回復水平 ～財記～

係早年，因好幾次食到超失水準牛肺，牛筋，
唔止呢兩樣，基本上成間都好似失曬神咁，勁鹹，鹹到根本放唔入口。
連蠔仔米線，本身係大碗裝都變成細碗。
所以都有一段時間無幫襯。

隔咗成年，諗住試下啦！再衰既話，就真係無下次。

點知，今次比起之前嗰幾次好好多。
最少啲牛筋係放到入口鹹度適中，
魚旦就一般啦！無以前咁爽口彈牙，但都無最差既時候咁水。
米線，軟硬度適中，唔會好似之前咁一啲熟一啲唔熟。
整體都改善了！
不過我仲未食佢個蠔仔米線，如果仲係咁細就唔抵啦！

步行障礙賽 ~一田 x GUDETAMA~

近期同小卷參加咗商場活動
點會少咗小立嗰份呀~
所以就參加咗YATABABY x GUDETAMA 既步行障礙賽

我地係預定既時間到
排隊點點名先~~~

點完名就可以到一旁坐低等熱身啦~~~~
到時小立就要行到一半拎起蛋黃哥，再行到終點就得啦~~

熱好身就影張賽前相啦~

比賽係混亂中渡過
所有bb都唔知自己做梗乜
所有父母都係度駁命叫呢邊呢邊
哈哈哈
呢個經驗都幾好
大家都係笑聲中比賽

完成後，當組冠軍會進入決賽贏大奬
我地就唔係第一啦~~
小立行到一半行番轉頭搵六仔
(因為開始六仔係佢後面，信義妹係終點等小立。開始賽事之後六仔就係終點等小立，但小立無為意到六仔啦~~~~)

比賽後大會會派發證書同埋禮品包俾大家
證書

禮品包

小插曲
同組既爸爸媽媽對話
A爸爸 : 障礙賽呢?
A媽媽 : 拎起隻蛋黃哥咪係囉
A爸爸 : 咁有幾難呀
A媽媽 : 對佢地來講難架啦!你平時無湊你就咪咁多聲啦!
(爸爸頓時語失)
(比賽後)
A爸爸 : 哇!原來真係好難架
A媽媽 : 都叫你平時湊下架啦!aksdjfldgkjweotivndlfjk
(下刪一大段.........................)
信義妹唔好意思再聽啦....................哈哈哈

新春路路發~荃新天地~親子醒獅巡遊賀新歲

多謝荃新天地邀請，今次信義妹一家幾口有機會參加今次親子醒獅巡遊賀新歲。
收到邀請既時候，信義妹諗都唔諗就參加了
難得可以一家幾口一齊醒獅，點都要去試玩一下!!!!

講番當日先，
唔好話小卷興奮，連信義妹自己都特別興奮
早早就到咗會場
有好多好靚既獅頭啊!

差不多夠鐘大家就排隊入場啦!

進場後，工作人員會每隊(每家庭)派發一隻獅頭同一把美美的紅葵扇
還有金筆。
俾大家係紅葵扇上畫畫同寫祝福字句
係六仔同小卷設計梗既時候，
信義妹同小立就舞下獅頭先啦~~~~~

畫完紅葵扇，
小卷已經忍唔住自己狂舞

我地呢家好明顯地分咗大頭佛隊同醒獅隊

係出發巡遊前大會仲請了夏國璋龍獅團教授簡單的舞獅技巧

這個獅子咬尾做得不錯吧!!!!哈哈哈

大會仲請了蔡思貝做嘉賓呢

人山人海下都見到，證明好厲害啊!!!

我地係A隊，出發巡遊啦!!!

巡遊嗰陣，小立竟然訓咗...............
係大鑼大鼓下都訓到!!!!
盡得六仔同信義妹既真傳~

最後，大會仲發了證書同埋隨行既獅頭俾我地留念啊!!!!!

小花絮:
大家來睇下信義妹拗腰為的都係一張相

想睇下張相影出來係點或者想睇其他相就去我既
FACEBOOK: Yvonne Mami
PAGE: https://www.facebook.com/shunyeemui/
INSTAGRAM: https://www.instagram.com/shunyeemui/

**仲有唔知大家有無發現信義妹好多張相都係一家幾口入曬鏡呢~~~ 係因為信義妹帶咗隊強大後盾到場~~所以先有咁多靚相留念!
想睇下強大後盾就到其他連結睇下啦~~~~

#Citywalk試玩達人 

#親子醒獅巡遊賀新歲。

#荃新天地

#夏國璋龍獅團

#instamama #instababy #kids #toddlers #shunyeemui #信義妹 #成長紀錄 #motherhood #parenting #picoftheday #love #babygram #toddlergram #happykids #sisterhood

開心柴犬～東海堂～

見好一陣都無食過蛋糕啦！
就去買個蛋糕大家開心下啦！

去到東海堂，初初打算揀個士多啤梨

點知就俾呢隻柴犬吸引住～

爭扎一輪就決定係柴犬啦！

不過呢真係超超超甜。。。。。勁多糖皮。。。。。

蛋糕係什果餡，cream 亦相對較多

有少少黃色椰絲，作為柴犬的毛

造型可愛，不過就不太適合信義家口味啦！

但作為狗年應下節都開心既！

愛家愛到飛起~Citywalk 荃新天地~

 多謝荃新天地邀請，有機會帶住小卷去參加 "賀年家事大挑戰"活動
每張活動卷可以玩一次攤位遊戲

第一個遊戲
~~越食越FIT~~
玩前來個大合照先~~~~

職員好耐心講解
會以輕鬆手法跟小朋友溝通

呢個係要將啲餸砌番一模一樣既出來

職員亦都會有適當提示俾小朋友

砌好，就可以拎上枱影張靚相啦~~~

第二個
~~越瞓越YOUNG~~
好厲害呀!!!!可以係背景度扮瞓架~~
小卷影呢個既時候最開心~~~

呢個係要將亂咗既地方收拾好
有貼揮春、掛衫、執玩具

仲有鋁罐、廢紙、膠樽分類

執好就POSE~~~

第三個
~~越洗越RICH~~

呢個係身上貼咗六個波波~~前三後三~
要袋鼠跳將啲深淺色衫拎去分類

跟住就要幫手晾襪

之後就要狂跳跳跳
將身上既波波除去

每玩完一個就會有一印
儲夠三個就可以有個小襟章留念

除咗攤位，
仲有個"愛到飛起全家福"
大家可以去影張相啊~~~~

最後，我地都承諾愛家
大家都去玩玩啦~~~

 相關資料
「賀年家事大挑戰」遊戲小擂台
日期︰2月3日-2月25日 (逢星期六、日及公眾假期)
時間：1pm – 7pm
地點：荃新天地1期中庭
參加方法：憑1張活動券即可參加「賀年家事大挑戰」其中1項遊戲1次
*歡迎身高95cm以上之4-10歲小朋友參加

愛到飛起全家福 
日期︰ 2月14日-2月22日(年廿九至年初七)
時間：3pm – 7pm (2月14日活動時間為5pm-9pm)
地點：荃新天地1期中庭
參加方法：憑3張活動券即可拍攝家庭照1張

#愛家
#家務小達人
#荃新天地
#愛家愛到飛起
#賀年家事大挑戰

天然有機 ~The Plant Base 天然翠竹混合滋潤面霜~

信義妹當媽後用咩都小心
仲成日俾朋友笑，用樣野都好似驗屍咁驗
但信義妹成日都覺得驗屍咁驗無非都係想用得安心，親近小朋友既時候親得放心啫
小朋友仲細，好多時情到濃時就捉住塊面狂錫
搽係塊面既就更加要睇清楚

朋友介紹下就用The Plant Base 天然翠竹混合滋潤面霜

呢個面霜特別就特別在有分上下層
上層係26種天然油份，如
橄欖油、荷荷巴油、堅果油等
下層係23種精華，如
綠茶、乳木果、翠竹等
同時亦不加入乳化劑、香料、礦物油等有害物質
特別欣賞係ANIMAL TEST FREE!!!!

 用的日期正正寒流襲港既日子..............
真係乾過柴..............

BEFORE
因為天氣乾面上出現紅點加上少少脫皮

搽上面後
迅速吸收
質地清爽
大約5分鐘後，
油水比例亦相對提高了

AFTER
紅點消退了

連續使用的第3日
信義妹係每日早晚使用
比起第1日既使用前無咁乾啦~
當然要加緊改善~~

使用後的水份比第1日既提高多了
皮膚開始儲水了

連續第5日使用
水份比率比之前好多了
水份34% 油份23%

第5 天搽後更為理想
水份48% 油份32%

KEEP 住用的話，
我應該不久就可以回復水嫰肌啦~~~~

#ThePlantBaseHK
#天然翠竹混合滋潤面霜
#天然有機
#敏感肌
#純天然呵護

文章純粹個人意見及用後感，效果亦會因人而異，只供參考

東華的時候~千式~

呢篇多少都有點唔好意思................
因為...........信義妹想食既變得不美
對於完美主義者既我..............打擊了
所以相亦都無好好轉一下.............

本身想著黃梅果醬西餅而去千式買的
大家看看..............
唉....................都不似餅形
果醬全都散落..............
我都明白，買兩件好難俾個盒我
但姐姐.............你有必要將呢兩件餅起勢地塞入我袋包嗎?
令我想起東華籌款，塞得越多款項越高呢...............
最終悶悶下的心情食
內裡加插了一缺咖啡味的...........是正宗口味?還是千式獨有口味?
周邊奶油味道太重，有點太油的感覺

被塞入的包點.....................
叉燒包
皮都算薄，但餡略甜
餡算多，
蛋白蛋糕鬆軟，味道適中，不太甜

其實信義妹仲有買半打蛋撻
有信義媽愛吃的曲奇皮
呢間既好處係有曲皮同酥皮揀
曲奇皮香口
蛋不太甜
熱食最好食

大家可能奇怪信義妹點解唔叫住唔好塞..............
有叫...........不過人家聽唔到呢................
我又一拖二.............唔通同佢死過咩.................

地址:元朗青山公路222號

良莠不齊~囍慶~

又有新酒樓開啦~
有鑑於之前既不愉快經驗
所以今次揀間集團式既食啦~
反正都係新~~諗住集團式既應該都會正常啲啦~
結果...............真係信義妹諗多咗................

今次試晚巿邊爐
之前係科學園嗰間試過架啦~~~
都算唔錯~~~所以今次就再試下啦~
點知..................唉..................

同一個餐..............
擺盤....................真係完全唔吸睛.................
龍蝦...............
都叫鮮既..............
肉爽脆..........

海鮮拼盤...........分兩盤...........
一盤龍蝦一盤貝殼類
同樣既食物真係點擺盤都多少會影響
係咪應該要叫科學園那間既師傅教一教會好啲呢~
之前食既一上枱係哇哇聲架~~~擺得勁靚
家下見到只有啊~~~~咁囉~~~~

不過貝類無沙, 花甲清甜
係青口個殼唔夠乾淨
蠔就中規中距啦~
魚不是脆脘，只係普通魚片

呢個鮮牛滑係純綷唔合信義妹口味
因為信義妹一見就覺得佢係山竹牛肉的牛肉球料..................
不過食落口信義家其他人都覺得不錯
所以呢個只係信義妹覺得不太好啫

仲有魚卜，
不過限量供應，所以想試既就早啲去啦
信義妹想再叫多次既時候就已經無LU~

有一些配料可以自取既
出前一丁同烏冬
都係大家常食口味~
但係啲丸........信義妹無選擇食
一來信義妹對丸向來都挑剔
二來見到啲丸既樣子唔似合我胃口，避免浪費
所以無食~~~
但丸既選擇多樣化，丸精應該好開心~~~

有某些菜要係邊爐紙點，有啲可以自取
還有牛栢葉，豬粉腸，土魷，豬皮，鵝腸
鵝腸唔肥，夠彈牙，不錯啊!

飲品有酒類同汽水
酒有兩三款

汽水有百事，7UP，新奇士橙同新奇士CREAM SODA
UM..............信義妹飲唔慣新奇士CREAM SODA...............
我都係飲番玉泉既就好啦................

呢度有樣係科學園分店無的
就係軟雪糕
只有牛奶味

有雪糕筒或者杯俾你揀
亦可以自己加上TOPPINGS 不錯啊~

整體食物係可以的
但良莠不齊係指員工
行政合作亦見混亂
當一個帶梗我地埋位既時候
另一個又叫我地唔好行
如是者又行又唔行兩三次後，兩個職員鬧起上來
那一刻，我真係想問............要我地一家幾口企係度睇你地吵嗎?
我地被點來點去都未出聲，自己人就內哄啦?

到上菜啦
我地見同科學園既唔同就問啦
部長們衝到過來解釋
但無一個係聽問題既
科學園分店係連小童都會有一份細的海鮮
但呢間係無的
我地亦都只係想問一下，並唔係想討什麼
食飯，求開心咋，問下都唔得? 如果上少咗就等埋嗰份先一齊食，如果無既咪我地每人分均佢囉~~~
部長1號，小童要收錢架
(我地無話唔俾錢呀..........)
部長2號，海鮮拼盤陣間先有，食住冰鎮鮑魚先
(我地而家問係咪仲有一份細既小童未上，唔係食咩先呀............另外..........科學園係連冰鎮鮑魚都有小童一份)
部長3號，其他野來梗架啦，請等等
(咁係咪即係小童都有一份????)
梳ALL BACK四眼部長，總之係得咁多架啦，係架啦，係架啦~~
(呢個部長應得真係好，好到我有種想問佢，你而家想答咩?呢個部長對於我地問乜都係答係架啦係架啦!)
四個部長一齊衝過來，但無一個俾答案，亦都無一個聽問題

到樓面姐姐，你們工作一天應該都辛苦啦................
信義妹想要支湯勺啫..................你都呆咗望住我仲要我講三次，
搞到我都諗梗我想要嗰樣野係咪叫湯勺..............................
跟住請佢地加湯，就會回應你一句"加得湯多會鹹架，你加水啦!"
結果我地自己加湯囉~

最經典係我地點火鍋紙上不用加錢既食品
傳菜姐姐話佢分唔到碟牛要唔要加錢
但佢手頭上拎住張我地既火鍋紙，加錢既食品無剔，
只係不用加錢任食既牛有剔，
佢睇完一輪仲懷疑梗係咪要吸個加錢印
好，佢企到又搞到啲部長衝曬過來
梳ALL BACK四眼部長不加思索就想吸個加錢印，
唔係喝住都仲好似發梗夢咁
部長2號就正常啲，你都睇到張紙唔係剔加錢嗰欄，你做咩諗住要吸加錢印
(終於有個正常既答案!)
梳ALL BACK 四眼部長見到我地成枱都望住佢，就丟低一句，你地搞掂佢
真係有咁既服務態度

食飯求開心架啫
一班職員當啲客好似成日都想走你數咁既
係你地俾人走數走得多
定係你地錯得太多呀!!?!??!!?

同場加影
有好幾枱啲爐突然熄咗
職員搞完十分鐘都開唔番無人跟
齊齊燥底
又一輪部長潮衝去話叫佢地再等多十分鐘，俾多次機會個爐..................
有食客唔好意思都講句...............
而家你限時架................啱啱開始食就成日停，咁幾時先食得飽呀?

 信義妹既總結係.................
等呢度RUN 熟咗我先會再去..............................

地址:大圍顯徑村顯徑商場3樓301A號舖