信義藍星扎記: 有得食有得玩～沙田麗豪～

2022年8月23日星期二

有得食有得玩～沙田麗豪～

來到暑假，就係要狂歡～不論係玩定係食都要盡興～減肥係暑假絕對係口號！哈哈～

信義妹今次就一家人到 #沙田 #麗豪酒店 #濠餐廳吃喝一番。8，9月自助餐主題為東南亞海鮮燒烤為主題，分別有來自新加坡，馬來西亞，泰國等地的美食。無得外遊既情況下，讓味蕾先回味一下。

食物種類多樣化，前菜小食冷盤熱葷甜品都一應俱全。

喜歡海鮮的有（冷盤）阿拉斯加蟹腳，翡翠螺，龍蝦，藍青口，冷蝦和蜆等等。（熱食）燒蠔，燒大蝦，泰式香辣龍蝦鉗，香煎龍脷柳等等。

愛辣的信義妹就梗係唔錯過自選馬來喇沙，紅咖哩和青咖哩啦～～～亦有素食適合的咖喱可以享用～～～～信義妹最鍾意就係用脆餅沾咖喱一齊食啦～～～脆辣香濃，一試愛上啊～～～馬來喇沙可以自選餸和麵底，若不喜歡椰香，就可以選擇泰式船麵。信義妹就選擇蝦，冬菇，蘿蔔配金邊粉。蘿蔔清甜入味，蝦就爽滑。重點的喇沙湯底椰香味濃，口感厚滑。

唔喜歡辣的都有其他選擇，如果天氣好的可以係池畔享用燒牛仔骨，茄子，菠蘿，豬頸肉等等。

小朋友最開心的一定係有泰式冰飲啦～～香茅龍眼冰，西瓜冰，椰汁冰～每款冰飲都秒殺，哈哈哈～～～信義妹最愛西瓜冰，清涼解暑又解膩，飲完又可以繼續瘋狂咁食～除唔特飲，仲有一系列咖啡，朱古力，柑桔檸檬飲品，總有一款對你胃口。仲有甜品櫃，滿滿種類繁多的甜品，焦糖燉蛋，朱古力心太軟，朱古力慕絲蛋糕，綠茶紅豆卷，芝士撻，芒果慕絲等等。最有特式的就係火焰雪山蛋糕啦～～～～大家聽到手鈴聲就記得嗱嗱聲行出去啦～～～～就可以睇到火焰雪山著火既情景啦！外層火熱焦香，內裡冰凍雪糕，仲有夾著海綿蛋糕，多種口感一次品嚐。