簡易祛濕 ~紅豆薏仁湯~

驚蟄啦！春雷都響了！春天來啦！天氣開始濕到扭得出水啦。。。。唔知大家濕重唔重啦？
如果你成日好似好攰，容易水腫同埋胃口麻麻地，就有機會濕重啦！濕太重又會影響脾，脾差就會影響營養既輸送，所以祛濕都係一個重要項目。最少對信義妹係～～

最簡單的方法就係紅豆薏仁湯。

紅豆，在中藥裡叫「赤小豆」，亦都有明顯的利水、消腫、健脾胃既功效。因為它是紅色，紅色入心，因此仲可以補心。而家香港人精神壓力大，心氣虛，飲食唔均衡，運動量少，脾虛濕盛。除咗要祛濕，又要補心，還要健脾胃，紅豆薏仁湯就簡單到位啦！

順帶亦都講下生熟薏米先～

生薏米
主要係祛水，有清熱祛濕排毒既功效。加強腎排水，可以將體內多餘既水份排出。生薏米係寒涼架，所以孕婦忌用，如果你係虛寒體質或者 period 期間都要小心服用。

熟薏米
健脾之餘，仲可以帶散胃部消化而成的營養，重振食慾及助身體營養吸收。
所以點解煲湯既時候成日聽到有生熟薏米一齊落就係咁解啦～

信義妹除咗紅豆同薏米，仲有桂圓同百合。

桂圓益心脾，補氣血，安神既功效。
百合潤肺止咳，養胃，清心安神既功效。

材料：
紅豆 2碗
生熟薏米 1碗
桂圓 20粒
百合 半碗
陳皮 1角
*紅豆同生熟薏米會預先浸
*煲1～2小時就搞掂啦！
*愛甜就隨意加冰糖啦！

再活一次童年 ~我不想長大~

有很多小朋友都想快啲長大，長輩就總覺得未長大。

文中小女孩不想長大，因為有很多事係小朋友可以做，大人就無啦！而大人又點解無? 好多時因為背負住面子，責任，往往忘了初心。正好比我地湊小孩一樣，我地大可以再活一次童年，亦都可以讓佢地認識當大人既轉變。將會係一個唔錯既話題。

《我不想長大》除咗引領小朋友對於長大的睇法，亦好好提醒父母，你的初心是什麼？
勿忘初衷， 共勉之

英倫風格 ~喜馬當先~

就係馬場站，一入馬場行幾分鐘就到啦，都算容易搵到。

餐廳係英倫風格，職員全都有格仔風，加上優雅的裝修，極有風格。

周圍都有直播賽馬賽事，喜歡戶外，仲可以到露台睇添。

餐廳係半自助餐形式，甜品，沙律菜，刺身，湯等。主菜就點了脆燒豬手伴燴甜酸蘿蔔配英式芥茉。

脆燒豬手伴燴甜酸蘿蔔配英式芥茉
豬手既皮燒得夠香夠脆，又唔會好鹹，肉質軟稔。不過對於愛瘦既女士來講會帶點油。信義妹新覺得油脂夾雜肉，口感豐腴。覺得油可以用甜酸蘿蔔拌食一解油膩。
英式芥茉無咩特別。

刺身有三文魚，吞拿魚，魷魚，北寄貝。冷盤有凍蝦，翡翠螺，青口，蝦彈牙又帶膏既甘香，呢個要 encore 幾次啊！

甜品有泡芙，批，蛋糕，雪糕，生果等。最欣賞係香蕉蛋糕，唔太甜又唔會一 Pat Pat, 有啲咬口。藍莓批都讚不絶口，可以用雪糕相伴啊！

有杯 Special drink, 飲品帶酸，塊餅偏甜，個別食都不太好，兩者一起就甜酸度剛好啦！

最後，有杯熱檸水消消滯。

趕上幸福列車 ~新城巿廣場~

有日要跟小卷二人世界啦！二人世界做乜?就遲下再同大家分享啦！

先同大家分享一下我地無意間趕上解幸福列車先。

一早就已經知道沙田新幫巿廣場有靚靚裝飾影架啦！因為身邊既朋友都影曬啦～唯獨信義妹未。。。。。所以成日心思思都想去一轉，但人太多。。。。(之前試過路過。。。。一湊二基本無可能行到入去。。。。)今次經過人唔太多都可以喎。

有靚靚櫻花，風車，幸福號列車，祈福鐘，大型車厘子，達摩等。造型可愛，吸引唔少小朋友留倩影。

如果有 Instagram, wechat follow 新城巿網頁，仲可以抽一次幸福車站門票。我地抽女神關注駅，美美的啊！

分階段貼心之選 ~黑人Jolly Junior兒童牙膏牙刷~

小朋友刷牙好多時揀味道外，就係揀公仔，有自己喜歡的公仔特別刷得開心。

黑人Jolly Junior 牙刷牙膏除咗有可愛鬆弛熊，牙膏仲有分階段適用系列，分別係2～6歲，6～10歲同10歲以上。唔同階段有唔同配方適合番小朋友成長需要。

2～6歲係低氟含鈣配方。2至6歲的琺瑯質較薄，容易磨損，用低氟配方能有效減少蛀牙機會。

大家仲可以 Download 黑人牙膏齊齊刷 app, 學習刷牙正確方式。
Android: https://play.google.com/store/apps/details?id=com.darlie.brushup
Apple: https://itunes.apple.com/sg/app/darlie-brush-up/id1238059332?mt=8

你有壓力 我有壓力 ~齊齊寫 blog 吧~

近期俾人問到點解會寫 Blog，我諗最最最開初，應該係因為中學西史老師的一番說話。今日過去就成為當日的歷史，你地而家係讀梗一個人或者一個國家既過去。唔知道你地會係名流清史定遺臭萬年，又或者只係平平淡淡，但身邊總會有人想知你的過去，又或者你而家覺得走唔過的路，第日睇番原來只係少事一樁。

聽完呢番說話信義妹開始斷斷續續有記低自己既往事。到高中時期，大家都交換日記, 又或者happy net， 但堅持的好少。

跟住就到 Xanga 時代了，大家開始會交換網上日記。又會將自己個版面 Set 得靚靚。當時同學話寫日記無咁易病，因為係渲洩的一種，回想起確實都係，信義妹有持續寫的時間，不論身心質素都比較好。後來到 Xanga 退位，就轉戰Yahoo Blog  啦！

Yahoo Blog 應該係最開心的時候，因為好容易搵到志同道合，blog 友間又會大家支持大家，出來 blog 聚就更加大陣象啦！想當年信義妹最期待係搞 Blog 聚 同出席 blog 聚。當時，不論分享喜怒哀樂，大家的回應都係包容，安慰同支持。

Yahoo blog的結束令到好多人婉惜同懷念，大家各散東西，後來到其他平台各有各寫啦～～～
而近年信義妹對寫Blog 有新睇法。由於時代進步，掃墓都可以上網搞掂。所以話唔定日後真係會好似呢張網絡圖咁，係墳前掃一掃 QR code 就知道我的過往。咁而家自己寫，最少係最真實既感受，唔駛後來幫我整既人係度估估下究竟我係點。諗諗下呢個真係唔錯呀！

深層清潔 ~森の生活~

唔知大家平時係咪有好好洗面既呢？大家都答有吧！但原來我地會清潔得唔夠徹底以至化妝唔夠貼，搽護膚品又吸收得唔好。

而近期就見到森の生活有膠原淨膚毛孔清潔面膜，有分男用 (黑色)女用(藍綠色)。生物纖維面膜以致鎖水一流，唔會因為面膜要敷2小時變得又乾又緊。

信義妹部驟
1.先將面洗淨
2.將面膜白色紗膜撕丟, 敷上臉後再撕丟另一面的白色紗膜
3.等2小時
4. 面膜完全透明就敷完架啦～
5.濕少少水方便將面膜撕下
6.想知吸到幾多污垢就浸水10秒

信義妹。。。。見到衝激性畫面。。。。完全將油脂，粉刺，白頭，粉塵，彩妝殘留同深層污垢吸曬出來吧！

到第二日上妝超貼服，感覺超良好呢～

各大屈臣氏有售
@森の生活
#毛孔角質清潔保養專家
#collagenpurifyingporecleansingmask
#森の生活
#屈臣氏有售

多功能手機支架 ~PopSockets~

美國火紅品牌 PopSockets 登陸香港啦！

款式夠多夠潮，不論你係可愛型，優雅型，藝術型定係夏日型都總有一款適合你。
可以更換位置高達1,000次，想點貼就點貼。

有兩個不同高度加上專利摺疊氣囊設計，方便自拍，煲劇。仲可以做耳機收納器。

有更多款式⬇⬇
https://www.popsockets.com/
#popsockets
#popsocketshk
#popsocketsg
#popsocketsmy
#popsocketmalaysia
#popsocketsthailand
#popsocketsvietnam
#popsocketsindo
#popsocketsindonesia
#popsocketsindia
#popsocketsph
#popsocketsphilippines
#popsocketstw
#popsockets_jp_official
#popsocketsaus
# 팝 소켓
#popsockets泡泡騷

我係小廚神 ~Graceful Hands ~

參加咗黃埔分校 Graceful Hands 既我係小廚神興趣班，小卷興奮到不得了啊！小卷雖然有入廚經驗，但係同一班小朋友一齊入廚就係第一次。

到中心，職員笑容滿分，令到小朋友容易適應環境。仲會細心幫小朋友帶上圍裙，輕輕交談等小朋友心情放鬆。

跟住就排隊入課室啦！處理食物前梗係要洗洗手啦！

Teacher Patrick 細心教每位小朋友洗手～

將學習融入生活，令小朋友感受到學習既樂趣主動學習。

搽茄膏，灑粟米，切腸仔，鋪芝士。小卷將啲腸仔切薄片呢～～

大家整完就入爐啦！

係等待期間有小遊戲玩啊！大家都學識不同餐具的英文啊！

上完堂，仲同老師，校長Heide 傾咗陣。老師很有愛心啊～落堂之後仲陪小卷睇書。校長就講故事。傾談間校長傳授不少育兒心得，鑊益良多，好想再有機會可以同校長詳談。

小卷玩到樂而忘返呢！下次要參加玩轉實驗室先！

想知更多資料⬇⬇
http://www.gracefulhands.com

@gracefulhandscenter
@popstar_channel
@popstarchannel

#gracefulhands #confidence #Energy
#Attitude #GoReal #English #Learn&Fun #Language #amazingstudents #FounderSays #趣味英語學習系統 #英語 #課程 #英語教育 #校長媽咪 #最愛金句 #popstarchannel #littlepopstarchannel #POPSTAR #星光博客 #PopStarGlobal #popstarevent2019

 

私密的祕密 Regal Green Feminine Care 私密淨

唔知大家私密有無咩難言之隱呢？信義妹自從當媽後就極易有輕微尿道炎啦！做二寶媽後情況就更加嚴重，稍為飲少啖水就會開始黎料。

預防方法要有多飲水、多去廁所，才可維持私密弱酸性，確保好菌可以幫手防護。而係食療方面可以食蔓越莓乾和乳酸菌產品，但要大量食先會有效果，但好多時都會吸收更多糖份，所以唔想肥就開始從保健品入手啦！

最近發現左Regal Green  私密淨，係由台灣製造，一樽有60粒。日常保養就早晚各1粒，加強保養就早晚各2粒。主要成份擁有5項國際專利(法國、日本、美國、歐盟、世界)

主要成份 :
蔓越莓萃取粉(PACRAN, 美國專利)、洛神花萼萃取粉(ELLIROSE, 法國專利)、蔓越莓萃取粉(CYSTICRAN, 美國專利)、乳酸菌複方、西印度櫻桃萃取

產品功效有
✅90%改善私密灼痛、痕癢不適
✅99.9%殺惡菌、除異味
✅89%減少私密問題、強化防衛力
✅減少私密問題復發
✅無抗生素或者沖洗劑的副作用

銷售點: 屈臣氏
Regal Green Facebook:  www.facebook.com/regalgreen
產品資料: https://herbs.hk/product/regal-green-femininecare

#草姬 #REGALGREEN  #herbs #私密淨 #蔓越莓萃取粉 #美國專利 #洛神花萼取粉 #法國專利
#蔓越莓萃取粉 #乳酸菌複方 #西印度櫻桃萃取 #屈臣氏