媽媽也美眉 ~Orchid Beauty 素顏美~

信義妹其實都抱住緊張既心情去架，始終第一次做，多少都有啲緊張。紋眉繡眉就成日聽，氧氣眉係咩呢?氧氣眉是指手工的方式做霧眉，效果類似用咗眉粉，相對機器做的霧眉更透薄，效果更自然，從原理上來說採用手工方式更靈動些，易於操作和修改，線條的虛實感更強。

先搽一啲紓緩膏係眉先，大約敷30分鐘。

跟住就開始設計眉型啦！

美容師好細心好快就已經知道信義妹有戚眉同多表情的習慣。經驗豐富兩三下就已經搞好眉型啦！原來氧氣眉都有再細分好幾款，有眉粉眉，輕紗霧眉，水線飄眉等。信義妹係揀升級版明星立體粉黛眉 ($2,880)，係唔需要扮蠟筆小新幾星期架，3小時後就可以濕水了。顏料係由植物萃取，成份天然，不含重金屬。

跟住就開始我的眉毛工程～～～

過程係有少少痛，但都忍受到的。美容師亦都細心問到會唔會太痛，感覺良好啊！大約1小時多就完成啦！

因個人皮膚不同，整一次大約可以 keep 1年左右啦！

Orchid Beauty 素顏美係銅鑼灣，佐敦都有分店架！
銅鑼灣店：
銅鑼灣渣甸街50號渣甸中心13樓全層
Whats app：5114 8332
佐敦店：
佐敦上海街35號美化樓地下E鋪
Whats app：6729 9323

#半永久化妝 #半永久 #飄眉 #霧眉 #美瞳線 #隱形眼線 #水晶唇 #水晶唇 #減肥 #黑頭 #orchidbeauty #素顏美 #粉底駐顏 #化妝 #fashion #植睫毛 #氧氣眉 #粉黛眉 #女裝 #hifu #nail #山茶花 #眉 #名牌代購 #韓國 #黑眼圈 #permanentmakeup #修眉

初次嘗試氧氣眉 ~Orchid Beauty 素顏美~

信義妹係化妝方面係完全手殘。。。。。
唉。。。。朋友都頂我唔順。。。
就推介我不如試下做氧氣眉啦！
緣份安排下就到 Orchid Beauty 素顏美 交出信義妹既第一次～～～
究竟會變成點呢？等我啊！

#半永久化妝 #半永久 #飄眉 #霧眉 #美瞳線 #隱形眼線 #水晶唇 #水晶唇 #減肥 #黑頭 #orchidbeauty #素顏美 #粉底駐顏 #化妝 #fashion #植睫毛 #氧氣眉 #粉黛眉 #女裝 #hifu #nail #山茶花 #眉 #名牌代購 #韓國 #黑眼圈 #permanentmakeup #修眉

環境舒適服務貼心 ~Urban Cafe~

係旺角，通常朋友第一個反應係周圍都係人。加上有番咁上下年紀，都唔多想迫，所以朋友好少揀旺角呢區聚腳啦！

今次信義妹不斷提及 Urban Cafe 搞到朋友都為咗我去一趟旺角。點解會提及呢？因為之前因工作關係偶然到Urban Cafe 環境同鬧巿成為強烈對比，服務又貼心，確實與朋友談心底話的好地方。

講番食既先，點了 set dinner $268

是日餐湯～粟米濃湯～
濃湯甜而不膩，口感豐厚，唔會稀如水，倘有少量粟米粒加添口感。

是日沙律
沙律菜新鮮唔會帶苦澀味，配上香滑的芝麻醬開胃又醒神
主菜有好幾樣選擇，有飯，意粉，肉。

西班牙黑毛豬肋骨配薯菜
淋度適中，容易切開又唔會成件骨肉分離。肉質亦都唔會太實，女仔可以保持儀態溫柔地食。味道帶少少甜，屬濃味，如果食開比較清淡會覺得有少少鹹，但配上伴碟的沙律菜味道就剛剛好啦！而薯菜係薯角，外脆內軟，喜歡香口的一定鐘意。

雙重芝士肉醬意大利麵
芝士控的信義妹係唔放過架！濃濃的芝士配上彈牙意粉。肉碎與蕃茄醬配合剛好，唔會太多醬，醬汁剛好可以將意粉拌好。鹹度適中，蕃茄醬唔會太酸，與芝士味的鹹配搭恰到好處。

套餐包$38飲品一杯，可以補差價點其他飲品。我地補$4， 點了熱的蜂蜜紅棗茶，為晚餐畫上完美的句號。

地址: 旺角彌敦道566-568A號僑建大廈2樓

美白祛斑 ~BL Beauty~

上次講到 BL Beauty 開箱，今次就梗係分享用後感啦！

煥白細緻無瑕潔面乳

由有機橙花花水，荷荷巴油及葡萄籽油等植物萃取精華，可以將毛孔內的污垢徹底清除。

除此之外仲可以保持皮膚水潤，改善暗啞膚色，為肌膚提亮美白。

係未洗面前 水份29% 油份42%, 係洗面後 水份提升到 35% 油份降至23%。

潔面乳帶淡黃色，少少一缺就已經可以洗曬我成塊面啦！洗既時候仲聞到淡淡花香。用水洗既時候，亦都唔會有種洗極都未洗淨的感覺，洗感清爽。

洗完面就梗係要試埋 美白祛斑夜間精華油。

由有機玫瑰果及檸檬等植物萃取，可以有效淡化色斑。

同時亦都可以深層滋養，排毒抗老，改善膚色。精華油係黃色的，用的時候，聞到似檸檬威化餅味。

於手心搓熱後，係面上按摩。雖然話係精華油，但感覺清爽透薄，一啲都無油那種感覺。用後水份提升至45% ，油份亦到30%。油水平衡呢～

潔面乳早晚使用，而精華油只有夜晚使用。三日後，皮膚明顯地白了。近眼的色斑都淡了一點，持續使用相信很快就同荷爾蒙斑講 bye bye 啦！

#BLbeautyHK

本地製造天然有機 ~BL Beauty~

當媽後每次買野都對個成份表好似驗屍咁驗。第一時間睇made in 邊度，跟住就睇有邊啲成份。特別信義妹係人奶媽就更加會睇下究竟放咗咩入口，同埋用咗咩上身。
緣份既推動下認識了 BL Beauty。

BL Beauty是首個及唯一榮獲「香港優質產品Q嘜認證」的護膚品牌。全線產品的原材料，98%由法國入口，並獲得「歐盟有機權威認證」。每款產品都係「0%水分．100%植萃．300%純致」

信義妹今次就揀咗 煥白細緻無瑕潔面乳同埋美白祛斑夜間精華油。收到包裝很精美啊！仲有美美的親筆手寫卡。信義妹有很多年都無收過親手寫的卡了。
大家就一於稍等多陣，詳細分享好快就有啦！
#BLbeautyHK

重點辣椒油 ~豐泰牛雜~

一個忙碌的假期。。。。
算罷啦！媽媽無假放的，假唔假期都忙碌。

豐泰成日都經過，但食都係第一次
坐位有少少迫的，所以記得 shopping 前先好入去。

入門見到個個唔係牛就豬手，應該呢間係牛類 (牛筋，牛腩，牛雜)同豬手出名啦！
一於就牛雜河走腸啦！

不過我係外賣，因為左一袋右一袋，入到去會唔太方便。特別要了辣椒油。

開餐啦！打開有驚喜呀！拎咗外賣後，沿途都有少少後悔叫了河粉，好唔鐘意索曬湯，淋曬又易斷既質感。

結果，河粉無索曬啲湯，湯粉分明，河粉無淋曬，仲係有彈性兼滑口。牛雜唔會霉曬，入味又夠咬口，味道唔會得鹹味，帶有少少香料味道。

愛辣既朋友，就記得要試佢地既辣椒油啦！夠香帶辣，出乎意料地好。

椰香味濃 ~椰汁大王~

其實每次經過椰汁大王 都係會忍唔住要買番樽飲下
一樽抵啲$26
大杯無記錯$24

椰汁會加花奶加冰打成
現成凍飲感覺唔錯
椰香撲鼻，鐘意椰味既一定會鐘意。

唔鐘意椰味?唔梗要，而家有蔗汁。

同樣都係$26一樽
但個人覺得點解佢啲蔗汁甜得有啲怪既呢？
係我太耐無飲蔗汁唔記得咗陣味，定係而家啲蔗係咁架。。。。。。
已經係見住即榨架啦。。
$26一樽，不過不失啦！
如果想要口感既話，仲可以加珍珠，椰果，西米等
係珍珠奶茶外，又另一選擇。
有時人多都要留番少少時間排隊啊！

自家足料餃子 ~六合小廚~

媽媽忙，呢句信義妹成日都講架啦！

但媽媽都想搵啲時間鬆一鬆，同朋友坐低飲啖茶食個包都好。心動就不如行動。坐言起行約咗John 媽去食番個大早餐！

信義妹左揀揀右揀揀就一於揀間多選擇架啦！六合小廚，近中港碼頭，又近名店街，食完 shopping 都仲得！

甜玉米豬肉水餃河粉
加$8 可以有胡椒豬肚湯
對於嗜辣既信義妹就可以再辣多啲，豬肚排骨都夠淋。鹹度適中。
水餃足料，玉米甜，沒有肥豬肉，都唔會韌。河粉滑，屬幼身。

加配了豆漿 (加$7)，有冷熱選擇，甜道適中，但無濃郁豆味。

新鮮滑牛肉粥
生滾粥系列都有好幾款選擇。牛肉有不少片，有部份帶筋，喜歡有咬口的信義妹覺得口感不錯。

再加咗炒米粉，呢個炒得夠乾身，喜愛濃味的可以自己再加一點豉油。

餐廳整體味道唔算濃，喜愛清淡健康的朋友都適合。另外亦有味濃的麻辣湯等。種類選擇都算多，唔怕無野食。

黑眼圈救星 ~ VIIcode淡化黑眼圈氧眼貼 ~

聖誕節同啲細路日日狂歡，不單止身形要急救，連個樣都要急救。

好彩係聖誕前認識了，VIIcode 淡化黑眼圈氧眼貼。

VIIcode 係源於18世紀貴族專用的品牌，美國製造，已有二百多年歷史啦！VIIcode 淡化黑眼圈氧眼貼含活氧植物萃取精華（EOPE）喚醒細胞的吸氧能力。當中亦含有抗氧化不敗明星維他明 E 和白茶萃取，能為肌膚淨白和抗老。輔酶Q10有再生抗氧化功效，透過皮膚減少皺紋，防止UVA 對皮膚的傷害。葡萄籽油能促進細胞循環及激勵免疫系統，所含之花青素能保持肌膚青春緊緻。

一盒 ($558) 內有六包，每次用一包。每對眼膜都會有膠盒盛裝，撕下眼膜後的膠片就可以貼在眼底用啦！眼膜後的凝膠份量剛剛好，不會太多或者太少，貼上去就可以舒舒服服大覺瞓啦！

貼上眼膜後唔駛驚會搞到一面一枕頭都有，因為會好好地貼住眼，份量剛剛好。瞓醒凝膠都已經完全吸收。係瞓覺前，信義妹眼底位置水份29% 油份42%；

瞓醒即刻再做測試， 水份45% 油份29%提升了。

隔兩三日敷，到第二次就有明顯效用了。黑眼圈減淡了，大笑姑婆紋 (表情紋)都減少了。攰眼即將遠離我啦！

一星期可敷兩至三次，官方三盒為一個療程。
Shopping 隨意門：
https://www.viicode.com.hk/article.php?id=53

排毒美顏好幫手 ~木酢健之貼~

如果無扭傷跌傷，但又周身骨痛，什至乎關節腫脹，木酢健之貼幫到大家啦！

信義妹係生完小立後，坐月坐得唔好，搞到有好多後遺症。。。。例如久不久手指會腫脹發痛，膝關節會發痛無力，腰亦會發痛等。。。。五勞七傷呢。。。。係咪想問點解唔坐好月？有時唔係想就做到既，詳細亦都唔想係度交待，想知就大家日後細談。

點解話木酢健之貼幫到手？因為佢有效改善血液循環同埋關節健康。仲有效驅除體內濕氣，排出毒素。持續使用可有保健作用。

最直接既方法就係貼腳底，因為腳底有各部位穴位反射區。而信義妹除咗貼腳底，仲會貼手掌，人家手指腫脹啊！每次貼8～10小時，瞓住覺來排毒美顏，爭分奪秒啱曬繁忙的香港人。
如果運動後更快舒緩肌肉繃緊，就可以試下「薄荷撕即貼」。 點解叫撕即貼？因為佢係一撕即貼嫁！更方便，更易用！

信義妹粉絲有優惠，只要入Discount Code "Shunyeemui" 就會有 85折架啦！
優惠期到 2019年6月30日
Shopping 隨意門 ： https://www.nutriworks.com/
@actitape @flexi-patch
#actitape #活力肌腱貼 #物理治療貼布 #媽媽手 #木酢健之貼 #最強人氣保健貼 #腳貼 #保健貼