信義藍星扎記

2019年4月12日星期五

漢堡與意粉 ~Pasta Monster~

本身專登來食窩夫架~點知店員話假日無窩夫。。。。咁唯有擇閒日再來食啦~

最後就揀咗意粉同漢堡。

卡邦尼意粉 $48
意粉彈牙，掛醬汁力強啊~creamy 的醬汁令人一食難忘。面層仲鋪了芝士，令到味道更濃更惹味。當中的蛋係流心蛋，蛋汁可以用來沾意粉或者牛油包。牛油包香脆，包既中間係軟的，信義妹就最鐘意多牛油，不過亦等於。。。。。肥。。。。

經典美式芝士漢堡配薯條 $48
有出乎意料之外的厚肉。漢堡有差不多半寸厚，配上新鮮蔬菜，成個漢堡有好幾寸高啊！漢堡雖厚，但唔會乾到好似食柴咁，又唔會好油。味道方面漢堡唔會好鹹有少量調味，鹹香味主要來自鋪面的芝士，配上蕃茄生菜，味道清新。薯條香脆，點茄汁就最配啦！

脆炸洋蔥圈 $38
平時出去好少點小食既信義妹，為咗填補無窩夫既空墟就點兩客小食。洋蔥圈跟平時食開既個個同樣大細既不同。呢個係個個都唔同大細架~一咬外脆內軟之餘仲有汁啊！呢個真係要俾10個讚！平時係出面食都唔會有汁，有啲仲乾到不得了。簡直係驚喜~沾上芝士醬更為香濃~

吉列拉絲芝士條 $38
邪惡之物，但又唔食唔安落~ 離不開的外脆內軟，重點係拉絲~ 拉絲的相欠儀態就唔啦~ 但芝士控記得要食一個~ 信義妹仲要沾上芝士醬令到芝士更重~另一層意思係。。。。更肥。。。。。

好！食完~下餐再食過~~~

信義藍星札記
Facebook Page
https://www.facebook.com/IncredibleShunyeemui/
Instagram
https://www.instagram.com/IncredibleShunyeemui/

清爽柔順 ~Essential 清爽防油光系列~

當媽後，除咗體重情緒失衡，連頭髮都齊齊失衡。唔係成頭油笠笠就係打結打到懞。。。。

但當媽最梗要快，去廁所快，換衫快，沖涼洗頭梳妝更要快。個頭打曬結，想快都難啦！
參加咗Essential 清爽防油光系列試用活動，洗髮露不含矽，減低髮絲負擔。深層清潔過盛油脂，令頭髮清爽不黏笠，達至油水平衡。用後，頭頂清爽，唔笠黏笠，而髮尾順滑唔打結。

大家都試下啦！

#Essential清爽防油光系列

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

2019年4月11日星期四

海膽迷之選 ~瀛一~

信義妹愛海膽，但有好一段時間都無食啦~一來獨樂樂不如眾樂樂，要信義妹係啲細既面前食，佢地又無得食我又唔鐘意。二來得兩公婆食咪要半夜食。。。。。半夜有得瞓都揀瞓啦~無得瞓都係忙到嘔邊有時間歎海膽呀。。。。。

結果有一次小卷可能聽到信義妹同朋友咁講，就話上次睇到搵食巿集有間應該有架~ 我會控制自已唔食架，但你俾我聞下啦~~~哈哈哈~ 仲話佢會照顧小立唔俾佢食~ 一家都係為食的。。。。

既然係耐力戰，就一試吧~ 當然都會叫一啲小朋友都啱食的呢~

豉油同勁辣芥末油係自己裝既
但信義妹就覺得個勁辣芥末油無咩料到啦...............

玄米茶

香而不澀

日式冷麵 $20
有麻醬或者祕制辣醬選擇。信義妹就選了麻醬，麻醬跟麪的份量剛好，唔會太多，搞到唔知係食醬定係食麪。又唔會太少，搞到啲麪無咩味。有蟹柳同蟹籽作餸。麪唔會太淋，有彈牙口感~整體都不差啊！

軟殼蟹反卷 $30
一客4件。份量唔算多，但飯跟軟殼蟹的比例恰當。飯唔會好酸，粒粒分明，唔糊口。軟殼蟹外脆內軟，味道唔會太鹹。包在內的紫菜提升了香氣。

半板海膽手卷 $49
來到信義妹最期待的海膽啦~其實都揀了好耐，究竟應該揀邊款好！含有海膽的選擇除了手卷，仲有軍艦，玉子燒等等。手卷配塔多樣化，有選擇困難的記得為自已準備好時間慢慢揀啊~見到海贍，信義妹已有經心心眼啦！仲要係大海膽，更為著迷。海膽鮮甜味濃，大家唔好以為淨係手卷面先有海膽。

食到中間都會有架~~~哇哇哇~過足海膽癮~有少量青瓜相伴以解膩。

唔知下次再食邊款好呢~~~~

信義藍星札記
Facebook Page
https://www.facebook.com/IncredibleShunyeemui/
Instagram
https://www.instagram.com/IncredibleShunyeemui/

芒果首選 ~甜品小食工房~

有日小卷想起呢度既芒果糯米糍就來買啦！

一口芒果糯米糍 $26
一睇就見到皮薄啦！透出陣陣既芒果黃。芒果酸酸甜甜幾開胃的啊！

雪燕椰皇奶凍 $38
椰皇奶凍清甜唔太膩，配上雪燕多了一份口感。

豆漿 $8
本身諗住會好甜的，但又比想像中無咁甜。適合信義妹口味，愛甜的就要未必適合啦！豆味就一般啦~

芋圓糖不甩 $28
有分室溫或熱食，本身叫室溫的，但店員應該太忘啦，俾咗份熱食的~口感偏硬，喜歡有咬口的朋友比較合適。本身係湯圓的組合換上芋圓有新鮮感啊~

信義藍星札記
Facebook Page
https://www.facebook.com/IncredibleShunyeemui/
Instagram
https://www.instagram.com/IncredibleShunyeemui/

寶寶百味 X KidsKissnCook X Baby Dating 「星級加固特訓班」

早前參加咗Baby Basic 寶寶百味 X KidsKissnCook X Baby Dating 既「星級加固特訓班」。

除咗有星級營養師陳國賓講解育兒飲食知識，仲可以俾一眾媽媽訴說平時辛酸。

平時煮餐懞既之後，食都唔食就走咗去.........

成日鐘意飲奶多過食飯............

大家齊齊抒懷一下，平時大家都忙小朋友，呢個 #MeTime 大家都好珍惜。

亦都有實習俾大家練習一下。

唔好以為我地掛住傾唔聽書，我地都好專心架。

最後多謝寶寶百味送我地一大袋紀念品啊！

裡面有波波米、紫菜、麵麵、米等等

遲下會再作分享

番到屋企有兩隻為食貓徘徊。。。。。。

信義藍星札記
Facebook Page
https://www.facebook.com/IncredibleShunyeemui/
Instagram
https://www.instagram.com/IncredibleShunyeemui/

2019年4月3日星期三

好父母教出好孩子 -- 家庭教育完全手冊

唔知大家有無睇育兒書的習慣，信義妹係有的。信義妹早就在決定要當媽（備孕時）就已經開始我嘅育兒書之旅。好彩。。。。唔駛等我睇曬啲育兒書小卷先來搵我。。。。而家諗番起，都覺得自己頗有自信，懷都未懷上就已經狂煲育兒書。連火車站書局的職員都認得信義妹啦！每次都話上次嘅睇完啦？今次睇呢個系列啦⊙ω⊙當時的信義妹係只要有共鳴都會睇，那怕只有標題吸引，總覺得要睇得夠多元化先可以迎合現今小朋友需要。

講番今次本書先《好父母教出好孩子 -- 家庭教育完全手冊》，作者孫雲曉，係教育界的風雲人物。其他代表作有《男孩危機？!》《女孩危機？!》。

書中提出一樣大家而家成日都會講到既係，做父母要考牌。對，信義妹都認同，因為做父母係無得洗牌再來。小朋友既成長只有一次，心理質素跟行為性格同樣都係由細培養，所有事都未必可以再來一回。同埋信義妹認同一句 "怎的父母，會有怎樣的孩子" 。若要教孩子，先要教父母。

書中相對都全面由小朋友交友，讀書，心理質素，行為都有講到。再加上有例子解釋就更令到大家容易明白筆者既含義。究竟小朋友應不應該有祕密呢? 朋友還是考試合格重要? 只說道理的教育係唔係真係對小朋友好? 玩，除咗權利還有什麼?

最後，呢本書提出一個好好的論點，現代父母必須具備的素質包括:現代的教育觀念，科學的教育方法，健康的心理，良好的生活方式，平等和諧的親子關係。

終於食到 ~ YoMaMa~

時光又要倒流好幾年啦！當年信義妹仲記得，本來當晚想食壽司的。。。。但就驗出有小卷了。結果一戒就戒咗成年都無食未熟既食物。。。。。

跟住係嘔到就死既時候（當年信義妹係由5週嘔到入產房）望住frozen yogurt一臉想食，但又食唔到多可憐的啊~六仔見到就話等我生咗就帶我去食啦~~好明顯到我生埋小立都仲未食到啦！

終於等到有得食既機會啦！參加了一個對餵人奶感想的分享，大會就送咗兩張YoMaMa coupon 每杯都包一個配料。YoMaMa 有幾間分店，最近信義妹的係朗豪坊分店。太耐無出城啦！去到都唔知點行，真係要出多啲街先得啦。店裡有少量雅座可以俾你坐低食，但信義妹就趕時間無坐啦！店員溫文有禮。

信義妹就揀咗原味乳酪配芒果。原味帶少少酸又唔會酸到入唔到口，配上芒果就更加好味啦！芒果屬於較硬身唔太熟的狀態，雖然食落有口感，但就帶點酸啦！另一杯就揀咗紫薯味乳酪配士多啤朵。紫薯味唔叫好突出，偏甜無咗乳酪既酸味，就好似食雪糕一樣。呢個信義妹個人就唔係咁鐘意，因為覺得要帶點酸先似食frozen yogurt 。有很多士多啤梨啊！又甜~
我幾時可以再出城啊！