食得開心

終於約到表哥食野,佢去左日本咁耐都無返黎,今次返黎緊係食大餐啦,當然選佢鍾意食既日本餐啦

首先，依度坐得好舒服，店員服務都唔錯,樣樣野都睇得出好有心做！

食物方便，首先叫左蕃茄沙律，好新鮮好好味，蕃茄仲好嫩，亦算鬆口,入面既沙律菜好吸引,個樣好特別，入口好有口感,應該係用靚野做出黎,有賣相有味道,配埋特飲一流

個巨峰提子特飲好好飲,好有味道,又唔會好甜,值得一讚

煙肉串燒都係推介之一，上枱時個仲滾緊，食落去煙肉味強，熱度剛剛好，一d都唔黏牙！

感覺依度既肉類都好有鮮味,所以每款都好好味！

而比我想像更性價比高，完全冇怪味！大條得黎好好咬口

總括黎講，價錢唔太貴，有心料理又可以比你坐耐d，絕對值得一試！

耳環集中地 ~ CODALAB ~

手飾，係女生既手飾箱永遠少一件。如果你係鐘意耳環既，今日就有個地方介紹你。
CODALAB 一入去只有壯觀同驚訝。整幅牆都係一格格放滿耳環，高貴，簡約，斯文，誇張款都有。不論你係邊類型既女生都會搵到啱你既選擇。

價錢由幾十蚊至百幾蚊都有，視乎咩款式。

店內除咗耳環，都會有少量髮飾可以選擇。

不過女生都係自己去或者約三五知己去就好啦～因為。。。。女生應該要逗留很久。。。。男生應該會悶一點吧！

Codalab Accessory
地址: 銅鑼灣軒尼詩道477號地鋪D
電話: 2851 9033
營業時間: 早上10:30 ~ 晚上 10:30

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

夏天去脂 ~ Unimat 雜莓燃脂果昔 ~

為食，係信義妹減肥失敗既致命。總係今日食埋聽日嗰餐，減肥行動一日推一日。歲月不饒人，信義妹個肚都天天長大。。。。所以信義妹有個夢想，就係可以邊食邊減肥~~~~

係時候執一執自己，等自己無咁似米芝蓮。搜尋下發現，原來益生菌和酵母菌可以促進腸道蠕動，從而幫助排毒，平時我地食乳酪、飲乳酸飲品都會有益生菌，另外自己身體都可以培養出黎，但要食好多乳酪，同埋自己身體培養益生菌都要好多時間。。。咁信義妹嘅減肥計劃點算呢？

正當煩梗既時候，朋友就介紹 日本製造 #Unimat 新出既Smoothie 3.0。佢可以增加飽肚感之餘，入面有超級乳酪 #克菲爾。話明係超級乳酪，佢含有好多種益生菌和酵母，無論數量及種類都比一般嘅乳酪多出好多倍，又有豐富嘅維他命及礦物質，為身體提供足夠營養。有咗佢，信義妹唔洗捱餓，都可以減肥+排毒，咁信義妹嘅夢想 - 邊食邊減肥咪可以實現囉

Unimat 既Smoothie 3.0 分別有兩種口味 - #雜莓燃脂果昔 和 #牛油果輕食果昔 。

#雜莓燃脂果昔
主要成份有促進血液循環、提升脂肪消耗的 #巴西莓 ; 擁有大量 #乳酸菌 和 酵母菌的克菲爾; 令人感覺飽肚的 #豆渣粉 ; 增添口感味覺的果肉。

#牛油果輕食果昔
重要成份有把體內毒素清除既 #綠球藻; 增加飽腹感、纖維豐富既 #牛油果; 增加口感、令大腦接收食梗野訊息既 #脆脆玄米 ; 有清宿便功效既 #奇亞籽 ; 抑制脂肪細胞，有大量乳酸菌和酵母菌既克菲爾。

信義妹先試雜莓燃脂果昔，一開袋就有一陣莓果味。初初開袋只見白色粉末，混入豆漿 （150ml ），瞬間變成美美的粉紅色。帶雜莓的酸甜，容易入口。以早餐計，信義妹飲一杯都有半飽啦～除咗用豆漿，可以用奶，水，乳酪架！一盒大約可以沖到14杯架啦！飲用大約一星期總結，排毒順暢咗，但唔係瀉，肚腩扁咗，我要繼續努力，配合埋運動變番條腰出來啊！

售價: $198 /盒 （屈臣氏有售）

更多產品資訊
www.unimatriken.com.hk

Facebook
www.facebook.com/Unimat.Smoothie

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

忙忘，忘不了 ~ 忘不了醒腦記憶力 ~

當媽忙，所以好多野都忘，唔想太早亡，就要諗諗計啦！

偶然間見到 #忘不了醒腦記憶力 ， 心想係你啦！日本製造，含有多種增強記憶成份。改善記憶，認知的銀杏葉; 促進神經健康的DHA 同EPA; 活化大腦運作的卵磷脂;幫助腦部抗氧化的法國海洋松樹皮; 增強腦部訊息傳達的磷脂酰絲氨酸PS*。

一盒有120粒，飽肚服，一日食4粒，一盒就足夠一個月份量架啦！適合想增強記憶力和關注腦部健康既人食架~臨床實證服用12星期後，記憶力，集中力及認知力明顯提高!

售價：$328/盒（萬寧有售）

*磷脂酰絲氨酸PS 能穿透腦部屏障，深入神經系統。研究指出係腦細胞膜及神經傳導因子的重要成份。

唔想成日忘，就要留意下面資訊啦！

更多產品資料
www.wasurerumonka.com
Facebook
www.facebook.com/Wasurerumonka

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

鹹香鬆脆

近年鹹蛋風盛行，除咗傳統既黃金蝦，黃金南瓜，都有創新菜式，黃金魚皮，黃金雞等等。
星嚼的麻辣鹹蛋無腦蝦頭和冬蔭功鹹蛋薯片聽好多朋友都話好食。今日難得路過，一於買來試下先。

麻辣鹹蛋無腦蝦頭
麻辣適中，雖然對嗜辣既信義妹還可以加啲辣，但對食小辣既朋友就應該剛剛好啦～鹹蛋味濃，而蝦頭鬆脆，混上麻辣，多重味道享受。

冬蔭功鹹蛋薯片
冬蔭功既酸辣剛剛到位，混上鹹蛋，好有fusion 菜的感覺。薯片薄而脆，啖啖鹹香。
喜愛辣同鹹蛋就要試下啦～

高濃度魚油DHA ~ 自然良坊 ~

有無偏食小朋友呀？信義妹有媽媽朋友就成日煩惱。。。因佢小朋友以keep fit 為己任，細細個就成日絕食。。。。即使廚神上身都搞唔掂。。。。唉～做父母雖然明白肥肥白白唔代表身體健康，但都想仔女，食得瞓得又痾得啦～

遇到相類似情況既你，可以考慮 #自然良坊 既 #智高魚油DHA 啦～ 新西蘭製造，採用先進技術提煉高純度深海魚油 #Omega-3 精華。材料均為頂級野生深海鮪魚（#吞拿魚），無添加人造色素。帶微微橙味，完全無腥味~

每粒智高魚油DHA 均有250毫克 #DHA 和 50毫克  #EPA。每日服用可以增強免疫力，改善過敏症狀。保護心臟，血管加強視力，改善記憶力。補充因偏食營養不足既情況。

6個月以上幼兒每日半粒至1粒，可以刺穿膠囊混入食物; 12歲以上每日1至2粒，食飽後食就得啦～

1樽有60粒，如果小朋友食，大人記得食埋個膠囊呀！
點解? 因為係膠原蛋白造架！每樽 $239，萬寧有售~

瘋狂入貨隨意門
https://www.naturalsquare-eshop.com/

專門店：旺角彌敦道760號聯合廣場30號B地下(太子港鐵站B2出口)

Facebook : 自然良坊 Natural Sqaure   www.Facebook.com/NaturalSquare

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

兩極無爭 ~ 味苑 ~

同朋友出街食飯最煩係食咩。。。。一個話愛辣，一個滴辣不沾。。。一個愛濃味，一個愛清淡。。。各有喜好，但往往不能一道菜討好兩邊。

今日信義妹就食咗間可以滿足兩極朋友的餐廳。

醉流心蛋併胡麻茄子塔
完全食唔到茄子既味，適合平時唔食茄子既人。流心蛋 配上黑魚子味道提昇。

上湯虎蝦鴛鴦底
虎蝦鮮甜彈牙，米粉煎成餅，夠香脆。怕熱氣上火?有伊麵底俾你揀。淋上醬汁加倍味美味。

潮爆鴛鴦咕嚕肉
一般既咕嚕肉就食得多，咕嚕肉都有鴛鴦就真係第一次。點鴛鴦法? 就係一邊用意大利陳醋整，一邊係新鮮山楂整既。外脆內軟，肉質帶鮮而不乾。醬汁緊緊附在肉上，唔會有多餘既醬汁停留係碟上。
而中間的裝飾更加係用麥牙糖制成，睇得又食得。

雙弄牛魔王
牛坑腩都可以有兩食，試過未? 平時好多時會係潮式粉麵食牛坑腩。今日試到兩款不同口味，有酥炸牛坑腩和胡椒燴牛坑腩。喜歡香脆可口的就梗係酥炸啦～外脆內軟，入口不油，軟綿令到老人家細路都食到。胡椒燴牛坑腩唔會因為胡椒味而搶咗牛本身香味，配搭得宜。

羊肚菌螺頭燉豬展
足料燉湯，平時早出晚歸，無飯家庭點少得湯水滋潤一下呢～ 湯頭清，味道濃。

太極骨香海星班
如果你家人或朋友都係兩極，嗜辣同滴辣不沾。呢個就能付合雙方要求啦～唔駛打大交，辣既香脆味濃，唔辣既抄班球香滑。

鮮魚湯黑杞子浸時蔬
對比之前既菜式清，魚湯浸菜，配合得宜。

松露鮑魚一口飯
精緻菜式，鮑魚勁大隻啊～ 夠淋又香滑，松露配上鮑魚加倍提鮮。一口飯炒得夠乾身，味唔會太濃，帶有嫰滑雞肉。

味苑鴛鴦走地雞
豉油雞，白切雞，雙拼一齊上。喜歡濃味多鹹就揀豉油雞啦～喜歡食雞既鮮就揀白切雞啦～

最後一定要試巧手功夫甜品，
桂花豆腐
淨係賣相都已經留下深刻印象。香滑甜蜜，為一餐作一個完美的句號。

下次要同屋企人食先得~

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/

香氣淨化 ~ Jayanti 賽媞雅 ~

上回提到信義妹到咗Jayanti 做Bio well 氣場分析，無誤地測出信義妹尾龍骨，骶骨的痛症。分析師就建議不同的產品改善現狀。 首先用 #海底輪精油 每日搽患處，即時係有舒緩作用，兩三日後就明顯痛少咗。

海底輪精油 含有天然絲柏，乳香，玫瑰天竺葵精油。聞落芳香，深深聞一下都唔會嗆到。同時唔駛擔心要自己再用基底油調，已經用咗滲透力強既荷荷巴油調好，直接倒出來使用就可以啦～功效都相當多，為用者叉叉電，趕走疲倦。改善腸臟蠕動，提升行動力等等。信義妹就會係朝早搽一次，每次3至5滴。係手心搓至微溫再輕柔患處。

#有機淨化注氧面膜

主要成份有可以深層淨化肌膚，清除污垢的高嶺土，粉紅石泥; 再有抗炎修復和令 肌膚再生的蘆薈啫喱。洗乾淨塊面，用前記得搖勻，就可以敷上面架啦～淡淡的紅色，加上蘆薈啫喱，敷大約5至10分鐘就可以洗得啦～洗完唔會好似一般泥面膜咁乾，洗既時候輕輕按摩幾下，更能將污垢推埋出來。

#有機淨化注氧精華

含有能刺激皮膚細胞增生，增加皮膚彈性的猴麵包樹油和抗炎修復的蘆薈啫喱，主要針對水油失衝，可以收細毛孔，令皮膚回復光滑細緻。唧出來微黃色，帶淡淡微香不刺鼻。初初諗住有油應該會好黏，但輕易推開，質地清爽，滲透力迅速。無負擔感覺超爽！

Jayanti 的產品全部都係意大利製造，有機認証，不含人造色素，防腐劑，石油製品。拒用動物測試，而包裝物料全用環保物料，綠色生活由細微開始。

信義藍星札記

Facebook Page

https://www.facebook.com/IncredibleShunyeemui/

Instagram

https://www.instagram.com/IncredibleShunyeemui/