新年第一事

這篇都應該算是blog 債了
新曆新年發生的事要到1月尾先寫...............hahhaa~~

新一年除了旱旱地為自己講句新年新希望之外
就是去健康院做檢查啦~
第一次去健康院，我跟六仔都緊張
因為成日都見到人話去健康院一排就排大半日.................

所以我們都比預定的時間更早就到啦~
好彩早到確實個感覺好一點
沒有太多人
還可以有2號籌~

原來仲有本小冊子送的
都有很多實用東西可以看看~

由於第一次的關係會去見醫生
之前成日都聽到好多人去健康院都是complaint 的
所以六仔跟我都有一定的心理準備
但整個過程都令到我跟六仔出乎意料的好
度高磅重是自助式的
量血壓跟驗小便姑娘就會幫幫手

再去見姑娘的時候，又不會打衝鋒
會慢慢的講解，又會問有沒有問題，或有無野想知
又會提議一下我的飲食

再去見醫生的時候，醫生更加好
有些動作會demo一次給我們
又有多些不同意見跟解釋

信義妹跟六仔只有好評暫未有劣評呢~
到差不多走的時候就見到出面有很多很多人在等呢...............
好彩........我們早.................

 

25週~信義妹牛一~

25週的時候，信義妹牛一了

今年沒有大魚大肉酒池肉林

簡簡單單就過去了

信義家就過來跟我慶祝~~
都是那句~
自婚後每年生日都飲恨，因為生日蛋糕跟結婚蛋糕會是同一個蛋糕.....................
(生日跟結婚只差兩日...................)

今年六仔煮少少fusion 菜
壽司大家都是凍食的
但有臘腸卷之後，信義妹對日本菜絶不喜愛
可能臘腸卷未知刺身是可以吃的
曾經實驗過，放一大堆刺身在眼前
信義妹竟然一點想食的意欲都沒有..............
(有追開我blog的都知，信義妹勁愛吃刺身~)
大家都稱奇~~~
只可以總括臘腸卷應該未知這些是可以生食的...................
見到六仔就整了樣似壽司的熱壽司給信義妹

先把飯搓好，雪一陣
再準備其他配料
之後就要煎到脆脆的
記得裡裡外外都要熱
當晚有仿蟹柳(大家不用緊張.........沒有蟹的.............)蛋壽司同豬扒壽司
但信義妹只影了仿蟹柳壽司就拼命地吃了
哈哈哈

而家個肚仔明顯勁多啦~

臘腸卷~見到你日日長大~~~好開心呀
但................要好好記住你在我肚裡面的感覺>.<

24週~有趣對話~

冬至那天
有人見到我跟大家交談幾句後就有以下對話
人: "你而家就覺得無乜野，遲下你零晨1點要食野就知!"
信義妹輕笑了一下
信義妹: "零晨1點咁益我!?!?!?!"
人: "係呀"
信義妹: "我試過零晨4點起身食橙，零晨三點腰痛到落唔到床要六仔孭住飛車睇急症，半夜瞓瞓下起身嘔啦!零晨1點對我來講不知幾好啦"
人:..................................(無言)

有時只可以講，不知情者最好不好用挑釁既語氣跟信義妹對話
雖然成為準媽媽，但有職業病的信義妹會反擊的~

23週 ~第一次抽筋~

23週了
很多身邊的人都問知道性別未
其實，信義妹跟六仔對性別多少都有點兒保留
我們並不是偏向任何性別
而是不想因為不是大家預期中的性別而覺得煩擾
有時真的想回應一句
"現今是我兩公婆的，又不是你的，關你什麼事呢...........點解你會覺得一定要係仔或者係女呢"

有些朋友真的出自關心的問
老實話，未真正大過肚的朋友，又點會識問呢
所以不是問有沒有嘔就是臘腸卷的性別

這個話題確實可以再開多一篇blog 來寫
留待我日後再寫吧

回顧一下23週的情況
終於都試到半夜抽筋了
還抽到大叫，六仔快快就彈起身幫我按摩一下
之後可以繼續熟睡啦.................
好彩都只是試過一次

嘔同暈既情況都好轉了
雖然身邊的人聽到信義妹仍然有妊娠反應覺得信義妹好可憐
但..............而家呢個情況信義妹同六仔已經覺得好好啦~
相對之前真是...................唉.................

22週~醫院講座第一堂~

QE的第一次講座
日日望住陪電腦就是想報醫院的講座
當然有很多人都覺得出面有很多奶粉商都會有
但我仍然覺得醫院會實用性最強的
果然不負所望
於22週是第一次聽講座
確實鑊益良多

今堂是有關母乳餵哺的
其實信義妹一開始並沒有考慮餵奶粉
一開始就直接覺得餵人奶
可能是信義妹跟信義弟都是被餵人奶大的
所以覺得臘腸卷飲人奶是理所當然的

亦都有很多新手媽媽都會一盤冷水照頭淋的話
"你要有奶先得架"
我通常都回應 "有無都唔係我能力範圍內啦~盡咗力做就問心無愧.............."

今堂有教姿勢，增奶方法和擠奶方法等
亦都將坊間FORUM 的謬誤拆開
(當中信義妹都覺得是有些人斷章取義...............)

 **由於相片中的內容是來自醫院講座的，請勿擅自轉載**

除了上堂的時間比較難遷就，其他都值得一個讚
上堂的時間是下午6:30到QE...................
這個時間我諗只有尖沙咀或附近上班的人才有可能準時到...........
信義妹跟六仔唯有每次都請假............................

狂掃吉之島

多得媽媽GROUP 既朋友仔報料
先知吉之島又有平野可以掃下啦~

以前做女都未有下下咁神心睇住邊度有平有抵呀~
而家一知道那裡有平就同六仔仆到去掃呀~

係個人立場而言
今次真係勁抵
點解咁講?
因為之前有見有媽媽話深水埗又平又靚
信義妹睇過真係堅平，靚唔靚嗰次就無摸上手所以就唔知啦~
今次吉之島個價就真係拍得住深水埗呀~
所以忍唔住漏夜都 出番篇BLOG 寫寫佢~hahah

都係快快講下掃咗咩先~
分別有$15系列同$30系列

先來
$15系列的
由50-100碼都有
要長有長，要短有短，要綁繩有綁繩，要過頭同開胸都有
總有一款合你心水

繼續$15系列的

繼續是$30系列
夾棉背心仔

厚少少的熊仔款
同樣只要你肯搵，就有多碼給你選擇

去街衫仔~~

掃到一半的時候.............六仔突然發現
我倆只顧買衫...................未買褲.......................=.=''
所以嗱嗱聲拎幾條先
同樣，有恆心~ 要厚要薄，要大要細都任你揀~

最後~~~我同六仔最愛不惜手的.................是下面呢件
同樣是$30系列的風褸仔
一見到諗都唔諗就放入車啦~~~~~~

最後仲有折上折優惠
埋單總共18件衫褲
盛惠$316大元
除開大約$17.5一件
真係今晚發夢都識笑呀~~~~~
哈哈哈哈哈

其他貨品自己就覺得護協平一點兒啦~
不過大家可以再格格價呀~~~~^^

生仔知多啲 (from apple daily)

分娩未必十級痛

自然分娩經歷的十級陣痛嚇怕不少人，但隨着近年不少嶄新的止痛方法出現，陣痛已不可怕。梁永昌指出，陣痛一般要持續數小時，產科麻醉醫生會在不同時段，使用合適的方法幫助產婦減輕痛楚；除了使用止痛針，或採用脊椎內麻醉與硬膜外麻醉的無痛分娩方法外，也可使用生產球治療、背部按摩及音樂治療等非藥物止痛方法，效果同樣顯著。
他舉例，除藥物以外，產婦可在陣痛開始時，接受生產球治療，透過在生產球上的各種動作，伸展關節、強化肌肉及分散注意力，達到減痛效果；到進入產房，準備分娩時，則改用音樂治療止痛，幫助產婦或陪產的丈夫減輕緊張情緒，有助順產。

高齡產婦免開刀

根據醫學定義，35歲以上孕婦已是高齡產婦。由於女士遲婚增加，令生育計劃推遲，近年本港高齡產婦比率增加，以廣華醫院為例，達30%產婦屬高齡。由於年紀較大，很多人誤以為高齡產婦無氣無力，剖腹生產較為安全，但梁永昌指，年齡並非順產或開刀的單一考慮因素，只要胎兒位置正常及孕婦健康，高齡產婦可以順產。
梁永昌指隨着營養及生活條件改善，高齡產婦仍可自然分娩；該院數據顯示，70%高齡產婦是自然分娩。高齡產婦確實有較大機會出現妊娠糖尿病等懷孕併發症，這些問題會影響產婦是否需要剖腹，但若症狀控制得宜，也適合自然分娩。

孖胎順產也安全

雙胞胎的分娩風險較高，醫學界一向認為懷孖胎孕婦最好剖腹生產；但一份今年10月發表，有數千名孕婦參與的歐美研究，推翻了有關說法。參與研究的雙胞胎孕婦，全部為大孖胎兒屬頭向下，難產風險較低，她們一半人順產，另一半則剖腹生產，結果兩組孕婦的難產或嬰兒缺氧等比率無明顯差異，顯示雙胞胎順產也很安全。
梁永昌稱該院每年約有100名懷雙胞胎的孕婦生產，為了令雙胞胎也可安全自然分娩，2010年引入「產房顧問醫生」，由顧問醫生負責替雙胞胎接生，令雙胞胎的順產率由24%增至去年約40%。他強調只要足月及胎兒頭向下，孖胎也可順產。

產後運動免鬆弛

不少孕婦擔心自然分娩會令陰道鬆弛，產後出現失禁、性冷感等，令她們抗拒自然分娩。梁永昌指出，盤腔肌肉鬆弛其實與懷孕關係密切，懷孕後荷爾蒙分泌會出現變化，令肌肉及筋腱鬆弛，為生產作好準備，加上「陀B」過程中，胎兒的重量下墜，也會令肌肉變鬆，故剖腹生產也會有機會出現鬆弛情況。
梁永昌建議，無論是採用那一種生產的方法，婦女在生育後只要多做產後運動，是可以避免鬆弛問題惡化的關鍵，包括強化會陰肌肉運動，有助收緊陰道、尿道及肛門口的肌肉，以及一些腰腹運動等。

21週~照結構~

終於來到21週 了
等了那麼久終於到照結構的一刻
心情還真緊張呢
這個時候，臘腸卷應該都很期待跟我們見面吧

一直睇開黃建新的
但照結構就轉了睇林勇行
點解?
不是黃醫生不好
只是黃醫生的MON確實細了一點點
信義妹想照結構可以大一點睇得舒適一點
所以就BOOK 林勇行了

有很多媽媽都揀孫錫鴻或者林勇行去照結構
所以六仔做完輪research 之後就揀林勇行

自從有了臘腸卷之後
有很多事信義妹都叫六仔處理了
不像結婚那樣
信義妹會找一大堆資料再加上個人意見，然後六仔只負責聽
現在是六仔找一大堆資料再加上分析，然後信義妹只負責報到就可以了
當然信義妹久不久都會加幾個TASK 俾六仔啦~
hahahah
這些都應該是十個月的皇后生活了
很快，我倆就會簽奴隸契約了

醫務所實在大到呢~~~~
嚇得死人........可以講句無人帶路就會迷路的感覺

照結構就有個LIST 俾你睇一睇會睇什麼的

若果想問多一點有關林醫生的，請於facebook page send personal message 俾我
facebook page: www.facebook.com/2wonwon2013

秋風起 曬果皮

**這是blog 債中的blog債**

曬果皮六仔跟信義媽一向每年都會做
但六仔跟信義妹都估計明年會用大量果皮
而信義妹確實不太想花大量金錢於陳年果皮上..........................
所以DIY 項目又再一次瘋狂地展開

全家瘋狂在於今日講自己曬
第二天一早就已經有兩箱新會柑在枱面了
行程是信義弟一早拉信義媽跟信義爸去街巿買
之後就一車車到我們家

堆起來都很有氣勢呀~

粗粗吃過早餐後，
各工廠人員火速埋位了

工廠線營運良好呀

我就負責起肉

原來呢個工序是比一般繁複.........................

果皮生產線有四塊跟三塊

最後果皮生產線成員都要加入拆肉生產線了

幾小時後~~~~~
一大煲果肉加果汁鍊成了
可以開始

又再過一段時間
113 個柑肉終於鍊成3瓶
正宗無添加果醬了

翌日
信義家已經穿好196個果皮去曬啦
場面有夠壯觀呀~~~~

其餘的果肉我們變成花肥
盡一下綿力做減廢行動吧!!!!

20週~DIY週~

到20週的時候了
肚圍已經去到37.5
臘腸卷加油呀~
你媽好少會見到自己有37.5吋的肚仍然笑口常開的~
所以你記謹要盡力吸收呀~
不用留太多給我的~