2015年11月25日 星期三

夠熱夠鑊氣~醉月樓~

在無意之中,找到了一家唔駛去大排檔都夠鑊氣,上菜熱騰騰的店
實在令人震奮
如果呢一家近我家多啲
應該會成為飯堂之一

先講講環境
環境唔算寬敞,如果有BB 的話BB 車是要放門外的
店內光線充足
當然就不會有豪華裝修,只有簡約報置



我地入去既時候店員都細心既見到我地有BB都會帶我地去一個唔當風既位俾我地
因為我地本身想坐另一張枱
呢個舉動令我地印象深刻

到食物啦~~~叫咗個牛腩鍋
本身上次都想試架啦~
但係上次人少點食到咁大個鍋呀~~~~
牛腩鬆軟入味
有種胡椒豬肚湯的味道
微微的辣,令人食慾太增
配料亦都充足菇菌類,腐竹
辣子菇菌炒牛肉
一上枱熱到燙咀
愛辣既我地完全滿意
辣度適中,又唔會過鹹
(唔好意思,呢張濛咗)
牛肉有咬口,唔會用野嗱得過火
炸蠔
呢個就因為我地都唔係好喜歡太油同太多粉既
呢個粉略為多
同埋蠔只係蠔仔
最後呢個係少油鹽糖既健康菜式
肉碎浸時菜
餐廳仲有一系列少油鹽糖系列,適合愛健康人士
每次晚餐時段都會送例湯同糖水
例湯就飲曬先記得未影................
糖水係紫米露
比一般糖水店淡一些但材料並沒有少
用料充足,紫米的香味未食就已經聞到啦~~~
最後五個大人,每人仲叫咗一碗白飯,
大約四百二十蚊埋單

初到九龍灣~茜廊~

公司搬去九龍灣
對於我來講又去到個新地方啦~
要再從頭搵過食
有個識路同事介紹呢間有三十幾年的餐廳
做飲食做到三十幾年就一定係好食啦
(因為價錢唔平)
聽說三十年前都係同而家個價錢咁上下
咁真係勁貴呀~~~~

好一於就去豪一次吧!!!
茜廊
午飯時間坐滿,不需要等太耐就會有位
待應亦都不會催落單
餐湯有幾款,羅宋湯,忌廉湯,牛尾湯
三款湯,同事話忌廉湯一般
我既牛尾湯就抵讚
湯夠濃,肉,薯仔,紅蘿蔔,蕃茄打蓉
一食入口就覺得正呀!!!
雖然對我來講就鹹咗少少,但配上蒜蓉包就完全有種可唔可以再來一碗既感覺
如果佢可以熱到燙咀就更好啦~~~
到主菜啦~~~
呢度有個好,唔知係咁啱得咁橋,定真係咁呢
呢度係會等你飲完湯先上你既主菜
變咗唔會放到枱都係野之餘,個主菜凍曬

蘑菇意大利飯
呢個睇落好似唔係好大碟
食下食下都會食唔曬架
廚師有加黑椒同鹽去調味,令到菇的味道可以散發出來
加上有芝士
令到多一種味道更香
不過意大利飯就有少少硬~~~~~

最後的餐飲有紅莓茶
點後先醒起,如果餐廳整得唔好會變藥水咁味
好彩~~~~~紅莓茶係值得一試
唔係藥水味,真正的紅莓味
真正的果茶~~~~

2015年11月24日 星期二

再到伙食~~

既然上次到伙食工業有好印象
所以近期約朋友都去一下吧
今次就主力試西餐啦~~~

先點下野飲先
熱摩卡
朱古力同咖啡既味道配合得剛剛好~~無邊一邊太多或者太少~~

EXPRESSO
濃淡得宜,但咖啡既味道未夠香
荔枝乳酪沙冰
呢個超酸~~~不過愛酸的朋友一定大愛這個
黑魚子流心卡邦尼意粉
呢個有濃濃的CREAM加上芝士的味道
黑魚子既份量都不少
不過要留意係個碟超大..........份量就不過不失啦~~~
食量大既朋友就要叫多少少野食啦~~~
龍蝦汁大蝦伴天使麵
呢個有驚喜呀~~~
小小的一碟,都有五至六隻蝦,
雖然一食就知係雪蝦,味道稍為有少少偏差
但係蝦確實大,數量亦都唔少
味道比較淡,適合一啲唔喜歡食濃味既朋友
當日仲有食一個湯麵的,但忘了影相
是牛筋牛腩麵
呢個一食到就大家一致讚好啦~~~

2015年11月19日 星期四

特式餐廳~伙食工業~

說實話,一提起火炭,第一個反應係...................
工廠區.................
跟住就好似聽到車衣女萬歲呢首歌咁~~~~
哈哈哈~~~

不過而家都開咗好多特式既餐廳
今次先講下呢間先~
伙食工業
門口兩旁都有植物,俾人一種綠化的感覺
同埋充滿田園氣息
內裡怖置都有懷舊特式
古式打字機,唱片機等

食物都主打台灣料理
價錢中規中距
飲品都有多款選擇
紅燒半筋半牛飯
呢個味道香濃,筋腩鬆軟
筋仲有一種好似食梗棉花糖既感覺
而飯軟硬度適中撈汁食最好食
我自己就最鐘意食個配菜,少少鹹少少辣
藥饍燉排骨麵
呢個就稍為有少少同預期有差距
我一心諗住會好似肉骨茶咁濃味
呢個就比肉骨茶淡同清
係有中藥材的味道,但湯唔夠濃所以麵就好淡.......................
內裡既排骨就完全淋曬,一夾起連骨都跌埋出來
黑松露薯條
用幾十蚊就有咁多黑松露食,實在抵食
薯條又整到外脆內軟
唔係驚熱氣就真係會叫多碟來食呀~~~
鹽酥雞
呢個都係一個值得ENCORE既菜式
外脆內軟之餘,仲保留雞的肉汁
唔會乾曬食雞肉乾咁
而外層的香料多少適中,唔會過鹹
台式甜不辣
呢個菜就無係其他地方試過啦~~
所以就唔係好識評價
魚片加腸仔~~~
炸大腸
唔會炸到乾曬,又無異味
味道唔算濃味,但啲蘿蔔仲好食~~~~
蘿蔔清甜無渣 
點解呢個淨烏冬都要寫呢
呢個係要讚佢地既服務
當日有BB 同行,
樣樣都有帶唯獨漏咗最重要既飯壺
唯有睇下有無啲白灼麵提供啦~~~
去到櫃位,問問有無啦~~~職員都表示只有白飯
其他既都會有汁或者撈埋既
咁我地講咗我地既情況後,職員都賣個麵俾我地
仲俾我地揀咩麵,真係算有彈性同有耐性啦~~~
當晚有LIVE,唱得都好聽呀~~~
同埋都好專業,中途有見到小朋友上台對吉他都咪有興趣
都好專業無誤地繼續唱下去
總括來講呢個都係直得一試既餐廳
餐廳要自己排隊叫食物同俾錢,再有人送到枱面的~~~
雖然呢個方式初初都有啲覺得特別,但無收加一,又有一個舒適既環境
都會接受呢~~~~

2015年11月17日 星期二

可惜

一直都諗唔到標題可以點寫
唯有直接寫感覺啦
"可惜"
科發係自搬去大圍後常光顧飯堂之一
老實講,常去原因係夠平之餘,味道唔太差
但近呢年開始都越來越失望啦
初初去每次都會光顧鮮牛河
後來發現炸醬撈麵仲好食,所以咪經常去啦~

結果來到年初既時候,
去買個炸醬撈麵外賣,有叫多杯豆漿既
員工就問唔要湯得唔得....................
下.............撈麵來架喎,唔係跟湯既咩???
員工尷尷尬尬話跟番個湯俾我................
當時心諗,算啦~而家生意難做,可能諗住慳得一碗湯得一碗啦~

之後都繼續有光顧
直到最近呢次,真係有種唔寫唔得既感覺啦~~~~
牛肉河會跟少少菜
呢個一讚,感覺上有菜好似健康少少
可惜係牛肉"嗱"得過份啦................
乜味都無....................

牛筋牛腩撈粗麵
牛筋牛腩尚算可以,牛筋有點兒硬,喜歡有咬口的人就會接受多一點

總括來講,兩個麵底都一般啦~~~

菜都夠大碟,唔係老菜


廿幾蚊碗麵算係咁啦~~~
但當然同以前相比就係好似越來越差咁架啦
如果你本住俾廿幾蚊要拎番五六十蚊既質素同服務,呢間未必係好適合你
以廿幾蚊去睇就叫做不過不失啦



2015年11月16日 星期一

街坊飯堂

而家都無咩準時番工準時收工既歌仔唱架啦~
唔好半夜收工就已經係著數咗架啦
所以都咪話趕番屋企煮飯
只要唔係趕番屋企食宵夜,我都覺得算係咁囉

屋企附近既飯堂
如果我地嗰日唔係太餓通常都來呢度有粥有麵有小菜
接近想要咩有咩
其中一個餐牌
外賣都唔需要等好耐~
生滾豬潤粥
多青~~~~~
哈哈哈~
豬潤係黃沙潤~~~~~
粥底綿綿
不含味精~~~~
份量以女仔來講算足夠架啦~~~~

2015年11月10日 星期二

令人回味的話梅骨

難得可以跟朋友相聚
大家都當然想有幾耐傾幾耐啦
但無奈而家租貴,好多地方都變咗係限時
令到大家好多時要轉場或者未能盡興
咁啱又一城呢間王沙家既好處就係無限時
不過,佢地都有講話唔係成日都無限既,人多就會有
所以大家訂枱前記得問一下啦~

講番食咩先~~~
每次必叫小籠包~~
味道不過不失啦~~~
點解會成為每次必叫呢?
係純綷個人既喜好,成日都覺得去上海餐廳無食小籠包又點叫去過上海餐廳喎~~
呢個就係要特別點名既話梅骨啦~~~
初初朋友話叫我都抱住一試既心態
因為我覺得會似咕嚕肉,不過見朋友想食就試下啦~~
點知一試難忘
醬汁剛好包住不會太多,又不會太少
酸甜度剛剛好
肉質鮮嫰
奶油津白
看似簡單的菜式
但菜面的金華火腿碎就帶出多一種甘甘鹹鹹的味道
呢款魚就真係唔記得咗叫咩名啦.......................
個人認為不過不失啦~~~
無咩特別驚喜
我地三個女仔食叫四個都夠食呀
份量適中啦~~~
咁服務都不過不失,待應都常斟水既~~~~

2015年11月4日 星期三

忠記粥品

平時去粥店最鐘意食生滾粥
特別係豬腰粥
因為要整到無異味係要技巧同心機
所以每到粥店一見到豬腰必定點來試下先

有蔥花會較香
一碗都有5至6件豬腰都算抵食~
都係廿幾蚊碗
份量唔細,食一碗都夠,唔駛再加其他野架啦~
如果係大胃王既話,就可以叫多個米粉或者炒 
個人感覺米粉較油同埋比較硬
不過份量夠,所以食完粥之後都PACK 走當第日早餐~~~~