驚驚的~6週~

來到6週
除咗由5週開始有點兒不適，其他還好啦
好多人都話第一胎辛苦，第二胎舒適
我覺得係因為陀咗第一胎有經驗
知道自己聞到咩會嘔，係咩情況下會暈
係知道第二胎一開始已有防範咪舒適囉~~~~
今次六仔一知道就已經碌去買定啲防範措施
所以我TOUCHWOOD到6週都叫可以啦

但可以還可以....................
點估到會突然見紅流啡呢.....................
唉......六仔唯有嗱嗱聲同我去醫院啦

去到醫院急症室......................
今晚醫務人員辛苦啦................
孕婦都要等六小時..........................
(陀小卷係另一間醫院係半小時內見醫生，兩小時內必定可以走)
六小時後，信義妹終於都見醫生啦
醫生表示要多休息
再作觀察
如果再有流啡見紅，都係再入院較好
加上小立亦比預期的細一週多，所以要覆診
聽到再流啡見紅不可怕
聽到小立比預期的細一週多才最驚

最後，我係有得抖就抖當自己廢人一樣
有得食，食得落就食
可惜的是我每次只有胃口食兩啖......................................

平安的~5週~

來到5週終於係一星期紅D 綠D 都穩定地變深了
終於都有勇氣去搵醫生拎證明
可能陀過小卷既關係，今次都相對淡定
走到醫生那裡....................

醫生：你真係有呀！
信義妹：係
醫生：咁你想點呀？
信義妹：麻煩你俾證明我要去醫院證記
（其實搵得你梗係想搵你俾證明架啦，唔係你覺得我搵你做咩呢？醫生？？）
醫生：咁即係你去政府生呀？
信義妹：係呀
（我搵你，係叫你俾證明，我去政府定私家其實都唔係好關你事，我睇你啲CERT無一張係婦產科架喎。。。。。咁係咪你近期進修梗想拉客？？？？？）
醫生：咁你政府生就要寫信俾你去啦
信義妹：麻煩你醫生
醫生：咁無野啦
信義妹：麻煩你寫埋我幾時預產期呀
醫生：乜要寫既咩！！？！？！
（我諗我係咪入錯店。。。。。。點解好似搵著個替更既咁呢？？？？）
跟住醫生先嫌麻煩咁拎起張俄儸斯輪盤轉轉下咁查下我幾時預產
醫生既臉色多少有點兒不悅
唔知係咪因為唔識得查俄儸斯輪盤啦
信義妹：同埋我要一式兩份
醫生：下？
信義妹：因為公司要正本，醫院都要正本
醫生：點解你公司都要正本？
信義妹：我都想知點解佢一定要正本，但係你可以查番我上一胎都係係你地呢度拎證明，我之後都係要番來叫你地另一位醫生PRINT多張俾我交番公司
醫生：咁即係一模一樣就得啦？
（我之前唔係講咗話要一式兩份咩？？？？醫生。。。。。。。係你聽唔清楚，定係我講唔清楚呀！？！？！）
信義妹：係呀～唔該醫生
其實。。。。。。我俾三百幾四百蚊。。。。。。問你拎多張一模一樣都應該唔係好過份啫。。。。。。。定係我要加錢拎多張.............你直接話我知啦................

神奇的~4週~

自從愛與痛的邊緣後，就不敢提早偷偷驗
免得一場歡喜一場空
但今個CYCLE就好似有感應的一樣
很想很想驗，好似同自己講今次一定成功一樣
好就試一次吧

喜出望外，紅D 綠D 都有反應
只可以講但求不斷加深
加油呀!!!!!
爸爸媽媽等你啊!!!!!

又到改胎名時間

識得耐既朋友都知小卷點解會叫小卷啦
但對信義妹來講，第二胎的胎名就一直在想想想
(事源我地一開始都想行二胎政策，對小卷可以話有個伴一齊成長，二來，我都擔心將來我兩老有咩問題，唔駛小卷一個人一力承擔。又或者將來我老掉牙的時候，會嘮叼不停，小卷總有個可相依的傾訴一下)
因為我好似想不到更好的，又有意思的名
始終覺得臘腸卷是最好的
有朋友好早就提議叫小小卷
但我又覺得好似欠缺多少誠意
大既叫小卷，細既叫小小卷........如果有幸再生多個咪要叫小小小卷~~~~
哈哈哈~~~

到某一日，信義妹跟六仔又談及呢個話題
信義妹突然就話不如叫小臘啦
六仔就覺得一般既
但總比朋友提議既小小卷來得好一點

最終點解會變成小立呢?
因為於立春既月份我地與小立相遇，
我地相信這種緣份難能可貴
所以就將小臘改為小立

其實有朋友聽完覺得有點兒怪
佢地好多問完叫咩呀，就靜咗...............
但我又真係諗唔到再有更好的啦~~~~~

令人懷念的~CASA FINA~

CASA FINA~ 同六仔拍拖的時候就已經到過
那次是慶祝信義妹生日呢~
不過再跟六仔提起的時候，六仔只記得去過同好食......................
完全唔記得是慶祝信義妹生日~

今次再來是同友人閉關前聚會
就揀間私隱度高一點地方濶一點的吧
場地燈光浪漫，情侶，朋友聚會都倍感舒適

先來個湯先~
黑松露什菌忌廉湯 $88
味道濃郁，喜愛菇菌跟黑松露的人必定最愛
湯既CREAMY 又有菇菌的咬口　

蒜蓉包香脆可口，牛油味濃

虎蝦阿拉斯加蟹肉龍蝦汁長通粉 $208
蝦夠大夠爽
蟹肉份量都夠，唔駛搵都食到，哈哈哈
長通粉就軟硬程度適中
到整個菜既靈魂，醬汁
龍蝦汁緊緊地掛係長通粉同蝦上
每食一啖都食到濃濃的醬汁
味道不會過鹹或者醬汁太薄身
CREAMY的口感完全符合我的口味

北海道帶子墨魚汁意大利飯 $198
呢個食得要比較有儀態，唔係就一咀黑色咁同人傾計架啦~~~
帶子大隻內裡鮮甜
微微煎過的面帶來濃郁的帶子焦香味道
飯上舖滿芝士，令到個飯更加濃郁
墨魚汁不會過鹹有陣陣的海水味
醬汁不會太稀，稠稠的令到每粒飯都沾上汁
飯帶煙韌

香煎智利鱸魚配菠菜汁 $348
魚一啲都唔腥
魚皮脆口，魚肉鮮嫰，做成兩種不同的口感
既香口又帶少少鹹
伴菜亦都唔失色，燒到外脆內軟，瓜汁緊緊鎖住

露絲瑪莉燒原隻去骨春雞 $298
燒雞比我的印象會係又鹹又唔夠滑
但呢度既燒雞完全有一個極好的印象
皮脆肉更滑，皮又不會過鹹
有微量的香料跟鹹味
伴菜的蒜加埋來食就更能豐富味覺　　　

朱古力心太軟 $88
女仔永遠都有第二個胃放甜品
朱古力心太軟永遠都能得到女仔既歡心
淨係見到擺位都夠精緻
淨係睇都覺得開心

濃濃朱古力流心跟外邊的脆口蛋糕做成對比
加埋雲尼拿雪糕，一入口，多重口感
唔同甜既程度，一次過品嘗

一個美好的甜品為今次聚會劃上完美的句號
下次再來的時候
信義妹要再試下蠔，今次閉關前唔食得，唯有忍下口啦!　　

BRUNCH ~OCIO~

約朋友交收，本身諗住食個TEA，歎下CAKE

點知朋友今日餓底，搞到變咗好似食brunch 咁~~~哈哈哈

OCIO 早在旺角店已經想食

但一直未搵到朋友一齊去

而家係大圍有就唔駛走咁遠啦~~~~

所以就一於去試下!

地點唔算難搵，由火車站集合行去餐廳都係5~10分鐘
地方雖然唔太大，但坐位唔迫，講秘密都唔驚俾隔離聽到~

講番食物，由於朋友今日餓底所以就點咗個

奧斯滋味早餐 (ALL DAY BREAKFAST) $93
份量絶對唔少，女仔如果唔係食量大的話就真係搵人SHARE 會好啲
多士係厚切，有少量牛油，外脆內軟加上茄汁豆味道不錯啊
薯條係粗身薯條，同樣是熱辣辣，不太油，有少少鹹味
滑蛋夠滑，不過我就覺得流汁較多，不太適合個人口味
炸雞味道不會太濃，軟軟的，如果唔係用麵包糠炸就更好啦
有蕃茄跟沙律菜可減低炸雞的油膩感

芝士肉醬千層麵 $69
有勁多芝士，芝士控必選
肉跟麵無因為多芝士變得過鹹
鹹味跟蕃茄既微酸增加食慾
最吸睛的都係有靚靚花碟
信義妹跟朋友一見到就已經大讚集碟好靚

兩個都叫了餐飲
泡沬咖啡
泡沬幼滑值得回味，咖啡味香濃

熱朱古力
雖然普通飲品，但都有靚靚拉花

食完就叫了朱古力香蕉班戟 $59
有勁多朱古力醬
班戟內的慕士又不太甜加上片片杏仁脆片
為口感帶來多種層次

另外再加了杯蜜桃紅茶
這個有點兒普通只係茶包沖出來
不過都為這餐作最後清清味蕾

TEA 的時間去餐廳不算太多人，
但有一定既顧客幫襯
所以大家想去的時候都要留意一下時間啊!

創意手卷~SNAPSY~

自從大圍食神消失之後，大家都開始估係真消失定假消失
不過有幾間新店於食神位置開了之後，
似乎一眾大圍友都高呼叫好
今晚就試試其中一間叫SNAPSY 先
紫菜蟹柳粟米班戟 $25
雖然個班戟皮有少少厚
味道滿意，醬不太多
但係饀料就少了一點點　

海南雞飯手卷
手卷細細味道層次豐富
雞醬的鹹甜酸辣都齊備
再配上無骨滑雞
值得一試
不過信義妹都應該太大食架啦
食一個唔夠架
大家都記得要買多少少野食呀~~~~　　　

下次再試下甜既班戟先!!!!　

地址: 大圍村南道41號地下

地方寬敞~玉桃軒~

今日信義妹又出城啦~
出開城就搵下朋友聚下，始終機會難得要把握啊~
咁就飲飲茶
揀了觀塘的玉桃軒
我們係午巿價錢就放在門口

地方寬敞就算坐滿人都唔覺好迫的感覺
我地快快就點了五款美食
蒜茸通菜$58
蒜茸量充足，我們最愛
炒菜並不油膩，味道不會過鹹，濃濃的蒜味加上菜的鮮甜
大家都食得滿意

上海炒年糕$42
這個略油，不過無油亦都不能輕易將年糕炒開
所以油方面算能接受
鹹味適中
如果有辣醬提供就更好啦
配料肉絲，蘿白，菜都多
份量適合兩個女仔享用

櫻花蝦鳳眼餃 (大點)
呢個係一個吸睛既點心
朋友同信義妹一見到就哇一聲，好美啊!
皮薄，不會黏筷子
內裡的蝦夠爽夠多
而面的櫻花蝦帶微辣刺激著食慾

奶皇流沙飽 (大點)
軟綿綿的包配上奶皇甜度適中，美好的配撘
不過流沙度就略為不足

上湯鮮竹卷 (大點)
上湯濃而不稠
鮮竹皮薄，但用筷子夾起都不易穿
內裡的饀料夠軟，肉唔會實實的
喜歡清清地的朋友呢個不失為好選擇

對店的整體評分都滿意
唯對某一些員工態度有待改善
當時場內不計我地仲有兩三枱茶客
有個員工突然係我地後面講，你地究竟想坐到幾時??
其實如果我同朋友阻住你地工作，係咪都可以講得客氣多一點呢
定係你地覺得食曬就好即走啦，唔好阻住個地球轉呢?　　　

地址：觀塘開源道79號鱷魚恤中心6樓

清新無添加~BANABANA~

講到無添加，好多人即時反應係某化妝品牌
但食物無添加大家好多時都半信半疑
但呢間就係無添加的
剛同朋友食完下午茶，走過見到人山人海
就八八卦卦咁睇下
初初以為係賣PANCAKE 或者雪糕之類的甜品
原來係賣果汁的啊
相中的人龍已經不算長，因為我地買後有更長~~哈哈哈

雖然剛剛食完下午茶，但女仔總有借口再吃
反正都是果汁，再來一杯吧!!!
店內有二十多款生果可供選擇　

如果你有選擇困難的話可以參考店內的組合

或者在門口的每日精選

而店內亦都非常有創意
每一款生果都會代表一個星球
例如大家會見到士多啤利星、哈密瓜星、藍莓星等
有啲星球係要俾加$3，例如 芒果、藍莓、雜莓等　
三款就$28一杯
大家可以先拎架火箭先，再將自己所喜歡的星球放入內

信義妹就揀了哈蜜瓜、士多啤梨、蘋果　

朋友就揀了西柚、火龍果、西瓜

 人龍雖然長，但幾個靚仔店員有禮有笑容
還不時給客人意見，令到果汁的味道更好
 生果係即時切，即時榨，確保可以保留最多的營養和新鮮度
沒有添加糖
杯亦都精美

 最欣賞的就係每次拎果汁都會有張營養標纖
可以清楚睇到呢杯果汁有幾多卡路里同埋有咩維他命
越多星星圍住的就代表那款維他命越高

 信義妹的粉紅色的很美啊~~
始終離不開粉紅色的~哈哈哈~~

 但朋友就覺得營養標纖提住佢今日超標多少

 不論係超標多少又好，減肥向來都是女仔的終身事對的呢
另外本身朋友那杯係有桃的，但店舖為確保品質，不新鮮的就未能提供
這個信義妹很欣賞呢

無被老點~老點點心竹筒飯~

71放假，難得三日連假就出去外邊走一走吧
走到近近的旺角
人好似比想像中少一點，可能全都走到港島區~
不過都只是隨便走一下都可以啦
近來很多店都SUMMER SALE 啊~~~

來到差不多下午茶時間
本身都無諗住要再食架啦~
可能天氣太熱根本就無太大胃口，但朋友見有點餓就找點東西吃吧
走到老點的門前
我地被門面吸引了，張貼了很多關於食店的報導
品質有保證的感覺

 

這間係食特式精緻點心的
對於女仔來講真係花多眼亂，因為樣樣都靚樣樣都想試
鮮蝦肉餅竹筒飯 $30
飯除咗白飯，仲有加少少紅米，增加口感，亦都增加了近年健康飲食的風格
米飯會比較乾身，正正合我地的胃口
如果喜歡米飯較軟身的人，就未必覺得啱食啦
鮮蝦肉餅
蝦爽口彈牙，肉餅不會韌，滑又不太肥
另外醬汁另上，濃淡由我地自己話事　　　　

紅墨魚子餃 $20　
餃內有紅黑魚子與蝦膠做成爽脆彈牙的對比，增加口感
餃皮夠薄
味道會較濃一點，但未至於過鹹　　　　　　

蝦膠玉子豆腐 $22
玉子豆腐軟滑
蝦膠彈牙有口感

整體味道清清地為炎炎夏日帶來清新不太沉重的味道

戚風班蘭馬拉糕 $22
平時街外常見的都係紅糖或者黃糖馬拉糕
班蘭味的馬拉糕就真係第一次見
馬拉糕鬆軟又有彈性，還有陣陣的斑蘭香味
味道比平時街外的少甜，適合而家講健康的大家

高湯魚翅灌湯餃 $38
一來到跟朋友已哇哇聲
因為平時見到出面既灌湯餃可能得一兩條翅已經係好俾面
侍應一打開蓋係有數十條，真係邊度食到呀
大家都先試一下湯先
高湯濃郁但不太鹹，味邊鮮甜

再分開餃的內裡
帶子，蝦，魚肚份量都足夠二人分享
內裡的海鮮，都帶有鮮味，不會因為煮過火而味道盡失　　　

埋單連茶每人大約 $70

店舖裝修有特式
有油畫，馬賽克牆都砌有關老點字樣
大家有機會去的時候，都不妨慢慢欣賞啊
下次想試一下冰梅豬手，店員話呢個係夏日精選~~~~