碎碎念的~36週~

當35週的宮縮恐懼過後
就來到36週的B鏈..................
唉...........懷孕總是多野驗
但求都係平安過渡

不過我發現今次肚型跟上次的肚型不一樣
上次係西瓜肚
今次係冬瓜肚
唔知係因為乜野情況個肚型會唔一樣既呢?
係跟據著床的位置?
BB的姿勢?
定係咩呢?
按道理個肚都係同一個肚來架啦~~~~
所以我爆紋都爆得有個性過人...............
之前就因為個肚超級大..............
我覺得爆肚底都好正常啫...................
今次個肚輕形啲啦..................
就輪到小立郁既位置唔一樣..............
搞到爆肚面..............
好野!!!! 成個肚都花碌碌啦
不論我產後成功減肥與否，個肚都花曬
連比堅尼都可以慳番啦~~~~~~

呢週都有小插曲既..............
一家幾口到餐廳食TEA
信義妹經常周身痕
唔覺意抓到小腿血流成河..................
真的好似沒有停止的一刻啊
搞到餐廳經理以為我見紅都仲可以冷靜地食TEA
哈哈哈
放心吧!真的見紅，我應該無咁好閒情只係用紙巾按住出血位就算啦
結果職員幫我將傷口處理好
服務抵讚啊!!!!!

不過另一樣擔心又起了
真係咩叫有仔趁嫰生就係呢啲了吧
今次好似特別多事的呢...................

餵人奶，一直都係信義妹感到最開心的事
因為可以同小卷有親密又不能替代的感覺
當初懷有小立而幫小卷戒掉多少都帶點傷心
感覺好似有點兒缺失一樣
本身信義妹一直都以為自己是訓覺搞到自己混身浴血的時候
原來乳汁的分泌亦都好似帶多少血...................
天呀!!!我要餵人奶!!! 我要餵人奶!!! 我要餵人奶!!!
難道因為第二胎的關係，多奶所以易塞，就有乳腺炎??
我唔想未開跑就先輸一局............................
唯有打番去醫院啦...................

酒逢知己~覓炙~

有多少年無喝過酒呢~~~
自從有小卷後都滴酒未沾
酒鬼朋友就從此變成飯局朋友
每次只有飯聚告別酒聚~哈哈
今次就等酒鬼朋友飲杯吧
信義妹負責食就好啦~~~哈哈哈~~~~

店員有禮
落單後馬上遞上調味醬跟前菜
調味醬以中間的為辣，辣度算信義妹的中辣吧~~
左邊的帶少少甜
右邊的係豉油

前菜共有六碟
蓮藕
微甜帶少少少少辣，爽脆可口

菠菜
有香香的芝麻油香氣，不油膩，清新口感

泡菜
雖然顏色一般，但辣度夠，帶微酸，開胃之選

魚仔
酒鬼朋友最愛這個啦~~~下酒一流!!

豆乾
五香味濃，不太鹹，乾身

菜甫
爽脆味淡

酒鬼朋友話呢個好好飲，好想係咁飲~~

好快我地揀既海鮮燒烤餐上啦~~~~
YEAH!!!!

日本原隻魷魚
魷魚勁大隻啊!!!!
燒起彈牙味濃
唔需要沾醬都好好味

青花魚
肉質鮮嫰
魚油豐富
烤好後皮脆肉滑

赤蝦
海水味濃
肉質挺實
仲有甘香的蝦膏啊~~~~~
愛海鮮的我地食到勁開心

加洲蠔
蠔上有香草牛油燒起來除咗牛油香仲有淡淡的香草香氣
香草份量適中，無蓋過蠔的鮮味

北海道扇貝
同樣有香草牛油幫手提鮮
令味覺多一種層次
烤好後，群邊香口，帶子位鮮軟

蔬菜拼盤
都有很多的選擇
粟米、大菇、雞脾菇、車厘茄、翠肉瓜、茄瓜
每一款都新鮮
特別翠肉瓜的清甜多汁跟粟米的香甜
信義妹跟酒鬼朋友都想再來多ROUND~~~

甜品向來都係用第二個胃來消化既
再來一個心太軟
為今晚既聚會作一個美麗既總結
朱古力的濃甜配上綠茶雪糕的香
一熱一冷令到口感層次豐富

最後最讚的係燒完一大輪烤都唔會成身燒烤味道
這個一定係歸功於強力抽油煙機啦~~~~~

整餐海鮮都無用到枱面的醬料
雖然有點兒可惜，但都證明用料夠鮮先可以滴醬不沾

蟹迷注意~夏捌月~

復活節番娘家扮公主
梗係搵下有咩好食架啦
見到有人推係西鐵站附近有間食蟹膏蟹肉意粉就去試下啦~~~~

餐廳報置以掛畫為多
以STAR WAR同MARVEL 為主

當日我地大約十二點到
好彩信義妹早一步理想達到
遲一步就要等位啦~~~

忌廉湯
不太鹹，口感幼滑
如果可以多啲粟米就更好啦~~~

羅宋湯
蕃茄味濃郁
信義妹較喜歡呢款
材料都相當多
唔會因太酸而搶喉
鹹跟酸既比例剛好

加上搭配的蒜蓉包
用來沾湯就更好

主角出場啦~
蟹膏蟹肉意粉
未上枱遠處已聞到蟹香
蟹膏的甘香緊緊掛係意粉上面
每一口都充滿蟹膏
蟹肉亦都相常多
肉質爽甜
食到唔停得口

紐西蘭牛柳配薯菜 (洋蔥汁)  $64
牛柳有得揀幾多成熟
七成都唔會韌、口感鬆軟
而肉汁緊緊鎖住
加上洋蔥汁就香帶少少甜
如果少啲汁就更好啦~
薯菜就外脆內軟
另外配菜都多，唔怕食太肉會膩

餐飲有奶茶
口感香滑，茶味適中

朱古力
不過不失

飲品夠凍對於熱辣辣的下午正好消消暑吧!!

蠔蟹放題~緣聚西日~

話說信義妹愛吃海鮮
所以成日都心思思想食
好明顯呢啲懷孕嗰陣就一律被禁
難得有朋友話我知生蠔同長腳蟹都有得任食，地點仲要近我地
就梗係去試下啦~~~~

雖然間舖係地庫，但樓梯唔算難行，級與級之間唔太高
下次可以同埋老人家一齊來先

裝修特別，有好幾款唔同既牆飾
燈光夠光，座位都算闊

食物多樣化
扒類、拉麵、烏冬、燒烤、火鍋、刺身、壽司、甜品
當日我地兩個餓底都試唔曬咁多款式
要揀多日再去多次

喜愛蠔蟹就梗係第一時間點先啦
上菜速度快
蠔隻隻飽滿，海水味較淡，清洗夠乾淨，無蠔殼痴住
長腳蟹肉鮮甜，有陣陣海水的鹹味，肉質鮮嫰

跟住就上到刺身啦
擺盤相當精美，現場睇係會有出煙的
希靈魚夠爽唔酸
雖則三文魚同吞拿魚唔能夠話魚油相當豐富，
但係屬於新鮮既級別
帶子，甜蝦鮮甜
馬刀貝夠爽脆

唔喜愛生食既都有熟食推介~~

燒蠔有兩款
蒜香燒蠔
味道有點兒似避風塘燒蠔，
香辣夠，愛辣者要試

芝士燒蠔
芝士濃郁，絶對唔係少量
蠔興芝士配搭得宜
芝士控來吧!!!

三文魚鮫
外脆內軟，少少調味已經好足夠

燒海蝦
蝦唔會燒到太乾身
還帶有陣陣海鮮既香甜

壽司都係呢間值得一讚的地方
出面有啲店會係飯就大大舊
刺身就得細細塊
呢度壽司、卷物都係小型裝
可以試多幾款

芝士炸蝦卷
一口一件
芝士香濃
雖然炸蝦既脆漿略多，但都可接受

壽司以和牛壽司最為深刻
可以燒到外熟內生
肉汁緊緊包住
呢個信義妹都點了好幾次

焦糖3.6牛乳雪糕
3.6牛乳雪糕濃郁既牛奶香，口感厚實
加上焦糖脆面增加口感層次

 愛榴槤的大家都要試
榴槤雪條
又凍又軟滑
濃濃的榴槤飄香入鼻

 如果榴槤同牛乳雪糕都唔啱口味
仲有一櫃雪條等梗你~~~

 除咗雪糕雪條
仲有甜品
豆腐花、和果子、蒟蒻等等
信義妹對甜品有第二個胃都試唔曬....................
所以大家要留第三個胃來食
哈哈哈

飲品除咗餐紙上的可點
仲有兩個雪櫃任揀
以紙包飲品為多
例如荔枝果汁、維他奶、巨峰提子汁

但都有罐裝都會有
例如忌廉鮮奶

想飲酒都有唔同既酒可以俾大家揀
真係你想飲咩都可以滿足到你!

緊張的~35週~

這週六仔跟信義妹的氣份非常緊張
因為信義妹經常都訓唔到之餘
仲要加上假宮縮異常頻密
所以我地都加倍留意住動向

雖說選了開刀，但如果小立自己選擇要出世
我都唔介意順產
最好就唔好好似小卷那時"食全餐"啦
陣間"食全餐"仲"加大"
我就真係咩叫乜都試過...................

有一晚............
信義妹真係差一點就衝入院了
有規律既宮縮加痛出現了
加上不論我左擰.........定右擰...........都係條氣唔順
但..............未足月...................
心裡總是不安
唯有整晚都摸著肚皮.................
同小立傾住計..............未夠鐘.............未夠鐘...................未夠鐘.................
好!!!!講數成功...............
臨天光..................無事!!!!
再觀察幾個鐘，都無事!!!!!
好!!!
小立你要乖啊!!! 足月、足磅先!!!!
爸爸媽媽會好好的等你啊
當然...........有覺好訓就最好啦~~~

留倩影~34週~

這週應該係我最期待的一週
成日都提住一句
女人係幾時會因為自己有幾十吋肚而開心
應該就只有懷孕既時候

當知道今次都打算影相既時候
就已經準備要做親子裝的準備
係FACEBOOK好耐之前就已經睇到好多外國既媽媽生完好似未生咁...................
同個女一齊著親子禮服
真係羨慕
當然人地係天使咁既面孔，魔鬼既身材................
信義妹就無...............得平凡既面孔....................同肥腫難分既身材...........
所以都係趁而家大家分唔到我係真肥定假肥既時候親子一下吧

今次信義媽都話要幫下手剪架
信義妹做綁
呢款真係勁易整
出來效果都唔錯

除咗親子裝，仲整咗一啲道具
好似馬騮、皇冠、腰帶
攝影師見到件件都係自己整就驚呆了
哈哈哈
DIY~~~~ 信義妹最愛呢~~~
反正如無意外都應該係最後一次影孕照，有咩想整就一次過吧
之後的應該都係家庭照啦~

呢間攝影公司都已經係第三次幫襯啦
第一次係陀小卷時孕照
第二次係母乳照加家庭照
第三次係陀小立的孕照
三次都有滿意既服務
同埋攝影師、化妝師都耐心
對住小朋友有時會行來行去都會有耐性
最後信義妹仲送咗條裙俾攝影師

今週亦都要到QE 約期決定順產還是開刀
老實即使有很多人都勸順產
但信義妹跟六仔還是選了開刀
始終覺得上次小卷的風險大了一點
還好最終順利.......................否則我地應該後悔一生

再講..............其實..............而家順產同開刀都有好有唔好
大家都唔好再一面倒呢................
時代都唔同啦..............
書上的都有更新啦~~~
大家都一齊更新一下兩方面的好與壞吧
**呢個係一個幾好的TOPIC，等遲下再詳細分享**

**想睇下相既可以到我的FACEBOOK PAGE 睇啊 :) **

時間錯亂~33週~

今週唔知點解成日都以為係2017年
唔知自己做咩咁想係2017年
搞到寫野填FORM全部都要諗一輪
唯有講句2017一定係美好的一年吧

小立開始激烈地郁動
但最可怕既係.......................又會有一日突然唔多郁動...................
搞到成日心大心細係咪要衝去醫院
雖然話係第二胎，但係最後數星期都唔想有咩差池............
所以神經質咗好多
真係想講句，郁到訓唔到唔梗要呀....................
小立，你記住要健康出世呀!!!

另外，懷孕特有的生長線有微微地出現啦
我仲諗住今次無添
不過就好好好淡色
除咗生長線，跟餐亦都付送胃酸倒流PACKAGE
包你實有得嘔........................
好好好!!!!嘔咪嘔囉~~~~又唔係第一日嘔呀.................
做女嗰陣勁怕嘔既............
陀完小卷之後，就係可以講句，嘔之MA~ 又有咩咁可怕喎!!!
乜都嘔過啦.....................食物、水、黃膽水、膽汁、血，胃液..............
嘔到自己都問一句如果真係嘔埋個胃咁點塞番入去.......................
唔梗要，我都嘔慣嘔熟，六仔亦都處理慣，繼續吧

再來私家產檢，
小卷超可愛，見到小立會打招呼
不過就會同醫生講，小卷唔駛照，媽媽照就得啦
小立今次終於有少少樣睇到啦
似邊個呢???? 感覺上似六仔呢~~~~~

呵呵小卷~32週~

來到32 週
進入大直路的時候
小卷應該早幾星期都開始感應到了
情緒亦都多少都有點兒不穩
早幾星期都有疑似呷醋的跡象
到今週完全令人嚇呆.................

早前如果信義妹約了朋友食閉關飯
回到家小卷大不了都係罰我去廁所唔準出來
(事源呢，如果有時小卷百厭，我地會罰企..........................所以我地估計，佢覺得我百厭...........所以罰我入廁所.........)
但到這週小卷會問信義媽點解爸爸媽媽出街唔帶埋我.......................
信義媽分別都同我跟六仔講呢件事
真係寃枉呀................六仔要番工.....................唔係去玩呀.......................
信義妹.............只係去政府產檢先無帶你.................
因咩小卷你會覺得我地唔帶你呀.................
爸爸媽媽每到星期六日都會同你找地方遊一遊、逛一逛啊
遇上落雨............連樓下你最愛的supermartket都會跟你去啊.....................
聽到呢句真傷心.................搞到我地好似丟低小卷去大吃大喝的父母一樣

一句傷心的說話未完.........另一句又起.................
有日信義妹約了朋友交收，因為早前大家互托大家買了東西
諗住只交收一下就回，就唔帶小卷啦.....................
點知...................小卷一見狀就攬住喊喊地話................
小卷會乖，唔百厭架啦.................唔好唔帶我去啦......................
天呀................媽只係外出1小時咋........................
小卷你受了咩刺激呀.....................媽一心諗住交收完就番來帶你到樓下supermarket 啦.................
結果最後無帶小卷去交收............因為我真的顧唔到咁多................
回來問信義媽...............小卷哭到不得了...............連信義媽想帶佢去行下都不願
今次............無罰信義妹去廁所啦.................只係冷冷回應信義妹的............
一整晚小卷不但嬲咗信義妹...............連六仔都當災了.................

有朋友建議，每次外出後都買一份禮物，
但我地並不主張，久而久之，小朋友會係期待的係你的禮物唔係你個人
你真的那麼想被取待??

說實話，有關處理大B接受細B的書，文都睇了不少
自己亦都有跟住實行
例如繪本、傾談、呵護時間
但睇來，小卷仲細，情緒方面大家都需要互相協調
小卷並唔係唔錫小立
有好味道食物，佢總會分一份俾小立，遇上雷公伯伯同閃電叔叔總會攬攬小立，叫佢唔好驚
但近來的說話實在有點兒嚇人
可能是書中所提的過渡期
過渡還過渡總不能因為過渡期而由小卷繼續認為爸爸媽媽是丟下佢去的..........................
所以我地都要重多方面著手................
繼續努力..................
而家只係前哨戰....................　　

一個人的宵夜 ~爭鮮~

當媽後四周經常充滿歡樂
總想有一個人的浪漫
呢啲浪漫通常都係夜欄人靜啲細路訓曬係度半攤屍既情況下出現
所以呢啲浪漫係可遇不可求~

難得遇到六仔就為信義妹準備了魚生什錦飯的浪漫
三文魚肥美，魚油豐富
辣味螺肉爽口彈牙
希靈魚爽脆唔酸
中華沙律帶少少辣味醒神
紅色的配料................多少帶點甜味
信義妹就不太喜歡
飯沒有太多醋，粒粒分明，軟硬適中

以三十幾蚊來講算係唔差既選擇
信義妹今夜可真享受
一邊品味魚鮮
一邊睇ONE PIECE~~~~
哈哈哈~~~~~

沙律控必試 ~MANHATTAN~

上一次來MANHATTAN 係同朋友一齊晚聚
今次來就一家幾口衝過來啦~~~~
為既係SEMI BUFFET
信義妹自從生完之後就好似生積咁
SEMI BUFFET就啱曬啦~~~~~

SEMI BUFFET 11點半開始
大家要留意啊!
我地早咗到係門口度已經見到放食物既長枱~~~~

職員都細心，見我地一家幾口大袋細袋
未夠鐘都俾我地坐住先
仲會通知我地幾時可以開始攞野食

有戶外位置
上次來到晚上坐滿人的啊!!!

對小朋友細心
有兒童餐具，會問小朋友雖要冷熱水

係未上主菜前先飲碗南瓜椰菜濃湯
南瓜味濃
唔太鹹
餐廳有麵包糠可以增加口感層次
落幾多自己揀

到沙律啦~~~~~
淨係沙律都至少有5~6選擇
大蝦木瓜沙律
呢個係信義妹經常添食的一個
大蝦爽脆無黑腸
木瓜清甜，配上西芹青瓜更有爽脆口感

豬頸肉柚子沙律
酸酸甜甜，帶陣陣青檸香氣
當中有西芹為豬頸肉的軟淋帶來口感的對比

長通粉沙律
長通粉軟硬度適中
沙律醬汁剛剛好
唔會太多搞到食醬唔係食粉咁

薯仔沙律
感覺不太糊口
有少少黑椒提升味覺

凱撒沙律
麵包糠、烟肉、沙律醬可以自由加
菜爽脆清新

法式凍肉拼盤
擺盤精緻，凍肉唔會太鹹
厚薄適中
夾麵包同吃就最好

巴馬火腿配鮮果沙律
巴馬火腿鹹香味濃
肉質軟滑
配上鮮果可以中和巴馬火腿的鹹香

烟三文魚
唔會過份鹹跟油
配上檸檬汁即刻FRESH 曬~
哈哈哈

食到主菜啦~~~
信義妹點今日燒烤
燒西冷
醬汁不太稠
淡淡燒汁香氣
鹹淡適中
西冷肉汁鮮味
配上西蘭花，車厘茄不會太膩
炸粗薯條，外脆肉軟

芝士海鮮濶條麵
配料夠多有蝦、魷魚、魚塊、蜆肉、燈籮椒
濶條麵烟韌度適中
芝士白汁夠CREAMY

甜品既選擇亦都唔少
有TIRAMISU、BROWNIE、CHEESE CAKE、奶凍、南瓜西米露、啫喱糖等
甜品唔會太甜，所以愛減肥既朋友可以食多兩啖啦

再唔夠仲有生果拼盤等梗你~~~~
喜歡BUFFET 同沙律既朋友就一定要試啦~~~~~