回復水平 ～財記～

係早年，因好幾次食到超失水準牛肺，牛筋，
唔止呢兩樣，基本上成間都好似失曬神咁，勁鹹，鹹到根本放唔入口。
連蠔仔米線，本身係大碗裝都變成細碗。
所以都有一段時間無幫襯。

隔咗成年，諗住試下啦！再衰既話，就真係無下次。

點知，今次比起之前嗰幾次好好多。
最少啲牛筋係放到入口鹹度適中，
魚旦就一般啦！無以前咁爽口彈牙，但都無最差既時候咁水。
米線，軟硬度適中，唔會好似之前咁一啲熟一啲唔熟。
整體都改善了！
不過我仲未食佢個蠔仔米線，如果仲係咁細就唔抵啦！