上回輕輕提到，媽媽都要鬆一鬆。信義妹一於同悠媽，John媽來齊齊鬆下先。家下當媽唔易，入得廚房，出得廳堂，仲要賺得口糧。所以大家齊齊去抖一抖，放低啲負能量，洗一洗啲負面情緒再衝過。
平時當媽都係匆匆忙忙，地點處於寧靜的地段，徒步行去既時候，為大家即將要放低負能量做一個熱身。不過見到門口咁靚既報置，就即刻打破寧靜，瘋狂打卡~哈哈哈
入到店芳香撲鼻，大家頓時都停一停了~~~呢種並不是食物香，而係香薰的香。香薰運用得宜，係可以調節心情。
當我地坐低後，店員就會為大家準備花茶 Sweet Paris (覆盆子，雲尼拿等沖劑而成）先歎杯茶洗淨身心先。茶飲幾味夾陳，不帶甜亦不帶澀，清香怡人。
再會同你玩MAGIC CARD~ 唔好誤會，呢個唔係古羅卡，小櫻係唔會彈出來收服佢架！但係店員就會因應你揀的卡而講到你的狀況，你真正的需要，超準！
之後仲會介紹店內的設計，店內有不同的香薰產品，如果有合心意既都可以即場買走。 隨後店員會為介紹香薰，可以選自己喜歡聞的香氣放入枱上香薰機。
另外，店內其中有一樣設計係目標，唔知大家有無將自己既目標寫低呢? 寫低咗既目標完成度遠超於埋在心裡。但對信義妹當頭棒喝的係。。。。。信義妹的目標，咁樣問一問，好似好耐都無諗過啦~~連年度達成都好似好耐無做過啦~~這幾年都為小朋友在轉，每天完成基本任務都已經有種賺咗既感覺啦。。。。。仲有咩目標呀。。。。。多謝店員問起。。。。信義妹真係係度諗。。。。寫好目標就要掛起啊~~~ 有種願望樹的感覺，不過呢個係目標蝴蝶牆！
講了一大輪都仲未講到食。。。。哈哈哈~~~ 好~ 下一篇就到食囉~~~
#magicofhappiness #happymagic #開心法術 #katlai #katsijolly #dkaromatherapy #dkcuppatea #ijolly #全息圖下午茶 #分子料理下午茶
#慈善網台 #opencreativesolution
信義藍星札記
Facebook Page
Instagram
沒有留言:
張貼留言