我本身都唔想用呢個字眼............
但回想起實在太似了
那種抖氣的方式................
噢...........睇得戲太多啦~~
哈哈哈
駁完機之後就番屋企休息
繼續同小卷相親相愛
直到夜晚
小卷睡了，好似加劇了
不過唔理照訓，明知如果係詐糊就無得再出院，要等到生完先出院
所以唔到頂唔住都忍住
半夜六仔仲做梗家務見我不停好似訓唔到咁
就俾四份一個梨我食下
食完好似好啲咁喎
我地仲以為因為小立肚餓所以先會咁
又唔痛啦喎
又過幾個鐘..............又來..............
我真係以為自己假宮縮.................
仲諗住唔係呀..........往後日日夜晚都係咁真係大件事.................
如是者一直到朝早~~~
小卷起身啦~~因為小卷有活動，六仔同婆婆帶小卷去活動先
到佢地臨出門口既時候
我細細聲同六仔講，我頂唔住啦.............要入院CHECK 下
婆婆同小卷就去活動
六仔送咗出去之後就嗱嗱聲番來幫手執走老袋............
係............到呢一刻先執..............
嗰陣已經係3分鐘痛一次啦~~~~
真係痛到個人都HIGH HIGH 地
完全無思想既空間
執完六仔嗱嗱聲碌去截的士
又同小卷嗰次一樣啦
無的士，不過今次六仔有經驗啦
識得跑去邊度搵的士
所以唔駛好似小卷嗰次咁跑來跑去
截到停附近就上來接番我啦
今次...........同上次一樣.........坐LIFT 啲人一見到我就彈開曬
應該我面容扭曲得緊要吧
管理員係樓下都幫我地開路
等我地可以係最短既腳程爬上的士
係的士...............的士司機真係有夠奉公守法...............
大肚婆作動都絶不會超速，仲比正常車速慢10KM............
安全第一係重要的.........可以欣賞沿途風光，真係夠難忘
不過六仔隻手就俾我狂搣啦
唔通我真係要好似拍戲嗰啲咁，係車度狂叫先至叫真係作動，司機先會開快多少少!!?!?!?
好彩的士有開收音機，分散一下注意力
係嗰一程車..........我跟六仔學會了, PEPPER, GREEN PEPPER, BELL PEPPER
好!上了一課~
一落車，又開始痛啦............
RECEPTION見到我就嗱嗱聲叫老公去拎架輪椅俾我
實在太好啦..............唔駛自己行...............
六仔開始飛車啦~
感覺仲快過頭先架的士~哈哈
好彩每次產檢六仔有隨行，所以要飛車都唔駛點搵路都可以
唔知係咪啲人見我面容扭曲得太緊要呢...........
個個都讓LIFT俾我
終於去到產房門口啦
有種我又番來了的感覺~~
入到去..............姑娘第一時間搶咗我個電話...............
因為我掛住數宮縮無答問題
問.......有無想痾既感覺............
其實想痾成晚架啦.............
個姑娘即刻想打鑊我咁款...........
問我為咩而家先入院................
信義妹唔係有心玩你架................係因為呢幾日啲BOO BOO唔多暢順...........
咁咪成日以為自己有得去囉..................
我成晚仲係個廁所度行來行去...............行都行到攰...........
跟住佢嗱嗱聲推我入去檢查..........
OH MY GOD........................
人手鬆子宮AGAIN!!!!!!! AGAIN!!!!!!
姑娘仲要同我講唔好咁緊張..............唔係佢檢查唔到............
查實.........我點會唔緊張呢.................
家下你係人手喎...................
感受好深刻架................
我好清楚咁聽到姑娘話已經開咗度數...............
又俾人問多次點解咁遲入院................
你應該行都行唔到架..................
點坐車來架.................
(係.........信義妹係坐的士..........唔係急救車..............)
姑娘當我好似奇人異士咁睇...............
我就覺得自己忍到咪忍囉...............
人家上次係穿水...............對陣痛作動無經驗ma...............
好明顯我係直入產房唔駛去產前房等啦
小卷同小立都直入都可以啦~~~
係產房最少六仔可以陪下我呀~
檢查姑娘就說信義妹今次可以試順產
但係.............我對自己信心唔大............唔係怕痛...........
而係怕好似小卷上次咁食完個全餐，陣間仲加埋其他附帶條件，
咁就不如乾脆劏我一刀好過啦
當然姑娘梗係有解釋每胎都唔一樣...........咁我唔係professional 係生仔.......我就梗係驚同上胎一樣架啦
姑娘勸我唔掂之後好似emergency call 個嬸嬸推我去產房
當我想起身行嗰陣
就俾人喝住啦..............
仲行到???你應該痛到行唔到架啦...........你坐輪椅推你過去啦
老實..........嗰一刻我諗我應該仲行到既
雖然姑娘話我已經去到一分鐘痛一次...............
嬸嬸仲笑信義妹第一次見有人一分鐘痛一次仲自己行...............
咁..........無為打擾你啦................
我行到但唔代表我傾到計，係短短路程我都應唔到幾多句............
嬸嬸話揀咗間正房俾我呀!!!!(佢係咁講架，仲話間房既姑娘手勢好好添)
好好好~~~信義妹只要大細平安健康就得架啦!!!
入去要換衫..............
唉..........挑戰來啦..............我點樣係一分鐘陣痛一次既情況下換衫呢..............
連嬸嬸都疑惑但又幫我唔到
為母則強!!!
信義妹做到了!!!! 自己換的啊!!!!
嬸嬸揀既確實係好房同好位呀~~~
除咗睇電視，我仲可以對住個大大大大鐘.............
大到痛到視覺有點亂都睇到~~哈哈哈哈
到第二位姑娘來解釋呢張床既功能用途同情況
又同信義妹講考慮順產唔好開刀..................
人地都話想開刀囉...................
仲同人地講..........如果第二胎開刀，第三胎就一定要開刀............
嗯.............人家呢胎都未生..................又無打算要第三胎..................你咁想見我嗎?
聽完一輪似是欵非既敍述，六仔終於可以入來啦~~~
佢一入來信義妹只見眼...........其他所有都包住
信義妹急不及待話姑娘勸順產但意願係開刀
好，呢句剛講完，就有一隊人入來話幫我啦
左手唔知插咩.............右手唔知插咩...........個肚就駁機
超忙...........係啲姑娘超忙...................
一駁機.........姑娘超驚訝................你而家陣痛梗架喎!!
你做咩好似面不改容既呢? 第一次見咁忍得痛架...............
(其實應該係信義妹超攰................成晚無訓仲久不久被宮縮折騰..............個心又記掛小卷)
你要唔要笑氣呀?
要!!!!!有得要梗係要..................
好啦~~~搞到呢度姑娘潮好似穩定啦
唔會再突然衝一隊人入來
係呢個時候又又又..............俾人檢查.....................
今次應該check 度數.............................
再再再一次俾人勸順產
今次六仔都幫口答信義妹想開刀
姑娘們對信義妹無徹就話醫生轉頭會來檢查到時再傾啦
姑娘潮開始散去
只淨數人
睇來信義妹情況都緊急
醫生轉眼就到
又帶了一隊人來...............
是剛剛的姑娘嗎? 信義妹話認得都呃你啦...................
呢個時候思路邊有咁清晰呀
檢查.................噢..............人手..........人手..................
醫生都支持順產，仲話而家狀態良好分分鐘未去到手術室就生咗.......................
咁即係仲有機會係未生啦.................做咩唔劏人啫.............
同埋人地連水都未穿.............劏我啦........................
跟住姑娘們又一大堆理由，全都係以我日後健康或者生時安全為由
信義妹一句都聽唔入耳，我只想小立平安健康出世，
陣間生生下唔夠氣，我唔想俾人打把我跟住繼續
我亦都唔想小立記下什麼恐怖回憶.............
(呢個係因為我之前睇過一本書，找個時間再分享)
終於其中有一個姑娘有唔同既理由
佢話知道有憂心既，但係而家狀態良好，已經係大直路，你堅持開刀要將bb抽番高其實對佢都危險架!既然係大直路就順住出世啦!!!
信義妹突然好似俾人點醒一下
係喎!!完全忘記了宮頸開了，小立自己已經準備好啦，差穿水就衝出來
陣間開刀失手係佢身上多一刀咁點算!?!?!!?
呢位姑娘真知媽媽心態~~~
各位都以媽媽健康、身體、日後再懷孕勸說
只有佢有另一個令信義妹的勸說
好!!!! 你咁講，幾大就幾大、燒賣就燒賣!!!!!!!
信義妹最終跟順產點頭
一點頭..................
姑娘們即刻變陣
醫生退場
又檢查again............again and again!!!!!!
今次終於人手穿水啦
但點解又要連續檢查我兩次呢...............
係呢段期間有時偷望個鐘
係度諗唔知小卷玩梗咩呢?
唔知小卷食咗茶點未呢?
唔知小卷玩得開唔開心呢?
就走啦，婆婆搞唔搞得掂小卷呢?
小卷~~~~你一番去見唔到媽媽會點呢?
一輪姑娘潮開始退去
又淨下基本數位
呢刻我又望下六仔
今次真好六仔無俾人趕來趕去
小卷那次六仔係不斷出出入入產房
六仔報以安慰的微笑
但信義妹竟然係應一句
"下次再生我一定要開刀.................."
而家諗番起都真係超傻...........我無更有建設性的嗎!?!?!?!
我可以好似生小卷嗰陣隔離床的太太同老公講睇中咗隻鑽石戒子要買架.....................
因咩我係話我再生要開刀架................
呢一刻我好肯定我係痛懞咗.................
唔係痛到懞咗...........就係痛到痴咗.............
我諗六仔都出奇點解信義妹會講呢句..........
因為佢個表情係呆一呆.............跟住應係係係係係
唉..........都係嗰句...........佢應係係係係係既..........就應該俾啲更有建設性的............
好似~~~我睇中咗層樓想買，你俾錢
係係係係係
我想環遊世界豪飲豪食，你過數去我戶口
係係係係係
我想要金銀珠寶，一出院就要碌你張卡
係係係係係
哇~~~你地話如果我嗰一刻醒起呢啲咁有建設性既對話幾好呢~~~~~
話分兩頭，我諗我痛到個意識有啲模糊
定係聞笑氣聞到有啲模糊呢
幾模糊都好，信義妹發現原來有笑氣同無笑氣齋忍係好大分別架
一用咗笑氣之前成晚忍痛既意志力好似消失咗咁
完全崩壞..............無咗笑氣好似唔得咁款
係又隔一陣...................
姑娘又問你想痾嗰陣記得話聲我地知呀
呢一刻信義妹醒一醒
即刻應句............想痾好耐架喎!?!?!?!!
姑娘即刻掉低曬啲野又走過檢查...............
噢!!!!六度!!!!!
又CALL 一輪姑娘入來
不過我都痛到唔算有反應囉..............
雖然我覺得痛既程度未去到有人分享既好似斷十條肋骨
但我都唔會好震定咁睜大眼架...............
姑娘係咁拍我
不斷叫太太~~太太~~~你睇下~~~
心諗.............有咩要睇呢.........又未生完............
原來係叫我睇下佢地為小立準備好一出世要訓既床
我到呢一刻都仲好記得姑娘那真誠的眼神
同說話.........我地已經為你的BB準備好溫暖既床舖，只要你陣間同我地合作就所有事都順利架啦~~~
但......信義妹呢刻係...........其實我都俾唔到反應...............
我淨係諗住小立就快見小卷啦~~~健康就好啦~~快啲啦~~~~
跟住我好似又係呢段時間又簽咗一堆文件
但...............信義妹意識好模糊..............
好!!!!!到最後啦~~~
助產士教陣間點用力
六仔點幫手
助產士團隊既陣容就開始啦!!!!!
笑氣被搶啦~~~~
真係堅要生啦~
呢一刻其實只係聽到助產士發號令
來! 預備! 1! 2! 3! 用力~~~~~~~~~~~~~~~
嗱!又就到啦~~~準備啦!!!!!
好彩~~ 好彩小立唔係巨B唔係就真係不得了
六仔今次手起刀落可以剪臍帶啦~~~~~~
不知幾開心~~~~
原來最痛唔係陣痛同生嗰陣......................
係生埋個胎盤嗰陣...............
六仔見到話信義妹痛到眼都突埋
跟住仲要縫針..............二級...............
痛到呢............說好的麻醉針真的打了嗎?
唔緊要啦~~~小立平安健康就好啦~~~~
一出世就有得影一張家庭照
由姑娘幫手，仲有時間俾我地執下個儀容
可惜係.............信義妹生完都暈咁濟啦..............執唔執都差唔遠啦...........
見到啦~~~~
小立~~~ WELCOME TO OUR HOME~~~
期待已久的時刻來到啦~~~
信義妹同六仔又再一次簽訂奴隸契約
姑娘仲好開心同我地講小立一出世就捉住佢地要用既鉗唔放
他日可以同佢地做同事
跟你地做同事都唔錯呀~~~~
最少今次信義妹的生產經驗都不錯
過咗個多小時~~~
信義妹去產後房啦~~~~
側邊仲抱住小立~~~
一出房~~~有兩行人列陣~~~
應該是剛剛有幫手的姑娘吧
攰到死既信義妹都報以感激既笑容同說句辛苦大家
點知~~~夾道歡送信義妹既姑娘們跟信義妹講句~~~辛苦你啦!!!!!
呢一刻我很有五星級服務的感覺
送信義妹去產後房既姑娘們仲會叫六仔記得買野俾我食
其實成晚無訓..............我想訓多啲...........
但姑娘話點都要食~~就食粥啦~~~~~
今次真係要好好多謝醫護
每一次的生產，信義妹總覺得自己係鬼門關前走一轉
來~~~門前走了一轉後，奴隸仍然係要做的!!!
不過六仔你既契約會即時生效~~~
信義妹就百日後生效~~~
