信義藍星扎記: 5月 2016

2016年5月22日星期日

主題餐廳~船長意法日餐廳~

最近信義家附近有新餐廳開
就試試看吧
初初只以為只有名，室內裝修都係一般餐廳裝修

但原來室內裝修都有很多船的擺設

吊燈、牆飾，杯都會令人有一種船跟海洋的感覺

點菜的方式係客人寫低餐牌號碼

咁大家都一目了然點咗幾多野啦

先來兩杯飲品

差不多每枱必叫

忌廉奶茶紅豆冰冰$22

奶同茶的比例剛剛好，茶香奶滑

紅豆不會過甜

味道適中

如果平時嗜甜的朋友就應該覺得偏淡

柑桔生薑蜜$18

柑桔味濃，帶少少生薑的辣味

係一個好的嚐試

甜味適中不會蓋過柑桔同生薑的真味

羅馬人什菜湯$16

並不是平時湯碗盛裝

是用有螺造型的碗

味道偏濃，比想像中鹹少少

但份量足夠

田園素菜烤PIZZA $33

PIZZA 二人份量剛剛好

粟米、磨菇、西蘭花、車厘茄

芝士充足，最適合愛芝士的信義妹

餅底厚度適中，不會太乾身，餅邊有少少脆

船長龍蝦汁鮮意式燴珍珠飯$68

餐廳其中一款招牌菜

有魚、蝦、蟹、青口、蜆、魷魚

海鮮盛宴般上桌

濃濃的龍蝦汁沾滿每一顆飯粒

如果有芝士粉的配搭，就成為絶配

海鮮味濃，但不會過鹹，好好把海鮮的鮮味帶出來

餐廳另外還有烏冬、鰻魚飯等選擇

當天我地六點半到都差不多滿座

所以想食的朋友記得要早點到啊!!!

地址：元朗西菁街１０號好順泰大廈地下３０號舖

漫聚~曼克頓餐廳~

跟友難得一見
就挑一間滿浪漫的地方吧
雖然兩女子來一個浪漫的地方好似比較少有
但浪漫的地方應該不會隨便趕客
好讓我地慢慢傾~~

挑了大家都就腳曼克頓餐廳
一入到餐廳
就俾曼克頓夜景迷上了
餐廳環境有分室內跟室外
室內環境不算太暗
光線充足
室外多為客人把酒談歡

店員細心

一個要熱水，一個要暖水都招呼週到

朋友想食蠔

呢個亦都係揀呢間既原因

餐廳每天都會挑時令生蠔

法國黃金蠔

CREAMY，帶少少甜味，帶淡淡海水味

澳洲哥芬灣蠔

海水味濃，爽脆，清甜

我倆向來都喜歡原汁原味

所以隨碟上的蠔醬都不多用

只試了少少

蠔醬

微辣，帶少少蕃茄的甜味，味道偏淡

與蠔一齊食不會搶掉蠔的鮮味

食完蠔就食主菜

生蟲的兩個................點了個

雜錦頭盤$128

**BUFFALO WINGS

雞翼皮脆肉嫰，醬汁帶少少酸酸辣辣

再沾上BLUE CHEESE SAUCE

味覺多重享受

**墨西哥芝士烤雞柳

薄餅香脆

雞柳軟滑

如果芝士多一點會更好

不沾醬的話，味道會偏淡一點

**脆薯皮

烟肉同薯皮都脆口

有食薯片的感覺

主菜來啦~~

新奧爾良海鮮飯$158

質感軟稔帶少少韌的口感

味道濃郁，有濃濃的海鮮味

不會過鹹

而海鮮都有多種，魚、蝦、魷魚等

扒皇帝大蝦$228

無改錯名，好大隻蝦

蝦肉爽脆，少少調味已經帶出鮮甜

甜品向來都係女人第二個胃

食完咁多野都會再點一個心太軟

朱古力心太軟$72

朱古力味特濃

流心不會太甜

外面脆脆的蛋糕沾著流心

口感一流

店員亦因應我們要求

雪糕分開上

雲尼拿味雪糕

淡淡的清香

與心太軟一冷一熱的對比下有多重口感刺激味蕾

總結，店員都細心有禮

環境浪漫

地址：觀塘觀塘道４１４號１亞太中心(ＯＰＣ) 3 樓303號舖

2016年5月17日星期二

首選午巿~老表雲吞麵~

而家自己煮又貴，出街食又貴
除咗自己既人平唔多貴.....................
唯有搵啲大件夾抵食既食啦~

大圍自從有間雲吞麵結業後
老表都加價了
今日放假買野就順便再去食下啦~

雲吞河~~~
唔知係咪今日太肚餓呢~
好似唔係好夠咁既
定係真係份量細咗呢?
不過以午飯來講都還可以啦
男仔就應該要雙拼或者加底了
$23 單拼
雲吞仲大大粒
味道又不差就不能要求份量超大囉~~~~~

2016年5月16日星期一

抵食小食之選~龍津美食~

香港食店除了好味會多人排隊
就係夠抵食先會大排長龍
龍津就係其中之一啦
大圍都有分店啦~

$15就有一碗細牛雜
份量都不少
味道濃但不太鹹
不過我比較喜歡較稔身的
蘿白清甜
都不錯啊~

$10 魚旦
就有咁多
真係唔止小食咁簡單

兩樣都有分辣同唔辣
辣度對我來講只屬微辣
如果有勁辣揀就更好啦~

2016年5月11日星期三

抵食下午茶~炑八~

媽媽節趁信義媽要夜啲先可以慶祝
我地就一家三口走出去行個圈先啦
之前有朋友提過炑八的TEA SET 抵食 $48
今次就去試下啦
哇~~~一去到人山人海
好彩我地叫早到，所以都唔駛等好耐就有位啦

坐低就已經有檸檬水準備好幫你消消悶熱的天氣

我地都快手揀好野食
前菜就送上啦~~
有涼伴海帶，酸酸鹹鹹的好開胃

泡菜，帶強烈的辣味，刺激味蕾，鹹味適中

韓式清湯，濃淡得宜，不會太鹹令到要不停飲水

韓式迷你熱狗
內裡有香腸，外面有一層薄薄的麵包包住
配埋茄汁同芥辣可以同腸仔的鹹中和
熱呼呼地放入口，正呀

另外，我地都有加$10加小食
芝士粟米
有勁多芝士~~芝士迷必選
係濃郁芝味下配上清甜粟米

基本上女仔食到呢到應該都飽架啦
所以大家叫野食嗰陣記得睇住自己個胃有幾大
主菜上啦~
叫咗石頭雞肉飯
醬汁會另上，所以喜歡鹹或淡的朋友可以自己調節
仲有飯焦可以食，證明石窩夠一定既熱度　　

仲有另一個係海鮮煎蔥餅
有魷魚，蔥同少許辣椒
如果只食蔥餅，味道偏淡，但食到陣陣蔥香

配埋醬汁就味道剛好
醬汁帶酸酸鹹鹹
如果可以加多少少辣就更好啦~~~

我地仲加了飲品
士多啤梨梳打，菠蘿梳打
賣相討好，有生果在內，唔會只係得色同味
士多啤梨唔會似藥水味
不過我叫咗少冰所以對我來講就甜咗少少
菠蘿梳打，酸酸的確實開胃

女人對於甜品係有第二個胃既
最後都點了宇治金時冰沬$62
冰沬入口即融，配上鍊奶加添了多一種甜味
紅豆蓉味道濃郁，不會太甜
綠茶粉味道清香正正可以中和當中的甜味
又可以添加多一種味道

整體評價都不錯
大時大節店員都有禮相待
見到忙到暈仍然保持笑容

埋單$196
算不錯吧~~~~

2016年5月3日星期二

拖肥迷之選~EXPRESS BAR BY LASSANA~

信義爸生日今年就唔揀個梗有一間係你左近既蛋糕啦
試下新野啦~
其實係滿足下信義妹想試，又可以搵個借口食~~~哈哈哈
就揀咗CARAMEL MOUSSE CAKE $138

但大家如果有興趣試的話記得要早幾日打去訂呀~
一打開盒就已經有濃濃的焦糖味撲鼻

這個蛋糕的好處係好企身
切開唔會搞到爛曬
層次分明
最外層是淡淡焦糖外膜包著整個蛋糕
這層不太甜

到白色那層就似法式燉蛋的味道
甜絲絲的~~但沒有焦糖的味，有蛋的香味，所以相對淡一點

半圓見到的就有濃烈的拖肥糖味
愛拖肥之人就一定會愛上

到尾二深色的是濃濃的咖啡啫喱
正正可以同拖肥的甜做成一個強烈的對比

最底層的蛋糕有少少咖啡脆脆
不會太甜

如果幾層一齊食就可以帶來多種甜苦滑軟的口感同味覺享受

蛋糕4.5寸
一家幾口作為飯後甜品份量剛剛好
唔駛驚食淨搵位雪啦~~~哈哈

地址：觀塘偉業街223號宏利金融中心1樓2號舖

細心潔淨~九重鮮~

九重鮮終於係巿區都有分店啦
之前一直係大坑那邊，對於住新界的信義妹多少都不太方便
而家黃埔都有就方便好多啦
所以就搵人一齊去食下先~

一入門口就已經有一種光猛鮮明的感覺
中間有長枱可以俾大棚人一齊享用
牆上分別有靚靚既牆飾，大家去到可以留意一下啊

坐低之後醬汁同前菜亦火速送上
醬汁左起：梅醬、豉油、辣醬　　　　

前菜有沙律，泡菜，小銀魚
沙律：有沙律菜，豆，生果，跟沙律醬混合後酸酸甜甜很開胃啊！

小銀魚：帶少少甜，脆身香口，佐酒一流
泡菜：不太辣、容易入口、不會偏鹹

我地就食店員介紹的首爾塔
兩個人的份量會係五層塔
而湯底就選了韓式豬手湯
店員來到前會先將湯底既材料放最底層
等湯底可以吸收海鮮各樣的精華
塔來了～～～～～
原來個塔蓋係會係天花自己慢慢降落來架
我地仲好似兩個大鄉里咁哇哇聲~~
哈哈~
店員會好細心解釋幾時食得，內裡的食材
仲有大家見到個塔蓋係會從天吊下來架
到支針去到90度嗰陣，一拎開，個蓋又會自己吊番上去天花架啦~~~

店員之前有講過每層最適合既時間會係5分鐘
隔離會有個漏斗俾你計住食
但如果大家唔夠時間，又怕海鮮太老既話
佢地都會有個保溫器俾你，可以KEEP 到半小時
呢啲完全係細心，耐心既服務
老實....................信義妹食海鮮係食得慢，咁樣我就唔駛好似俾人催命符咁食咗乜落肚都唔知啦
另外佢地每張枱隔離都會有張枱仔放個細既垃圾筒、水同埋先前提到既保溫器
店員會定時定候收走一啲殼架
咁大家又唔會搞到自己一碗一碟都係殼
乾淨企理，又唔會影響大家食野既進度
而枱仔下面仲有位俾你放袋
唔夠擺點算? 店員會好細心咁俾個有蓋既箱放係你椅下面等你唔洗一袋二袋攬住食