午巿選擇~老表雲吞麵~

係大圍做完野攰到都唔想郁啦~~~
就又諗下食咩啦~~費事自己煮完又洗搞一輪
左諗諗、右諗諗
都係去番老表食麵啦~~~
自己一個又唔會坐得耐
呢間都算係醫肚首選啦~

一粒雲吞大約有兩至三隻蝦
蝦爽口彈牙，去殼去得好
試過食過有店啲蝦連殼都未清曬
河粉夠滑，不會太稔身
湯底不會太鹹

不過今日真係堅肚餓
食個麵食到一半發覺唔夠食
嗱嗱聲加多個菜先
通菜灼得不太淋，爽脆
可惜個腐乳醬只有鹹味，
完全無腐乳既香
雖然眼見有少少紅絲，但完全無辣味
下次都係走醬加豉油好啲~~~~