信義藍星扎記: 齊齊飯聚 ~ Sodam Chicken ~

2020年10月29日星期四

齊齊飯聚 ~ Sodam Chicken ~

信義妹都閉關多時，終於有機會同朋友一齊飯聚一下啦~~~難得 me time 就梗係要大吃大喝啦~ 放題確實係一個唔錯既選擇~~ 最後揀了 Sodam Chicken ，食完可以順便行下街shopping 一下，幫助消化啊~~ 哈哈哈~~

來到Sodam Chicken 就梗係離不開雞啦~~~ 雞，全部都係雞~ 今日你想食咩味既雞就有咩味既雞啦~ 鹹甜酸香辣無一缺~ 除咗雞仲會有一些小食和沙律。飲品分別有無酒精特飲，不同味道的啤酒和特式雞尾酒。不論你係喜歡摸住酒杯底，定係喜養生特飲都有不少可以選擇~

小食我地就叫了牛油炒雜菌和柚子醋沙律。

牛油炒雜菌，香濃既牛油混上雜菌的香，會食唔停的啊~

柚子醋沙律，沙律菜新鮮不帶苦澀味，柚子醋份適中，唔會令到人覺得食醬多過食菜。薄餅係薄批，一份四件，份量唔會太大，可以食多兩款~ 批底脆口，芝士味香。

主角雞來了~

我地叫了幾款典型的韓式炸雞，皮脆肉嫰，鹹道適中，正正可以品嚐到雞肉既鮮香。檸檬柚子炸雞檸檬的酸跟柚子的甜配合正好可以解去炸雞的油膩感。檸檬既清新給雞一個新的配搭。期間限定的四川麻辣炸雞，辣度夠，麻味嗆，配上脆炸雞件口感提升之餘，味覺更夠刺激。信義妹嗜辣更加唔會錯過噴火辣焗雞啦~ 辣度比四川麻辣炸雞高少少，沒有麻的感覺。相比之下，信義妹比較喜歡食四川麻辣炸雞，因為。。。。焗雞無咗脆炸的口感~ 焗雞相對下就可以食到雞件既嫰滑。各有各好睇下大家想食咩啦~ 黃金鹹蛋焗雞，絕對係愛好濃味之選~雞件本身味道唔濃，配上鹹蛋鹹味剛剛好~所有炸雞焗雞都係無骨雞件，方便大家食用。