的
風水輪流轉了
過往一向都是信義妹要辣的，六仔要不辣的
而家............嗚嗚............

總括來講，地方雖少，但服務態度還好
但對我來講最不方便的是沒有熱水供應..............
他們只有凍水或者室溫水，室溫水也是凍凍的

DIY @ 棉婚

信義妹在上年紙婚的時候就送了一本書俾六仔
紙婚，當然想送一些相關的東西啦~

到今年棉婚，開正信義妹那項
做織女，用棉或冷編東西出來都好呀~~

本來沒有第三者(臘腸卷)的時候
就想今年棉婚有一場DIY 大龍鳳的
但.............第三者出現得非常合時...............
令到場DIY大龍鳳無法如期展開
所以唯有臨時轉向整其他啦

結果就整成雙成對的頸圈
但可能整臘腸卷的DIY 整到深入六仔心...............
所以信義妹織的時候
六仔都不時問"今次整咩呀?"、"幾歲用架?"、"今次點解揀呢D 色既"
咁我總不能一開始就應..................
今次係棉婚禮物.............廿幾歲帶到老都仲用得............大人用梗係無俾小朋友咁COLORFUL 啦...................
信義妹總想保守秘密.....................

最後以四晚完成今次DIY

連第三者都入鏡啦~

狂掃吉之島

多得媽媽GROUP 既朋友仔報料
先知吉之島又有平野可以掃下啦~

以前做女都未有下下咁神心睇住邊度有平有抵呀~
而家一知道那裡有平就同六仔仆到去掃呀~

係個人立場而言
今次真係勁抵
點解咁講?
因為之前有見有媽媽話深水埗又平又靚
信義妹睇過真係堅平，靚唔靚嗰次就無摸上手所以就唔知啦~
今次吉之島個價就真係拍得住深水埗呀~
所以忍唔住漏夜都 出番篇BLOG 寫寫佢~hahah

都係快快講下掃咗咩先~
分別有$15系列同$30系列

先來
$15系列的
由50-100碼都有
要長有長，要短有短，要綁繩有綁繩，要過頭同開胸都有
總有一款合你心水

繼續$15系列的

繼續是$30系列
夾棉背心仔

厚少少的熊仔款
同樣只要你肯搵，就有多碼給你選擇

去街衫仔~~

掃到一半的時候.............六仔突然發現
我倆只顧買衫...................未買褲.......................=.=''
所以嗱嗱聲拎幾條先
同樣，有恆心~ 要厚要薄，要大要細都任你揀~

最後~~~我同六仔最愛不惜手的.................是下面呢件
同樣是$30系列的風褸仔
一見到諗都唔諗就放入車啦~~~~~~

最後仲有折上折優惠
埋單總共18件衫褲
盛惠$316大元
除開大約$17.5一件
真係今晚發夢都識笑呀~~~~~
哈哈哈哈哈

其他貨品自己就覺得護協平一點兒啦~
不過大家可以再格格價呀~~~~^^

casablanca 開倉大出血

每到新年左右都會有很多開倉行動

每到開倉.......就是大家破財的時候了

今次六仔跟信義妹就到casablanca敗家了

好彩有老友P報料

老友P比信義妹早一日到有更多款揀呢~

六仔明知而家信義妹不方便去多人地方

所以我地就早早行動

好彩去到都不是太多人

事不宜遲講下戰利品先~~

有兩套KING SIZE既床單加枕袋

大約百幾，二百就有一套啦~

這個項目是最多人搶購的..................

無論是由百多元至七百多元................

每人至少都會拿著五套以上

看來個個都是大家族~~~

六仔跟信義妹都是拿了兩套............都算是慳家了

小童毛毯有三款可揀~但有一款已被沽清了
所以就揀了這款~~~
大約$100 

 大人枕頭~~~~~
$120兩個~~~~
我見到有人買成10個..............睇來佢屋企真係好多人呀..............

BB GIFT SET~~~
一套12件
事後有朋友跟信義妹講，我買得比一田特價還要平呢
(買到平價貨有種沾沾自喜的感覺~~嘻嘻) 

 加大SIZE的羊毛被

這個跟大豆被都是第二號瘋狂搶購物品

每人都手持幾張

這張羊毛被大約四百元

 戰利品就得呢七件

但已經拎到六仔面都青埋

因為手就得兩對...........膊頭都係得兩個...............

上曬膊加埋對手本來就叫做啱啱好可以拎曬既

但係~~~六仔仲拎埋信義妹個袋.............所以...............哈哈哈

可惜無幫六仔影相啦~~~

那一刻個造型都真係搞笑

地址就在下圖~~到1月12號就完啦~~~
有買就趁早啦~~
我見到有一半人都用半個成人高度的紙箱去裝戰利品

我地埋單折實7樣東西$1400埋單

~~想去的朋友仔記住要帶多少少CASH去呀，因為俾CASH會有折上折架~~

2013年~SURPRISE的一年~

2013年都即將完結
亦都夠鐘回顧一下了

今年前半年好似很多東西都相對地平穩
沒有什麼大不了
參加了多年想實行的助養計劃
這個應該是前半年的亮點了

但一到了後半年，我的人生起了很大的變化
我成為準媽媽了
雖然我知道我的路比一般人難行
(當然..........一開始已經出入醫院好幾次...............)
但身邊仍然不缺親人好友的支持
感覺已經很滿足了
再難都能捱得過的

工作上，沒有什麼特別
只遇到怪人怪事
可能都習慣怪人怪事，所以還過得去吧

我的DIY 今年停濟著
看來我要急起直追啦
否則別人的BB 收的DIY 比臘腸卷還要多呢
臘腸卷，你媽一定會給你最好的DIY
你等我呀~

對2014年的幻想有很多
大部份都是圍繞著臘腸卷的
看來我的重心開始移動了
專注臘腸卷了
哈哈

2014 我亦都想可以多搞BLOG 聚
亦都多搞朋友聚會
亦都可以由一位新手媽媽變成多功能媽媽
(不過我應該會先訓練六仔成為多功能老公先~~HAHAHA)
DIY 亦都要多加練習，可以的就提高一下技術

回到未能說的秘密 : 六仔被搵笨

**2013年9月8日**

今年的牛一相當特別
因為六仔多了一個身份
就是準爸爸
大家都滿心期待呢~

本身信義妹很早就開始計劃六仔的生日我們怎樣去玩去癲一番了
可是今年我倆遲遲都未拍板
最終什麼板都拍不了啦
本身最終都想去睇水舞間
雖然信義妹睇過，但六仔未睇過呀~
這一刻當然泡湯了

我這樣的情況是不能四出走動的了
坦白講就是想走都走不遠
那倒不如在家好好睡吧
六仔為照顧我倆都辛苦了
(點辛苦就遲一下子再寫~)

家

 

 

家，可以大、可以小；能夠遮風避雨就好。
家，可以吵、可以鬧；沒有恩怨情仇就好。
家，可以哭、可以笑；一家和樂開心就好。
家，可以窮、可以富；家人陪伴溫暖就好。
家，可以遠、可以近；記得回家的路就好。
家，可以老、可以舊；常回家陪爸媽就好。

平靚正~開倉記~

六仔向來怕人多擠迫的地方
但今次都走去開倉，可想真是抵到爛呀~
下面的黑色那對是皮來的呀~~~
三對總共和100大元正

再下一對，內裡有毛毛的呢
250大元正
我這個冬天可以暖暖的渡過啦~~~

不過就辛苦六仔走去同師奶大嬸迫
仲要俾人鬧.................
而家香港人真是要多點耐性呢........................

白玉甜品

近來有唔願寫BLOG 症候群
看來要加緊努力先可以了

早前整了白玉
白玉原來都不是太難整
所以大家都不用再出街食啦~~~
自己整更開心

白玉粉是購自759
大約三十大元一包
一包原來可以整好多啦
一家五口食就差不多
兩口子一包大約分三次啦
否則淨食白玉都食飽了................哈哈

好似平時搓湯圓一樣
少少少少水加入去，當然對自己有信心的就大膽加吧
搓到不黏手的時候就可以

準備一大煲熱水

當浮起就代表熟啦~
記住即刻要放入冰水度呀~
咁就可以保持彈牙的感覺啦~

成品.........由於太開心啦
食曬先醒起未影相.............
今次係有啫喱加生果再加白玉撈架~~~~
下次再影啦~~
下次試下拼糖水啦~~~

踏上助養之路

助養是一直想做的其中一件事
終於都達成了

有朋友問為什麼突然助養
又不是什麼突然的，只是一直都未敢於行動
助養都要敢於行動!?!?!?
說實話，當我沒有保證能給予小朋友穩定的情況，是絶不敢行動的
需要被助養的小朋友可能等了很多年才有這個機會，一下子把他帶到天堂再送回地獄，又何苦呢~雖然每日只需要幾蚊，但有時幾蚊拿不出來就拿不出來~

今天加上六仔我倆應該可以維持小朋友一個穩定的生活吧
第一步踏出了
我們一開始都選了幾間助養機構再作挑選

最終選了宣明會
因為我們都想助養第三世界的國家，多於本地或者其他
第三世界的國家有很多連基本的生存條件都不足，他們莫講衣服連食都可能有問題
其他國家的小朋友可能只差了一個讀書的機會
那我們就決定幫最有基本需要的先吧
待日後經濟再好一點的時候，就再助養多幾個
所以填表時都特別申請，宣明會亦都表示會盡量配合
填好表就等待文件寄來就可以了

真正完了吧~ YAHOO BLOG~

舊訊息應該刪走    再沒留憑證
我共你去到最遠    也只是友情
如現實是場玩笑     一早清楚內情
過去是勇敢   或是未肯適應

是我笨  大概必須先經錯誤才能會   分清我心意
共行成長     數不清的故事
我已愛上你壞了事

完了吧 如無意外
從今開始要好好再來
放下從前一段感情
才能追求將來
YAHOO BLOG 就似沒存在

****       ****    ****
終於在中秋期間把YAHOO 備份了
一路備份，一路想起這首歌
哈哈哈

Yahoo................

眼見有很多blog友都為自己的blog 做備份
自己卻懶懶行.................唉..............
近來可能公司太耐無冷氣了
熱到個人都傻傻地
有時都會諗，若果不備份..........就將我過往的洗得一乾二淨
日後的，才算吧
但又怕自己將來會後悔

嘮嘮叨叨一輪
都是備份吧.......................
不過應該會叫六仔幫幫手啦~
始終都不在行
睇完都唔知想點.......................

橫風橫雨闖一蘭

近日香港掀起一股"一蘭"熱潮
大家都不惜早午晚或者凌晨排隊守候

朋友間最高記錄者，排三個多小時才進入店內
有見及此
信義就唯有等機會
機會就是..................橫風橫雨
按道理橫風橫雨就應該少一些人的
但...............估計錯誤了..............又或者真的少了一些人...........我自己不覺得.........
一大朝早信義家跟六仔一行五人出動
為的是一早排隊食拉麵
當初信義媽聽到都嚇一跳........有什麼來歷要一朝早去排
仲要揀橫風橫雨的日子....................
但信義妹堅持下就朝早八點到一蘭拉麵門外等

六仔跟信義妹就早到了
打算先排隊，其他人一來就可以入座
結果...................跟門口相距一條街的距離.................
我倆已經比平日上班時間還要早起來排隊..........
竟然可以有一條街的人在排...........
他們幾點到呀!?!?!?!!?

唯有跟著排.....................不久其他人都到了
我們等了又等
大約一個鐘後..................
終於有望見家鄉的感覺了

個多小時後~
可以入座了
好似自修室的間格
三五成群來就不能圍在一起了~大家都要一齊自修~哈哈哈

這裡只有一款拉麵選擇
大家可以揀麵的軟硬度
湯的濃度和油度
蒽和醬料

點好就可以等食了
旁邊有個小鈎可以掛袋

哇~~~~來啦~等了個多小時的主角終於都登場了

一來到就忍不住食了
最後只有一碗是未食前拍的.............................大家都餓了

我們每人都加了一隻溏心蛋
若果你食開煙薰的，就會覺得這隻比較淡味
但口感方面，跟平常食的好不同，平常食的蛋白比較實

一蘭醋亦都追加了
看似黑醋，但又帶陣陣的果香
沾麵、沾叉燒一流
這個完全是驚喜呀~

四周環境都整潔
播著宮崎駿的歌曲
實在太愛了^3^

最後全家幅留念
到此一遊~~~~~~~