距離開刀日~5日~

今日心情有點兒不是味兒
QE打電話俾六仔，通知開刀無得陪產
因為手術室繁忙
六仔就安慰唔梗要啦~~~~
小卷那次最後因為緊急開刀都無得陪產
今次預約就因為太多人生啦，所以無
反而六仔就睇得開，可能上次小卷那次佢都睇到信義妹之前又搞一輪，之後又痛一輪
所以不如今次乾脆後痛就算吧!

信義妹今日開始都有多咗咳同鼻水啦.............
忍唔住講句............唔駛首尾呼應既.........
(我係懷孕初期有感冒......)
最驚的係會惹到小卷
所以六仔就將我地隔離了
六仔跟小卷訓廳，信義妹訓房

距離開刀日~6日~

古怪的事發生了
上次臨生小卷的時候...........
信義妹部電話經常自己熄機
有時什至乎會自己開機
直到小卷出世幾日後就以後都開唔到機...............
今次又有同一情景啦
電話成日都自己開自己熄
我.............其實係想做低碳用家............
唔想咁快又要換機住呀
請你俾我用多幾年先...............

唔知小立係咪嫌地方太迫呢.............
成日都頂住...............
乜都食唔到............
食到又胃酸倒流.............
係咪諗住提議我食完唔好即刻訓呢~~
我係坐係度都會....................勁呢~~~
唔胃酸倒流的時候就嘔餐飽既

距離開刀日~7天~

最後倒數一星期
心情一定多少有點兒緊張
身邊的朋友都開始會問有聲氣未
大家都期待一個新生命既降臨

不過呢..........我腰痛加劇了不少.............
痛到完全郁都唔想郁
仲要送多兩聲咳添..........
呢次真係有夠HAPPY
每咳一下就抽住條腰...............
都唔知應該點形容好

假宮縮加劇...........
由以前久不久先問我個肚會唔會爆.........
到今日就已經問了好幾次
但係不規則入院都無用............
唯有等囉~~
同埋...........小立.................你未夠鐘啊...............
請等等............
媽媽想繽紛樂多一陣

到安全警界線~37週~

來到37週只要捱過這週都總叫做足月
小立!!! 你一定要遲一點啊
上週發現乳頭分泌帶少少血，打番醫院
醫院效率算高，很快有人回覆，並提供意見
仲安排我早一點番去產檢
所以這週特別忙
又要提早產檢，又要見麻醉科醫生
好明顯唔會同一日做曬啦
不過唔梗要啦~~~ 小立健康先最重要

產檢，助產士幫手拎分泌檢驗等結果
有得驗總叫安心
雖然上星期私家就不斷叫我照X RAY.................
但總唔想係呢啲時候照

見麻醉科醫生..............
哇~~~多人到呢...................好多科都係同一層
真係想搵個位坐下都無............
不過麻醉科醫生好靚女啊~~~~
準備充足了~~~~

不過呢~~我就開始全個人一齊腫了
難道開始了三消三腫
而家先第一腫，好，咁我應該有望38週先生啦~~~~
度度肚，42吋了
小立你記得要好好地吸收啊!!!!唔駛留番俾你媽的啊!!!

小卷相對就更痴身了
我要好好珍惜淨下來的三人家庭生活了
最後的三人行當然要拍張照留念啦
對於快做姐姐的小卷，我地都有進行心理輔導
但多少都會擔心輔導還欠缺什麼令到小卷心理質素有影響
唯有講句盡力做到最好吧!!!

把酒談心~九井水產~

有多少年無去諾士佛臺呢
今次去唔係飲酒啦~~~~係食飯
同信義弟一齊做完野就食餐飯啦
九井水產位置都容易到

坐位都寬敞
講秘密都唔怕俾人聽到
不過兩姐弟都唔會有咩秘密囉~~~~哈哈哈

信義妹好快就點咗二人餐
見樣樣都有啲，唔駛諗~~~~~

前菜
海膽豆腐
醬料味淡正正唔會蓋過海膽既鮮甜同三文魚籽既鹹
豆腐夾住來食味道豐富
再帶少少菊花既香味
充滿春日氣色

蟹籽沙律
蟹柳同青瓜同為一絲絲
切得仔細
蟹柳唔會一堆堆難以分開
青瓜爽脆
蟹籽量多，愛吃既人就一定會滿足
沙律醬份量剛好

櫻花味噌湯
一打開有櫻花蝦既香
味道不太鹹
海帶豆腐都多
愛吃海帶既信義妹就最開心

刺身來啦~~~
WASHABI係鮮磨，辣味唔會太重，亦唔會搶掉魚生既鮮味
三文魚，油甘魚，八爪魚，甜蝦
各有各鮮甜
最愛都係油甘魚

食完刺身，各種浜燒跟天婦羅送上
燒蠔
職員有提我地小心蠔殼
但味道鮮甜又多汁
味道清甜帶少少鹹
蠔殼呢種小事就難唔到我地啦~~~

雜錦天婦羅
有蕃薯，茄子，蝦，麵
茄子刀工了得，薄薄地切
蕃薯又甜又大
蝦彈牙
整體粉漿唔多

扇貝
內臟已經被清除
所以可以安心大大啖咁食
唔會有濃烈既醬油
鮮味得以保存

鮑魚
肉質彈牙帶有濃濃的鮑魚香
內裡軟唔會過火而硬

我地去既時候係星期一
正正可以用優惠價$28試蟹膏蟹肉甲羅燒
甘香蟹膏配上梳打餅
好似搽鵝肝醬的感覺
味道會比先前既菜式濃味一點
但愛膏既會食唔停口

豚肉泡菜烏冬
此菜最好味既係泡菜
辣度跟鹹度剛好
混埋本身淡淡既清湯湯底，即時變成辣湯
味道剛好!
略嫌烏冬過淋，未夠彈牙，口感比較無咁好
肉片不過不失

甜品係和菓子
有四款口味
綠茶、櫻花、桃、杮
信義妹最愛綠茶無茶苦味
信義弟就覺得杮味夠特色，又唔太甜
桃跟櫻花都帶有果香同花香
為一餐劃上完美既句號

食完超滿足
連大食信義妹都夠，份量都真係唔少呀~~~

碎碎念的~36週~

當35週的宮縮恐懼過後
就來到36週的B鏈..................
唉...........懷孕總是多野驗
但求都係平安過渡

不過我發現今次肚型跟上次的肚型不一樣
上次係西瓜肚
今次係冬瓜肚
唔知係因為乜野情況個肚型會唔一樣既呢?
係跟據著床的位置?
BB的姿勢?
定係咩呢?
按道理個肚都係同一個肚來架啦~~~~
所以我爆紋都爆得有個性過人...............
之前就因為個肚超級大..............
我覺得爆肚底都好正常啫...................
今次個肚輕形啲啦..................
就輪到小立郁既位置唔一樣..............
搞到爆肚面..............
好野!!!! 成個肚都花碌碌啦
不論我產後成功減肥與否，個肚都花曬
連比堅尼都可以慳番啦~~~~~~

呢週都有小插曲既..............
一家幾口到餐廳食TEA
信義妹經常周身痕
唔覺意抓到小腿血流成河..................
真的好似沒有停止的一刻啊
搞到餐廳經理以為我見紅都仲可以冷靜地食TEA
哈哈哈
放心吧!真的見紅，我應該無咁好閒情只係用紙巾按住出血位就算啦
結果職員幫我將傷口處理好
服務抵讚啊!!!!!

不過另一樣擔心又起了
真係咩叫有仔趁嫰生就係呢啲了吧
今次好似特別多事的呢...................

餵人奶，一直都係信義妹感到最開心的事
因為可以同小卷有親密又不能替代的感覺
當初懷有小立而幫小卷戒掉多少都帶點傷心
感覺好似有點兒缺失一樣
本身信義妹一直都以為自己是訓覺搞到自己混身浴血的時候
原來乳汁的分泌亦都好似帶多少血...................
天呀!!!我要餵人奶!!! 我要餵人奶!!! 我要餵人奶!!!
難道因為第二胎的關係，多奶所以易塞，就有乳腺炎??
我唔想未開跑就先輸一局............................
唯有打番去醫院啦...................

酒逢知己~覓炙~

有多少年無喝過酒呢~~~
自從有小卷後都滴酒未沾
酒鬼朋友就從此變成飯局朋友
每次只有飯聚告別酒聚~哈哈
今次就等酒鬼朋友飲杯吧
信義妹負責食就好啦~~~哈哈哈~~~~

店員有禮
落單後馬上遞上調味醬跟前菜
調味醬以中間的為辣，辣度算信義妹的中辣吧~~
左邊的帶少少甜
右邊的係豉油

前菜共有六碟
蓮藕
微甜帶少少少少辣，爽脆可口

菠菜
有香香的芝麻油香氣，不油膩，清新口感

泡菜
雖然顏色一般，但辣度夠，帶微酸，開胃之選

魚仔
酒鬼朋友最愛這個啦~~~下酒一流!!

豆乾
五香味濃，不太鹹，乾身

菜甫
爽脆味淡

酒鬼朋友話呢個好好飲，好想係咁飲~~

好快我地揀既海鮮燒烤餐上啦~~~~
YEAH!!!!

日本原隻魷魚
魷魚勁大隻啊!!!!
燒起彈牙味濃
唔需要沾醬都好好味

青花魚
肉質鮮嫰
魚油豐富
烤好後皮脆肉滑

赤蝦
海水味濃
肉質挺實
仲有甘香的蝦膏啊~~~~~
愛海鮮的我地食到勁開心

加洲蠔
蠔上有香草牛油燒起來除咗牛油香仲有淡淡的香草香氣
香草份量適中，無蓋過蠔的鮮味

北海道扇貝
同樣有香草牛油幫手提鮮
令味覺多一種層次
烤好後，群邊香口，帶子位鮮軟

蔬菜拼盤
都有很多的選擇
粟米、大菇、雞脾菇、車厘茄、翠肉瓜、茄瓜
每一款都新鮮
特別翠肉瓜的清甜多汁跟粟米的香甜
信義妹跟酒鬼朋友都想再來多ROUND~~~

甜品向來都係用第二個胃來消化既
再來一個心太軟
為今晚既聚會作一個美麗既總結
朱古力的濃甜配上綠茶雪糕的香
一熱一冷令到口感層次豐富

最後最讚的係燒完一大輪烤都唔會成身燒烤味道
這個一定係歸功於強力抽油煙機啦~~~~~

整餐海鮮都無用到枱面的醬料
雖然有點兒可惜，但都證明用料夠鮮先可以滴醬不沾

蟹迷注意~夏捌月~

復活節番娘家扮公主
梗係搵下有咩好食架啦
見到有人推係西鐵站附近有間食蟹膏蟹肉意粉就去試下啦~~~~

餐廳報置以掛畫為多
以STAR WAR同MARVEL 為主

當日我地大約十二點到
好彩信義妹早一步理想達到
遲一步就要等位啦~~~

忌廉湯
不太鹹，口感幼滑
如果可以多啲粟米就更好啦~~~

羅宋湯
蕃茄味濃郁
信義妹較喜歡呢款
材料都相當多
唔會因太酸而搶喉
鹹跟酸既比例剛好

加上搭配的蒜蓉包
用來沾湯就更好

主角出場啦~
蟹膏蟹肉意粉
未上枱遠處已聞到蟹香
蟹膏的甘香緊緊掛係意粉上面
每一口都充滿蟹膏
蟹肉亦都相常多
肉質爽甜
食到唔停得口

紐西蘭牛柳配薯菜 (洋蔥汁)  $64
牛柳有得揀幾多成熟
七成都唔會韌、口感鬆軟
而肉汁緊緊鎖住
加上洋蔥汁就香帶少少甜
如果少啲汁就更好啦~
薯菜就外脆內軟
另外配菜都多，唔怕食太肉會膩

餐飲有奶茶
口感香滑，茶味適中

朱古力
不過不失

飲品夠凍對於熱辣辣的下午正好消消暑吧!!

蠔蟹放題~緣聚西日~

話說信義妹愛吃海鮮
所以成日都心思思想食
好明顯呢啲懷孕嗰陣就一律被禁
難得有朋友話我知生蠔同長腳蟹都有得任食，地點仲要近我地
就梗係去試下啦~~~~

雖然間舖係地庫，但樓梯唔算難行，級與級之間唔太高
下次可以同埋老人家一齊來先

裝修特別，有好幾款唔同既牆飾
燈光夠光，座位都算闊

食物多樣化
扒類、拉麵、烏冬、燒烤、火鍋、刺身、壽司、甜品
當日我地兩個餓底都試唔曬咁多款式
要揀多日再去多次

喜愛蠔蟹就梗係第一時間點先啦
上菜速度快
蠔隻隻飽滿，海水味較淡，清洗夠乾淨，無蠔殼痴住
長腳蟹肉鮮甜，有陣陣海水的鹹味，肉質鮮嫰

跟住就上到刺身啦
擺盤相當精美，現場睇係會有出煙的
希靈魚夠爽唔酸
雖則三文魚同吞拿魚唔能夠話魚油相當豐富，
但係屬於新鮮既級別
帶子，甜蝦鮮甜
馬刀貝夠爽脆

唔喜愛生食既都有熟食推介~~

燒蠔有兩款
蒜香燒蠔
味道有點兒似避風塘燒蠔，
香辣夠，愛辣者要試

芝士燒蠔
芝士濃郁，絶對唔係少量
蠔興芝士配搭得宜
芝士控來吧!!!

三文魚鮫
外脆內軟，少少調味已經好足夠

燒海蝦
蝦唔會燒到太乾身
還帶有陣陣海鮮既香甜

壽司都係呢間值得一讚的地方
出面有啲店會係飯就大大舊
刺身就得細細塊
呢度壽司、卷物都係小型裝
可以試多幾款

芝士炸蝦卷
一口一件
芝士香濃
雖然炸蝦既脆漿略多，但都可接受

壽司以和牛壽司最為深刻
可以燒到外熟內生
肉汁緊緊包住
呢個信義妹都點了好幾次

焦糖3.6牛乳雪糕
3.6牛乳雪糕濃郁既牛奶香，口感厚實
加上焦糖脆面增加口感層次

 愛榴槤的大家都要試
榴槤雪條
又凍又軟滑
濃濃的榴槤飄香入鼻

 如果榴槤同牛乳雪糕都唔啱口味
仲有一櫃雪條等梗你~~~

 除咗雪糕雪條
仲有甜品
豆腐花、和果子、蒟蒻等等
信義妹對甜品有第二個胃都試唔曬....................
所以大家要留第三個胃來食
哈哈哈

飲品除咗餐紙上的可點
仲有兩個雪櫃任揀
以紙包飲品為多
例如荔枝果汁、維他奶、巨峰提子汁

但都有罐裝都會有
例如忌廉鮮奶

想飲酒都有唔同既酒可以俾大家揀
真係你想飲咩都可以滿足到你!

緊張的~35週~

這週六仔跟信義妹的氣份非常緊張
因為信義妹經常都訓唔到之餘
仲要加上假宮縮異常頻密
所以我地都加倍留意住動向

雖說選了開刀，但如果小立自己選擇要出世
我都唔介意順產
最好就唔好好似小卷那時"食全餐"啦
陣間"食全餐"仲"加大"
我就真係咩叫乜都試過...................

有一晚............
信義妹真係差一點就衝入院了
有規律既宮縮加痛出現了
加上不論我左擰.........定右擰...........都係條氣唔順
但..............未足月...................
心裡總是不安
唯有整晚都摸著肚皮.................
同小立傾住計..............未夠鐘.............未夠鐘...................未夠鐘.................
好!!!!講數成功...............
臨天光..................無事!!!!
再觀察幾個鐘，都無事!!!!!
好!!!
小立你要乖啊!!! 足月、足磅先!!!!
爸爸媽媽會好好的等你啊
當然...........有覺好訓就最好啦~~~