口水雞~八麵棧~

呢間之前都食過幾次口水雞
但未試其他小菜
趁今日人齊就試多一兩款啦~

麻婆豆腐
呢個多少都有啲失望
初初諗住會辣的
但食落完全唔辣，什至乎少少麻的感覺都無
味道不是太濃同鹹

蒜香豬扒
豬扒肉質鬆軟
醬汁帶少少酸甜味
加上炸蒜味道更佳
鹹味跟酸甜味互相配合
令到豬扒的味道有多幾個層次

口水雞(半隻)
今次試多兩款小菜
都仍然覺得口水雞最出色
一打開外賣盒，辣味已經湧出來啦
亦都增添了食慾
雞隻偏瘦，雞肉算滑但無雞味..................
味道有濃濃的麻，但配上小小辣感覺好似不太足夠
下次要再叫加辣先得

下次要試下剁椒魚頭先得

地址：元朗豐年路7-11號豐年樓地下

天王拉麵~拉麵天王~

天氣熱就唔多想食飯
就揀麵來食下啦~
除咗米線，拉麵就係其中一個唔錯既選擇
遊遊下趁時間尚早就搵地方食下啦

被門口的裝橫吸引
就一於入去試下啦~

內裡的裝修都充滿日本氣息

有幾款拉麵可供選擇
白、黑、赤、限定天王
今次的限定天王有胡椒天王、咖哩紫薯天王

信義妹係赤、胡椒天王同咖哩紫薯天王徘徊很久
最終都揀定了
同行友人差啲想打鑊我....................哈哈哈

呢度既汽水係樽裝
所以點都叫番支來飲下既~~
始終都覺得樽裝汽水($10@)係好飲過罐裝既~
而調味品亦都井井有條咁擺放好
有昆布醋、芝麻、七味粉

可自由添加的辣芽菜
味道微辣帶少少酸

係選擇拉麵可以揀軟硬度
口味香油都可以揀濃淡
當然仲可以選擇走蔥與否啦

友人選了赤天王$79
友人選了普通濃度的湯底，微紅的湯底有淡淡的辣味
湯底亦都有濃濃的豬骨濃香
普通濃度的湯底鹹味適中

信義妹最終就揀了
胡椒天王$89
一來到完全滿足到信義妹呢個芝士控
芝士多到滿瀉，完全見唔到兩塊叉燒
芝士份量係可以多到把拉麵緊緊纏住
胡椒湯底點了濃口味，濃濃的胡椒香加上芝士
完全愛味濃者必選
雖然點了濃味的湯，但亦都唔會過鹹，鹹味剛好
叉燒係半肥瘦，口感鬆軟
叉燒本身味道不濃可以沾上湯汁味道更佳

烤餃子$28
餃子烤的時間剛剛好
皮脆不油外，還好好保存好肉汁
沾上帶少少酸的醬汁就更好

芝士年糕$12

初初對呢款並沒有太大期望
因為食過外間很多食店不是太油就太甜完全蓋過芝士的味道
今次有驚喜啊
芝士年糕外層不油
熱呼呼吃下時芝士會緩緩流出
內裡的芝士不會甜，有淡淡的芝士香，不會過鹹

每人半個就真係唔係好夠
但我地都已經再放唔落啦~
下次我想再試下黑天王


地址：元朗西菁街20號益輝大廈12號地舖

食雞脾唔食皮係一種罪~三多炸脾~

有日見到朋友分享話元朗都有三多炸脾
即刻就要去試啦
而家食到好食炸脾地方真係所餘無幾
呢間好評如潮的炸脾
梗係要試試有幾好啦

今次除咗試炸脾之外
仲試埋個煎腸粉
有分辣同唔辣
兩樣都試吧

一去到......................人多到呢
差啲以為去咗年宵..................
既然係咁就更加要去買啦~
外賣自取，以咁多人來計算快了吧
20分鐘有取
店員已經好快手啦~~~~

型格的盒裝著炒腸粉

內裡有一句
"食雞脾唔食皮係一種罪"
睇到即時係腦海徘徊"肥都唔係一種罪"
哈哈~~~食埋今餐先減肥啦~

左邊是香辣肉碎炒腸粉
右邊是豉油肉碎炒腸粉
先講香辣先~
對我來講只有微微的辣，喜歡狂辣的大家就未必適合
豉油肉碎炒腸粉
不太鹹，味道尚可
但兩個腸粉都比較硬
沒有平時那種軟軟滑滑的感覺

主角~炸脾來啦~
用麵包糠包住炸都係第一次試
口感不錯呀~
肉質鮮嫰多汁
唔會炸到乾曬

愛辣的大家記得自己去加辣粉啊
信義妹加了勁多
辣得滋味過癮

手工情義結~Cafe Hillywood~

信義妹愛手作就好多人都知架啦~
亦都因為咁結交唔同既朋友一齊交流
有手工朋友話呢間有手工意粉
就梗係去試下啦

入到去環境寬敞
枱與枱之間並不緊貼
大家傾計都唔怕俾隔離枱聽到啦

店內亦都有不同既擺設
喜歡藝術的大家可以四周欣賞一下

朋友點了mocha $42
咖啡味香濃，但仍有少量咖啡渣係底
甜味適中

我就點了熱朱古力$30
濃濃的朱古力香味
不會太甜太膩

到主菜啦!
黑松露野菌意粉$118
寬條麵夠咬口，醬汁濃而creamy，能夠緊緊把寬條麵包住
黑松露跟野菌的配撘令到白汁更香濃
如果有埋芝士就更加錦上添花啦~
味道不會太鹹搶咗野菌同黑松露的味道

慢燒BBQ汁豬肋骨配薯條$188
大大件的豬肋骨
初時都諗會唔會比較韌
點知一切有驚喜
豬肋骨鬆軟，醬汁帶點點酸甜味
令到食的時候不會太膩
薯條外香脆內軟，面有少少鹽
加埋茄汁就有多重口感跟味覺感受

以兩個女仔來講
呢個份量就已經足夠了
本想試埋甜品的
但店員表示俾隔離枱全都HOLD 起
所以無試到

服務方面，店員有禮貌
不過收碟有時快咗少少....................
個薯條我地仲想食架~~~~
但係見店員都拎起了就算啦~~~

 地址：尖沙咀柯士甸道152號好兆年行地舖

新辣店~佐料佑麵~

呢間係裝修期間就已經有留意啦~
全因為一個辣字~~~
果然逃不了辣的本色
有辣就能吸引信義妹的注意
有日再番娘家既時候終於見到佢開啦~~~~

本身打算到第二間食辣的
都臨時轉軚
可惜入到去太多人啦~
所以唯有外賣啦~~~~

酸辣雞雜拌麵
一打開就有香香的辣味撲鼻而來
有紅的綠的黃的，顏色刺激了食慾
低層有花生醬
味道有點兒似擔擔麵
鹹跟辣的比例剛好~
算是中辣的程度
麵爽口彈牙
唯一可惜的雞雜只有雞腎
本身諗住可以食到雞心、雞腸，雞肝等

酸菜桂花魚麵
做得好的是湯跟麵是分開上
唔會因為你耐咗就浸到啲麵淋曬
酸菜湯不會太濃
好多時出面的酸菜料理很多都會帶種甜味
這間就沒有，所以比較適合我地口味
桂花魚滑，沒有骨
唔識食魚既朋友都可以食啊~
辣度唔知六仔係咪叫咗走辣呢..................
雖然佢一直話無，但對於信義妹來講是零辣度

飲品半價
分別叫了酸梅湯跟珍珠奶茶
感覺上沒有太特別
下次要試下其他飲品

地址：元朗大棠路48-72號安福大樓地下64號舖

主題餐廳~船長意法日餐廳~

最近信義家附近有新餐廳開
就試試看吧
初初只以為只有名，室內裝修都係一般餐廳裝修

但原來室內裝修都有很多船的擺設

吊燈、牆飾，杯都會令人有一種船跟海洋的感覺

點菜的方式係客人寫低餐牌號碼

咁大家都一目了然點咗幾多野啦

先來兩杯飲品

差不多每枱必叫

忌廉奶茶紅豆冰冰$22

奶同茶的比例剛剛好，茶香奶滑

紅豆不會過甜

味道適中

如果平時嗜甜的朋友就應該覺得偏淡

 柑桔生薑蜜$18

 柑桔味濃，帶少少生薑的辣味

係一個好的嚐試

甜味適中不會蓋過柑桔同生薑的真味 

 羅馬人什菜湯$16

並不是平時湯碗盛裝

是用有螺造型的碗

味道偏濃，比想像中鹹少少

但份量足夠

 田園素菜烤PIZZA $33

PIZZA 二人份量剛剛好

粟米、磨菇、西蘭花、車厘茄

芝士充足，最適合愛芝士的信義妹

餅底厚度適中，不會太乾身，餅邊有少少脆

 船長龍蝦汁鮮意式燴珍珠飯$68

餐廳其中一款招牌菜

 有魚、蝦、蟹、青口、蜆、魷魚

海鮮盛宴般上桌

濃濃的龍蝦汁沾滿每一顆飯粒

如果有芝士粉的配搭，就成為絶配

海鮮味濃，但不會過鹹，好好把海鮮的鮮味帶出來

餐廳另外還有烏冬、鰻魚飯等選擇

當天我地六點半到都差不多滿座

所以想食的朋友記得要早點到啊!!!

 

地址：元朗西菁街１０號好順泰大廈地下３０號舖

 

漫聚~曼克頓餐廳~

跟友難得一見
就挑一間滿浪漫的地方吧
雖然兩女子來一個浪漫的地方好似比較少有
但浪漫的地方應該不會隨便趕客
好讓我地慢慢傾~~


挑了大家都就腳曼克頓餐廳
一入到餐廳
就俾曼克頓夜景迷上了
餐廳環境有分室內跟室外
室內環境不算太暗
光線充足
室外多為客人把酒談歡

店員細心

一個要熱水，一個要暖水都招呼週到

朋友想食蠔

呢個亦都係揀呢間既原因

餐廳每天都會挑時令生蠔

法國黃金蠔

CREAMY，帶少少甜味，帶淡淡海水味

澳洲哥芬灣蠔

海水味濃，爽脆，清甜

我倆向來都喜歡原汁原味

所以隨碟上的蠔醬都不多用

只試了少少

蠔醬

微辣，帶少少蕃茄的甜味，味道偏淡

與蠔一齊食不會搶掉蠔的鮮味

食完蠔就食主菜

生蟲的兩個................點了個

雜錦頭盤$128

**BUFFALO WINGS

雞翼皮脆肉嫰，醬汁帶少少酸酸辣辣

再沾上BLUE CHEESE SAUCE

味覺多重享受

**墨西哥芝士烤雞柳

薄餅香脆

雞柳軟滑

如果芝士多一點會更好

不沾醬的話，味道會偏淡一點

**脆薯皮

烟肉同薯皮都脆口

有食薯片的感覺

 主菜來啦~~

新奧爾良海鮮飯$158

質感軟稔帶少少韌的口感

味道濃郁，有濃濃的海鮮味

不會過鹹

而海鮮都有多種，魚、蝦、魷魚等

 扒皇帝大蝦$228

 無改錯名，好大隻蝦

蝦肉爽脆，少少調味已經帶出鮮甜

 甜品向來都係女人第二個胃

食完咁多野都會再點一個心太軟

朱古力心太軟$72

朱古力味特濃

流心不會太甜

外面脆脆的蛋糕沾著流心

口感一流

 店員亦因應我們要求

雪糕分開上

雲尼拿味雪糕

淡淡的清香

與心太軟一冷一熱的對比下有多重口感刺激味蕾

 

 總結，店員都細心有禮

環境浪漫

地址：觀塘觀塘道４１４號１亞太中心(ＯＰＣ) 3 樓303號舖

首選午巿~老表雲吞麵~

而家自己煮又貴，出街食又貴
除咗自己既人平唔多貴.....................
唯有搵啲大件夾抵食既食啦~

大圍自從有間雲吞麵結業後
老表都加價了
今日放假買野就順便再去食下啦~

雲吞河~~~
唔知係咪今日太肚餓呢~
好似唔係好夠咁既
定係真係份量細咗呢?
不過以午飯來講都還可以啦
男仔就應該要雙拼或者加底了
$23 單拼
雲吞仲大大粒
味道又不差就不能要求份量超大囉~~~~~

抵食小食之選~龍津美食~

香港食店除了好味會多人排隊
就係夠抵食先會大排長龍
龍津就係其中之一啦
大圍都有分店啦~

$15就有一碗細牛雜
份量都不少
味道濃但不太鹹
不過我比較喜歡較稔身的
蘿白清甜
都不錯啊~

$10 魚旦
就有咁多
真係唔止小食咁簡單

兩樣都有分辣同唔辣
辣度對我來講只屬微辣
如果有勁辣揀就更好啦~

抵食下午茶~炑八~

媽媽節趁信義媽要夜啲先可以慶祝
我地就一家三口走出去行個圈先啦
之前有朋友提過炑八的TEA SET 抵食 $48
今次就去試下啦
哇~~~一去到人山人海
好彩我地叫早到，所以都唔駛等好耐就有位啦

坐低就已經有檸檬水準備好幫你消消悶熱的天氣

我地都快手揀好野食
前菜就送上啦~~
有涼伴海帶，酸酸鹹鹹的好開胃

泡菜，帶強烈的辣味，刺激味蕾，鹹味適中

韓式清湯，濃淡得宜，不會太鹹令到要不停飲水

韓式迷你熱狗
內裡有香腸，外面有一層薄薄的麵包包住
配埋茄汁同芥辣可以同腸仔的鹹中和
熱呼呼地放入口，正呀

另外，我地都有加$10加小食
芝士粟米
有勁多芝士~~芝士迷必選
係濃郁芝味下配上清甜粟米

基本上女仔食到呢到應該都飽架啦
所以大家叫野食嗰陣記得睇住自己個胃有幾大
主菜上啦~
叫咗石頭雞肉飯
醬汁會另上，所以喜歡鹹或淡的朋友可以自己調節
仲有飯焦可以食，證明石窩夠一定既熱度　　

仲有另一個係海鮮煎蔥餅
有魷魚，蔥同少許辣椒
如果只食蔥餅，味道偏淡，但食到陣陣蔥香

配埋醬汁就味道剛好
醬汁帶酸酸鹹鹹
如果可以加多少少辣就更好啦~~~

我地仲加了飲品
士多啤梨梳打，菠蘿梳打
賣相討好，有生果在內，唔會只係得色同味
士多啤梨唔會似藥水味
不過我叫咗少冰所以對我來講就甜咗少少
菠蘿梳打，酸酸的確實開胃

女人對於甜品係有第二個胃既
最後都點了宇治金時冰沬$62
冰沬入口即融，配上鍊奶加添了多一種甜味
紅豆蓉味道濃郁，不會太甜
綠茶粉味道清香正正可以中和當中的甜味
又可以添加多一種味道

整體評價都不錯
大時大節店員都有禮相待
見到忙到暈仍然保持笑容

 埋單$196
算不錯吧~~~~