2019年8月16日 星期五

談心勝地 ~ Time Park Lounge ~


而家舖租貴,餐廳好多時將枱迫到密一密。有時講下心底話都擔心搔擾到隔離。

但呢度就唔會啦~~~枱與枱之間有一定既空間, 大家可以暢所欲言。

整間餐廳都以外國風格為主, 牆上壁畫更可以瘋狂打卡。

餐廳內有不同特式擺設,更有遊戲俾大家玩。

叫咗兩個set dinner 額外加咗一客雜錦小食拼盤,每個set 都會跟湯,沙律,甜品。


餐湯和沙律會係餐廳精選
南瓜濃湯
香甜味濃,順滑,唔會有顆粒。

沙律
沙律菜無苦澀味,醬汁份量剛剛好。醬汁味道酸味適中,正正可以好開胃。

海膽汁燴墨魚仔
呢個前似一杯飲品多過食物,高腳杯配上醬汁加沙律菜,視覺美感加分。墨魚仔爽口彈牙,沾上海膽汁更為提鮮。

自家制蟹肉脆燒賣
炸燒賣就食得多,脆燒賣就第一次試。脆脆的薄皮,配上鮮甜蟹肉,三文魚籽,格外鮮味。

燒西班牙黑毛豬 $238
黑毛豬充滿肉汁,嫰滑,配上鮮果醬汁令到味覺提昇。

海鱸魚柳配海鮮忌廉汁 $199
海鱸魚柳外脆內軟,皮帶少少鹹味,混上魚肉,味道剛好~

雜錦小食拼盤 $98
拼盤有3樣, 水牛雞翼,炸魷魚,炸薯角
水牛雞翼,醬汁帶甜,感覺唔到辣(信義妹係嗜辣的,味覺不能作準),皮脆肉嫰。
炸魷魚,鮮!唔會有厚厚既脆漿,唔會似食橡筋。又軟又鮮。
炸薯條,脆皮比平常食到既厚,但內裡並無乾曬。仲會係軟軟的~
醬汁除咗有茄汁,仲有祕制香草醬汁。信義妹勁喜歡香草醬,配炸物令到味覺更清新。

甜品上啦~一啖一口剛剛好,朱古力味濃。

下次想食肉眼扒呀~

沒有留言:

張貼留言