翠田坊~茶記的美味~

一向都少行去田心村覓食既
因為唔近屋企，見今日兩個都早收工
一於去下睇下有咩好野食啦~

行到見到差唔多就見到
翠田坊
都算多人幫襯
咁啱有枱就呢間啦~~~~

除咗餐牌之後
仲會有塊白板寫今晚有咩好餸既

一坐低就已經有例湯啦~~~~
湯都叫清甜，唔會淡而無味

經推介下點牛尾煲

牛尾炆得冧
骨同肉輕一咬就已經骨肉分離
薯仔同蘿蔔入曬牛的酥香味
汁就濃杰適中
搞到我地不停餸汁撈飯

下一味都係推介美極蝦

蝦炒得夠乾身
醬汁完全同蝦殼合二為一
令到連殼都想食埋
蝦夠爽夠彈牙~

總結兩味小菜都令人非常滿意