同朋友出街食飯最煩係食咩。。。。一個話愛辣，一個滴辣不沾。。。一個愛濃味，一個愛清淡。。。各有喜好，但往往不能一道菜討好兩邊。
完全食唔到茄子既味，適合平時唔食茄子既人。流心蛋 配上黑魚子味道提昇。
虎蝦鮮甜彈牙，米粉煎成餅，夠香脆。怕熱氣上火?有伊麵底俾你揀。淋上醬汁加倍味美味。
一般既咕嚕肉就食得多，咕嚕肉都有鴛鴦就真係第一次。點鴛鴦法? 就係一邊用意大利陳醋整，一邊係新鮮山楂整既。外脆內軟，肉質帶鮮而不乾。醬汁緊緊附在肉上，唔會有多餘既醬汁停留係碟上。
而中間的裝飾更加係用麥牙糖制成，睇得又食得。
牛坑腩都可以有兩食，試過未? 平時好多時會係潮式粉麵食牛坑腩。今日試到兩款不同口味，有酥炸牛坑腩和胡椒燴牛坑腩。喜歡香脆可口的就梗係酥炸啦～外脆內軟，入口不油，軟綿令到老人家細路都食到。胡椒燴牛坑腩唔會因為胡椒味而搶咗牛本身香味，配搭得宜。
足料燉湯，平時早出晚歸，無飯家庭點少得湯水滋潤一下呢～ 湯頭清，味道濃。
如果你家人或朋友都係兩極，嗜辣同滴辣不沾。呢個就能付合雙方要求啦～唔駛打大交，辣既香脆味濃，唔辣既抄班球香滑。
對比之前既菜式清，魚湯浸菜，配合得宜。
松露鮑魚一口飯
精緻菜式，鮑魚勁大隻啊～ 夠淋又香滑，松露配上鮑魚加倍提鮮。一口飯炒得夠乾身，味唔會太濃，帶有嫰滑雞肉。
豉油雞，白切雞，雙拼一齊上。喜歡濃味多鹹就揀豉油雞啦～喜歡食雞既鮮就揀白切雞啦～
桂花豆腐
淨係賣相都已經留下深刻印象。香滑甜蜜，為一餐作一個完美的句號。
下次要同屋企人食先得~
信義藍星札記
Facebook Page
Instagram
沒有留言:
張貼留言