水.......周圍都是水~18週~

有時訓唔到未必唔好
訓得到又未必係最好
今次真係有排玩......................
難得有得訓.................就俾訓番覺好架啦...................
次次發夢都關水事既
唔係跌入魚塘
係就連人帶車跳崖落海
再唔係就係去到有水浸(災)既地方.......................
結論係我每次都夢到關於水的.................
但.............我同水並不是好朋友................
我不能跟菲比斯一樣水神出沒.......................
次次都嚇醒.................
變成有訓同無訓既分別都是不大........................

難道不用睡的嗎?~17週~

17週
今週開始諗..................唔通小立不用睡的嗎?
事源陀小卷的時候，我經常渴睡
但今次小立係經常唔駛訓
只要有睡意的時候訓唔到................
你就唔駛旨意訓，哼!你就再等下一次有睡意先訓啦
結果，最嚴重的時候.................我係試過兩日都只係大約睡1 小時...............
我估真係可以參加耐力賽............
呢一 刻，大家都想話，你都可以閉目養神架
我只會話，我個人係好攰，成身散曬架啦
個腦亦都攰到乜都諗唔到
你send 咩message 俾我，我都係呆樣咁俾番你架啦
但係個狀態就好似飲咗10罐red bull 咁hyper
可以點啫............................
係呢度，大家係咪又會問，你一定飲得太多咖啡因啦
我想講....................咖啡因...................我係陀小卷嗰陣已經戒咗啦......................
講起.....................都好幾年無沾過咖啡因..........................
上次我曾經講過，當小卷戒掉人奶時，我想去pacific coffee 飲杯mocha............仲有想去7-11買杯思樂冰飲.....................
結果.............小立都來了.............pacific coffee同 7-11 都經過好多次啦，但係都唔係買mocha同思樂冰呢................

手撕雞腸粉~華輝小食~

華輝~ 自開業後一直都常於光顧
一來手撕雞滑
二來味道不會過鹹
曾經試過一些店，鹹跟辣遠遠蓋過了雞的味道

不過一直都係買手撕雞飯，見近期大家都推手撕雞腸粉
又試下啦~~~~
份量都足夠的，最愛的是麻醬不太稠
辣味亦都搭配得宜
腸粉軟滑，唔會有粉漿的味道
是可以ENCORE 的選項

但對於大食信義妹來講當午餐就可以
晚餐就要加碼啦~~~ 哈哈哈

驚喜的一角~OCIO~

雖然唔係第一次來OCIO

但今次俾報置吸引住

上次來大圍的OCIO 係同朋友食個TEA

當時只留意到店舖的報置是西式休閒報置

令人舒適，可以跟密友俏俏話

今次到OCIO 就一家幾口到來

餐廳很窩心，訂位時表示有幼兒隨行

就安排了自成一角的座位

當坐低之後，隨即留意到牆上貼滿通輯令

ONE PIECE 海賊迷的信義妹就當然異常開心啦

仲後悔點解上次來睇唔到添

都係講番食咗啲咩先

兩個大人，一人叫一個SET DINNER

一個要湯，一個要SALAD

湯係蕃茄濃湯

味道唔會過酸，仲有少少蕃茄粒增添口感

搭配的麵包，外脆內軟，帶少少的牛油香味

田園沙律

色彩豐富，醬汁是濃濃的芝麻醬，稠度適中

味道不會太酸

沙律菜爽脆清新，沒有帶苦味

配上菇菌令到口感多一種煙韌的感覺

主角來了~

香檳玫瑰銀鱈魚配黑松露薯蓉 $189

 每份主菜都有沙律菜相伴，帶一點健康主義
黑松露味道香濃強烈，粒粒的口感搭上滑滑的薯蓉
可惜略為油了一點點
銀鱈魚就滑不膩口，魚皮脆口，魚皮上有少少鹽作調味
魚肉鮮甜多汁，不用配上檸檬汁都唔覺腥

焗原隻芝士野菌龍蝦伴薯菜  $198
芝士味濃，配上野菌令到味覺豐富
再加上龍蝦的鮮甜，完全令人回味
龍蝦肉彈牙，仲有龍蝦膏與芝士汁的配搭，沾肉或者沾野菌食都令人興奮

 薯條係粗薯條
外脆而不油

 餐飲分別點了士多啤梨奶昔和CAPPUCCINO
奶昔系列要加$25
一心諗住試下無妨
甜道中等，連信義妹唔太好甜既都可以接受

 CAPPPUCINO 咖啡味濃
泡沬比例適中
唔會一開始就一口都係泡

 是日甜品
綠茶林明頓蛋糕
外層是帶有少少脆口的綠茶味
內裡是軟軟的雲尼拿味蛋糕
整個軟綿綿的感覺令一餐更覺圓滿
旁邊的曲奇有淡淡的甜味，自家制值得一試

士多啤梨雪糕帶少少士多啤梨的酸
杯下有少少火龍果清甜
杏仁脆片混雪糕又冷又脆

 餐廳對於幼兒都照顧週到
會特別詢問需不需要暖水，餐具大人用碟的時候，會自動安排一隻大少少的杯供幼兒方便食用
對於攜帶幼兒的大人來講，這少少的準備都確實令人窩心

忙忙的~16週~

來了，16週
一孕笨三年都講得無錯
今週有一半都係自己令到自己忙到嘔泡
係懞懞的情況下，幫小卷參加了派對.................
係懞懞的情況下，參加派對那天朝早要產檢................
係懞懞的情況下，信義媽跟信義爸的生日完全未安排..........................
一星期內.........................以上呢三種情況全在星期尾出現.....................
應該要好似孫悟空七十二變先夠做曬啲野

繼續安慰自己，無事既都係輕鬆項目
點知話口未完就已經見暈又見嘔了................
不過今週已經大約捉到小立口味，所以都還好啦
但..............小卷竟然係度扮我嘔........................
咁多野唔扮做咩要扮嘔呀........................

遇到多事的人~15週~

WOW!! 今次呢張相，已經係我覺得影得最見肚的一張..........................
但無奈其他人總是覺得我係一個肥婆
(好彩唔係姓死...................)
會係見住咁衝過來..................好似見到個肚就見到個箭把咁................

好啦!話說有日要去產檢.................
信義妹住的地方有條必經之路才能到車站
咁當然係慢慢行加埋久不久當個肚好似水晶球咁搓下啦
成條路去程只有信義妹，回程只有一位叔叔
明顯地成條街得兩個，大家都必然見到大家
叔叔久不久都會望向我
當信義妹跟叔叔碰面的時候，
叔叔突然很不俏的話 ＂哼，咁細個就大肚！＂
這一刻呆了。。。。。。
自己即時都停一停，心裡　＂吓＂了一下
我差啲想攔住叔叔同佢講＂今次第二胎啦！仲有我呢個年紀仲唔生，要等到幾歲先生呢？仲有，我幾大幾細大肚又關你咩事呢？你屋企有人細個大肚唔關我事架喎。。。。。你咪俾我件衫呃到你先得架，著件笑哈哈就細既話，你都應該著番件啦！＂　
今次真係咩叫躺著也中槍。。。。。。。。。

見到六仔.........只係笑笑覺得有趣
我唯有安慰自己一句，好過叔叔話我老蚌生珠啦...........................

好似意會到了~14週~

到14週，仍然沒有對外公開
基本上只穿寬身衫都無人為意我大肚....................
所以我就更加唔想公開
反正經常覺得只會換來一堆點解.................
點解你今次個肚同上次唔同?
點解你唔呢樣?
點解你唔嗰樣?
有時真係想唔客氣到講一句，可唔可以唔好問呢...................
人體奧妙呢家野.............我今次都係第二次讀..............
只可以答到就答既啫.................
咪問到我覺得自己都好似唔多正常好唔好.....................

相對小卷就對肚裡的小立意識多了
分享食物時，會預小立一份
久不久會提要同小立沖涼
可以話係一個好的開始
最窩心的是每當小卷見到信義妹有不適就會衝去拎膠袋，
再講句　＂唔駛驚，我會保護你！＂
聽到呢句真係嘔到暈都抵　

終於打敗仗~13週~

到第13週，有很多人都會覺得可以公開喜訊了吧
對不起，我仍然不想...............................
一來，我真係唔想俾人再問你想仔定女
(BB 係天賜的禮物，佢俾你，你仲要咁多要求，將來要收番的時候請你別後悔，因為你不配!!!)
二來，我真係唔想又俾人問你會唔會追多個............................
(呢度無劇透小立係仔定係女...................而係信義妹係陀小卷的時候...........已經有人係度問會唔會追多個...............那一刻我除咗想反嗰啲人枱之外，無咩想做!! 唔該你自己親身陀一個先走來同我講!!)
所以今次同六仔都協議好，未到我想公開的時候就不能對任何人公開

但到這週終於都頂唔住，係又冷又熱的環境下打敗仗了
去到第一時間就俾醫生狂炳....................
果然係個好醫生.................你想佢俾重藥都唔肯................
不斷重複啲藥只係俾我吊命.................
靠自己打勝仗，亦都重覆問症
呢個醫生果然值得推介

基本上醫生話唔眼訓，無乜藥效既
我食完都不醒人事
小卷就交俾六仔了
好彩六仔係廿四孝爸爸，湊女無難道，體能實進步
信義妹一暈就暈幾日，就係迷迷糊糊既情況下去到第14週

暈船浪般的唐氏~12週~

來到番醫院做唐氏檢查啦
今次信義妹同六仔都做足心理準備要作一個長期等待作戰
好彩今次有心理準備後，覺得快咗少少
可能係因為今次帶足消閒工具
哈哈哈

到檢查的時候
我慶肯我地遇到好好的資深護士
佢排除萬難，千辛萬苦都要幫小立照到
不惜係咁搖係咁捽個肚
連我訓係度都覺得自己好似坐係船一樣

經過30~45分鐘的遊船河活動
我地可以離開房間啦
小立健康正常
最重要的我們都知道了

當一行出房.................
整個人好似發軟蹄一樣
應該是之前的船河旅程太精彩啦

正正今日是小卷的生日
要趕番屋企慶祝啊!!!!!

嘔爆面的~11週~

其實我應該安慰一下自己.......................
今次已經遲咗嘔爆微絲血管......................
之前一直都反反反胃
反到天昏地暗，都唔係次次嘔得出
原來淨反胃仲辛苦過嘔...................
我寧願次次都嘔啦................
好啦!好啦! 我又用番醫生既安慰說話
你會有咁大反應係因為小立佢成長得快過你身體適應
證明佢健康啦~　

仍然痴著床的日子
仍然好似傻婆一樣日日摸住個肚叫加油