2019年11月10日 星期日

B Duck 迷之選 ~德記茶樓~


而家食飯唔係留意自己想唔想食，係留意有無特別主題。真係再活一次童年~~~~ 哈哈哈~~~

今次就去到用B Duck做主題既中式茶樓。一入到去就已經哇哇聲啦~~~~~ 被B Duck包圍啦~~~~

蝦餃皇$46
蝦餃皮薄餡多。味道唔會太鹹，配上B Duck樣可愛度滿分！

燒賣皇$42
雖然燒賣無B Duck樣，但係都有靚花做裝飾。肉質彈牙，味道唔會過鹹。

招牌奶皇包 $32
係B Duck扮熊貓造型啊！熱食係最好味的~~~奶皇會有陣陣蛋皇味，唔會太甜。

古法馬拉糕 $26
比想像中大件。馬拉糕鬆軟，味道會比奶皇包甜一點，都算係信義妹接受到的程度。

秘汁和牛粒飯 $78
呢個係全部人都必讚一款。和牛粒，香軟淋滑。醬汁似燒汁，但又唔太似，鹹中帶少少甜。飯粒分明，唔會淋到糊。

Buffy 蛋撻 $16
有3個蛋撻，初初都係因為有Buffy 樣先叫。諗住真係得個樣~~ 原來都唔係既，皮香唔會油，鬆化而唔會太甜。

值得一提，女洗手間很寬敞，帶埋小朋友入去都唔會覺得迫，而且地面乾爽唔會有異味。

地址: 旺角彌敦道575號Ladder Dundas 1樓




信義藍星札記
Facebook Page
Instagram

張貼者： 於 沒有留言:
標籤：

友善餐廳 ~ Su Casa ~


唔怪得好多朋友都話做媽媽之後， 人生變得唔一樣。因為衣食住行好多都會為小朋友而改變，從前見餐廳想食就會衝入去。。。。。而家考慮到食物種類，位置，地方等。

今日就到位於石門的Su Casa 。位置相當方便，係港鐵站一出行一陣就到啦~~~ 枱與枱之間距離寛濶。實在太好啦~~~~

仲有兒童餐 $68 選擇，好多餐廳兒童餐都只會有一至兩款揀，呢度有三款啊！揀了兩款

胡麻沙律，芝士通心粉，橙汁
沙律菜新鮮不苦澀
芝士通心粉
芝味濃，醬又唔會過多，通心粉又唔會太淋
新鮮藍莓，士多啤梨，小朋友最愛啦~~~

胡麻沙律，炸魚薯條，牛油粟米，橙汁
炸魚軟滑，入口軟綿
有海量薯條，外脆內軟
牛油味濃的粟米

橙汁係係有專屬位置架，防止小朋友容易打翻。食兒童餐係可以扭蛋1次架~~~連我都好興奮啊~~~~哈哈

信義妹就食咗個Tea Set $88（1人）
煙三文魚酸忌廉
煙三文魚唔太鹹，配上酸忌廉同青瓜，味覺清新，口感多層次。

巴馬火腿配哈蜜瓜
信義妹很愛這個呢~~~

沙律菜
新鮮爽脆
馬卡龍
野莓味的馬卡龍，不會太甜

泡芙
抹茶味泡芙正好跟野莓味馬卡龍成絕配。一個味道清香，一個酸甜味濃。

燴車厘子配金寶脆脆
初初會以為味道帶酸，但原來係淡淡的香甜，配上脆脆口感特別。

法式劇院蛋糕
呢個相對之前的味濃，但有多層的蛋糕，慕絲分隔，味道多樣化。

飲品就配了菠蘿有機奇亞籽綠茶，第一次試呢個配搭，很好啊~~~~

最欣賞係員工對小朋友細心。呢頭坐低畫筆畫紙已經放好，兒童餐具亦都準備妥當。

下次要去食生蠔啊~~~~~

地址:
沙田石門安群街一號京瑞廣場二期地下G03號舖









信義藍星札記
Facebook Page
Instagram
張貼者： 於 沒有留言:
標籤： ,

2019年11月6日 星期三

休閒龍蝦午飯 ~ OCIO ~


不論你係在職定全職媽。。。。其實係香港地係人都好忙。近年信義妹為咗爭取時間，連朋友既lunch hour 都唔放過，去開附近就去捕鑊一齊快聊一番。

今次就到大圍區裝修不錯的餐廳聚一下。One Piece 海賊王corner 仍然係度啊~~~~~枱與枱之間唔會太近。傾計都方便，又唔驚嘈到人。大家都叫咗有龍蝦入饌的菜式。

南瓜湯
細緻綿滑，喜歡辛口的，加點黑椒更惹味。

龍蝦汁炸軟殼蟹燴意大利飯 $58
飯內有菇，粟米粒等。米粒分明煙韌，不會糊口。龍蝦汁唔會過多，浸住啲飯，剛剛好。軟殼蟹唔會太油，有蟹膏的甘香。

特濃芝士焗龍蝦窩夫早餐 $89
午餐食早餐，新食法~哈哈哈~~~ 有一份同半份既價錢，今次食半份，龍蝦有大量蝦膏，甘香豐腴。窩夫外脆內軟，配上薯條，唔駛驚唔夠食。仲有沙律菜帶俾口感清新，減退油膩感。

午餐跟餐可以加15蚊轉特飲。揀咗雜果賓治，士多啤梨，藍莓，配上粉橙色，美感滿分。酸甜剛好，正好為午餐消消膩。

下次要試西冷牛扒同羊架先得~~~~

地址: 大圍積存街74-76號地下A舖
張貼者： 於 沒有留言:
標籤：

2019年11月2日 星期六

花果皆宜 ~ La Famille ~


甜品，信義妹從來都唔會嫌多，深信甜品能平衡情緒，仲可以帶俾你脂肪~~~哈哈 ~~~ 不過食完咁開心，有脂肪咪有脂肪囉怕咩啫~~~

工作經過K11，遠處就已經見到有人排隊啦~~~信義妹都去湊下熱鬧先。被精美既蛋糕吸引了~~~ 色彩繽紛以花入饌，時令水果果仁入饌都有。大細亦有不同選擇。

沖繩菠蘿完熟香蕉 $60
信義妹一直都掛住沖繩，當地的菠蘿香甜味美，一試難忘。既然呢度有得食就梗係要一試啦~~ 呢個款式仲係只有K11門巿限定。
蛋糕軟綿細滑，絲一般輕柔。味道帶 著濃濃的香蕉香甜，配上面層厚厚的菠蘿蓉和香蕉慕絲，甜蜜味升級。

日本柚子 $54
蛋糕帶著果仁味，配上柚子皮，令到口感味覺升級。味道清新，又不會太甜。喜歡清新柚子既記得要揀。蛋糕面鋪上不同的莓，更添不同酸甜度，增加清新感覺，不愧為人氣精選。

盛莓藍蝶 $54
優雅紫色，已令人著迷。蛋糕鬆軟輕綿，一試難忘。配上紅莓醬，莓果做點綴，更似女性專享的一樣。

日本柚子巴伐利亞 $49
一見傾心的巴伐利亞。水果靚花入饌，配上慕絲，完全一試傾心。清新柚子慕絲帶有少少柚皮，不苦澀，還帶出柚子的甜味。水果花層啫喱，有莓果，配上花香，更令大家著迷。

西瓜玫瑰巴伐利亞 $45
說實話。。。。西瓜，信義妹多數都係就咁食。。。入饌。。。真係第一次。但咁靚，一於試下啦~~西瓜配玫瑰，兩個好似無關，除咗大家都係紅色。。。。。都好似拉唔埋咁。
結果， 原來西瓜入饌係如此好味，西瓜味唔會似藥水味，真正的西瓜香甜全集。   配上玫瑰花香啫喱有種相逢恨晚的感覺。

店員話本身巴伐利亞係有9種味道架。信義妹下午2點到既時候得番3種味，仲係每款味得番一至兩件。所以大家想食就一定要早啲去買啦！

地址: 尖沙咀河內道18號K11購物藝術館B1樓B102B號鋪






信義藍星札記
Facebook Page
Instagram

張貼者： 於 沒有留言:
標籤：

2019年10月27日 星期日

樂而忘返 ~ 紙飛機 ~


信義妹一直都喜歡到親子餐廳，因為必定歡迎小朋友，又有得玩，又有得食一次過滿足幾個願望。難得六仔今日可以唔駛開OT 就梗係親子一番啦！

紙飛機位於郵輪碼頭，如果當日有船泊的話，記得要預鬆啲時間，因為。。。。。。。。會塞車塞到發咗瘟。。。。。

淨係戶外的夜景都吸引，影了不少相。外牆係玻璃，小朋友望入去就已經好興奮。

先講食先
BBQ菠蘿咕咾肉 $98
酸甜度剛剛好，醬汁包住脆脆的肉，小朋友最愛。

陳皮紅燒獅子頭套餐$168
獅子頭
內裡有少少馬碲，整體唔濃味，小朋友適合食用。

三色營養飯
一碗飯就包含不同的營養，仲配埋紅蘿蔔絲，蛋絲，青瓜絲，淨食飯都可以啊～

養生湯
蕃茄薯仔湯，唔係用一般煲湯骨煲，係一條原整骨排，唔駛驚有碎骨。

水果
切得很美啊～

兒童餐$128

時令水果
有橙，火龍果，藍莓。

雲蛋蝦仁
蝦仁有3隻，已挑腸，抵讚。蛋係全熟的唔駛驚小朋友食到生蛋。

馬島小企鵝
賣相精緻，小朋友唔捨得食呢～

鮮茄磨菇燴麵
茄汁緊緊掛住麵條，唔會有多餘既醬汁，磨菇無草青味，小朋友唔會抗拒。

乾貝海鮮豆腐𡙡
鮮味十足，小朋友搶住飲呢！

果汁
選了士多啤梨汁~ 無添加，飲得更放心啦～

玩樂設施多元化，有大量繪本，滑梯，cosplay （公主或者各種職業），木粒池，車隊，搖搖馬，廚房等等。

洗手間更為一讚，十分寬敞，親子洗手間，一拖二入去都仲有勁多空間淨。洗手盆，抹手紙都有大人及小朋友高度，完全貼心。

地址
九龍灣承豐道33號啟德郵輪碼頭B區北面平台




信義藍星札記
Facebook Page
Instagram


張貼者： 於 沒有留言:
標籤：

2019年10月24日 星期四

排毒之寶 ~ 自然良坊 FC4撃脂纖腩 ~


信義妹又再想當年。想當年青春少艾時，上司曾經同我講過女人年紀一大就會容易便祕。信義妹當時仲係懞豬豬一臉不明所以的樣，聽咗就算。到今時今日生咗細路就明點解啦。。。。。當媽後運動少咗。。。。年紀大了，新陳代謝慢咗。。。。所以毒都開始排得唔係咁順啦~

上次去自然良坊買 #藻油丸 既時候，就有留意到 #FC4撃脂纖腩 同樣 #新西蘭 出產。成份包括 #FOS腸道益生素 能加速排毒祛水，清走宿便，就自然肚腩扁扁啦~ #活化左旋肉鹼 能放大卡路里消耗，加速改善脂肪和體重比例。 #高效紅莓濃縮精華 能抗氧化令骨膠原增生，能減少橙皮紋。還會加快新陳代謝，令熱量加快消耗。 #不含西藥 唔駛驚有副作用，亦都唔會瀉到你驚。

1樽有60粒，每日lunch 前兩粒，夠食1個月架啦~

搶住買購物點:
萬寧有售

「自然良坊」專門店：
旺角彌敦道760號聯合廣場30號B地下(太子港鐵站B2出口)
Facebook :  FC4撃脂纖腩     https://www.facebook.com/FC4slim/
微博 : 自然良坊 Natural Sqaure  www.weibo.com/naturalsquare
網站 : http://www.fc4slim.com/index.htm
網店 : https://www.naturalsquare-eshop.com/






信義藍星札記
Facebook Page
Instagram

張貼者： 於 沒有留言:
標籤：

快速保濕淨白 ~IUVENIS~


信義妹近期成日都概歎遇上歲月神偷。長期唔夠瞓，又涼住冷氣，皮膚相對以前無咁鎖水，膚色又黃咗幾度，啲斑又多咗幾點。真係要勤力啲，做番個靚媽先得啦。。。。想搵一啲高效既又唔駛大廢周章的。
網遊下遇到 #IUVENIS 淨白保濕Double Up 面膜， #香港製造 ， #安全無添加 ， 係科學跟護膚mix and match 的 #科研護膚產品 。成份含有 #法國AQUAXYL多重木醣醇 能增加皮膚含水量 和 #納米透明質酸 能提升皮膚彈性，儲水及鎖水功效，達致 #保濕DoubleUp   。  #維他命B3 （#高效B3 ）能減淡細紋 和激活膠原蛋白增生。 #燕窩萃取精華 能加強美白和抗氧化。 達到 #美白去斑去黃。#香港科技大學引證 能抑制黑色素，增加膠原蛋白。

使用前
水份  32% 水油份 47%

使用期間
每塊面膜有 #30毫升精華 拎出來格外小心，唔好滴到周圍都係~ 面膜係日本產棉料，貼面舒適。敷15至20分鐘就可以快速修護。
使用後
水份 48% 油份 31%
用後無崩緊，浸透快，撕下面膜再輕輕按摩就已經完全吸收。

熱賣點
Tutulife 生活網店
www.tutulife.hk 
1盒5塊 $198

#IUVENIS淨白保濕DoubleUp面膜
#科硏護膚產品 #保濕DoubleUp #高效B3 #美白去斑去黃 #香港製造 #安全無添加
#香港科技大學引證 #30亳升精華







信義藍星札記
Facebook Page
Instagram

張貼者： 於 沒有留言:
標籤：
訂閱： 文章 (Atom)