為辣痴迷~好滾得~

信義家嗜辣，
正宗係去到無辣不歡的情況。
當見到有60萬度辣挑戰的時候，
信義弟一直都想試一下
為的唔係奬金$5000
係一試60萬度入口的滋味

所以擇個吉日，
其實係擇個得閒既日子
都唔知點解兩姐弟越來越忙
就去試下啦

之前我地仲商量梗好唔好一家幾口去
點知上網睇全部唔係辣就係有酒
咁小卷點食呀~
結果就只得我同信義弟去啦~~~

去到原來都有唔辣既湯底
除咗有酒既野, 仲有啲平常既野食
早知就帶曬啲人一齊來高興下啦~

我地點了檸檬沙冰同柚子沙冰
除了餐廳經理係識分，
連上菜既員工都分唔到...........
檸檬沙冰係有檸檬核的
柚子沙冰係會有柚皮的
兩杯飲品不太甜，味道清新

想挑戰60萬度肉丸就只有兩款湯底選擇
雙龍出海
蟹煲
亦都唔難怪好多都介紹蟹煲
因為九點半前6折
而雙龍出海係無折的，
大家同樣都係$4XX 咁自然好多人都會選有折的

我地就來個不同
雙龍出海
有兩隻波士頓龍蝦、蜆、菇、白蘿蔔
湯底雖然滿有辣油但不辣

還點了一個豬腰
豬腰夠爽脆、無異味

真正的主菜來了
60萬度辣肉丸
每粒大過乒乓球，搓的時候一粒大過一粒~~~

質感好似濕泥一樣...............
因為只有辣粉..................
豬肉得極少量，估計大約一成是豬肉
見到其他人之前既片係夾起先開始計時
但我地開蓋就已經計時啦
三分鐘，撈起都已經用你1分鐘，仲要熱食.............
所以挑戰失敗
失敗唔係因為辣，係因為乾食同埋熱~~~
唔梗要啦~~~我地志在參與，體驗一下
想睇當日既片就要去FACEBOOK PAGE 啦~~~~

地址:灣仔克街9-13號地舖

D的意志~香港海賊王餐廳~

D的意志
係海賊王漫畫係一個伏筆
不論係艾斯 PORTGAS D. ACE 定係主角路飛 MONKEY D. LUFFY 都有D
究竟呢個D 係有咩意思就要等尾田大神拆解啦!

香港海賊王餐廳都存有D 的意志
而呢個D 係DELICIOUS
作為粉絲必定會去潮聖

試咗好幾樣
真係後悔無CALL 大批人馬到場
有幾款需要多人食先食到

路飛四檔豬仔脾 $118
豬仔脾炆得好淋又入味
輕輕一切已經離骨
女仔食都唔駛驚失儀
鹹味算適中
加上有菠蘿同車厘茄帶酸甜開胃

三刀流串燒 $278
左起:海鮮、雞肉、牛肉

海鮮串為三文魚、蝦、帶子
三文魚油豐富、食落油脂感重
帶子剛剛熟唔會過火
中間亦有混入洋蔥、紅黃椒
可解油膩感之餘亦豐富視覺色彩
如果覺得味道唔夠濃亦都有醬汁相伴，
醬汁有濃濃的牛腩味呢~

雞肉串
雞肉厚而滑嫰，沒有過火而影響到肉汁
有青瓜跟紅黃椒相伴感覺清新

牛肉串
牛肉外熟內鮮，但又無血水流出
最啱信義妹口味
呢款本身味夠濃，唔沾醬都已經好好味啦~

白星薯餅配芝士醬 $58
身為芝士控的信義妹
芝未永遠都嫌少
但薯餅炸得香脆不油，外脆內軟
大細適中一啖一口剛剛好

索柏帽子蛋糕 $68
覆盆子草莓慕斯
酸甜清新很多女仔都鐘意既味道
內裡有朱古力蛋糕同埋覆盆子庫利
令到有多重口感滋味
加上有CHOPPER帽造型更加討小朋友同女仔既歡心

草帽小子蛋糕 $68
芒果慕斯
味道會比索柏的甜一點
但屬於果甜一類，容易接受
餅底亦無過份的油或甜
兩者配合得剛剛好
同索柏一樣內裡有芒果庫利
食落有少少彈性的

餐廳旁有精品店
係餐廳既碟、杯都可以到精品店購買

還有其他衫、卡牌、模型、電話精品等等

餐廳內同精品店都有大型FIGURE 俾大家影相

喜歡集郵的都要記得去合影一番啊

 而千陽號每隔十多分鐘都會噴一次烟

 周邊還有手稿可以俾大家觀賞
下次必要帶齊人去食路飛JUMBO肉盤
哈哈哈

地址: 紅磡船景街7號黃埔新天地第5及6期AEON STYLE黃埔地面G01號舖

檸檬愛玉~清玉~

清玉~名字很清新的感覺
而招牌既顏色綠色更係密密麻麻既美食廣場突顯出來

信義妹對珍珠有莫名的喜愛
所以久不久就會心癮起想飲番杯
呢啲...........咪就係同肥有不解緣既關係囉....................

同係西九龍廣場FOOD COURT
就已經有幾間珍珠飲品店
但清玉人龍較多，所以大家要預少少時間等候啊!

仙草奶綠
茶味香濃而不苦澀，奶味芳香
加上仙草既口感
每一啖都帶著茶與仙草既味道
甜選了半糖，味道剛剛好~~~

檸檬愛玉加珍珠
招牌檸檬愛玉
初初仲諗會唔會好酸好似 LEMONADE 咁
飲落有檸檬清香，只係少少酸
愛玉帶有微甜，可以配撘得剛剛好
珍珠本身帶有甜味
如果想係其他飲品都加上就記得因應自己既口味叫減甜啦~~~~~

本身都有諗住叫百香果益力多架
但諗住都係試咗招牌貨先~~~哈哈
一於下次再試下啦~~~

地址:
深水埗欽州街37號西九龍中心8樓美食廣場57-58號舖

榴槤愛好必食~糖宮~

食甜品係有心癮，
遇上稱心既店更加有一去再去既衝動 恰巧朋友都想有啲甜品調劑下，就去糖宮啦！
榴槤爺爺 呢個好多人叫架，遠遠就已經聞到榴槤香，榴槤控必試 先講下個雪糕，係榴槤雪糕，質感幼滑，味道帶著榴槤甜，算係中甜 椰皇內有大大舊榴槤肉， 彈牙小丸子，滑濃牛奶布甸， 仲有增口感的西米，撈埋榴槤汁幾重口感味享受。

中式糖水有腐竹蛋糖水， 店主有自己既祕方，份外濃滑。 蛋係蛋花，絲絲溶入糖水。 愛中式糖水既記得試下。

 下次要再試下個榴槤雪花冰先得~~~~
地址:大圍積信街61號地舖

植密肌密~MARY KAY~

多謝ANNIE LITTLE CAKE 邀請
有機會試用MARY KAY 既植密肌密系列一套既產品

先用蓮香竹語去角質香浴乳洗洗先
有奇異果籽，透出淡淡清香
捽既時候顆粒適中，能帶走角質又不損皮膚
可以磨走背部既粒粒，新娘子用就最啱啦~~~~

跟住洗下面先
街上灰塵多先用卸妝液抺走面上灰塵
真係枉信義妹仲同人講有洗臉..................

跟住就開始用植物肌密系列潔面乳

點五點係面
慢慢推開
呢個系列係有羅漢果，強烈抗氧化
仲有可以舒緩敏感皮膚既白雞蛋花萃取成份
可以改善一下信義妹雙脥既泛紅

洗完面就敷MASK 啦~~~~

敷MASK 後，效果最為明顯
泛紅的地方沒有了
皮膚白了
毛孔近鏡都見到收細了~~~~
聽落神奇，但試過見證到分別~~~

敷得臉就梗係會放埋咀啦~~~~
乳木果去角質唇霜
有蔗糖成份，輕輕打圈就能去丟死皮

到最後做埋爽膚，潤膚
先講爽膚先
噴上面再輕輕拍能加強吸收
用後感覺清爽

潤膚質感亦都唔會太過厚
夏天搽都適合

當然，要搽埋防曬隔離乳就完美啦~~~~
搽埋防曬就好似上咗粉底一樣~~~

另外，唔知大家揀好母親節禮物未呢?
未既可以考慮一下做下慈善又可以送唇膏俾媽媽

桃紅色睇落醒神又迷人

唇膏唔啱仲可以揀護膚

 總有一款啱你~~~

#AnnieLittleCake #MARYKAY #彩妝 #美容 #植物肌密 #羅漢果

舒適寫意~糖宮~

女人總會有第二個胃食甜品
信義妹都唔例外
久不久食個甜品更加可以平衡心態
信義妹不斷 Encore 既甜品店唔太多
糖宮係其中一間
信義媽未試過就梗係帶埋佢來啦

信義媽叫咗個椰皇燉蛋白
熱食椰味撲鼻
蛋白加上奶香滑上加滑
甜度有濃濃的椰汁味，味道清新
食完蛋白食埋椰肉好滿足啊！

信義妹就點咗個荔枝雪花冰
雪花冰細滑綿綿
帶有荔枝既香甜
仲有爆珠同寒天相伴
令口感提升，幸福倍增

同店主傾談下遲下仲有芋圓甜品
噢！信義妹愛的芋圓
要再去試試！！

環境坐得舒服，燈光柔和，店員有禮

地址:大圍積信街61號地舖

妝蕾® ~RAY蠶絲面膜~

泰國買精油用做按摩就聽得多啦~~~
泰國面膜都係第一次做
見朋友極力推介就試下啦~~~~~
原來已經賣咗2億塊以上
話連范冰冰同林允(電影美人魚主角)都係推介~~
提到范冰冰就諗起武媚娘既白，正正吸引住我
好呀!!!又白又滑信義妹最想要的~~~
而且仲有金色同銀色俾唔同需要既時候用

金色
主要成份有
金箔
蝸牛原液
海藻
EGF表皮細胞生長因子

可以令到皮膚
緊緻彈潤
淨斑亮白
淡紋去痘
柔嫩幼滑

試用金色之前皮膚有點兒紅.......

試用期間完全可以安心湊細路
因為塊MASK 好貼面
唔係有少少起皺都睇唔出係敷梗MASK
之前敷泥MASK 啲細路以為有妖怪.............唉............
呢塊就唔會啦~~ 仲覺得好得意添~~
除咗夠貼面，
透氣度亦都比用開的紙MASK 高
精華亦都有好多，可以盡情俾肌膚補給

敷大細10至20分鐘後
面上的紅都減少了

再試埋銀色
主要成份有
海藻
蝸牛原液
膠原蛋白
甘油
甜菜鹼

功效
提亮膚色
收細毛孔
嫩膚抗皺
持久保濕

 敷MASK照就唔再SHOW啦~~~~
就SHOW 下皮膚油水比例啦~~~
可能之前敷過金色(相差大約五日)
洗臉後油水比例竟然係笑臉
以往都經常缺水缺油........真係有夠DRY~~ 哈哈哈

 敷大約10至20分鐘後
油份由30%降至18%
水份由45%升至57%
淨係睇數字都唔及信義媽講，
你敷完呢個好似人地有搽粉底咁喎，睇落好滑

好野就自然會多人冒架啦~~
所以每盒都會有QR防偽碼 (銀色塗層刮開)，每盒產品的防偽驗証碼都是獨立對應每盒產品上的二維碼，並不可以以同一個二維碼對應於另一盒產品的防偽驗証碼。
妝蕾® 是 RAY 泰國蠶絲面膜 官方中文版名稱
仲有盒上顯示 www.rayanskin.net 先至係「妝蕾®泰國蠶絲面膜」原裝正貨

係邊買會安全啲呢
全線 SASA 化妝品(包括香港及澳門地區)、萬寧(包括香港及澳門地區)、雅施 ASTER 及阿布泰國生活百貨有售
 屈臣氏(四月尾開始有售)

大家仲等咩喎~仲唔快啲試下~~

#RAY面膜   #RAYmask  #RAY面膜真偽

#RAY面膜真假 #RAY面膜香港 #RAYmask真假 #妝蕾 #SASA #莎莎 #ABOUTHAI 

#阿布泰國生活百貨

動物模型設計比賽~DPARK~

YEAH!!!! 小卷第一次參加比賽
估唔到係親子模型設計
係屋企做手作就做得多啦~
比賽就真係第一次
多謝大會俾今次既機會俾我地體驗

大會係FULL HOUSE KITCHEN 舉行賽事

有三款模型俾大家揀
分別係猴子、羊駝、熊
小卷就揀咗羊駝
我仲諗住佢會揀熊或者猴子添~~~~~

大會提供每人一杯飲品
我地就揀咗蘋果汁同橙汁
味道不錯啊~~~唔會好假~~~

小卷一直都好認真咁去做架~~~

大會仲準備咗好多POPS 俾大家拎住影相

唔知大家又搵唔搵到我地既作品呢?

大家都玩得好開心呀~~~~
我地無咩大賽經驗，所以就淨係用咗大會提供既用品
有啲好厲害啊~~有好多私伙出動~~~哈哈

希望下次再有呢啲機會啦~~~~

#DPARK #愉景新城 #動物模型設計比賽 #全面發展教育協會
 #BeConfidentAlliance #fullhouse

回復水平 ～財記～

係早年，因好幾次食到超失水準牛肺，牛筋，
唔止呢兩樣，基本上成間都好似失曬神咁，勁鹹，鹹到根本放唔入口。
連蠔仔米線，本身係大碗裝都變成細碗。
所以都有一段時間無幫襯。

隔咗成年，諗住試下啦！再衰既話，就真係無下次。

點知，今次比起之前嗰幾次好好多。
最少啲牛筋係放到入口鹹度適中，
魚旦就一般啦！無以前咁爽口彈牙，但都無最差既時候咁水。
米線，軟硬度適中，唔會好似之前咁一啲熟一啲唔熟。
整體都改善了！
不過我仲未食佢個蠔仔米線，如果仲係咁細就唔抵啦！

步行障礙賽 ~一田 x GUDETAMA~

近期同小卷參加咗商場活動
點會少咗小立嗰份呀~
所以就參加咗YATABABY x GUDETAMA 既步行障礙賽

我地係預定既時間到
排隊點點名先~~~

點完名就可以到一旁坐低等熱身啦~~~~
到時小立就要行到一半拎起蛋黃哥，再行到終點就得啦~~

熱好身就影張賽前相啦~

比賽係混亂中渡過
所有bb都唔知自己做梗乜
所有父母都係度駁命叫呢邊呢邊
哈哈哈
呢個經驗都幾好
大家都係笑聲中比賽

完成後，當組冠軍會進入決賽贏大奬
我地就唔係第一啦~~
小立行到一半行番轉頭搵六仔
(因為開始六仔係佢後面，信義妹係終點等小立。開始賽事之後六仔就係終點等小立，但小立無為意到六仔啦~~~~)

比賽後大會會派發證書同埋禮品包俾大家
證書

禮品包

小插曲
同組既爸爸媽媽對話
A爸爸 : 障礙賽呢?
A媽媽 : 拎起隻蛋黃哥咪係囉
A爸爸 : 咁有幾難呀
A媽媽 : 對佢地來講難架啦!你平時無湊你就咪咁多聲啦!
(爸爸頓時語失)
(比賽後)
A爸爸 : 哇!原來真係好難架
A媽媽 : 都叫你平時湊下架啦!aksdjfldgkjweotivndlfjk
(下刪一大段.........................)
信義妹唔好意思再聽啦....................哈哈哈