小卷~
媽媽自從成為媽媽之後，就變得很感性
但有些說話又好似難於開口
怕你會覺得媽媽嘮叨
唯有好好寄情於寫網誌
(雖然媽媽經常都欠大量BLOG債.................)
到你學識睇這封信的時候
你有可能已經不再好似現在那樣每天定時定候黏著我
媽媽身邊有好多姨姨叔叔都話BB 不能常抱
否則會很黏
但媽媽總認為你能陪伴我的時間並不多要好好把握
在這一刻，只有這一刻你才是完完全全被爸爸媽媽擁有著
當你開始讀幼稚園的時候，
在你身邊的人會多了
你開始有你的朋友，有你敬愛的老師，有你常在一起的同學
你亦會開始展開你的興趣
忙於你的學業
爸爸媽媽再不是你的全部
我們只是你的一部份
日後你會開始你的事業
或者你會忙於打拼
什至乎你要經常要遠走高飛
但當你有時間停一停的時候，希望你可以想一想你曾經多麼依戀著爸爸媽媽
或者你已經記不起了
不打緊，爸爸媽媽會等著你的
爸爸媽媽不是寄望你將來仍每天依戀著我們的抱擁
只希望你閒來無事望一望我們
不要等到我們變成一張相的時候才看啊~
所以當你還是那麼依戀著我們的時候
我會盡可能陪伴你左右
直到成為你其中部份
媽媽
2015-01-01
2014到最後一日，今日心情都幾複雜
因為今年好似好充實，但又好似無咩做過
今年確實係忙碌的一年
(熟信義妹的朋友，就會應一句:你邊日唔忙架??)
咁就唯有總括一下啦
工作方面:
仍然係做梗嗰份..............
日日都叫救命
但發現叫叫下好似有一種叫慣咗既感覺
(明明我已奮力無間，踏著面前路，夢想中的彼岸為何還未到)
手作方面
今年應該係產量最多的一年
但亦都對外分享最少的一年
因為...............成日都未寫到.................
啲BLOG 債成幾尺厚..................
生活方面
有了小卷我的生活完完全全改變了
每天都背上兩大袋上班
初初都體力透支嚴重
但沒有想到，"媽媽是強勁的!"這句話都可以用在我身上
現在見步如飛，還可以去追巴士
*** *** ***
以往每天問最多的問題是"今日食咩好呢?"
而家問最多的是"小卷乖唔乖呀?"
*** *** ***
另外，影相拍片成為每日必備動作
影少一日都唔得
*** *** ***
餵人奶都已經成為生活既一部份
催乳保持奶量亦都成為思考既活動之一
2015年
2014要回顧都回顧唔到咁多
始終生完之後，好似連記憶都帶走埋
但最想的是
2015年可以有個好眠
從小卷出世後，想做的事太多，但時間永遠都太少
手作可以做多些
興趣班可以開多些
朋友可以交多些
日日可以跟小卷痴纏多一些
哈哈哈
最後，祝大家2015越來越好!!!
keep in touch!!!!
今日突然想講講發現有小卷前的狀況~~~
**今日的相片全有網上找到的**
很多書都說媽媽總會跟肚裡的小b 有心靈感應
但..........可能我太後知後覺..........又或者我通識能力低
就例如有些準媽媽會夢到送子鳥或者有小童向他朝手
現在回想起確實於過往一個月我有夢到鳥的..................
但那次.........場面有點恐怖
我還嚇到送六仔一個巴掌.................
場景有如下圖.............
我的畫面只有10%是藍天
其餘90%都是一隻大雀............................
為什麼一直都形容是大雀呢!?!?!
因為我只見到全黑的雀型....................在大鵬展翅.......................
這個夢估計只有十多秒，我已經俾隻雀秒殺嚇醒了
後來，朋友間閒談，我終於回憶起這個夢.............
可能..........那隻雀.........有可能是送子鳥吧...........
但我一直覺得送子鳥的夢景應該是
漫天飛翔
跟住送到門口
又或者送到窗邊
所有都滿是溫馨浪漫的啊~
誰會想到會有一大個黑影在眼前大鵬展翅
最終由於話題的帶起跟好奇心的推動下
上網找送子鳥的真身了
找到了.............
第一句............怪不得..............
原來會有整個人那麼高.................
我一直都以為是卡通片的大小................
送子鳥，失敬了
送子鳥，辛苦了
送子鳥，謝謝了
終於都等到這一天
自從小卷要到新生兒病房之後
每天最期待就是12點前電話會響
每天大約由10點開始就望個電話望到12點
(因為姑娘話醫生大約10點會巡房，可以出院會12點前打電話通知父母)
我突然之間覺得自己變成保安
不過唔係睇CCTV，係睇電話...........................
一個古怪電話響起啦~
小卷可以出院啦~
信義妹即刻急召六仔回巢
準備起程
帶齊出院幾寶
仲加埋早前買的銀鈪仔出院
原來今日有好多BB 都可以一齊出院呀~
平時有打招呼的都點一下頭
跟住全部都好似"打到嚟"快快手同BB執野
可能大家都嚇怕啦~
雖然姑娘個個都白衣天使，但始終都是令父母心痛的地方
個個頭也不會回一下就走啦~
往往都是姑娘叫回頭，等一下，對一下資料
小卷~回家啦~~~~~~~^3^
物價高企並非今時今日的事
四出找平靚正美食
應該是很多打工仔必備的技能
這間店我由5蚊件，到而家10蚊件都仍然會去光顧
一想起就會到這裡
第二個地方完全食不到這種風味~~~
臭豆腐是也~~
這裡的臭豆腐嗅是臭的
但食就完全沒有臭味
再加上醬汁
有種想一試再試的感覺
一間有名氣的店又豈止一款招牌菜呀~
咖哩同樣是這間小店的招牌
兩餸車仔麵都只是$22
咖哩又香又辣
正中信義妹口味~~~
這餐簡直大滿足呀~
有很多名人紅星都會來品嚐呢
但你如果想享有情調的就不太適合啦
因為這間小店在後街的呀~~~
哈哈
地址: 灣仔道150號D舖
**記住星期日休息呀**
到第五日啦~
醫生表示未能出院..................
因為小卷收水收太多(超過7%)
要在醫院觀察
信義妹就有助產侍車輪轉來教信義妹餵奶
亦都希望小卷的黃疸可以退得快一點
每天我兩母女都互說加油呢~
小卷又勤力啜，信義妹就勤力擠奶~
最心痛的事就來啦
每天因為要驗黃疸小卷的小手都被抽得瘀瘀的
雖然小卷叻叻，哭兩聲就收聲
但我這個P 牌媽媽在心裡哭得哇哇大叫呢.........................
到下午的時候，殘酷既事實來啦
小卷要照燈...................
雖說照燈是很多初生嬰兒都會，但.................小卷有九個月都未離開過我
實在有點兒擔心呢...........(我相信這個亦都是荷爾蒙影響到情緒)
唯有通知六仔接我出院
小卷要去新生兒病房，我不可以再賴死啦~
另一個傷心的事又來啦
到兒科探病時間
傷口怎樣痛都爬過去睇小卷
一睇眼淚大豆大豆落下
陰功豬..................做矇臉超人，又攰...................
想試一下埋身
一抱上身就完全熟睡啦.....................
邊埋身邊哭...........連身旁媽媽都安慰呢.........................
六仔見到小卷又心痛.......
手仔腳仔都瘀
等到探病時間完我們先回家
第六日到醫院探小卷時
不用照燈啦~
但要追體重
小卷加油!!!
傷心的事又來了
電話突然將五至七日的相片全部都消除............................
是覺得媽媽傷心的相片不應留下嗎........................
又到朝早醫生檢查完
安排姑娘拆喉啦~
之後就試下落床
都無話見暈，但古古怪怪的感覺
原來我貧血.............................
姑娘就安排我食鐵丸啦~
第一日自己可以自由活動原來是那麼興奮
小卷亦都跟我一樣興奮到不得了
所以久不久都叫喊兩聲呢~
今日小卷開始有少少笑容啦~
應該留意到熟悉的聲音~~~
信義妹仲留意到，小卷會俾自己放的屁屁嚇親呢~~~
哈哈哈哈哈~~~
繼續插喉的日子，其實插喉就無特別感覺
只係不能動彈那一刻辛苦
腰痛並未因為小卷出世後隨即消失.........................
還好姑娘一到小卷叫肚餓的時候就抱過來給我看看
雖然影得不太清楚，但有就總好過沒有啦~~~
小卷只要趴到信義妹身上就會熟睡
棉花團似的~~~~~好可愛~~~
但.............我好驚...............軟綿綿的................
QE的姑娘都算對我不薄啦~
都肯教我一下餵奶，當小卷未肯張開口的時候，都會氹下
我仍然與粥水為伴..............
說實話..............我真的不夠飽.......................餓到懞................
終於等到六仔來啦~~~
好彩六仔每次來醫院都不是第一時間望小卷
都總記得我這個太太
按摩搓背少不了
終於退燒啦~
醫生表示明天有機會試落床
所以今天要自己多加活動一下
但............................我對腳...................好似痺到不能隨意控制...........
仍需努力!!!!!
公司同事都來探我啦~
老友P都來探我啦~
所有親友都來探我啦~
但..............我好似係懞懞中渡過.......................
小卷你呢個眼神................算點呀...............
不能斜啤媽媽架!!!!
個個都話女人過二十之後時間會過得特別快
信義妹就覺得點止過二十................
生完B之後，完全無覺得時間在停留，好似FAST FORWARD兩秒就到啦
唯有買下野食奬下大家啦~
小卷出世後大家都辛苦啦~
這張奴隸契約真難做....................
有信義妹大愛的避風塘雞全翼
跟住就來到信義妹同六仔一見就兩眼發光既黑有金槍魚啦~
肉質軟滑，油脂分怖平均，啖啖新鮮，每食一啖都回味多次
跟住就有信義妹由大肚開始叫要食，食到而家先食到既車厘蜆啦~~~
夠鮮甜爽脆
師傅刀工厲害，回到家蜆們仍有跳動.........................
所以我唯有等佢真正魂歸天國才一口吃掉
所有都可以在沙田一田找到啊~~~~~^^
今年.............六仔同信義妹都好似忘記了這個重要節日
下年會好好記住，預埋小卷一齊慶祝啦~~~
