新舖試食~新駿皇~

估唔到當想寫呢間既食評既時候，我竟然有機會成為第一個寫既人
等我好好加油寫呢篇先得啦~~~

新駿皇主要都係食粉麵既~~
種類都算多，辣唔辣都可以選擇
地方都尚算新，唔算太寬敞

去到門口，待應姐姐都會招呼你入去坐住揀外賣
呢方面係抵讚既
因為買外賣嗰日, 曬到煎熟蛋....................

餐牌都多選擇

唔揀麵，揀飯都可以~~~

麻辣黃骨魚湯米線(細)
都有原條魚上，好滑
唔算多骨
有豆卜，芽菜做底
麻辣今次無揀辣度
所以對於嗜辣既我來講，一啲都唔辣
但確實充滿咗麻椒既香

最開心既係呢度湯同麵分開上唔駛額外收費
咁坐幾遠車都唔怕米線變烏冬啦~

魚腩湯飯
鹹味適中，唔會腥，都足料

麻辣牛肉豬膶米線
牛肉同豬膶都夠滑身
同樣都係辣道欠佳
因全部都係嗜辣之人~~哈哈哈

三個既味道，最吸引都係黃骨魚
如果同行有兩人以上既，可以叫個大既黃骨魚，再額外加一個飯或米線
咁樣既食法會抵一啲~~~~
下次都想試下其他蕃茄濃湯系列先~~~~