回到未能說的秘密 : 期待明天

**2013年8月19日**

昨晚又經歷大約45分鐘一次洗手間
唔識我可能會以為我走去TAKE 野

完全訓唔到
都唔知幾時先可以訓得好少少
唯有再睇院長時同院長講聲睇下佢有無得打救下我啦

今日仲要眼訓到想請半日假................
可想真是眼瞓到極
不斷行行企企飲飲食食都解決不了

還有到茶樓飲茶我真的沒有什麼想食.............
一見到油就不想食了
但想食魚露......................

明天就要再到醫院報到
期望所有的都是好消息吧
那我就可以好好的等待三個月後向全世界宣佈

紅D 綠D 少少經驗分享

大家睇到信義妹個BLOG 成日都提到紅D綠D
又或者見到其他討論區都有提到呢兩樣工具
今日就打算跟大家有個小小的分享
歡迎大家一齊交流一下呀~~~


Q:什麼是紅d綠d?

A:簡單來說，紅d是check排卵，綠d係驗孕用的

Q:紅d綠d邊度有得買?

A:最方便,請去yahoo 拍賣就有啦~想再平多少少就可以係淘寶。我當時都是yahoo 買就算了~

Q:紅d綠d用來test 咩呢?

A:紅d是test LH，這種hormone是排卵前一至兩日最高。當最高的時候，紅d 就會出現"強陽性"。所謂的"強陽性"就是檢測線跟對照線是一樣深色，這亦都好多人稱之為"深粗"。紅d出現深粗,即準備排卵。綠d是test HCG，這種hormone是懷孕時會升高取代了LH，所以綠d有反應,就可能是BINGO了!

Q:甚麼時候用紅d最適合?

A:以醫生通常的計法M小姐報到前14日會排卵，如果週期28日為例，大約DAY10-12就可以開始用。如果週期不定，就可以M小姐完就開始用。初初就會白雪雪什麼都見不到的，不用怕，因為卵都未準備好，慢慢就會見到有淺線("弱弱陽")，到慢慢深變為深粗的呢。若果M小姐的期是28日的，可以到DAY 26的時候再開始驗紅d。點解?因為初初綠d 不會那麼快有反應的，綠d 要等hcg去到某一個level 先會出現淺線，但紅d 相對會比較敏感會早一點出現。但不要誤會紅d 是驗孕，因為紅d 係m 小姐報到前都會有線的!!! 所以m小姐報到前有淺線不要太早開心，要keep 住加深先有機會成功呀!!!

Q:終於等到紅d 有深粗"強強陽"的出現了

A:如果想真正的準確可以用clearblue的 哈哈笑confirm，信義妹就無用............因為clearblue好貴............

Q:甚麼時候用綠d?

A:經過之前的情況..........我自己就會建議當紅d 出現超過對照線的深度就可以開始使用綠d 啦~因為太早使用綠d 其實都睇唔到有什麼，只會見到白雪雪..................就會好似我之前用的這樣........."周星馳講電話方式"來睇綠d，增加了自己的擔心。但當紅d 出現超過對照線深度的時候，綠d 多少都會有得睇架啦~~~我明白那一刻大家都會想快一點知道結果，當時的我都是，但大家都要緊記一樣，要給小b 多一點時間成長。我們每天都跟他講努力，加油，就可以啦~我當時日日都摸住肚皮跟臘腸卷講，我跟六仔會安心等待的，你自己都要加油呀!!!!我們想跟你一齊生活的呀~~(因為之前一直都見紅流啡...............唉...............有興趣可以睇下我之前的post 吧~)

Q;為什麼綠D有控有線，最後都不成功呢?

A:其實綠d 只是試紙既一種，當中有error都不奇的。加上都並非醫學上認可的用品，因為好多醫生都不會知道什麼是紅d 綠d。所以當對結果有疑問或者不肯定的時候，最好驗多幾支綠d。反正都是一角幾毫，用多幾次都不會肉痛呢~~~當時信義妹都會買驗孕棒試試看的呀~我敢講一句我當時除了clearblue 的電子棒未試過，其餘排子都試過了................clearblue電子棒未試過是因為買不到..............六仔走了好幾間..........都斷貨了..........人家等了那麼久就是想試一下電子棒 >.<'''

Q:為什麼用驗孕棒驗有，最後m小姐都報到

A: (1)有可能驗孕棒出錯

(2) 化學性懷孕，這個是我當初為什麼早晚都驗紅d 綠d 的原因......因為精子與卵子結合，進入子宮慢慢著床已經有HCG增加，但一日未鞏固著床其實都未完成整個過程，胚胎仲要痴得實長大，先叫做成功懷孕!所以當初我見到綠d 有綠都不敢太高興.............因為.........我怕到第二日綠d 無加深...................當無加深的時候.............就有機會是化學懷孕.............

Q: 什麼時候交功課成功率會比較高一點?

A: 我不能講我這個方法會比較高一點，但大家可以用來作為一個參考。因為我選這個方法下就懷了臘腸卷了。其實有些朋友會認為在紅d深粗"強強陽"的時候交功課會比較好。但要理解，"強強陽"是表示準備排卵；所以大家可以選擇在紅d 開始有輕微轉弱"強陽性"的時候，才交功課。當然，如何分別"強強陽"跟"強陽性"呢? 當你發現紅d 開始深色的時候，就可以早晚驗一次。但這個做法會令到多少有點兒緊張的，所以若果你是緊張大師就要留意了~~太緊張都會影響到成功率的呀~

我暫時就想到這些...........希望幫到大家作為一個參考啦~~~~

回到未能說的秘密 : 靚湯推介~~

** 2013年8月18日**

今日綠仍然爆深色
太好啦~
所以決定不再早晚驗了
只驗朝早就算了
始終都怕見紅見啡的情況再現
忍太耐都不太好~

結果又是在食訓、食訓同食訓訓的時間渡過
在我食訓的期間
六仔都煲好湯了
始終院長都提過我們少湯水
六仔就煲多一點啦~
蕃茄薯仔豬尾骨湯~
 

不用鹽都夠味~正呀!!!

回到未能說的祕密 : 熊貓..........................

**2013年8月17日**

今朝........確實不能說今朝..............因為都沒有睡過..............
整晚都行來行去
剛攤上床轉背就想去洗手間

朝早驗的綠d 證明我沒有眼花
仍然都是跟指示線一樣深啊~~~
加油加油~

但當到了晚上
簡直是耐力的測試
話雖明天是星期日不用上班
但總不能要我每四十五分鐘就去一次洗手間吧
我已經大約十點半攤上床瞓
之後就大約每四十五分鐘就醒一醒去一去
自己都覺得那有那麼多呢............
確實又真的有呀...............
連續幾晚都是這樣真是人都癲...................

到五時多的那一次
我忟到是講一句 "我要訓覺呀! 你忍一忍先得唔得呀!"
六仔都聽到呢...................
直到六時多.........我終於停了...............
可以安然地睡一下了

第二天是星期日就可以再睡一下
但平日上班...........可沒有這個福利.................
已經每天都熊貓妝上陣了.............

回到未能說的祕密 : 我想覺覺豬.......................

**2013年8月16日**

上班的第二日
好似仍有點不習慣
平時坐車要企都未覺得那麼累
現在企一下都覺得累了

公共交通工具的人跟公司同事大家都忘記了有口罩這麼一回事
所以為防自己身子弱
自己就罩不離身
總不想無辜辜下被感染了

晚上都不得不讚嘆臘腸卷叻叻
我的綠d 終於追到指示線了
當然這段時間跟臘腸卷的努力都要計算在內啦

可是..........我整晚大約個多小時就要起身去洗手間..........
去到自己都忍不住叫一聲
"我要訓覺....乖啦.......俾我訓啦"

結果我到天光才可以安睡.............

臘腸卷........請問.........你真的在晚上最活躍的嗎?
可否改為早上比較活躍呢?

回到未能說的祕密: 上班了~

**2013年8月15日**

離院渡假上班的第一天
今日都總算不太累
不過始終有兩個眼瞓的關口
分別是2點50跟4點30...................
總不可以在公司打渴睡吧...............
唯有頂住......

今日紅d 仍然爆深色
綠d 都加深了
叻叻呀!!

晚上發生了兩件怪事..........

怪事一
就是有位朋友仔已經估中我的情況...............
大家不要以為我一直放風出去
我只是提了.........因身體不適入院了, 未能出席gathering
就被估中了
當然朋友仔都好識做，咋唔知~
回家就向六仔匯報這個勁勁朋友仔的情況
初初提都沒有什麼大不了
誰知講到一半就肚仔小腹位劇痛............
(之前都試過痛得如此劇烈..........正想........不是又回醫院呀..............)
結果...........沒有再提.............就沒有痛了............
我還對著肚仔講，人家都是提提你同埋估到你啫，你唔駛咁小氣呀...........

怪事二
早幾日提到有睇何院長正在吃安胎藥中
初初第一劑的時候，聞到都已經反胃
我就開始成日都摸摸小腹，話若果飲完就奬你飲一啖檸檬茶
當然每次都有做啦~ 因為莫講反不反胃，連我自己都覺得要有少少東西中和一下
就在昨晚一如以往都話話飲完就飲一啖檸檬茶
兩碗(前服、後服)分別分了四次飲
前三次都有飲檸檬茶
最後一次就忘記了
飲完就開始在攤抖一下
過了5-10分鐘後.............突然肚仔小腹附近有一種猛烈扯著痛的感覺
六仔馬上遞包檸檬茶給我
啜一啖之後確實無事了

以上那些是巧合還是臘腸卷有話要講呢?
就好視乎你睇杯水是只有半杯水、還是好彩有半杯水啦
我倆就揀臘腸卷有話要講呢~
給我們一個美好的回憶都不錯呢

給胎兒一個胎名

信義妹對於未知的總喜歡爬文
爬文可以看到各人的觀點
加上自己又可以了解更多
除了爬文，打書釘亦都常做事例
等六仔時，總會走入書局打書釘
所以六仔都習慣了，只要不在原定地方，必定會走到附近書局"捉人"
哈哈

今次這篇不是爬文看書啟發出來的
是爬文看書支持的理據

講了半天都未入到正題，都是廢話省略
入正題吧~

好幾年前，信義妹已經向六仔稱呼將來的BB為"臘腸卷"
(因為我倆都喜歡小朋友，感覺上只要我們能成功開花結果，就必然會生小朋友)
大家是否覺得很怪呢
有那麼多好聽的都不叫，為何偏偏叫臘腸卷呢!?!?!!?

是基於.........信義爸的遊戲.................
帶大家時光倒流至信義妹幾歲時吧~
那時信義爸每天工作至夜深~ (好明顯細的時候不知什麼是夜深，只是當自己訓覺時間後，為夜深............)
有一個夜晚，信義媽再哄信義妹睡的時候(因為好多時睡一陣又醒..................)<=信義媽說的
突然話" 哎呀~唔記得提DADDY帶遮tim...........咁你幫我記住，明天早d 起身叫daddy 帶遮啦"
明顯地我這個單純的小朋友一聽就覺得這個是我的責任
結果整夜半睡半醒
還記得夢境裡全是遮..........................

終於半睡半醒到信義爸彷彿出門口的時間了
信義妹聽到聲就一躍而下..................(我自己估計自己應該有三至四歲了........)
攔住了信義爸....................
可是就忘記了任務................怎樣想也想不起.............(應該是最後的時候被睡魔帶走了.......哈哈)
只是記得要攔信義爸
不斷纏住
信義爸以為信義妹是扭玩......................
最終信義爸抱起信義妹
開始最被將信義妹扎起................
如下圖左上角 (找了很久才找到這張最能形容的啊~~大家不要笑我呀~)

扎的過程..........信義妹還不斷叫扎實d 扎實d~~~
最終就變了卷物的模樣繼續睡了
完全忘記帶遮一事

信義媽拍醒信義妹的時候............發現我是一卷無從入手的卷物..................
信義妹就靠自己"碌、碌、碌" 為自己鬆開的
但那一刻我睡夠了就醒起自己的"帶遮"任務................
還要跟信義媽講忘記叫信義爸帶遮，只是記得早些起身~~~

大家幻想得到嗎??我覺得自己真的像臘腸，而被就像包包的啊~
當然，大家亦都可以說不做臘腸做腸仔都可以~
但人家第一時間只想起茶樓的臘腸卷呀~

所以胎兒的胎名就是臘腸卷了 (不好意思，都是你公公惹出來的遊戲，你媽當年都是受害者呀~)
加上爬文後有很多文章都有提及，若果給胎兒一個胎名在進行胎教或溝通時都有幫助呢~

六仔亦都有問過，若果我們生兩個呢?第二個胎名又是叫臘腸卷?
信義妹的回應是................不是，是臘腸卷2 號
六仔頓時傻了眼

**** 信義爸跟信義媽都是在信義妹婚後先知，信義妹一直稱呼bb 為臘腸卷。問及究竟時...............他們竟然忘記得一乾二淨...................只記得我確實有從床一躍而下............嗚嗚..........****

大家又有無跟胎兒起一個胎名呢??
一齊分享個中故事啦~

回到未能說的秘密 : 新鞋子

**2013年8月14日**

昨晚睡得香甜
但早早醒來早餐後仍想睡
又要進入豬的日子了嗎?
若果今日情況許可的，明天就會開始上班了

六仔買了新鞋仔給我呢
應該是避免下雨天會跣倒吧
看到那麼緊張暗暗地高興呢~

回到未能說的秘密:第一日渡假

**2013年8月13日**

今天第一日在家渡假
沒有什麼大件事
沒有流啡見紅
綠d 好似深了
加油呀~~~~

晚上亦都去睇了何院長
詳情可以睇回到未能說的秘密 : 轉藥單的時候
而胸口跟小腹位置亦都有脹脹的感覺
是六仔跟我太累了而有幻覺
還是真的呢???

回到未能說的秘密 : 轉藥單的時候

**2013年8月13日**

終於到我期待轉藥單的時候了
但我從沒有想過轉藥單之前我會是那樣模糊的情況下呢
還未確定自己病因是什麼
真的是懷上了嗎
還是其他原因

既然是這樣，我倆都打算從好方面著手
走一轉何院長那邊吧
但想走一轉都需要有一定的毅力
看打了19個電話才能掛號

今日一如以往的多人
奇怪的是...............平時總會有位坐的
但今日淨位的人多了
我全程差不多是企的
企差不多十分鐘開始累了
是心理作用還是真的累呢?
但我真的要揉一揉自己的腰才能呢
加上今日無功德心的人多了更多
感冒、咳患者全都沒有帶口罩
是考驗我的抵抗力嗎!?!?!?!?!?
好像平時都不會發生的，今天一次過發生似的

終於排到院長那裡了
院長: 排便而家ok 啦~
我: 係呀
院長: 個胃無咁多胃氣啦
我: 好番啦~
院長: 未來m 呀~
我: 係呀~早幾日入咗醫院.....................(下刪幾百字)
院長: 咁得嗰4週邊有咁快呀
(我心諗:我未講自己幾時last m wor..........確實我見院長的時候應該係4wk 4d)
院長: 遲多陣就得架啦~你做咩學人著呢d 鞋呀~都唔靚呀~
我: 今日落雨咪著拖鞋啦.................
院長: 你望下曾醫師，你以後就要著呢類鞋啦
我: 啊
院長: 你個手袋要換啦
(心諗............手袋都要!?!?!?!!?)
院長: 你只可以手拎架啦
六仔: 佢係咪唔可以孭背囊呀?
院長: 係呀~佢只可以拎住，孭野就等你來啦~唔係要你來把鬼呀!你再孭個大d 既背囊啦!之後好多野要你孭架啦
(六仔笑笑口)
院長之後繼續問診
最後，我地問了幾項食唔食得，就如桑寄生蛋茶、金錢草茶
院長: 你飲我d 藥都夠架啦~係呢d 時候咪搞咁多野啦~陣間收唔到科架啦~
隨後我地就去抄坊了
抄坊的梁醫師都好細心解釋有什麼食得或者唔可以食
梁醫師: 係咪俾院長鬧咗對鞋啦?
我: 係呀
梁醫師: 咁而家知要著咩鞋未呀? 要著密頭既、保護腳指;平底既、保護腳粿，而家d人行路唔睇人架，你著呢d 鞋陣間俾人踩一踩，扭一扭就手尾長啦
(啊~原來係咁~我仲以為著平底鞋的原因主要是陀bb重會易腳攰tim)
梁醫師: 跟住咪孭手袋啦~換個細d既袋仔拎住啦
六仔: 係咪挽住都唔得呀?(意思指放上前臂)
梁醫師: 係都唔好咁重啦~呢d 野係你做架啦~知唔知膊頭有兩個穴位同bb相連(各位，我聽唔清楚係跟bb相連還是跟子宮相連，但我跟六仔就理解為跟bb 有關)所以唔好俾人拍膊頭同孭野啦~
這一刻我倆好似突然醒起一d 野............靜咗.....................
梁醫師: 人地輕輕掂下你就話啫，陣間大大力嗰陣你真係喊都無謂架啦~
我: 明啦~
梁醫師: 食咩生果多呀?
我:橙....................(其實........睇院長後，對生果非常揀擇，名單上不能食的就已經沒有食了，名單上可以食的才食)
梁醫師: 咁你都仲可以食下火龍果，蘋果既(仲有幾項都忘記了..............)
我: 好呀~
梁醫師: 你做咩個樣咁苦呀?
我: 因為早幾日入咗院.....................(又下刪幾百字....................)
確實我不得不否認我仍在擔心，因為照不到ma~ 而醫院又講了二百萬個可能...............
梁醫師: 無事架~初期正常架~ 有我地係度~ 笑下啦~苦瓜咁樣嚇親bb 架啦~
我: ok 啦~
再傾多陣之後我地就出去等拎藥啦

剛剛我倆都醒起一d 野的時候，都是回億起入院前幾天的事
那幾天我真的孭了異常多的東西(一邊環保袋，一邊手袋)
平日都沒有那麼多的，可惜那幾天要處理的事比較多，唯有把東西帶來帶去吧
那幾天每天都覺得骨頭很攰很痛，總找六仔按摩一下
頭一兩次六仔只按腳後見信義妹已經抱頭大睡就沒有按膊了
到有一天，信義妹要六仔先按膊，最初第一下都好像沒有大不了
隨後的兩三下就不得了啦~信義妹確實感到肚在抽筋還叫停
一叫停又沒有了..............當初我倆都以為是人太累了，身體各處在抽筋也不足為奇
但如今聽到，有可能當初六仔真的按中那個穴位
勿論大家聽到後是否相信
可是，我倆就深信不已

安胎的藥比一般多了........................

圖中左邊的要前服
圖中右邊的要後服....................

其實點服我都唔多想服
可惜.......................
只有頂硬上啦......................
之後飲啖檸檬茶補數.......................