鹹香鬆脆

近年鹹蛋風盛行，除咗傳統既黃金蝦，黃金南瓜，都有創新菜式，黃金魚皮，黃金雞等等。
星嚼的麻辣鹹蛋無腦蝦頭和冬蔭功鹹蛋薯片聽好多朋友都話好食。今日難得路過，一於買來試下先。

麻辣鹹蛋無腦蝦頭
麻辣適中，雖然對嗜辣既信義妹還可以加啲辣，但對食小辣既朋友就應該剛剛好啦～鹹蛋味濃，而蝦頭鬆脆，混上麻辣，多重味道享受。

冬蔭功鹹蛋薯片
冬蔭功既酸辣剛剛到位，混上鹹蛋，好有fusion 菜的感覺。薯片薄而脆，啖啖鹹香。
喜愛辣同鹹蛋就要試下啦～