落床初體驗

又到朝早醫生檢查完
安排姑娘拆喉啦~
之後就試下落床
都無話見暈，但古古怪怪的感覺
原來我貧血.............................
姑娘就安排我食鐵丸啦~

第一日自己可以自由活動原來是那麼興奮
小卷亦都跟我一樣興奮到不得了
所以久不久都叫喊兩聲呢~

今日小卷開始有少少笑容啦~
應該留意到熟悉的聲音~~~
信義妹仲留意到，小卷會俾自己放的屁屁嚇親呢~~~
哈哈哈哈哈~~~

P牌媽媽懞惺惺

繼續插喉的日子，其實插喉就無特別感覺
只係不能動彈那一刻辛苦
腰痛並未因為小卷出世後隨即消失.........................
還好姑娘一到小卷叫肚餓的時候就抱過來給我看看
雖然影得不太清楚，但有就總好過沒有啦~~~
小卷只要趴到信義妹身上就會熟睡
棉花團似的~~~~~好可愛~~~
但.............我好驚...............軟綿綿的................

QE的姑娘都算對我不薄啦~
都肯教我一下餵奶，當小卷未肯張開口的時候，都會氹下
我仍然與粥水為伴..............
說實話..............我真的不夠飽.......................餓到懞................
終於等到六仔來啦~~~
好彩六仔每次來醫院都不是第一時間望小卷
都總記得我這個太太
按摩搓背少不了

終於退燒啦~
醫生表示明天有機會試落床
所以今天要自己多加活動一下
但............................我對腳...................好似痺到不能隨意控制...........
仍需努力!!!!!

公司同事都來探我啦~
老友P都來探我啦~
所有親友都來探我啦~
但..............我好似係懞懞中渡過.......................

小卷你呢個眼神................算點呀...............
不能斜啤媽媽架!!!!

 

相愛九年

個個都話女人過二十之後時間會過得特別快
信義妹就覺得點止過二十................
生完B之後，完全無覺得時間在停留，好似FAST FORWARD兩秒就到啦

唯有買下野食奬下大家啦~
小卷出世後大家都辛苦啦~
這張奴隸契約真難做....................

有信義妹大愛的避風塘雞全翼

跟住就來到信義妹同六仔一見就兩眼發光既黑有金槍魚啦~

肉質軟滑，油脂分怖平均，啖啖新鮮，每食一啖都回味多次
跟住就有信義妹由大肚開始叫要食，食到而家先食到既車厘蜆啦~~~

夠鮮甜爽脆
師傅刀工厲害，回到家蜆們仍有跳動.........................
所以我唯有等佢真正魂歸天國才一口吃掉

所有都可以在沙田一田找到啊~~~~~^^

今年.............六仔同信義妹都好似忘記了這個重要節日
下年會好好記住，預埋小卷一齊慶祝啦~~~





 
 

Made in HK

信義妹趕緊閉關前與朋友多多相聚
因為今次一閉關又要好一陣子才可以跟大家見見面了
雖然有很多朋友都表明不介意登門造訪
但要大家山長水遠來探一探我食個晚飯，第二日又要如常上班，又真是有點過意不去

這晚我們試了這間餐廳
實質是餐廳名吸引

入內雖講不上有百多選擇
但都有不同款式
可惜的是我可食的不多

我們都點了餐
羅宋湯~ 出奇地好飲，濃濃的蕃茄味，很開胃

朋友的薯仔沙律很美觀啊~~~

餐包熱熱軟軟的~很香很香~

主菜來了
朋友的牛意粉
好味道連名都忘記了
哈哈哈

信義妹的三文魚扒

最後兩杯餐飲都沒有影到相
整體十分滿意
餐廳裝修很有外國的情調
服務都周到
食物又好
下次要再去呀~~~~~~

P牌媽媽暈陀陀

 P牌媽媽第一日是什麼都做不了的.................
因為仲插住喉.................不能下床...............
還有..................發燒了................
終日都暈陀轉向
正因流感高峰期，醫院得夜晚才可探病
信義妹唯有得自己一個啦
話雖得自己一個，可是清醒的時間不多
由於信義妹拒絶食退燒藥，自知一食退燒藥對餵人奶有問題
頂住!!!!!!

每到要餵奶的時候，姑娘都會好好的把小卷抱來
挑戰就來啦..................
每次姑娘都要信義妹好好留意小卷的臉色
但..................我每次都好似被打暈一樣.................

捱到六仔來啦~~~
信義家當然都全家都到啦~
基本上都聽不到大家說什麼..................
明符其實十問九唔應................
六仔就不斷按摩雙腳和腰，痛到不得了............完全動彈不得..............
終於明白很多媽媽都話見到BB什麼都忘記了
遠遠見到這張相，這一刀是值的!!!!!

37週~ 超驚喜的一週~下集~

上回提到我終去到產房
一入門口就登記
其實當時姑娘問咩都記唔起，淨係記得一大堆問題
之後六仔就俾人踏出去產房，罰企門口等啦
信義妹就在另一間房做檢查..................
嗚嗚..................恐怖鴨咀鉗又出動..................
雖然姑娘都錫住...................但..........都痛啦...............
做了TEST 結果証實穿水啦~

我那一刻只有呆了................我終於由mother-to-be變mother 啦~
心情實在難以形容
心裡即時有一句"十級痛我來啦~~~~~~~~~~"
諗完，姑娘就扶我去真正的產房等生啦~
邊行仲同扶我的姑娘講笑

入到房就要換衫跟住爬上床啦~
籮咁大個肚...............確實有難道..............
見到周邊的姑娘都忙到出出入入
都唔好意思叫人幫幫手
最終都爬山咁爬到啦
keep 住都有姑娘入來問話同駁機
六仔就仍然出面罰企
對面床的媽媽就用笑氣喪吸

望穿秋水，醫生終於來檢查啦~
哇哇哇~~~醫生! 你檢查...............好好好痛呀...........
流曬眼水.................
表示要吊催生藥................
天呀!人人都話吊催生藥會痛得死去活來的..........
但.......我那一刻竟然會諗........究竟十級痛痛啲定吊催生藥痛啲...................
醫生檢查完姑娘就開始俾笑氣我聞同埋吊催生藥啦~
六仔亦都可以入來啦~

可惜...........入得既時候，六仔仍然未回來
(由於之前姑娘表示醫生有排都未得聞同我檢查，叫我叫六仔去食飯先)
事實上六仔應該走開大約20至30分鐘
痛已經開始啦~ 所以覺得特別漫長........................
終於回來啦~
六仔一入產房，信義妹隨即扁咀
"你行開咁耐架! 人地痛啦~"
六仔倍感無奈............"你唔係話食飯先................"
"咁人地痛你都未番來................."
六仔: "我已經仆去同仆番來架啦................."
"我唔理總之我痛你都未番來.............人地等你好耐..........."
六仔"............................"
信義妹總結的是.................陣痛真係可以令人思想混亂........亂嗡廿四......................

當然之後的時間都是痛痛痛同好鬼痛啦~
原來陣痛的時間是過得特別快
痛下痛下又幾個鐘
咁當然你咪諗住自己可以瞓得著啦~
六仔就不斷諗話題分散信義妹注意力
但....................都痛到自己都唔知自己講乜....................
所以六仔作戰失敗啦~

信義妹陀臘腸卷其間經常性跟六仔講，入到產房要記得幫手睇住BB心跳
免得陣間有什麼意外，到時辛苦咁耐都白費
六仔有緊緊記住，在產房樣樣都望到實
什至乎..............信義妹用笑氣的時候
由於笑氣的豬咀很重..........信義妹都痛到力都無.................
好多時就由六仔幫手拎
搞笑的時刻來啦~
每當信義妹輕輕表示痛的時候，六仔就會拎俾信義妹
初初頭幾次都順利的~
後來就古怪啦~ 信義妹吸一兩下，六仔就會搶走
而信義妹就會連飲奶的力都出埋搶回來(可想幾痛...................)
我倆都作過賽後檢討的，
六仔就覺得"信義妹吸的節奏錯啦~ 上堂都有教痛先吸，仲要鼻吸口呼~ 你亂曬啦~咪同你拎番再調節過囉"
信義妹的回應"嗰陣都已經痛到懞啦~ 唔通我仲要估佢，今次可能痛三分鐘，等到第二分鐘先來吸咩~ 如果今次淨係痛兩分鐘，我咪好蝕"
每次賽後檢討身邊都總有其他人，個個都話"你兩公婆好搞笑"

到一段時間，又有醫生來巡房啦~
又檢查............又痛.....................
今次問幾耐痛一次???
信義妹即時呆了............................."幾耐..........佢痛就痛架啦...............數唔到幾耐喎............"
醫生............都呆了...............
六仔............我而家留意下呀~
等醫生走.......信義妹忍不住話"睇來我地掛住爭笑氣..............完全唔記得呢個重要事項"

之後，對面的太太生了
聽到她BB 的哭聲，跟六仔互望啦~很快就到我們~
其間不斷有助產仕勸籲信義妹打止痛針
但信義妹堅決說不!只用笑氣跟其他無藥性的療法!
助產仕們無辦法之下，就開始幫信義妹排VV
希望可以幫手開多幾度

又隔一段時間，醫生又來啦
今次六仔答到啦~
每隔一分至兩分鐘痛一次
又檢查................
今次話臘腸卷的胎衣未排清
要人手清胎衣..................
都無得SAY NO 啦......................
今次有兩個醫生，兩個學生醫生，仲有助產仕................
唔好意思，我淨係知幾多人.............但唔知佢地做過咩..........淨係知痛
同埋有個醫生係身邊氹我同埋不斷同我數住鼻吸口呼咪分心.................
呢一刻.............我最少已經痛了十二個鐘.......................

胎衣清完，VV放完
又到等痛的時間.....................
六仔見信義妹痛到不得了想要求開刀啦
當然政府醫院就不會話開刀就開刀啦~
所以繼續痛.....................
又一兩小時後(大約啦............太痛啦............)

突然有一陣香味............原來助產仕放了棉花在胸前
原來棉花有精油的香味
太好啦~ 往後的幾小時，信義妹都是靠這一片小小的棉花支持
因為笑氣聞到想嘔啦................所以清完胎衣後，連笑氣都無用................
往後的幾小時，我完全可以放鬆什至乎眠了一會

直到又有醫生入來................
噢.................(如果有追開我的BLOG，就知道有個冏冏醫生)
我又跟冏冏醫生見面啦.......................
即時嚇一嚇.............但痛令我無法動彈
檢查AGAIN~
醫生"你穿水太耐，仲未開夠度數，我地要準備同你緊急開刀啦~"
六仔跟信義妹暗歎一聲................."要開就早開啦................"
往後信義妹經常性提的"痛成十六個鐘先開..........蝕曬.............."

一確定開刀
助產仕又一輪走來走去
信義妹的感覺是灰姑娘等待一班老鼠朋友幫手做禮服
一兩個就跟六仔講解手術，之後信義妹簽名
其他就做各樣準備
好~ 去手術的床到啦~
但要信義妹自己過床................

挑戰又來啦~
信義妹自有小卷後，已經不能自己動彈
而家仲要加埋陣痛...................
我知............我好似阻住人收工..........有成6至8人圍住我
但其中一個可唔可以唔好咁講呢..................
佢話"做阿媽就要附出架啦! 唔係你學咩人做阿媽呀!"
我想講，我知!我向來都覺得做人阿媽唔易，但我痛梗，係咪可以俾我慢少少呢?
我或者真係阻住你收工，我已經努力梗啦~可唔可以俾多少少時間我???
佢將呢句說話不斷重複，直到我成功過曬床為止
可能呢位姑娘或助產仕或嬸嬸經驗真的很多，周圍的幫手都只投以鼓勵的眼光望著我，可惜沒有一個人出聲請呢位收一收聲，靜一靜
說實話，那一刻我真的想喊..................我真的很努力的啊!

成功過床後就開始推到手術室啦~
我就開始震啦，問我是否驚到不得了，自己又不太覺
但確實震到連推我到手術室的姑娘都安慰我
經過好多層終於到手術室啦
原來同睇電視的一樣
麻醉師來啦~另一位姑娘按著我~
打啦~~跟住就試下麻醉藥是否有效~
冰冰的感覺~
我本身以為打麻醉應該無知覺，原來都會感受到人地郁我既~
途中我仍然係震到不得了..................
連血壓都出現問題.............搞到部機全程響...............=.=''

搞完一輪~~~臘腸卷出世啦~
聽到她的喊聲~~
心諗" THIS MISSION FINISHED!!! NEXT MISSION START!!!"

我淨係見到臘腸卷一面，就被抱開啦~
一睇~~我竟然諗...........究竟似邊個呢?
哈哈~
出手術室，去過冷河的地方等產後房姑娘接我啦~
其間都有姑娘來傾下計
等到被接走的時候，姑娘一路推一路都傾計
六仔於產後房門外等啦~
見到啦~可以安排入去見我5分鐘

好彩~六仔入產後房第一時間是搵我，唔係搵臘腸卷
執捨好我的行裝
六仔去BB房影臘腸卷的相啦~~
大家睇仔細少少~ 臘腸卷是舉高手SAY HI 咁架~

Hello~ baby~~~~~
5分鐘過得好快~ 六仔要走啦~
查實嗰一刻我自己都唔知自己做乜.....................
六仔一走.........我就訓啦~

37週~ 超驚喜的一週~上集~

剛去到37週就送給我大禮啦~
事由我經常都跟臘腸卷表示等信義妹過了annunal dinner 才出世
信義妹公司出名辛苦，難得食餐飽，又有得抽奬(接近人人有奬)
當然就想去大食一餐啦~
所以信義妹久不久就會胎教一下臘腸卷，
不能搶閘
可惜臘腸卷跟信義妹一樣都是"包拗頸"
我的annunal dinner 落空啦~

好啦~~~等我好好回味一下，當日的超驚喜
話說期待已久的annual dinner 日子終於都到啦~
早一晚信義妹已經揀好靚衫，準備迎接當晚
六仔就好像以往的侍候信義妹起身
(不知由那一週開始，信義妹已經不能在床上自由移動)
每到起身下床翻身都需要別人協助
所以六仔都沒有一晚好眠

起身當然第一時間換衫再梳洗啦~
當梳洗一半仲成口泡的時候.............突然覺得濕濕的..............
心想......唉.................又有尿滲的問題吧...........
但今次還有小小失禁的跡象..............
唯有好好的換好片片啦~

再又不到兩分鐘，又感到濕了.................
心不禁又歎.............看來現在不止尿滲問題了，還會失禁..........唯有等生完才可解決的問題
只可以每次盡量把vv排清啦~
但今次換片片的時候，我感覺上有點兒不同.........................
應該可以話是氣味上的不同
vv多多少少都有氣味的，但沒有..................
信義妹開始自己嚇自己
(一確定懷孕就經常自己嚇自己................例如，信義妹日日都嘔到七彩，突然有一日精精神神就自己嚇自己嚷著去看醫生)
六仔就來看看信義妹都勸今日不上班啦~
一來"失禁"的情況好似有點密
二來前一晚落冰雹，今天又大雨到傻，個肚又好似蘿一樣大，未出門都已經感到危險啦

結果話口未完，我又再感覺上急VV啦~
這一刻我倆開始覺得有點兒不尋常
開始留意到"VV"的顏色開始古怪
半透明的液體..................開始懷疑穿水啦~
走佬袋都是早兩晚先執好
那麼快就可以用!?!??!!
好啦~胎水排一輪又沒有
咁唯有換一塊普通厚的片片啦~
誰知走出廁所不夠兩秒.................
底面褲都濕曬.........................
我倆就更肯定已經穿水啦

我又走回廁所......................
六仔把乾淨的底面褲遞給信義妹
排水一輪又停了，今次有少少紅啦~
今次換上特長普通厚的片片
六仔扶信義妹坐在沙發上(當然有床墊墊住啦~)
連水都未滾的短暫時光
信義妹又再一次底面褲濕透了......................

唉........................
其實前前後後未計中段及斷片的.....................
信義妹可穿的底面褲都全濕透啦..................
所以唯有坐在廁所
六仔就一邊煮東西給我食
一邊就洗褲、燙褲，等我最少可以走出門口
其實六仔想信義妹馬上入院的
但信義妹怕自己到時幾日幾夜無飯開，
所以堅持一定食完先入院
最後六仔一定敵不過信義妹，屈服啦~
信義妹體驗到第一次在廁所開飯的感覺
(幸好...........是自己家中的廁所..................哈哈)

六仔準備好餃子烏冬後就開始CALL 的士
天意弄人..................CALL 爆台都沒有一架的士......................
六仔唯有帶齊裝備到屋人止樓下截的士
由於信義妹住的地方東邊跟西邊都可以截的士
所以六仔就明符其實東奔西跑
東邊等一會兒沒有車，就跑到西邊看看
如是者走來走去
信義妹就繼續在廁所留守
左撲右撲，六仔撲到的士啦~~~~

大家都會問點解不召白車呢?
原因是我分勉的醫院是QE
但白車只會車我到最近的醫院
而信義妹最近的醫院是威院
所以的士是那一刻唯一的交通工具

六仔叫的士在樓下等
就再走上來服侍我接我到樓下
平日無事無幹都不覺自己住得高
一到這些場合就接近層層停
可能信義妹跟六仔的表情太嚇人
(始終第一胎就會緊張多一點、驚徨失措多一點)
一開門大家會先愣住
我們都會回一句"入來啦、入來啦"
這句不知重複多少遍後
終於到地下大堂了
看來大家都估到六仔的八袋長老造型跟信義妹的表情是怎麼一回事
所以大家都讓我們先出還幫我們推門

終於都上到的士啦
的士司機馬上建議最快車程到QE
到啦~仍然未有陣痛的感覺

走得太大步又怕會有很多水
走得太細步又怕到時有危險
唯有密密步競步般走到產房

******  欲知後事如何      請看下回分解  ******

36週 ~終於批準回健康院~

又回到醫院做檢查啦~
其實每次我都想到健康院檢查多於到醫院
健康院姑娘、醫生又細心一點
聽心跳又不只兩秒
交流又比較多

不過要飲糖水就無法啦~
今日同樣地等，還要記得詢問一下B鏈報告
雖然無收到電話，但問一問好似安心一點
結果當然PASS

而醫生又將我轉回健康院啦~
有種被調來調去的感覺...................
算吧~~ 只要健康就可以啦~

35週 ~又來等到傻~

之前飲糖水，姑娘口講就話要等一星期通知
但根據之前各媽媽的經驗，若果中招就第二日就會有電話追殺你
肯好等了兩天都沒有電話
即成功過關啦

所以今次番醫院的時候比較放心
可惜你放心還放心
最終都是等到你傻

千等萬等終於等到見醫生
又換來聽聽臘腸卷兩秒的心跳聲
可以聽耐一點嗎?

由於跟醫生表示這幾天都有假宮縮的情況
結果恐怖鴨咀鉗出動...................
順便就做埋B 鏈
結果當然未生得，再等下.....................

34週~ 糖水呀~糖水~~

傳聞中難飲的糖水終於到我手啦~~~
一早去到
哇~~~竟然有更多的媽媽比我早到
看來大家都想早早了事
所以我即使早到都已經排到最尾了

準備懷孕的時候
一早已經看過很多分享都話糖水有何難飲
心理準備早早就有了
但估不到.................原來有湯碗大的糖水等著我
明明有很多媽媽分享只有冰檸茶那麼多
何時會變成湯碗那麼多呢..........................
呆了...................

呆還呆..........要飲的始終都要飲的
唯有慢慢的飲..................
有媽媽在初期已經想嘔啦~
姑娘十分緊張勸告千萬不要吐
吐了........又要再排期再飲................
信義妹早有所聞，所以極慢地飲........................
祈求臘腸卷不要嘔吐大作

最後求到了，沒有嘔吐大作，但我比其他媽媽花多一倍的時間
飲完等兩小時後
再抽血作比較
 這兩小時............我餓暈了.........................
這兩小時............我拼了整DIY 給臘腸卷
這兩小時............六仔真的以為我會嘔~~~哈哈