足料定食 ~千之味~

今年夏天好似特別炎熱。。。。。。熱到信義妹所有惰性都走曬出來。。。。。自然連飯都唔多想煮。。。。。 所以係今個夏天。。。。外賣都食多咗。。。

今日就去千之味買外賣啦～ 一人一個定食唔駛爭啦～ 

五色丼

三文魚，吞拿魚，油甘魚各2件，赤蝦1隻，三文魚籽～

赤蝦係巨大的啊～內充滿甘香的蝦膏，大大滿足啊～ 魚類刺身鮮甜。三文魚籽撈飯鹹味適中，口感豐富。

火炙壽司冷麵餐

火炙三文魚，三文魚腩，鰻魚，左口，熟蝦

冷麵有青瓜絲，蟹柳絲，蟹籽。麵不糊身，青瓜絲清爽， 蟹柳絲夠多，蟹籽脆口，配上芝麻醬，夏天消暑啊～

若果唔想食刺身，都有熟食既選擇～

燒汁牛肉飯定食

洋蔥香氣無遮蓋牛肉的濃郁味道，熟的洋蔥更多一點甜味，很好下飯啊～～～ 

日式豬軟骨飯定食 

豬軟骨炆得香濃入味，但又唔會過鹹，味道適中，帶少少甜口。 

定食係會有沙律和小食架～ 沙律菜新鮮不帶澀味～

因買套餐關係，所以係連飲品架～～～ 有多款飲品可以選擇～信義妹就揀咗OOHA 白桃烏龍茶味汽水 和 荔枝乳酸味汽水。

整體每份份量都充足，不論飯跟餸都合理，信義妹唔算細食， 但係都夠食。

最後值得一讚既係，店員係會自動將凍的生的刺身，壽司跟熱的熟的定食分開裝俾你的。咁就唔怕生既變成熟既，又避免容易變壞的情況。