之前一直係大坑那邊，對於住新界的信義妹多少都不太方便
而家黃埔都有就方便好多啦
所以就搵人一齊去食下先~
一入門口就已經有一種光猛鮮明的感覺
中間有長枱可以俾大棚人一齊享用
牆上分別有靚靚既牆飾，大家去到可以留意一下啊
醬汁左起：梅醬、豉油、辣醬
沙律：有沙律菜，豆，生果，跟沙律醬混合後酸酸甜甜很開胃啊！
泡菜：不太辣、容易入口、不會偏鹹
兩個人的份量會係五層塔
而湯底就選了韓式豬手湯
店員來到前會先將湯底既材料放最底層
等湯底可以吸收海鮮各樣的精華
塔來了～～～～～
原來個塔蓋係會係天花自己慢慢降落來架
我地仲好似兩個大鄉里咁哇哇聲~~
哈哈~
店員會好細心解釋幾時食得，內裡的食材
仲有大家見到個塔蓋係會從天吊下來架
到支針去到90度嗰陣，一拎開，個蓋又會自己吊番上去天花架啦~~~
隔離會有個漏斗俾你計住食
但如果大家唔夠時間，又怕海鮮太老既話
佢地都會有個保溫器俾你，可以KEEP 到半小時
呢啲完全係細心，耐心既服務
老實....................信義妹食海鮮係食得慢，咁樣我就唔駛好似俾人催命符咁食咗乜落肚都唔知啦
另外佢地每張枱隔離都會有張枱仔放個細既垃圾筒、水同埋先前提到既保溫器
店員會定時定候收走一啲殼架
咁大家又唔會搞到自己一碗一碟都係殼
乾淨企理，又唔會影響大家食野既進度
而枱仔下面仲有位俾你放袋
唔夠擺點算? 店員會好細心咁俾個有蓋既箱放係你椅下面等你唔洗一袋二袋攬住食
每一層都會有不同的蔬菜，唔會怕淨係得海鮮，有營選擇~
第一層
有蟶子、象拔蚌、韮菜、車厘茄、勝瓜、菇
蟶子同象拔蚌會先同你分開兩件至四件，等女仔唔駛食得狼狽
我地喜歡先食海鮮的原味，再試下沾醬的味道
完全唔沾醬都食都無問題，鮮甜肥美
其他蔬菜亦都無任何添加調味，喜濃味的可以沾豉油
第二層
有海蝦、元貝、金菇
元貝亦都是超大，另一窩心係元貝的黑腸已除，所以可以大啖大啖食
同埋元貝殼的底亦被洗得潔淨
唔駛擔心因為唔乾淨到最後食粥既時候會腸胃不適
海蝦就隻隻帶膏
兩個人每人都有三隻，份量都不少呀
有北寄貝、花尾龍躉、秀珍菇
北寄貝鮮甜爽脆
龍躉肉質厚滑，唔會好似出面既用粉整到滑
有沙巴肉蟹、大花蛤、木瓜、菇
蟹肉結實，味帶濃濃的海水味，唔會得個殼
唔會有沙，隻隻都新鮮
有蝴蝶蚌、鮑魚、海螺、粟米、南瓜、蕃薯、娃娃菜、 白蘿蔔、鮮冬菇
南瓜跟蕃薯盡對無因為佢地係配角而失色，超甜，食完都想再來一個~~~
除咗豬手，裡面仲有蜆同年糕
唔洗講一定係最鮮味，集合各海鮮之大成
豬手都夠淋唔駛再額外煮多陣
當我地食蟹的時候，店員火速遞上用具，方便食用
物超所值
下次決定要一家大細再去多次
地址：紅磡黃埔花園１１期地下Ｇ２６號
沒有留言:
張貼留言