產檢週~28週~

這週真忙
政府私家兩邊走......................
差點兒全部都撞期

政府上次遇唔到冏冏醫生
今次遇到冏冏助產士
整個檢查都係專業細心的
唯獨去到交談既部份
助產士：你來檢查邊個幫你睇住大嗰個呀？
信義妹：婆婆呀
助產士：平時都係婆婆睇架？
信義妹：係呀！要番工
助產士：咁第日呢？
信義妹：可能自己湊啦
助產士：咁你會好辛苦架喎
信義妹：應該都可以既
助產士：你要諗清楚喎
（來到呢句。。。。我真係唔知自己點接落去。。。。我係咪應該應佢咁叫婆婆一湊二囉。。。。唔通老人家湊就唔辛苦。。。我呢啲點都後生信義媽幾十年就辛苦咩。。。。以前一個湊七個都係咁。。。。如果自己湊到，梗係自己湊啦）
信義妹：啊～～諗諗啦
助產士：要快啲決定架啦
（睇來佢仲心急過我。。。。其實佢係咪想叫我請工人，跟住有介紹俾我呢？？）
信義妹：好呀好呀。。。。。

好快就走啦～～～　唔駛等到天荒地老真好～～～
今次驗既時候，有點兒奇怪，第一次糖尿超標，第二次無。。。。
結果當然俾人話我無洗乾淨個樽呢樣嗰樣啦。。。。

到私家產檢
轉醫生後感覺好多了
檢查的事項多了
不過小立就仍然經常性遮住臉
搞到信義妹好似條煎魚咁俾人反左反右都唔係好睇到個樣
小立，我地只想保持性別的神祕，你就俾我地睇下似六仔定似我多啲啦