遇到多事的人~15週~

WOW!! 今次呢張相，已經係我覺得影得最見肚的一張..........................
但無奈其他人總是覺得我係一個肥婆
(好彩唔係姓死...................)
會係見住咁衝過來..................好似見到個肚就見到個箭把咁................

好啦!話說有日要去產檢.................
信義妹住的地方有條必經之路才能到車站
咁當然係慢慢行加埋久不久當個肚好似水晶球咁搓下啦
成條路去程只有信義妹，回程只有一位叔叔
明顯地成條街得兩個，大家都必然見到大家
叔叔久不久都會望向我
當信義妹跟叔叔碰面的時候，
叔叔突然很不俏的話 ＂哼，咁細個就大肚！＂
這一刻呆了。。。。。。
自己即時都停一停，心裡　＂吓＂了一下
我差啲想攔住叔叔同佢講＂今次第二胎啦！仲有我呢個年紀仲唔生，要等到幾歲先生呢？仲有，我幾大幾細大肚又關你咩事呢？你屋企有人細個大肚唔關我事架喎。。。。。你咪俾我件衫呃到你先得架，著件笑哈哈就細既話，你都應該著番件啦！＂　
今次真係咩叫躺著也中槍。。。。。。。。。

見到六仔.........只係笑笑覺得有趣
我唯有安慰自己一句，好過叔叔話我老蚌生珠啦...........................