果茶滋味～蠔滋味美食坊～

近期忙到嘔曬泡。。。。都係買下飲品奬下自己啦！近期雖然黑糖珍珠大熱，但。。。。。都係去試下新店。

新鮮水果茶都係一個唔錯既選擇。
買得俾自己就梗係會預埋俾屋企人啦！見到餐牌選擇都多喎！有果茶，有朱古力，有華田，有椰皇類。。。。

特濃朱古力四重奏 $28
濃厚的朱古力加上 Oreo碎,啖啖都有朱古力味，因為有鮮奶㬙關係更顯幼滑。

原粒百香果水果茶 $23
百香果向來都係信義妹最愛，台式飲品好多時都會點佢，呢度係用新鮮百香果唔似出面係糖水溝架。茶味唔太濃，無遮蓋百香果的香，甜度適中，適合不太嗜甜的信義家。加上不太甜就唔會蓋過百香果的味道。

菠蘿水果茶 $23
菠蘿唔係罐頭菠蘿，係新鮮菠蘿，所以係會帶少少酸少少甜，配合茶底，作為飯後消滯都幾好。

鮮雜果水果茶 $26
有好幾款鮮果混合，橙，梨，蘋果等，如果有選擇困難症既朋友揀呢個就最啱架啦！因為咩生果都有！

華田珍珠
華田係特濃系列，但店主太忙唔記得放珍珠。華田濃滑是加了鮮奶的緣故吧！配上Oreo 碎增加口感。

地址 : 元朗大陂頭徑14-24號褔星樓地下6號舖